% Text title : Parashambhumahimnastava % File name : parashambhUmahimnastavadUrvAsa.itx % Category : shiva % Location : doc\_shiva % Author : Rishi Durvasa % Transliterated by : Sunder Hattangadi % Proofread by : Sunder Hattangadi % Latest update : August 22, 2015 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Parashambhumahimnastava ..}## \itxtitle{.. parashambhumahimnastavaH ..}##\endtitles ## shivAbhyAM namaH parashambhumahimnastavaH anukramaNikA shlokasa~NkhyAsahitaM 1 upodghAtaprakaraNaM prathamam || 1|| 18 2 parAshaktiskandharashmiprakaraNaM dvitIyam || 2|| 7 3 ichChAshaktiskandharashmi prakaraNaM tR^itIyam || 3|| 8 4 j~nAnashaktiskandharashmiprakaraNaM chaturtham || 4|| 6 5 kriyAshaktiskandharashmiprakaraNaM pa~nchamam || 5|| 12 6 kuNDalinIshaktiskandharashmiprakaraNaM ShaShTham || 6|| 6 7 mAtR^ikAshaktiskandharashmiprakaraNaM saptamam || 7|| 10 8 ShaDanvayarashmivivekaskandhaprakaraNamaShTamam || 8|| 5 9 pAvakadhyAnayogaprakaraNaM navamam || 9|| 11 10 mahAvibhUtiprakaraNaM dashamam || 10|| 17 11 antaryAgopAchAraparAmarshaprakaraNamekAdasham || 11|| 8 12 shAntiprakaraNaM dvAdasham || 12|| 12 13 upasaMhAraprakaraNaM trayodasham || 13|| 21 pUrNastavashlokasa~NkhyA 141 \medskip\hrule\medskip 1\. prathamaM prakaraNaM upodghAta anekashaktisa~NghaTTaprakAshalaharItanuH | shuddhasaMvichChivaH pAyAdvibhuH shrIparameshvaraH || shrIshambho te mahimnaH stutipatharachitAH sA~NgavedAH sashAstrAH siddhAntAH sA~NgavidyAH sachakitamatayo naiva pashyanti pAram | sAdyantAstvAmanantaM paramashivaguruM te kathaM varNayeyu\- stasmAtpraj~nAnusArAdahamapi bhavataH staumi ki~nchichcharitram || 1|| kvAnandAtmaprakAshastava paramahimApArapIyUShasindhu\- stvadbhaktyAmodamagnAH kva cha kavimadhupA brahmaviShNupramukhyAH || shrIshambho mohajR^imbho na janayati parAM svAtmavattAM kimeta\- chchitraM tadvanmayApi svamativibhavataH stUyase tvaM na doShaH || 2|| shrImadbhirdR^ishyabhAvairahamahamidamityAtmajR^imbhAdhirUDhai\- rnAnArUpaiH padArthairanavadhivibhavairAshudedIpyamAnaH | sarvAtItastvamekaH parashivacharaNa svaprakAshAtmashambho nAnyastvattaH paro.astItyahamiha guruNA tvAM svabhAvairavaimi || 3|| AtmaivaiSha svakIyo niratishayachidAnandasadbrahmapUrNo jihmaH saMsArabhAvairatiduradhigamairAttamAyAvilAsaiH | sarvAtmatvAdanantastava shivamahasaH shrIguroH satyavAkyaiH nistarkopAdhibhedaiH paramapuruSha te tattvamadvaitameti || 4|| dIkShAM yaH shAmbhavIyAM shivaguruvihitAM divyabIjAgamoktAM prApya shrIshammutAdAtmyavitaraNachaNAM janmamR^ityuprabhetrIm || bhitvA bhedyaM pashutvaM parashivacharaNadhyAnayogena pUrNaH svAghorabrahmavidyAviditaparapadaM brahma sa praiti vidvAn || 5|| brahmANDaM piNDametatpitaramiva sutastatsamaM naikadharmaM vij~nAyAj~nAnamuktaH shivaguruvachanairAtmavij~nAnashAntaH | sarvAtmaikaprabhoste parashivacharaNArAdhanAsaktachitto yaH ko.apyekaH sa yogI jayati janimR^itI bho mahAmR^ityumR^ityo || 6|| piNDe ShATkoshike.asminnavavivarapure pa~nchabhUtendriyADhye puMske straiNe cha ShANDe shivaguruvachanairatra vij~nAyase chet | kenApyannAsuchittapramitinirupamAnandakoshAttarAshi\- stvaM ShoDhA bhinnamUrtiH parashiva sa budho vishvarUpatvamIyAt || 7|| sarvesha shrIpuresha tribhuvanabhavanavyaktayaH shaktayaste\- .nantAdyAH shrIparAdyA niravadhivibhavA mAtR^ikAntAH kShakAntAH | vij~nAtAH syuH svarUpe yadi shivaguruNA vishvadR^ishyaprapa~ncha\- svAtmajyotirvilInAnvidadhati viduSho yoginaH saiva muktiH || 8|| yA ShoDhA pa~nchadhA cha prakaTitavibhavA shrIparA deva shambho saiva shrIsundarIti shrutibhirabhinutA chakrarAjAsanasthA | sarvatrAnekakoTiprakaTitagaNanAyoginIrvyashnuvAnA tvattejo.antarnirUDhA rachayati jagatAmAdimadhyAntakAlAn || 9|| yA shaktiH pa~nchavAhapravahaNalaharIvyaktanaijAtmatejaH saMvartAgniprapItatribhuvanajaladhiH kAlasa~NkarShaNI te | dikkAlAtItamUrte parashiva mahatAM bhaktibhAjAmavidyAM mR^ityuM vij~nAnadAnAtpraharati viduShAM tanmahatvaM tvameva || 10|| sarvaj~no nityatR^iptaH sadasadubhaya~Ngo.anAdibodhaH svatantro nityA luptAtmashaktirnirupamacharito.ananta itya~NgaShaTkaiH | ShaTchChaktivyaktabhAvastvamiha yadi shiva j~nAyase deshikoktyA yena svAtmanyanAdau sakalavilasitaM te parAyAH sa bhedaH || 11|| gAyatrI vedadhAtrI shatamakhaphaladA vedashAstraikavedyA chichChaktiM brahmavidyA paramashiva tava shrIparAM vyAkaroti | shabdabrahmaikyavAchyAmakhilamatamiti vyaktatattvAmavAchyAM saptasrotovibhUtiM tribhuvanamayatAM tattvataH sarvaturyAm || 12|| saMsArAsArabhAvapravahaNachaturAmAdishaktiM parAM tAM svAtmAbhinnAM viditvA vapuranumatibhirnAvR^itAha~NkR^itisthaH | trailokye brahmavishvaprasaramanavadhisvaprakAshaprapUrNaM j~nAtvA muktaH sa yogI bhavati gatabhavastvatprasAdAnmahesha || 13|| vishvesha svaprakAshaprasaramiha vinA nAnyadastIti tattvaM mImAMsArUpametattava