% Text title            : Shiva Stuti by Brahmadya and Pushkareshvara Mahima Varnanam by Shiva
% File name             : puShkareshvaramahimavarNanambrahmAdyAkRRitAshivastutirevaMshivaproktam.itx
% Category              : shiva, shivarahasya, stuti
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 35|| 79-103||
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shiva Stuti by Brahmadya and Pushkareshvara Mahima Varnanam by Shiva ..}##
\itxtitle{.. brahmAdyAkR^itA shivastutirevaM shivaproktaM puShkareshvaramahimavarNanam ..}##\endtitles ##
(shivagaurIsaMvAde)
\-\-\-
brahmAdyAH \-
tvaM rAjA makhabhA~Nmahesha satataM tvAmAhvayante.adhvare
      sAmnA R^iyggaNayAjuShaiH pratipadaM rudro.a{}gnirityAha hi |
tvanmAyAdhigamena mohamatayaH sarvAmaraistulyatAM
      dR^iShTvA tvAmadhigamya kaShTamakhilaM tyakttvA pramodAmahe || 79||
aho deva mugdhenduchUDa prasIda niShadyAdibarhistvamIshAna tuShTaH | (niShAdAdi)
prakR^iShTaM mahAkaShTajAlaM mamAghaM harasvesha shambho prasIda prasIda || 80||
yayA mAyayA mohamAyAnti sarve tavA~Nke niShaNNA bhavAnIti gItA |
bhavAnmAyimAyI bhavAnAdikartA bhavatto.akhilaM jAtamedadvichitram || 81||
\-\-\-
IshvaraH \-
itthaM stuto.ahaM deveshi taistadA darshitaM mayA |
rUpaM trilochanaM sAmbaM nIlagrIvaM trishUlakam || 82||
punaH praNemurmAM dR^iShTvA brahmaviShNusurA dvijAH |
tadA prA~njalayaH sarve mAM stuvanti tadAM.abike || 83||
\-\-\-
brahmAdyAH \-
vishvAdhikastvaM bhagavAnmaharShiH hiraNyagarbhaM jAyamAnaM cha pashyeH |
satyaM devaH shubhayA mAma hi bud.hdhyA niyojayasvAshu mahesha shambho || 84||
tvattaH paraM nAparamasti ki~nchittvatto nANIyAnna samashchAdhiko vA |
vR^ikSha iva tvaM sthANurIshashcha nityastvayA pUrNa jagadetadvichitram || 85||
na jAnanti vedA na jAnanti devA na jAnati tvAmAtmasaMsthaM mahesham |
prakR^iShTorupuNyairyadi tyaktamoho bhavatpAdasakto bhavettasya siddhiH || 86||
\-\-\-
IshvaraH \-
devi teShAM stutiM shrutvA tAnavochaM praharShitaH |
puShkare saMsthitA viprA matpAdasharaNAstathA || 87||
kShetriNo bhavatA pUjyAstathAnye.api munIshvarAH |
kShetramAgatya yaH ko.api kShetrasthAnpUjayetpuraH || 88||
athAnyAnarchayetpashchAdyadi pAtrAnaho vidhe |
madbhaktAH shAmbhavashreShThA bhaktapUjA mameShTadA || 89||
vihAya bhaktAnmayyeva anyaM sampUjayanti ye |
taiH kaShTaM prApyate brahmanpuShkare.anyatra vA sadA || 90||
puShkare tvatkR^ito yaj~naH svAdvanno bahudakShiNaH |
matprItijanako jAtaH phalaM te.aShTaguNaM bhavet || 91||
yastu puShkaramAsAdya nAnAdharmagaNaM charan |
tasyAShTaguNitaM bhUyAditi me vratamAhitam || 92||
etatkapAlAnuguNaM jAtAH pUrveM pitAmahAH |
saprajAni vyatItAni manvantarashatAni cha || 93||
asminsaMsArachakre tvaM mA garvaM vaha padmaja |
praNamya mAM tadA brahmA tAnviprAnpUjayattadA || 94||
gobhiranyaishcha vAsobhiH shAmbhavAnpuShkarasthitAn |
snAnArthaM sarasastasmAdAnIteyaM sarasvatI || 95||
jyeShThaM puShkaramAsAdya tara~NgAvalibhAsurA |
tatrAvabhR^ithamAsAdya rarAja sa pitAmahaH || 96||
sAvitryA chaiva gAyatryA R^itvigbhishcha surAsuraiH |
puShkareshaM samabhyarchya stotrametajjagAda cha || 97||
\-\-\-
brahmA \-
yaM vibheya vimR^ishAmahe shatam |
nidadhAmo.a~njalijAlavrataiH || 98||
anekavidhi kalpitaM hara kapAlamAlAdhara
      harasva vilasachChrutiprabhava pApatApApaha |
akharvajanidurdashAM pratipadaM vinAshAshubhaM
      mahesha janimArjanAdbhava bhavAdibandhaM hara || 99||
\-\-\-
IshvaraH \-
stutvA mAM sa tadA brahmA praNamyAtha jagau surAn || 100||
puShkare duShkaro vAsaH puShkare duShkaraM tapaH |
puShkare duShkaraM dAnaM pAtraM tatra suduShkaram || 101||
sarasvatI puNyatamA tadA yAtA mahArNavam |
kArti~NkyAM tu visheSheNa snAnaM puNyaM hi puShkare || 102||
sUtaH \-
itthaM sa vedhAH prajagAma choktvA devaiH svalokaM paramaM munIndraiH |
yaH puShkaraM saMsmarati dine dine na tasya pApAni bhajanti vR^iddhim || 103||

|| iti shivarahasyAntargate shivagaurIsaMvAde brahmAdyAkR^itA shivastutirevaM shivaproktaM puShkareshvaramahimavarNanaM sampUrNam ||

\- || shrIshivarahasyam | bhargAkhyaH pa~nchamAMshaH | adhyAyaH 35|| 79\-103||
##
- .. shrIshivarahasyam . bhargAkhyaH panchamAMshaH . adhyAyaH 35.. 79-103..
Notes:
Having performed the MahaYagya at Pushkara Kshetra; Brahma, along with Savitri and Gayatri, worships Pushkareshwara Shiva. Shiva iterates the importance of worshipping at Pushkareshwara especially during Kartika-masa.

The shloka numbers have been maintained per the source text.

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}