% Text title            : Parapanchashika or Anuttaraprakasha Panchashika
% File name             : parApanchAshikA.itx
% Category              : shiva, kAshmIrashaivadarshanam
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Latest update         : July 20, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Parapanchashika or Anuttaraprakasha Panchashika ..}##
\itxtitle{.. parApa~nchAshikA athavA anuttaraprakAshapa~nchAshikA ..}##\endtitles ##
|| OM namo.anuttaraprakAshasha~NkarAya ||
akR^itrimAhamAmarshaprakAshaikaghanaH shivaH |
shaktyA vimarshavapuShA svAtmano.ananyarUpayA || 1||
shivAdikShitiparyantaM vishvaM vapurada~nchayan |
pa~nchakR^ityamahAnATyarasikaH krIDati prabhuH || 2||
pR^ithagarthamarthavattA vishvavishvasharIrayoH |
na vishvavishvavapuShorbhinnatA kApi tAttvikI || 3||
bhede sattAsphurattAbhyAM bhinnaM kiM tu jagadbhavet |
sattAsphurattAsambandhAtsattA bhAnaM cha tanna chet || 4||
asataH kiM satastAbhyAM sambandhaH so.ayamiShyate |
svarUpalAbhasulabhaH sambandho nahyavastunaH || 5||
na labdharUpasambandhe tAbhyAM kiM chidapekShyate |
apekShAyAmavasthAnaM na syAdetasya ki~nchana || 6||
svabhAvataH sphurattA cha sattA cha na vinAshinI |
vinAshAnabhyupagame jaDatApi nivartate || 7||
tato gatyantarAbhAvAchchideva parishiShyate |
satashchidaikyaM prakR^itaM kadA chinna nivartate || 8||
prakAsho.ananyato bhAvaH svAtantryollAsakevalaH |
pariChinnAtmikA shaktiH shambhorvishvAtishAyinaH || 9||
yatprakAshAtmakaM sarvaM tamaHkevalatAM gatam |
yachcha ki~nchchijjagadetatprakAshAdatirichyate || 10||
vimR^ishyasaraNIM prAptamityeShA tAttvikI matiH |
avabhAsaikatAnAnAM matirekAtra sAkShiNI || 11||
kiM pramANairvarAkaistaishchidAnuprANitAtmabhiH |
nahi vaikartanaM jyotirdIpAlokamapekShate || 12||
shaktipAtapavitre.asmindhItattve cha parIkShyatAm |
AdarshavimalAbhoge na tu sarvaM prakAshate || 13||
itthaM chidAtmakaM sarvaM ShaTtriMshadbhedatattvataH |
Adau shuddhAtmakaM tattvaM pa~nchadhA tamasaH param || 14||
shivaH shaktishcha sAdAkhyamIsho vidyeti bhidyate |
akShAdishAntavarNAtmAniramAyi shivena tu || 15||
kalAvidyArAgakAlaniyatirbandha uchyate |
mAyApUrvo vakArAdikShakArAntAkSharAtmakaH || 16||
pumA~nshaktirmano buddhiraha~NkArAdipa~nchakam |
shrotrAdipa~nchakaM tAdi TAdi vAgAdipa~nchakam || 17||
tanmAtrapa~nchakaM chAdi kAdi vyomAdipa~nchakam |
sisR^ikShoH prathamaspandaH shivatattvaM vibhoH smR^itam || 18||
ichChaiva sAparimlAnA shaktitattvamuda~nchayan |
svechChayA sUchitaM vishvamAchChAdyAhantayA sthitam || 19||
sa eva tattvaM sAdAkhyaM sarvAnugrahaNodyatam |
sa eveshvaratattvaM syAtpashyanvishvamidantayA || 20||
idantAhantayoraikyamiti vidyA nigadyate |
svA~NgakalpeShu bhAveShu mAyAtattvaM vibhedadhIH || 21||
mAyAgR^ihItasa~NkochaH shivaH puntattvamuchyate |
ayameva hi saMsArI jIvo bhoktaiva dR^ishyate || 22||
j~natvakartR^itvapUrNatvanityatvAnyasya shaktayaH |
tatsa~NkochAtsa~NkuchitaH kalAdyAtmatayA mataH || 23||
mAyAtmakaM kalA nAma ki~nchitkartR^itvakAraNam |
vidyA ki~nchijj~ntAhetU rAgo.abhiShva~NgakAraNam || 24||
kAlaH parichChedakaro niyatishchedameva me |
kartavyaM nAnyadityeShA vyavasthA yantraNAkR^ItiH || 25||
prakR^itirguNasAmyaM syAdaha~NkArAdijanmabhUH |
ahaM mamedamityetadbuddhiheturaha~NkR^itiH || 26||
buddhiradhyavasAyasya kAraNaM nishchayAtmanaH |
sa~Nkalpasya vikalpasya bIjaM mana udIryate || 27||
vachanAdeshcha shabdAdervAgAdishravaNAdikam |
kAraNaM shravaNAdInAM grAhyaM tanmAtrapa~nchakam || 28||
AkAshAdyavakAshAdikAraNaM bhUtapa~nchakam |
parAparAshaktimaye shuddhe vidyAdipa~nchakam || 29||
tadanyadaparAshaktirityetattattvamIritam |
iyaM devI parA shaktiH shuddhAshuddhAdhvagarbhiNI || 30||
pR^ithivyAdIni tattvAni yadA lInAni kAraNe |
tadA kAraNamAtrANi bahirudvamate vibhuH || 31||
anuttarechChe unmeSha AnandeshanamUnatA | (unmeShe)
kriyechChAj~nAnashaktInAM sattA chochChUnatA cha ShaT || 32||
ichCheshanAntarArUDhA sphuTAsphuTajaganmayI | (sphuTAsphuTajaganmayAH)
chatvAraH parato varNAH ShaNDhAtmAnaH prachoditAH || 33|| (ShaNDAtmAnaH, ShaT + AtmanaH)