paramaguro shrImukhAmnAyajAlam | svapratyakShaM vihAya svarahitamiti chedasti chAnyatra tattvaM ye dhIrAstarkayeyusta iha janimR^itIrApnuvantya~NgabhAraiH || 14|| na brahmA viShNurudrau surapatiramarA nAsurA naiva pR^ithvI nApo.agnirnaiva vAyurna cha gaganatalaM no disho naiva kAlaH | no vedA naiva yaj~nA na cha ravishashinau no viyanno vikalpaH svajyotiH satyamekaM jayati tava padaM sachchidAnandamUrte || 15|| shambho saiddhAntikA ye svamativibhavato.akharvagarvAH pramANaiH mImAMsante bhavantaM bahumatajanakairAvR^itA shuddhavidyaiH | anyonyaspardhinaste kathamiha bhavatastattvamIyuH svatejaH sarvAtItaM vikalpagraharahitamajaM mAnatarkAdyagamyam || 16|| dhIrAH kechinmahAnto guruvachanaratAstyaktasaMsArabhAvA niHsha~NkAghoravidyA pariNatamatayaH sarvasa~NkalpamuktAH | tvatkAruNyAkShilakShyAH paramashiva bhavatsAdhakAH puNyapApaiH kR^ityAkR^ityairvihInAH parapadavibhavaM tvAM prapashyanti vishvam || 17|| siddhAntaH shAmbhavo.ayaM shivaguruvachanAghoravidyAkSharoktaH stotravyAjena nirvAhyata iti bhavataH shrIvibho chApalaM me | atra nyUnAtirekoktijanitamasakR^itkShamyatAM dAsabuddhyA machchittasthaH prameyaM samupadisha paraM mAtR^ikAvarNarAshim || 18|| iti shrIdUrvAsakR^itaparashambhumahimnastave upodghAtaprakaraNaM prathamam || 1|| \medskip\hrule\medskip 2\. dvitIyaM prakaraNaM parAshaktiskandharashmi shrImadrashmiprabhAvaM tribhuvanabhavanavya~njakasvAtmadIpaM ko vA vaktuM niruktyA prabhavati yatadhIrAttasamyagvimarshaH yatra brahmAdividvanmatirapi vigatiryAti bhItyA vinAshaM shrutyA sArdhaM sa kena pravitatamatinA varNyate te mahesha || 1|| ShaNNAmapyanvayAnAM kShitijaladahanasparshanAkAshachetaH\- pIThasthAnAM parAdyAH parashiva bhavataH shaktayo mAtR^ikAntAH | brahmAdipretasiMhAsanagatavibhavaistAvakIyaiH ShaDa~NgaiH dvAtriMshadrashmimukhyAH svakiraNakaraNavyAptavishvairvibhAnti || 2|| buddheH samyagvimarshaprakaTitasaraNerarthavadvAkpravR^iteH yatra sthAne turIye navakalitamahAvAkyatattve vinAshaH | tatkiM jyotistamo vA sadasadubhayagaM kinnvamUrtaM nu mUrtaM nirdhArashchedvinAsho na hi mativachasAM deva tasmAtparastvam || 3|| j~nAnaM yogaH prakAsho vidhirubhayamatirdehadhIH prANashUnyA\- ha~NkArashchAdhikAmaH svaviShayamanaghaM chAshrayannantarAste | ityAtmAkAshasattA tava parividitA samyagetatprameyA\- dhAreShvantarghR^itaM yatpayasi tilachaye tailavadbhAsi hIsha || 4|| ShaTtriMshattattvapuShpastabakaparimalastAvakIyaH sa tejaH\- kalpadrushchetprabuddhaH shivaguruvachasA sarvataH svAnubhUtaH | advaitabrahmabuddhiM janayati viduShAmeSha evAsmadAdi\- brahmAntAtmaprapa~nche vilasati na paro.astIti chetpArijAtaH || 5|| svapratyakShe.api tattve karatalaphalavadvetti nAsau svarUpaM nAnAsiddhAntajAlapralapitajanitAj~nAnamohAndhakAraiH | AkrAntaH puNyapApairadhigatanidhanairAtmakarmaNyanAdau heyopAdeyabuddhyA bhava iti vihitaste mahAmAyayesha || 6|| eko.asau lakShaNaishchedakhilatanugatairindriyArthairanekaiH bhinnaH svAtmaprakR^ityA vidhijanimR^itibhiH sannibaddhaH kimetat | devatvaM mAnuShatvaM vapuShi mujagatAM sarvajIvAtmakatvaM dhatse shailUShavatte smarati na tu padaM shrImahAdevamUrte || 7|| iti shrIdUrvAsakR^itaparashambhumahimnastave parAshaktiskandharashmiprakaraNaM dvitIyam || 2|| \medskip\hrule\medskip 3\. tR^itIyaM prakaraNaM ichChAshaktiskandharashmi sattvaM chittvaM mahattvaM tava paramagurorAtmashakteH parAyAH piNDIkR^itya prakR^ityA prathamaratipativyAjakAlAntavahniH | bhUtvA saMsArasR^iShTisthitilayanilayAdyAti toyArNavAntaM tanvAno nirmamechChastvamiha vijayase viShNumAyAvibhUte || 1|| mAyAyAmantarasthaH kusumashararasastAvakIyaH svakAle j~nAnaj~neyapramAtR^iprakaTitamahimA svaprarohaprasAraiH | utpAdyAdyaM viri~nchaM tadanu bhuvanatAmAtmanA vyashnuvAno bIjAkAraH svayambhUriti kathayati te nAma vishvAtmasR^iShTeH || 2||. AdikShAntArNasR^iShTiM tribhuvanabhavanAbhAsabhUmiM shivAdi\- kShityantAtmIyatattvAvalivikR^itagatiM vaidhasANDAntabhUmim | AtmIyAnuttarechChAguNaparavashatAM prApya saMvyashnuvAnaH shrIshambho vishvasR^iShTirbhavasi nijamalatrayyupaproShitAtmA || 3|| chatvAraH kAlatattve tava yugapatayaste cha dhAtushcha putrAH vyAkhyAtA dvAdashaite sthitikR^itividitAH sAvatArAH sadArAH | shrIkaNThAdyAshcha nAthA dhR^itayugavidhayastvanniyatyutthitAntA\- shchaitanyA eva tasmAtsthitiriti viditastvaM sahasrArkadIpte || 4|| AtmIyAnAdirashmIniha bhavajanitAnekasiddhAntajAla\- vyAmohodyadvikalpAnR^itanijaviShayAnpuNyapApAdibhedaiH | durj~neyAndeshikoktyA pravimalavapuShi svaprakAshaikavahnau svAtmatvena prabuddhA~njhaDiti vijayate yastvadAtmAvirodhaH || 5|| jAgratsvapnaprasuptiprakaTitavibhavairAtmamAyAguNaiH svai\- rj~nAnechChAkrodharUpairvidhihariharakairAvR^ite mokShamArge | pAnthAH kechitsudhIrAH shivaguruvachanaj~nAnashAstrAgnidIptA\- stavatkAruNyaikarakShAparivihitabhiyastvAM