% Text title            : Shri Natesha Stuti
% File name             : naTeshastutiH.itx
% Category              : shiva, stuti
% Location              : doc\_shiva
% Author                : bhRiNgimaharShi
% Proofread by          : Aruna Narayanan
% Description/comments  : From shrInaTarAjastavamanjarI
% Latest update         : July 10, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Natesha Stuti ..}##
\itxtitle{.. shrInaTeshastutiH ..}##\endtitles ##
shrI bhR^i~NgimaharShipraNItA
shrIkailAse pradoShe naTati purahare devadaityAdivandye
      pashyantyAM shailaputryAM naTanamatimudA svarvadhUsaMvR^itAyAm |
brahmA tAlaM cha veNuM kalayati madhavA maddalaM chakrapANiH
      dhittAndhitAndhimittAM dhimidhimidhimitAndhindhimI dhindhimIti || 1||
nandI maddalavAdyabhR^idvitanute tAntAM tathittAmiti
      brahmA tAlaravaM takR^ittakR^itata ttattattakR^ittAmiti |
gAne tumburunAradau tanananAtAnAnanAtAnanA
      shambhau nR^ityati svarNasaMsadi sadA jha~njha~njhaNa~njhAmiti || 2||
chidambarasabhAyAntu nR^ittaM dR^iShTvA pinAkinaH |
bahudhA.a.anamya bhagavAn bhR^i~NgI tuShTAva sha~Nkaram || 3||
krUraM duShTatamaM svadharmaviramaM bhraShTaM shaThaM niShThuraM
      nirlajjaM kR^ipaNaM kR^itaghnamashuchiM bahvAshanaM hiMsakam |
AshApAshashatapravartimanasaM duShkIrtibhAjaM jaDaM
      kAruNyAkara bhoH pitaH pashupate doShAkaraM pAhi mAm || 4||
svapne.apyuttamagandhapuShpanikarairIshArchanAvarjitaM
      dhyAnadhyeyavichAraNAvirahitaM tuchChaM sadochChR^i~Nkhalam |
dAridryAspadamAtmavairivashagaM tApatrayasyAspadaM
      kAruNyAkara bhoH pitaH pashupate doShAkaraM pAhi mAm || 5||
karmAdistutikAraNaM paramimaM nindAkaraM ninditaM
      luNTAkaM patitaM viparyaya gatasvAntaM sadA yAchakam |
kaivalyApagataM sukhArinichayaM sarvapradAsa~nchayaM
      kAruNyAkara bhoH pitaH pashupate doShAkaraM pAhi mAm || 6||
satyatyAgadayAkShamAshamadamAdyarthAnabhij~nAnakaM
      devabrAhmaNa goprajAtithipitR^ij~nAnAtmakAnarchakam |
vishvasteShvapakArava~nchanaparairmaitrIparaM durjayaM
      kAruNyAkara bhoH pitaH pashupate doShAkaraM pAhi mAm || 7||
viNmUtrakrimimAMsashoNitamayaM medo.asthimajjAtmakaM
      durgandhaikanidhiM jarAparigataM vAtAdidoShAspadam |
dR^iShTvApi svakalevaraM kR^ishamayaM tatrApi raktaM pashuM
      kAruNyAkara bhoH pitaH pashupate doShAkaraM pAhi mAm || 8||
kiM vAchA bahuvistareNa bhagavan matsannibho bhUtale
      bhUto nAsti cha no bhaviShyati pumAn daurbhAgyachUDAmaNiH |
tasmAdIdR^ishamAtma vairivashagaM tApatrayasyAspadaM
      kAruNyAkara bhoH pitaH pashupate doShAkaraM pAhi mAm || 9||
shAperShyAmadalobhamohakaraNaiH kiM vA.adhikArairdhanaiH
      kiM dAraiH svasukhaikasAdhanatayA shushrUShamANaiH patIn |
ChAyAmAtraphalairagAravalayaiH kiM bhUshriyovA~nChayA
      sarvaM bhrAntivijR^imbhitaM hR^idaya me muktyai shivaM bhAvaya || 10||
shArdUlA~Nghripata~njaliprabhR^itibhiH sAkaM munIndrairgaNaiH
      shailAdipramathaiH harIndravibudhaishchAhaM sabhAyAM cha te |
brahmAnanda nidAnatANDavasudhAsvAdI bhaveyaM vibho
      nAnyadvA~nChitamasti me naTapate bhUyo namaste namaH || 11||
bhR^i~NgiNA rachitAmetAM stutiM nityaM paThanti ye |
iha bhuktvA.akhilAn bhogAnante yAnti paraM padam || 12||

iti shrI bhR^i~NgimaharShipraNItA shrInaTeshastutiH samAptA |

##
(This is similar to bhRingikRitashivastotraM shivarahasye
with variations so treated separate)

Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}