anuttarAnandarUDhA sphuTasphuTajaganmayAH |
chatvAraH parato varNAH ShaNDhAtmAnaH prachoditAH || 34|| (ShaNDAtmAnaH)

anuttarAnandashAktistrikoNAdvR^ittiyogataH |
tathaivoneShayogena kriyAshakteH sphuTaM vapuH || 35||
uktaM trishaktisa~NghaTTAttrishUlaM dvaitaghasmaram |
parasparavirodhe tu kAryeShu pravirohati || 36||
na katha~nchidupAdeyamAsAM rUpamidaM bhavet |
bindurvedyasya saMskAro vimarshaH sarga ityasau || 37||
kalAShoDashakAkArA shaktirvijayate parA |
tithayaH pratipatpUrvAH pa~nchadasheti mAyayA || 38||
sUryAchandramasau svAntashcharantau sthitihetave |
yathA vimarshavapuShaH sargasyAdyAH kalAH smR^itAH || 39||
dvidheyaM mAtR^ikA devI bIjayonyAtmanA sthitA |
nityapravR^ittashR^i~NgATavapurvishvasya janmabhUH || 40||
hR^idayaM bIjametasyAM sAraM yattatparaM mahaH |
vaTabIje yathA vR^ikShastathAtra nihitaM jagat || 41||
vichAryamANe naivedaM kAraNAdatirichyate |
mR^idAdeH kalashAdInAM tattvaM nAnyannirUpaNe || 42||
ityAhustattvavAdinyaH shrutInAmantimA giraH |
idaM sarvaM sadevAsIdagre iti vinishchayAt || 43||
sattAvAchini bIje.asminbhAti mAyA tvidaM jagat |
viluptapratyayAkArametatsa parishiShyate || 44||
tato j~nAnakriyAsAravidyeshvarasadAshivAH |
shaktitrishUle lIyante chaturdashakalAtmani || 45||
UrdhvAdhaH sR^iShTivapuShi sarvaM lInamataH param |
itthaM parasyAM saMvittau sarvaM sa~NkuchitaM kramAt || 46||
athavA manasAtIte yatra kvApi nira~njane |
ShaTtriMshattattvalaharIkalahAtItagochare || 47||
vishvAtmani mahAmantre svabhAve sA vilIyate |
kutashchinmathite dhAmni dIpte kenApi hetunA || 48||
sarvaM haviridaM juhvanna dAridryeNa pIDyate |
pa~nchapa~nchAtmakaM vishvaM pa~nchaspandavijR^imbhitam || 49||
sa~NkochayatparAmarshAtsAmAnyaspandakevalam |
ahami pralayaM kurva.nnnidamaH pratiyoginaH || 50||
parAkramaparo bhu~Nkte svabhAvamashivApaham ||
iti ShaDadhikatriMshadbhedaprasaktajagattanuH
      prasarati mahAshaktyullekhavichitramahApaTI |
jayati bahushaH spandAkArA parA chidanuttarA
      vimR^ishata janAH kiM no bhUyaH svabhAvavijR^imbhitam ||

|| iti shrImadAdyanAthavirachitA anuttaraprakAshapa~nchAshikA samAptA ||

##
For shlokas 32 and 33, the reference text mentions:
##anuttaretyAditripadyeShvarthAsa~NgatyA pAThAshuddhiH pratibhAti |##

The respective lines of shlokas are found to have been
cross-referenced in the commentary of ``yoginI hRRidayam''
(by Pt. Vrajavallabha Dwivedi) and have been added from there.

Two Sharada manuscripts of this composition are having some
differences amongst themselves as well as with cross referenced
shloka in the above-mentioned commentary of ``yoginI hRRidayam''
wrt some words in these lines.

Readers can consult subject experts and/or study further to
derive their own inference.


Encoded and proodread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}