prayAntyAdimUrte || 6|| tvaM mAyAkAmadevaprathamamasi tataH svasya sR^iShTau vidhAtA rakShAyAM viShNurante prabalataramahArudramUrtiH svamUrtau | satyo.anantaH pramAtA shivagururiti cha svAtmamUrtiprabhAvaiH svechChAvasthAguNADhyo.apyaguNa iti vibho vastutaH stUyase tvam || 7|| ichChAshaktyA yayaitatkabalitamakhilaM te jagajjAlarUpaM sR^iShTisthityantavR^ityA sarasi jaladharAsAratulyAtmagatyA | saivAnantAntara~NgaprasarabahuvidhAnekasa~NkalpabhAvai\- rAvirbhUtvA tvadai~NgaprakaTanakR^itaye bodhasindhustvameva || 8|| iti shrIdUrvAsakR^itaparashambhumahimnastave ichChAshaktiskandharashmi prakaraNaM tR^itIyam || 3|| \medskip\hrule\medskip 4\. chaturtha prakaraNaM j~nAnashaktiskandharashmi saMvedyaM tattvajAlaM parashivadharaNImUlapAraM vichitraM karmAnantaprapa~nchaM nirupamamahimAnAdimadhyAvasAnaH | brahmAnandAmR^itAbdhiH samarasavidhunA jR^imbhitasvAtmabhAso hetutvena prabodhajvalana tava mahAj~nAnashaktiM vyanakti || 1|| gojaM kShIraM yathaikaM dyutivividhaguNasvendriyArthaprakAsho.a\- pyekastadvarNanAnAruchiradhikaraNasyaikatA kAraNena | nIlAdyAbhAsabuddhyA nabhasi parivR^ito dhUmabhAsairivAgniH prAchuryeNa pradIptaH paramashiva tataH satyavishvAtmakastvam || 2|| nityAkhaNDaprakAshAdamalataravibho tvatsakAshAtkadAchi\- nmAyA sa~njAyamAnA triguNamukhagaNavyaktashaktisvabhAvA | siddhAntairbhinnamAnapramitibhirasukhairbhedabuddhipradhAnaiH saMsAritvaM prasArya dR^iDhayati bhavataH satyatAM vedavidyA || 3|| anyaH pakSho.athavAtra pravimalakalanAnantashaktiprakAshaH satyAkhyaH so.api yatra pravilayamayate shUnyagarte tadAtmA | yauShmAkaH satyabhAvaH sa cha nijamahasAM kAmarUpAtmamAyA\- mutpAdyaitatprapa~nchaM ghaTayati tadidaM vyashnuShe svAtmayone || 4|| aikyAchChichChaktayoshchedidamahamiti cha dvandvabhAvasya jIva\- brahmAdidvaitabuddhyordinakarashashinoraNDavidhyaNDayoshcha | prANApAnAkhyavAyvoH sukR^itaduritayoH syAdyadA sAmarasya\- prAdurbhAvastadA tvaM bhavasi sadasadAnandanAthaH paro.agre || 5|| seyaM vij~nAnashaktistava shivaguruNA darshitA nityashuddhA nirdvandvabrahmatattvaM gamayati sudhiyAM sachchidAnandapUrNam | loke meyapramAtR^ipramitibhiriti chedarthitA bhinnamArgAH mudrA nAnAsvarUpAH prakaTayati mudAha~NkR^itisthAH paresha || 6|| iti shrIdUrvAsakR^itaparashambhumahimnastave j~nAnashaktiskandharashmiprakaraNaM chaturtham || 4|| \medskip\hrule\medskip 5\. pa~nchama prakaraNaM kriyAshaktiskandharashmi buddhij~nAnendriyANAM nijanijaviShayAsvAdabhogaprabodha\- kShIrAbdhiH prodyadichChAmR^itakaraNaruchA vA~NmukhakShAlitaishcha | sa~NkrAntashchAlitArthaprasarabahupathaH svAtmamAyorupUra\- truTyadbrahmANDabindUnvikirati tava chettvaM shivAtaH kriyAtmA || 1|| suShTisthityantalIlAvakalitasaraNiryatprayatro yadIyaM dhairyaM vikhyAtavIryaM sakalamiti gatA yasya buddhiH samR^iddhA | yatsAmarthyaM prabhUtaM niravadhigaNanAjANDarudrANDabhANDA\- gAraM yadbrahmasattA jayati tava manorUpavishvAtmakatvam || 2|| saMveshaM dUradeshaM kalayati sakalaM karmakR^ityaM cha tattvaM svaM yadbAhyendriyANAM chalanamapi vinA svAntamantaHprakAsham | tatte vIra svatantraprakR^itinigamanaM nirgatopAdhitarkaM bAhyAkhyAdarshanArthaM vimalashiva tatastvaM hR^iShIkAshrayAtmA || 3|| yadvannyagrodhabIjaM pR^ithutaraviTapAnokahatvena rUDhaM sAmarthya darshayestvaM paramashiva sadA satyavij~nAnabIjam | ichChAkShetre subuddhIndriyakulakalitaM sarvataH svakriyAbhiH svAtmAnaM vishvarUpaM prakaTayasi yadA tvaM tadA gocharaH syAH || 4|| svAtmAsheShAkShavR^itteH pR^ithagayanatayA kvApi bhUtAni pa~ncha kvApi prekShAprapa~nchaH kva cha ninadamukhAH kvApi vAkyAdayashcha | etaireva pravR^itto nijaviShayatayA sarvavishvAtmajR^imbha\- stasmAttvaM lokamukhyo.advayamiti rahitaH svaprakAshaprameyaH || 5|| kAlAvasthAshcha tisro girisha dasha dishaH saptadhA bhUmirApo nAnA tejaH samIrA dasha viyadakhilavyApi chaikAdashAkShAH | bhinnArthAnantabodhaprakaTitamahimA bIjabhedAstvanantA\- stvatsaktA bIjajAtAH svaguNamanusarantyeva te deva sattvAt || 6|| pa~nchAshadvarNamAlA bahuvidhaninadochchAraNAttattvajAla\- vyaktivyApArasaktA girisha gurumukhAmnAyavidyAsvarUpA | dhAtrAdyutpattipUrvaM shrutimukhavividhAnekasiddhAntavidyA nAnAbhAShAkriyAbhiH prakaTayati tataH saiva te sA~NgavedAn || 7|| varNebhyo dhAtavaH syurvividhapadachayastadbhavastena vAkyaM tasmAjjAtaM pramANaM vividhanigamanaM tena siddhAntajAlam | tasmAnnAnAtmatattvaprakaTanamiti yattattvavidyA tvadIyA tvaM chedeko.advitIyaH kramarahitamahAsaMvidAtmA maheshaH || 8|| yaj~nasthAnaM shmashAnaM sakalamiti gR^ihaM bhAsvado~NkArapIThaM prAdurbhUtaprayANasthalamiti vipulaM kalpavR^ikShAdhirUDhaiH | saMvItairbhairavaishchoragapatigaNapaistatra divyArghyapAtraM vahnibadhnenduklR^iptaM parashiva sakalaM vyashnuShe svAtmanA tvam || 9|| chitpUjA dR^ikkriyAtmA gurukathitamahArudramUrtiH