% Text title            : Pradoshakale shivalingapujavarnanam
% File name             : pradoShakAleshivalingapUjAvarNanam.itx
% Category              : shiva, shivarahasya, pUjA
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 4 | 52-82 ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Pradoshakaleshivalingapujavarnanam ..}##
\itxtitle{.. pradoShakAleshivali~NgapUjAvarNanam ..}##\endtitles ##
bilvaiH puShpaiH pUjitaM shA~Ngali~NgaM dhUpaiH ratnairdIpadAnairanantaiH |
tatvaj~no.ayaM tena puNyena bhUyaH tasmAnnityaM pUjya eva shivaH syAt || 52||
puNyAnyanantAnyapi santi kiM taiH pradoShakAle shivapUjanena |
bhavatyavashyaM nR^ipa tatvavettA saubhAgyasaundaryanidhishcha martyaH || 53||
kiM kautukaM sR^iShTamidaM shivena dR^iShTaM pradoShe shivali~NgamAtram |
sUte sukhAni svayameka eva nAnyat paraM ki~nchidapekShitaM cha || 54||
pradoShakAle shivasammato.ataH pradoShakAlInashivArchanena |
prayAti shaivaM padamadbhutaM tat na j~nAyate bhUpa surAdhipaishcha || 55||
yaH ko.api sAyaM shivadarshanena bhuktvA.api bhogAn vipulAnapArAn |
shivaM prayAtyeva vinA prayatnaiH sa yoginAmapyatidurlabho hi || 56||
sa yAgavArtAM na karoti shambhuH na yogavArtAmapi dAnavArtAm |
parantu sAyaM shivapUjakAnAM karoti vArtA girijAsametaH || 57||
pradoShakAle samupAgato.adya puShpaM gR^ihItvA kamalaM gR^ihItvA |
sa bilvamAdAya jalaM gR^ihItvA sa bhUtimAdAya tilAkShatAni || 58||
sa dhUpamAdAya samAgato.adya dIpaM samAdAya phalaM gR^ihItvA |
tAmbUlamAdAya sa sAyamAdau li~NgArchanAsaktamatirbhavAni || 59||
nirIkShyate tena mahApradoShe bilvArchitaM li~NgamanuttamaM me |
pradakShiNaM cha praNataM cha tena dhyAtaM cha tena kShaNamAstikena || 60||
vibhUtipUtena vilokitaM cha punaH punarliM~NgamanusmR^itaM cha |
rudrAkShamAlAChavibhUShaNaM cha punaH punastat praNataM cha li~Ngam || 61||
tAmbUlamAdAya niveditaM cha drAkShAphalaM tena niveditaM cha |
tenArpitaM tatkadalIphalaM cha pradoShakAle shivali~NgamUrdhni || 62||
tenAmrapakvoruphalAni tAni dattAni li~Ngopari tena dattam |
dukUlamatyujvalamAyataM cha tadeva tAvadvipulaM manoj~nam || 63||
kShIrapravAhairabhiShiktamadya pradoShakAleShu dadhipravAhaiH |
ghR^itapravAhashcha madhupravAhaiH susharkarArAshibhirarchinta cha || 64||
mandAramAlAsamala~NkR^itaM cha li~NgaM madIyaM ghanachandanena |
kastUrikAkardamasaMyutena pradoShakAle khalu shAmbhavena || 65||
susharkarAsadghR^itakumbhayuktaM kShIrAnnametena niveditaM me |
apUparAshishcha samarpito me mahApradoShe khalu shAmbhavena || 66||
anena ratnAbharaNAni dattAnyanena dattA khalu bilvamAlA |
pradoShakAle muhurAdareNa sR^iShTaM cha li~NgaM mama AdareNa || 67||
ayaM hi hasto bhagavAnayaM me puNyasvabhAvo bhagavattaro me |
ayaM hi hastaH khalu vishvabheShajo yasmAdayaM me.adya shivAbhimarshanaH || 68||
anena bhuktaM na divA bhavAni jalaM na pItaM phalabhakShaNaM cha |
kR^itaM na tAmbUlamapi pradoShe tyaktvA shivArAdhanamAdareNa || 69||