samantA\- dAtmIyaira~NgadevairadhigataviShayAjyAhutirnirvikalpaH | niShkAmairAtmakAmairupachitayajanashchitsvatantrairatandrai\- rAtmAgnau brahmavidyApariNatamatibhiH shrIvibho hUyase tvam || 10|| dvaitaM yatrAnaghedhmaM pashuradhipishito mR^ityurakShANi jihvA\- havyaM chAtha prabodhaH prakaTahutavaho nirmalAtmaiva hotA | adhvaryuH svachChacheto gurumukhaviditA mAtR^ikodgAtR^ivargaH svAchAryo deshikendraH paramakhamugasi tvaM paraH shambhurIshaH || 11|| yAgAshchAnye sakAmaiH pashubhiriha kR^itAH sarvasiddhAntakR^ityAH nAnAyaj~nakriyAshcha tribhuvanabhavane chitrakarmaprasArAH | vishvotpattipratiShThApraharaNavidhayaH svakriyAshaktibIjAH sa~njAtAH sarvatastvaM prabhavasi manasA chitranirmANamUrte || 12|| iti shrIdUrvAsakR^itaparashambhumahimnastave kriyAshaktiskandharashmiprakaraNaM pa~nchamam || 5|| \medskip\hrule\medskip 6\. ShaShThaM prakaraNaM kuNDalinIshaktiskandharashmi nityA luptAtmashaktiH sakalatithiphaNApa~nchadashyA pradIpta\- struTyAdInkAlavAyUngrasadururasanashchakravalmIkavartI | samyak chaitanyagumphairavagatakiraNo vishvajR^immaikabhartA kR^iShNAdhvArkenduyonirbhujagapatitanustvaM tataH kuNDalIshaH || 1|| svasthAtmA chittapUrvaM ravishashipadavIM pUritAMshuprachArAM dIpAntarvahnivedhairavitatagatibhirbodhitAdhArashaktim | tattachchakraprabhedodbhavavividhamahAshabdarUpAmananta\- brahmAnandapravAhAmanubhavasi parAmAdisauShumNamUrte || 2|| yasmAtprANaH prarohatyuparigatiradhaH sampradhAvatyapAna\- stasmAdevAvirodhAttadubhayajanikR^idvAyusaMrodhamAtrAt | vidyAvidyAdiyugmaprasarasamarasAmbhodhijR^imbhairadambhaiH sArdhaM haMsaH parasminmahasi khalu layaM praiti te prANasUtraH || 3|| sarveShAmindriyANAM nijanijaviShayodyotanaM yatprasUtaM sArAH sarveShu karmasvanupamaviShayAH sAdhvasAnandakopAH | yajjAtAH sarvanADIpathachaladanilavyAptayaH sarvabhAvAH nAnArUpAshcha sarvAyanapathikamahAspandakaH sa tvameva || 4|| buddhvA saddeshikoktyA suviditavibhavAM khecharIM divyamudrA\- marthAnantaprapa~nchAnvitanijakaraNAnyAtmachitte nirudhya | tachchittaM jyotira~NgaM niravadhikaraNaM chintayedyaH sa yogI nirvANaH kR^iShNavartmA bhavati tava mahAspandatAmetya shambho || 5|| prANAkhyA kuNDalinyA jagadidamakhilaM prANitaM te yayesha j~nAtvA yAM yoginaste parataramabhayaM yAnti shAntaM padaM tat | yAmaj~nAtvA bhavAbdhau jananamaraNakR^itkrUrakarmaprabaddhA majjantyAdyantahInA yadi kR^ipayati sA mochayenmR^ityubandhAt || 6|| iti shrIdUrvAsakR^itaparashambhumahimnastave kuNDalinIshaktiskandharashmiprakaraNaM ShaShTham || 6|| \medskip\hrule\medskip 7\. saptamaM prakaraNaM mAtR^ikAshaktiskandharashmi aj~nAtaM brahmatattvaM nijahR^idayadarIlInamAtmaprakAshaM vyaktIkartuM svanityAkSharaviditamahAmAtR^ikAtvaM prapannaH | tvaM divyAmnAyavidyA suviditamahimAnantashaktiprakAsha\- stattadvarNAtmabhedairupadishasi padaM shrIguro svasvarUpam || 1|| shrIshabdabrahmamUrte sakalaravamayAnAhatadhvAnabhedA\- nAtmIyAnakSharasthAnbahuvidhaninadairbhUrivAdyaprabhedaiH | bhairIniH sANaghaNTAdaramurajamahAshR^i~NganAlorutAlai\- rvashairyantraishcha gAtrairjaladharapaTalaistvaM bravIShi dhvanij~naH || 2|| tattvAnAM vyaktihetuH sakalatithigataH saptapuryaShTakA~Nga\- strIpuMsadvandvarUpo dyumaNishashimahAvahnipAdaH ShaDAtmA | sarvAbhiprAyasaMvitprakaTitavibhavastvaM mahAmnAyavidyA\- sArasphArasvarUpaH puruSha iti tataH so.akSharAtmAdivarNaH || 3|| ramyodAttAnudAttasvaritavikR^itigaH prochchanIchobhayastho bhedAdaShTAdashAtmA mahitanijamahAsphUrtireko.akSharAdiH | ShaDjAdigrAmajAtashrutivitatalasadgItasaptasvarodya\- nnAnArAgAnprabandhAnadhivasati bhavAnAdinityasvarAtman || 4|| sarvAsyasthAnavarNaH prathamavigaNitastvaM stutaH ShoDashIti svechChAshaktyA nirUDhadraDhimanijamahAprauDhimADhaukamAnaH | kAlavyaktastrili~NginnijagativilayAnhrasvadIrghaplutAdIn vidyAvidyobhayAtmA janayasi paritaH shrImahAvarNajAtman || 5|| pakShadvandvaikakartAvanijalahutabhu~NmArutAkAshamUrte shrotrAdyakShANi sarvANyadhigatacharaNaH svaprakR^ityA nibaddhaH | antastho vishvarUpaH puruSha iti yato j~nAyase svakrameNa j~nAtA vargAkSharANAM paramashiva janaistvaM tato vargajo.asi || 6|| sarvAtItAtmadhAmAnalanilayapadaj~nApikA mantravidyAH satyAbhiprAyabuddhyA shivaguruvadanAmbhoruhAdbhAsamAnAH |. nAnArthA dhAtavashcha prakaTitavibhavAshchitravAgbrahmavedAH sarvaM nashyadvinA tvAM parashiva sahajaM varNasaMyogarUpam || 7|| o~NkAraM svAtmavAsa shrutibhirabhinutaM vAgbhavaM shaktibIjaM mAbIjaM smArabIjaM parataravibhavaM mAtR^ikAbIjayugmam | shaivAntya chApi gatvA ShaDayanavilasatkUTaShaTkaM cha bhitvA haMsaH so.ahaM tathA tvaM viramasi manasAmantare mantramUrte || 8|| bindvendorUrdhvanAdairavakalitakalAvyAptibhiH sAdhidevai\- rnAnAnantAdhidevaiH pariNatisulabhaiH shrIgurUktAgamasthaiH | nyAsairvidyAvisheShaiH shrutimukhavividhAnekasiddhAntamantraiH viShvakprotapratIko dahasi bhavamaghaM duShprabhAmantravahnau || 9|| varNAste mantravidyA dashavikaraNagA dhAtavo nityashabdAH vAkyAnyAmnAyabhedA bahuvidhamatajAH sA~NgavedAshcha bhAShAH | nAnAchChandAMsi tAlAH svaravikR^itiguNAH sarvato vA~NmayasthAH nAnArUpAH parAgneH samajaniShata te mAtR^ikAshaktibIjAt || 10|| iti shrIdUrvAsakR^itaparashambhumahimnastave mAtR^ikAshaktiskandharashmiprakaraNaM saptamam || 7|| \medskip\hrule\medskip 8\. aShTamaM prakaraNaM ShaDanvayarashmivivekaskandha evaM rAtrindivasthAH parashivaghaTikA eva te rashmibhUtAH strIpuMsadvandvarUpA ravishashicharaNAkrAntayo raktashuklAH | ShaTChaktyaMshaprabhedA daharapurayuge koNaShaTkAntarasthAH kAlAvasthAshchaturbhiH pravidadhati yugairvishvabhUtairnidAnaiH || 1|| ShaTtriMshattattvamAlAmavanimukhashivAntAmupetAtmavR^ittiM khe vAyau saptaviMshatyuDugaNavikR^itIrjIvamAyA shivAMshAt | tejasthAH svAntarAtmAntaratanuvikR^itIrasthimAMsapramukhyAH kShoNyA tvaM jIvamAyAguNagaNamabhito bhAsayasyaMshumAlin || 2|| yAvantasthe mayUkhAH kShitijaladahanasparshanAkAshachetaH pIThasthAH ShaTpramANAH paramadhipatayo bhairavA eva sarve | teShAM madhye tvamekaH parataramahimojjR^imbhamANaH prachaNDo mArtaNDo rashmimadhyasthita iva parito bhAsi chidbhairavAgne || 3|| bhairavyo rashmidevyastava shiva karuNApUritAkShAH prasannA\- stvatsattAkAshavAhoditanijagatayashcharvitAtmArthakR^ityAH | taddhAmanyeva shAntAH suramunipitR^ibhiH puNyapApaishcha baddhAn bhaktAMshchAnekabAdhA~njhaTiti vighaTayantyAtmabodhAgnijR^imbhaiH || 4|| shrInAtha shrIparesheshvara parashiva te divyadivyA marIchI\- rbrahmAdInAM manovAganavagatamahAchitranAnArtharUDhAH | gUDhaprauDhaprakAshAH suramunivachanairapyabuddhAH kathaM vA stotuM j~nAtuM samartho bhavati kavijanaH ko.atra mando nR^imAtraH || 5|| iti shrIdUrvAsakR^itaparashambhumahimnastave sAdhAraNyena ShaDanvayarashmivivekaskandhaprakaraNamaShTamam || 8|| \medskip\hrule\medskip 9\. navamaM prakaraNaM pAvakadhyAnayoga sA~NgA bhUmiH shatA~NgaH shatadhR^itirapi tatsArathiH saptayaste vedA brahmaikavedyAH pR^ithutaracharaNau puShpavantau tadakShaH | marustatkIlabandhaH kamaThapatiribhAstatpR^ithustambhapa~NktiH sheShastadrajjubandhastadupari pitR^ibhUstatra chintyo rathI tvam || 1|| kalpAntAnantasUryadyutimati vikaTAnekadaMShTraM ShaDAsyaM vahnIndvarkAmbukAShThAdashayutamabhitaH prajvalantaM mayUkhaiH | shUlAsIShUgrashaktya~NkushavaranR^ishiraH shrIphaleShvAsanAri dyotatpAshAbhayA~NkairnijamujaparighaistvAM guruM shambhumIDe || 2|| nAgAsthInduprasUtaiH shravaNagatamahAbhUShaNaiH kuNDalIndrai\- rAkroshanmuNDamAlAparivR^itavapuShA dikShu jAjvalyamAnam | mattebhendrorukR^ittyantaraghaTitakaTImaNDalaM sATTahAsaM taM bhAsvadvyomagarbhodaravidhR^itakarA~NmuShThamAtraM prapadye || 3|| nAgendraiH kalpavR^ikShairadhigatavihagairbhairavairdevadaityaiH bhUtaiH pretaiH pishAchaiH parivR^itamabhito yoginIbhiH shmashAne | sarvapraj~naikavAsaM tribhuvananilayaM svAtmanAdhyAtmadIptaM sarvottIrNAtmatattveshvaramanalamukhaM tvAM guruM shambhumIDe || 4|| nAnAdhyAnAtmayogaprakaTitashivatAsiddharUpaprasAdaH svechChAj~nAnakriyAtmatrishikhavidalitatrayyudIrNapramohaH | satyaj~nAnAsibhinnapramitijaniripuH svAtmayogeShu dhArA\- chChinnAvidyAsu lakShyaH paramashiva vibho tena mR^ityu~njayastvam || 5|| deva brahmANDasR^iShTisthitilayasamayadhvaMsinI te trishakti\- rmAyAshaktiprachaNDodghataghanakariNI vAriNI sA sR^iNiste | dharmArthAtmeShTamuktipravitaraNachaNaste varaste.apyabhIti\- rvishvagrAsogramR^ityupratibhayadalinI tadbhavAnmR^ityumR^ityuH || 6|| pAshaste vishvavashyaH pitR^ipatikR^itabhirhastinI\-siMhavR^itti\- shchakraH saMsArarAtridyumaNisamudayastAvakaste pinAkaH | AkrAntAsheShamohaprakR^itivikR^itimahAmAtR^ikAchitparAtmA prANAste tatkapAlaM hatavidhimukhasatpretachidrUpamIsha || 7|| evaM te divyadivyAyudhaparamahimA gIyate vedashAstraiH prAguktaste shatA~Ngo.apyapi cha pitR^igaNapretashIrShochchara~Nge | uchchaNDaM tANDavaM te tribhuvanabhayakR^idvajrapAtATTahAso bhIShAsmAttvatsakAshAdapAra iva paro nAsti tenogravIraH || 8|| chittAkAshAnilAgnyambvavanitalapatipretasiMhAsanasthaH ShaTchChaktivyaktamUrtiH ShaDayanapathikaH somasUryAgnipAdaH | brahmAgniH saptajihvAkabalitaviShayIbhUtavishvaprapa~ncha\- sthUlo.api dhyAnadR^iShTestvamadhikatamasAM jyotiShAmapyagamyaH || 9|| ityuktadhyAnachintyo.apyanavagatamanovAkpravR^ittisvabhAvaH svachChandAtmIyasattA chiduchitavibhavaH pAvakaH shambhurUpaH | sarvAtItasvabhAvo.apyupaniShaduditaj~nAnamImAMsyamAnaH satvaM yasyAntara~Nge nivasasi sa shivastvanmayaH syAnmahesha || 10|| shrImAnapyAdibhikShustribhuvanajanako.apyAtmabhUrAgamokti\- vyAkhyAvedyo.apyavAchaH prakR^itisuvimalo.apyAtmamAyAvilAsaH | tattvAdeko.apyanekaH parayuvatirato.apyAtmavitsevyamAnaH tasmAtsvachChandalIlastvamiha vijayase