ete madIyAH sitabhasmapUtAH pradoShakAle shivapUjanAya |
kR^itaprayatnAH shivanAmapUtAH prakR^iShTarudrAkShavibhUShitA~NgAH || 70||
pradoShakAlInashivArchanena bhuktvaiva bhogAn vipulAnapArAn |
sthAsyanti sarve.api mamaiva pArshve matpUjanaM prApya mahotsavAste || 71||
ete vimAnAni manoharANi prApyAntakArAdhitapAdapadmAH |
vidhIndranArAyaNapUjitAshcha sthAsyanti matpAdanakhaprabhAbhiH || 72||
dhanyAH pradoSheShu shivArchakAste sarve mamaivAparavigrahAste |
teShAM paraM pAdarajo yamo.api dhatte shirasyeva tathaiva viShNuH || 73||
pradoShakAlInashivArchanAya matiH shive syAnmadanugraheNa |
aghorasaMsAravikArasAgare punarna duHkhAni tayA bhavanti || 74||
tAvanmahApApabhayaM bhavAni yAvanna pUjAM rajanImukheShu |
karoti li~Nge sitabhasmavItatripuNDrarudrAkShavibhUShitaH san || 75||
pUjAM ko.api mahApradoShasamaye kR^itvA vibhUti\-
prabhArudrAkShAbharaNaprabhAparivR^ito li~Nge jalairvA phalaiH |
bilvairvA navakaNTakArikusumaiH dUrvA~NkurairvA shive
bhUpAlatvamavApya matpadarajaHpu~njena sa~NkrIDati || 78||
ko vA tena samaH pradoShasamaye yenAhamabhyarchito
bilvAnAM khalu mAlayA jalalavaiH shrautena vA bhasmanA |
utphullaiH karavIrachampakamahAmallIprasUnaiH shivaiH
tatpAdAmbujareNubhirmuhuraho nArAyaNaH pUjitaH || 77||
AjanmAkhilakaNThashoShaNakaraiH kiM vedapArAyaNaiH
kiM yAgairdhanadhAnyanAshanakaraiH kanyApradAnairapi |
ki~nchottu~Ngatura~NgadantinikararAgArapradAnaiH shive
sAya~NkAlashivArchanArjitaphalAbhAve na muktiryataH || 78||
kShINA syAt tanureva ghoratapasA dAnairdhanaM nashyati
vyarthaM chAyurapi prayAti girije li~NgArchanaM tanna chet |
tenaivAkhilabhAgyabhogavibhavo bhramaNDale jAyate
pashchAnmuktimupaiti tena sadR^ishaM li~NgaM na jAne dhruvam || 79||
svargaH kevalama~NgajAtasahitAt yAgAt sa savya~Ngato
vya~NgaM li~NgasamarchanaM jalalavaiH shrIbilvachUrNaiH kR^itam |
tenApArasurArchitena vibhavaiH svargApavargapradaM
li~NgArAdhanameva tena sadR^isho dharmo na lokatraye || 80||
chittaM yasya na li~NgapUjanarataM tajjanma tAvadgataM
vyarthaM ta~njananIvayastaruvarachChede kuThAraH sa tu |
tadvArtA.apyaghasAdhanAya girije li~NgArchanArAdhako
yastasyAnucharo.api so.api hi mahAn kAlAdbhayaM tasya na || 81||
tajjanmAtimanoharaM sukhakaraM manye.atimAnye shive
yaH sAyaM shivapUjanodyatamatirmadhyAhnakAle shive |
yaM dR^iShTvA.api yamAdayo.api bahudhA kampAyamAnAH sadA
dhanyA tajjananI pitA cha sutarAM dhanyaH sa mAnyaH suraiH || 82||

|| iti shivarahasyAntargate pradoShakAleshivali~NgapUjAvarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 4 \- pradoShapUjAdarshanaphalavarNanam | 52\-82||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 4 - pradoShapUjAdarshanaphalavarNanam . 52-82..

(Note: from text it seems it is spoken by Yagnyavalkya, but the content suggests that it is spoken to Devi by Shiva (Ishwara).##)
##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}