mAnasIM bhAvavR^ittim || 11|| iti shrIdUrvAsakR^itaparashambhumahimnastave pAvakadhyAnayogaprakaraNaM navamam || 9|| \medskip\hrule\medskip 10\. dashamaM prakaraNaM mahAvibhUti draShTavyastvaM jagadbhirbahuvidhavidhibhiH sarvasiddhAntavAkyaiH shrotavyo nirvikalpaH shivaguruvadanAmbhoruheNa prabuddhaH | mantavyaH sarvatattvAvakalitacharaNastannidadhyAsitavyaH sattAmAnAvalambItyamaranutapado nAsti devastvadanya || 1|| ugraM shAntaM cha vIraM sakalamayamahAviShNumagniM jvalantaM sarvatrAnantavaktraM naramR^igavapuShaM bhIShaNaM sarvabhadram | sarvaj~naM mR^ityumR^ityuM bahuvidhanutibhirvanditaM sarvalokaiH vishvAha~NkArajR^imbhaM paramashiva guruM tvAM bhaje mantrarAjam || 2|| shambho tvAM bhUrbhuvaHsvarmaharuditatanuM tvantarikShadyusUryA\- raj~nAchAryendushukrArkibhirapi nigamabrahmabhiH protashaktim | prANApAnAdibhedaiH kalayati sakalaM mAnasaM dhyAnayogaM yeShAM teShAM saparyA bhavati surakR^itabrahmatA yogitA cha || 3|| sarvotkR^iShTaM paraM tatsavituranupamaM te vareNyaM sharaNyaM bhargo devasya dhImahyabhidadhati dhiyo yo na ityaurvatejaH | turyaM sarvANibhUtAnyadhigatamamalaM sarvato dR^ikkramAdyaM dhyAyAmi dhyeyamantaHkaraNasuniyatairyogibhiH shrImahesha || 4|| kAlo.ananto yugAtmA shiva divasanishApakShamAsAstathAbdAH tadbhedAH ShaDR^itusthAstadanugatajagatsarvavR^ittAntabhedAH | nAnAyaj~nakriyAshcha tridashaditisutA mAnuShAH sarvanAgAH yogIndrA jIvasa~NghAstava charaNabilaM yAnti janmAntamadhyAt || 5|| bhUtaM bhavyaM bhaviShyattribhuvanabhavane ShaNmahAshaktibhistvaM tatsarvaM vyashnuvAno vicharasi kalitaH sR^iShTigatyantakAmaiH | devairdaityermanuShyairuragapatikulaiH sarvajIvaprasArai\- rAtmIyaishchitritA~NgaH shiva bhavatamasaH sUryabhAstvaM parastAt || 6|| shrotA sparshI nijarasarasikaH sarvagandhAntaraj~no vaktA kartA cha gantA tribhuvana bhavato vishvasargaH pramodI | kAmI mImAMsakashcha prathitashuchishikhAsaptakavyAptavishvo boddhA svArthAnanantAnadhigatacharaNaH sarvatastvaM shivo.asi || 7|| sarvArthI sarvanAmA sakalakulapatiH sarvalokA~NganeshaH shR^i~NgArI sarvabhogI navarasararasikaH prAjyasAmrAjyabhoktA | trailokye vAkprapa~nche pravachanapaThitaH somayAjI cha yaj~naH saMsArI kAmachArItyanuvadati jano yaH sa dhanyaH shiva tvAm || 8|| kShetraM kShetrapramAtA shivaguruvadanAghoravidyAdhidevo mantro mantrAdhidevo makhavidhiranagho yogayogyaH padArthaH | tvaM darshaH pUrNamAsaH paridhirapi makhAchAryavaryashcha hoto\- dgAtAdhvaryushcha havyaM trividhahutavahastvAM vinA nAsti shambho || 9|| kShetraj~nAH sarvadevAH suranarabhujagAH sarvajIvAshcha tachcha kShetraM brahmANDarUpaM tribhuvanabhuvanavyApakaM chitrarUpam | etAvadvyApya tatra sthitamakhilajagadbhaktabhoktAramagniM j~nAtvA ShaTchChaktibhistvAM paramashiva mahAmR^ityumatyeti vidvAn || 10|| uktakShetrAdhideve paratarapuruShe tvayyanantasvarUpe divyAmnAyA gurUktA nijanijaniyatisphUrtayaH sarvavedAH | sA~NgopA~NgAshcha shAstrANyadhigatamahimAnyonyasiddhAntavidyA bhAShA svArthairvibhAnti triNayana bhavato vishvamUrte paraH kaH || 11|| mUlaM vyomaiva vAyujvalanajaladharA madhyamaM yasya shAkhA devAH parNAni daityAH kisalayanichayAH mAnuShAshcha pratAnAH | nAgAH puShpANi jIvA bahuvidhatanavo pakvasasyaprabodho vishvanyagrodhakadroH paramashiva bhavAn bIjabhUto vibhAti || 12|| mAyArUpeNa kAlo jananamaraNakR^itsarvajIvA~NgavR^itte\- rvidyArUpeNa kAlAntaka iti vinutaH sa tvamevAparo na | dehAha~NkAra evAntaka iti guruNA yaH pravij~nAya mAyAM jAgartyAtmaprabodhe shiva tava kR^ipayA so.atra mR^ityu~njayaH syAt || 13|| tvaM nAthastvaM gurustvaM parapadajanitAmnAyavidyArthakosha\- stvaM shambhustvaM pareshaH parataramahimA tve parA tvaM parAgniH | tvaM bhAnustvaM sudhAMShustvamapi cha jananI tvaM pitA tvaM sumitra\- stvaM bhrAtA bAndhavastvaM tvamasi dhananidhistvAM vinA nAsti me.anyaH || 14|| shabdArthAdhArabhUtaM tribhuvanajanakaM sarvato diksatattvaM trailokyasthAyi li~NgatrayaviditapadaM sarvatattvaikavedyam | sarvAnirvAchyasattAgataparavibhavajyotirujjR^imbhamANaM vyaktIkR^ityAtmavarNaiH prakaTayasi paraM tattvamAtmIyamagre || 15|| tvaM vishvaM vishvaheturvirahita karaNe vishvakAryaikakartA vishvAtItashcha vishveshvara iti bahudhA nishchitashchAkSharaj~naiH | advaitAtmaprabodhAnalabahulashikhAcharvitatmIyahavyaH shrIshambho vishvasattA parataraviyati paiShi nirvANapUjAm || 16|| evaM yaH stauti bhUtiM tribhuvanamahatIM viShvagAshcharyacharyA\- mantarbAhyAgamoktipravinutavibhavAmAdimadhyAntahInAm | saumyogrAkAradevAsuranarabhujagAnekajIvaprabhedo\- tpattisthityantabhUmiH sa bhavati jagadAshcharyavAneva shambho || 17|| iti shrIdUrvAsakR^itaparashambhumahimnastave mahAvibhUtiprakaraNaM dashamam || 10|| \medskip\hrule\medskip 11\. ekAdashaM prakaraNaM antaryAgopAchAraparAmarsha kA pUjA pUjakaH kaH shivagururiti kaH ko vidhiH kashcha mantraH kiM pIThaM kiM prasUnaM kimamalasalilaM ke.atra sarvopachArAH | nirdvandvasyAtmanaste dvayamiti rachitaM sarvametatkathaM syA\- tsantoShArthe mahesha trikaraNavimalaj~nAnapUjAprasannAH || 1|| traikAlyaM sarvataste sakalajagadidaM vyashnuvAnAtmasattA\- visphUrteraShTamUrterakhilajanamanaHprochyasiMhAsanasya | kasmAdAvAhanaM syAdbahiriha charitaM kvAsanaM chandramaule\- rmAyA saMsArabhAvo rachayati nitarAmAtmabhogAya bhedam || 2|| AdhAro.agniH supAtraM raviramR^itakalAnAyakaH pUrNamadyaM shaktIshastvaM prapUjyaH ShaDavayavayutastatra pAtrapravarge | pAdyaM te tarpaNaM cha prabhavati samude bAhyayAgArghyapAtraiH santuShTaH syAH kathaM tvaM parashiva vimalaj~nAnadugdhAbdhishAyin || 3|| bhAsvachchandrAgnibimboditavimalashivaj~nAnanityapramoda\- j~nAnAnandapravAhAstriguNitasarito mukhyanADItrayasthAH | kAlindIjahnukanyAntarasaridabhidhAste tanusnAnakR^itye sR^iShTA hR^illi~NgamUrteH kathamitarajalaiH syAttava snAnamatra || 4|| lajjArAgAdimAyAtimiradinakarIbhUtachetaHprabodha\- jyotiHpu~njapravR^ittergatabhavatamaso dikpaTAla~NkR^itasya | praj~nAyaj~nopavItairupachitavapuShaH pretabhasmA~NgarAga\- syAnye mithyopachArAstava vasanamahAsUtrabandhAnulepAH || 5|| sarvAhiMsendriyAshvadrutagatishamanaM sarvabhUtAnukampA\- shAntiH satyaM prabodho gurukathitatapo nishchaladhyAnadR^iShTiH | shraddhAbhaktishcha nityaM nijaviShayaparityAgitA niHspR^ihatvaM saMvitpUjyeti puShpANyamala shiva bhavatpUjanAya kriyante || 6|| brAhmyAdyA mAtaro.aShTau svaviShayakusumairAtmabhAvaprasUnaiH yoginyaH shaktayaste nijanijamahimasphUrtisanma~njarIbhiH | tvadbhAvaM bhAvayadbhistava kiraNamahAbhairavairAttasa~NgA\- stvAM shrIchidbhairaveshaM paramashivaguruM pUjayanti smarantyaH || 7|| sadvidyA~NgAramadhyArpitasatatamahAvAsanAbhyAsadhUpaiH shrImadvaktrAravindoditasakalakulAmnAyabodhapradIpaiH | sarvAkShArthAnnabhedairuparachitamahAdivyanaivedyapAnai\- rArAdhyo yogibhistvaM kathamitarakR^itaistoShyase shrIparesha || 8|| iti shrIdUrvAsukR^itaparashambhumahimnastave antaryAgopAchAraparAmarshaprakaraNamekAdasham || 11|| \medskip\hrule\medskip 12\. dvAdashaM prakaraNaM shAnti vidyA nAnAvibhUShA mR^igamadaghanasArAdisaurabhyavastu\- protashrIchandanAni pravikachakusumAnyadbhutAnyambarANi | nAnAmodAshcha dhUpAH kramukashakalavadvITikAH pAnabhedAH nAnApAtrANi bhUmyAH parashiva bhavataH pUjanAya kriyante || 1|| saptaite mandalasthAshcharujalanidhayo divyanaivedyarAshI\- nnAnApakvAnnabhedAnvividhapiShitavachChAkanAnopadaMShAn | bhakShyaM bhojyaM cha choShyaM vividhashaShisudhAsvAdavadvastulehyaM hAlAdadhyAjyadugdhAnyapi vidadhati te sUpahArAya shambho || 2|| mantrAkAraiH pradIpairdahanaravikalAnAthanakShatramAlA\- vidyunmANikyamuktArajatakanakadhAtvAdinAnAprakAshaiH | yuShmannIrAjanAyai virachitarachanaH svaprakAshAdimUrtiM sarvAnandAtmarUpaM paramashivaguruM bhAsayatyaurvatejAH || 3|| mudrA nAnArthapoShAnatipathachalitAneShTayogAMshcha nATyaM tIrthAkrAntiM praNAmaM nijakaraNagatiM sarvasiddhAntavAchaH | karmAj~nAnapravAhAnvyajanamapi mahAchAmarANyAtapatraM hastyashvAdInrathAMste parashivacharaNAdhyAsya dAsyaM vidhatte || 4|| AkAshaH shabdabhedaiH pralayajaladharAmandadambholijR^imbhai\- rbherIniHsANavAdyairdaranikararavairbhUrighaNTAninAdaiH | tAlairnAdairmR^ida~NgairmurajaDamarukairgItasadvallakIbhiH sarvairvAdyaprabhedadhvanibhiriha vibho nAtha pUjAM karoti || 5|| shAmbhavyo rashmidevyaH samarasamuditA mAtR^ikAvarNarUpA bhAsvanto bhairavAShTA api sarasakalApAnamattAH kramasthAH | vedAntairAgamAntairabhidadhati paraM shAmbhavaM vaibhavaM te sarvAnirvAchyasattAviyaduditapadaM shrIvibho vishvamUrte || 6|| yoginyaH kShetrapAlAH sarasamadhumadAvedashAstrArthatattva\- vyAkhyAnadhyAnavaktrAH pitR^ivanadashadigvR^ikShagA bhairavAshcha | saudhAsvAdapramattAH prakaTitavikaTATopasiMhATTahAsAH svasvavyApArapuShpaiH paramashivaguruM tvAM vibho pUjayanti || 7|| bhUtAH pretAH pishAchAH svavikR^itivibhavaiH prAptabIbhatsaveShA yoginyaste shmashAnAvaraNagatamahAdevatA bhAsayanti |\- devAste pUrvadevA madhurasamuditA vismayAviShTachittAH shAntA dhyAyanti gAyantyapi paramashiva tvAM mudopAsate cha || 8|| brahmA vedoktigAnairharirapi kamalaistANDavaishchaNDarudrA\- stauryatrayyA mahendro nijanijaviShayairanyadikpAladevAH | siddhAH sarve munIndrA stutinutivachanaiH sarvadurgAgaNeshA nR^ittyairvAdyaprabhedairvidadhati sumudaM te mahAdeva shambho || 9|| santaptaH pretasiMhAsanavihitamahAbhairavaH shAmbhavAgniH pa~nchAshadvisphuli~NgAkSharaviditaparAghoravidyogratejAH | satyAntaryaj~nadevastribhuvanahaviShA toShitAtmIyarashmi\- rvAgarthavyaktabhAvAtsa~Nkalamiha tanuM vyashnuvAno vibhAti || 10|| sarvaj~nAnaikabhUmistribhuvanakaravIrAkhyashUnyashmashAna\- j~nAnAkUpArapUrashrutamukhabahuvichChAstrabodhodavAhAn | praj~nAM gAmbhIryagarvAtgrasati raviriva svaprakAshAtprakAshA\- nanyAnindUDumukhyAnnibiDatararuchirdhvAntapUrAMstavAgniH || 11|| shrIshambho vishvamUrte paramashiva guro nAtha vishveshvarAtma\- nneShAsheShArthavadvAkprasavavirachitA sragdharAvR^ittapUjA | tvayyeva j~nAnavahnau hutavaharasane saMhatA muktaye me bhUyAdAgaH kShamasva pravachanapaThitaH shrIvibho me prasIda || 12|| iti shrIdUrvAsakR^itaparashambhumahimnastave visheShopachAraparAmarshe shAntiprakaraNaM dvAdasham || 12|| \medskip\hrule\medskip 13\. trayodashaM prakaraNaM upasaMhAra iti tava kR^ipAdogdhrI pUjA subhaktisrutAmR^itA jananamaraNaprAdurbhAvaprabhedapaTIyasI | janayati mudaM brahmAnandapravAhatara~NgiNIM dahati vipadaH puNyaM pApaM durantabhavATavIm || 1|| parashiva mama janma dhanyameta\- ttava mahimastutimochito yato.aham | kulamidamakhilaM dvidhA vibhinnaM paramapadaM gatameva te prasAdAt || 2|| hato mAyAmR^ityurguruvachanakhaDgena manasaH prabhinnaM mAlinyaM vyapahatamaha~NkAratimiram | hatA me kAmAdyAH prabalaripavaH svAtmaviShayAH mahesha tvatsevAviditasuvivekAgnimahasA || 3|| jAtirlajjA nijakulamadaH sarvasaMshItirAdhi\- rdehAhantAsukR^itaduritadvandvapAsho.abhimAnaH | sarve hyete mama vinihatAstvanmahAvAkyasUrya\- jyotiHpu~njaiH kimaparamahaM deva bhadraM samIhe || 4|| madvidyAbhyasanamabhUdihaiva sArthaM sAnnidhyAttava cha tadukticharasya | adya tvaM tribhuvanavA~Nmanasyalabhyo nirbAdhaH sakalapathaikagamyamUrte || 5|| shrutismR^itimithaHpathe prachalito.ahamekAntataH prabhoH shivaguroH tava trijagadunnatAj~nAM gataH | bhajAmi parapAvakaM trijagadAtmahavyAshinaM bhavantamadhidaivataM bhavavane jvalantaM svataH || 6|| brahmatvaM suranAyakatvamakhilaM kShoNIpatitvaM lasa\- dbrAhmaNyaM surayakShanAgapitR^itA gandharvatA siddhatA | etatsarvamanityameva gaNitaM nAhaM samIhe sukhaM kiM tu tvetpadapadmanishchalataradhyAnaM samIhe vibho || 7|| samprAptA kR^itakR^ityatA saphalatA vAchAM tava stotratA mR^ityorapramitaishcha mR^ityurabhavadvashyaM gata tvatpadam | saMsArAnavadhiprachaNDajaladhistIrNaH pramoho hataH puNyaM pApamagAdvinAshamiha me prAptaH prabodho vibho || 8|| iti parashivashambho.anantakAnte mahimna\- stavavirachitametatstotramAtmoktishaktyA | prabhavatu sumude te tvaM mama svAntavartI bhava bhavagataduHkhaM Chindhi chAgaH kShamasva || 9|| yAvAMste jIvalokaH parashivachaturAshItilakShaikasa~Nkhya\- stattatkarmaprabhedopagatajanimR^itI ghorasaMsArachakre | sR^iShTisthityantavR^ittiM bhajati niravadhitvatpadadhyAnahIno dR^iShTvainaM bhItabhItaM sharaNamupagataM trAhi mAM deva mR^ityoH || 10|| durvAsAH satyavAsAH kanakagiriraha kandare me hR^idAkhye shlokAshchaite mR^igendrAH padanakhadashanAH shAmbhavAstraikavIryAH | mAyAdhvAntebhayUthapradalanapaTavo brahmAvadyATavIsthAH vaktR^I~nshrotR^InpramAtR^InnijahR^idayaguhAbrahmasattAM nayanti || 11|| bhUShyaM vaiduShyamudyaddinakarakiraNAkAramAkAratejaH praj~nAnaM bhUrimAnaM nijakarakalitaM durgamaM yogamArgam | AyuShyaM brahmapoShyaM haragirivishadAM kIrtimabhyetya bhUmau dehAnte brahmapAraM parashivacharaNAkAramabhyetya vidvAn || 12|| ye shrIshAmbhavashAsane kR^itadhiyaH shrIshAsane karmaThAH shrautasmArtavidhiShvamandamatayaH satyavratA brAhmaNAH | vidvAMsaH sakalAgameShu cha kalAvidyAsu te shAmbhava\- brahmaprAptimavApnuvanti paThanAchChambhormahimnastuteH || 13|| stotraM chaitatpaTedyaH shivaguruvadanAghoravidyAttadIkShaH satyaj~nAnaprakAshAtprabalabhavaripuM puNyapApAdyavidyAm | bhitvA mukto vikalpastrijagati mahitaM saukhyamAtmaprabodhaM tejaH kIrtiM cha lakShmImabhilaShitapadaM vyashnute stotravIraH || 14|| mahimnastotrasya tribhavanaguroryo japarataH parAshaktestattvaM parashivapadaM vetti sa budhaH | agAdhaM gAmbhIryaM stutigatamanantapramitijaM samastAH siddhIrapyanubhavati gachChetparapadam || 15|| shrIkrodhabhaTTArakadivyanAmnA durvAsasA sUktamahAmahimnaH | stotraM paThedyo bhuvanAdhipatyaM nityaM gurutvaM shivatAmupaiti || 16|| maheshAnnAparo devo mahimno nAparA stutiH | aghorAnnAparo mantro nAsti tattvaM guroH param || 17|| sadasadanugrahanigrahagR^ihItamunivigraho bhagavAn | sarvAsAmupaniShadAM durvAsA jayati deshikaH prathamaH || 18|| shrIgurukaruNAlakShyo yaH ko.apyAtmavidanugR^ihItiparaH | parashambhustutibodho jagadAdhAro bhavetsadA dhIram || 19|| parashambhostava padyaM raviprakaraNaM paThaMstrikAle.api | raviriva jagatprakAshamatichAturyAjjagadgururbhavati || 20|| tasmAtsmR^itimatibuddhipraj~nAvAnAtmavinmahAdevaH | parashambhostava hR^idayaM satpAtreShu prakAshayetsadayam || 21|| iti shrIdUrvAsakR^itaparashambhumahimnastave upasaMhAraprakaraNaM trayodasham || 13|| iti shrIkrodhabhaTTArakAparanAmnA mahAmahimnA durvAsasA munIshvareNa virachitaparashambhumahimnastavaH sampUrNaH || ## Encoded and proofread by Sunder Hattangadi \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}