% Text title            : Ganeshakrita Rudradhyaya Stuti
% File name             : rudrAdhyAyastutiHgaNeshakRRita.itx
% Category              : shiva, stuti, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 10| 46-121 ||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ganeshakrita Rudradhyaya Stuti ..}##
\itxtitle{.. gaNeshakR^itarudrAdhyAyastutiH ..}##\endtitles ##
namaste devadevAya namaste rudramanyave |
namaste chandrachUDAyApyutota iShave namaH || 1||
namaste pArvatIkAnta ekarUpAya dhanvane | (namaste merudhanvane)
namaste bhagavan shambho bAhubhyAmuta te namaH || 2||
iShuH shivatamA yA te tayA mR^iDaya rudra mAm |
shivaM dhanuryadvabhUva tenApi mR^iDayAdhunA || 3||
sharavyA yA shivatamA tayApi mR^iDaya prabho |
yA te rudra shivA nityaM sarvama~NgalasAdhanam || 4||
tayA.abhichAkashIhi tvaM tanuvA mAmumApate |
aghorayApi tanuvA rudrA.a.adyA.apApakAshinI || 5|| (aghorayetyAdyardhatrayaM)

yA tayA mR^iDaya svAmin sadA shantamayA prabho |
girishanta mahArudra haste yAmiShumastave || 6||
vibharShi tAM giritrAdya shivAM kuru shivApate |
shivena vachasA rudra nityaM vAchChA vadAmasi || 7||
tvadbhaktiparipUtA~NgaM mA hi{\m+}sIH puruShaM jagat |
yannaH sharva jagatsarvamakShma{\m+} sumanA asat || 8||
yathA tathAva mAM rudra tadanyadapi me prabho |
rudratvaM prathamo daivyo bhiShak pApavinAshakaH || 9||
adhivaktA.adhyavochanmAM bhAvali~NgArchakaM mudA |
ahIn sarvAn yAtudhAnyaH sarvA apyadya jambhayan || 10||
asau tAmro.aruNo babhruH nIlagrIvaH suma~NgalaH |
vilohito.astyayaM shambho tvadadhiShThAnameva hi || 11||
namo namaste bhagavan nIlagrIvAya mIDhuShe |
sahasrAkShAya shuddhAya sachchidAnandamUrtaye || 12||
ubhayorArtniyorjyA yA dhanvinastAM pramu~nchatAm |
samprApya dhanuranyeShAM bhayAya prabhaviShyati || 13||
asmadbhayavinAshArthamadhunA bhayadAH prabho |
yAshcha te hasta iShavaH parAtA bhagavo vapa || 14||
avatatya dhanustat tvaM sahasrAkSha shateShudhe |
mukhA nishIrya shalyAnAM shivo naH sumanA bhava || 15||
vijyaM dhanuridaM bhUyAt vishalyo bANavAnapi |
aneshanniShavo.apyasyApyAbhurastu niSha~NgadhiH || 16||
kapardino maheshasya yadi nAbhurniSha~NgadhiH |
iShavo.api samarthAshchet sAgratvena bhayaM bhavet || 17||
yA te hetirdhanurhaste mIDhuShTama babhUva yA |
tayA.asmAn vishvatastena pAlaya tvamayakShmayA || 18||
anAtatAyAyudhAya namaste dhR^iShNave namaH |
bAhubhyAM dhanvane shambho namo bhUyo namo namaH || 19||
parite dhanvano hetiH vishvato.asmAn vR^iNaktu saH |
iShudhistava yastAvat asmadAre nidhehi tam || 20||
hiraNyabAhave tubhyaM senAnye te namo namaH |
dishAM cha pataye tubhyaM pashUnAM pataye namaH || 21||
tviShImate namastubhyaM namaH saspi~njarAya te |
namaH pathInAM pataye babhrushAya namo namaH || 22||
namo vivyAdhinennAnAM pataye prabhave namaH |
namaste harikeshAya rudrAyAstUpavItine || 23||
puShTAnAM pataye tubhyaM jagatAM pataye namaH |
saMsArahetirUpAya rudrAyApyAtatAyine || 24||
kShetrANAM pataye tubhyaM sUtAya sukR^itAtmane |
ahantyAya namastubhyaM vanAnAM pataye namaH || 25||
rohitAya sthapataye mantriNe vANijAya cha |
kakShANAM pataye tubhyaM namastubhyaM bhuvantaye || 26||
tadvArivaskR^itAyAstu mahAdevAya te namaH |
oShadhInAM cha pataye namastubhyaM mahAtmane || 27||
uchchairghoShAya dhIrAya dhIrAn krandayate namaH |
pattInAM pataye tubhyaM kR^itsnavItAya te namaH || 28||
dhAvate dhavalAyApi sattvanAM pataye namaH |
namaste sahamAnAya tubhyaM nivyAdhine namaH || 29||
AvyAdhinInAM pataye kakubhAya niSha~NgiNe |
stenAnAM pataye tubhyaM divyeShudhimate namaH || 30||
taskarANAM cha pataye va~nchate pariva~nchate |
stAyUnAM pataye tubhyaM namaste.astu nicherave || 31||
namaH paricharAyApi mahArudrAya te namaH |
araNyAnAM cha pataye muShNatAM pataye namaH || 32||
uShNIpiNe namastubhyaM namo giricharAya te |
kulu~nchAnAM cha pataye namastubhyaM bhavAya cha || 33||
namo rudrAya sharvAya tubhyaM pashupate namaH |
nama ugrAya bhImAya namo agrevadhAya cha || 34||
namo dUrevadhAyApi namo hantre namo namaH |
hanIyase namastubhyaM nIlagrIvAya te namaH || 35||
namaste shitikaNThAya namaste.astu kapardine |
namaste vyuptakeshAya sahasrAkShAya mIDhuShe || 36||
girishAya namaste.astu shipiviShTAya te namaH |
namaste shambhave tubhyaM mayobhava namo.astu te || 37||
mayaskara namastubhyaM sha~NkarAya namo namaH |
namaH shivAya sharvAya namaH shivatarAya cha || 38||
namastIrthyAya kUlyAya namaH pAryAya te namaH |
avAryAya namastestu namaH prataraNAya cha || 39||
nama uttaraNAyApi harAtAryAya te namaH |
alAdyAya namaste.astu bhaktAnAM varadAya cha || 40||
namaH shaShpyAya phenyAya sikatyAya namo namaH |
pravAhyAya namaste.astu hrsvAyAstu namo namaH || 41||
vAmanAya namaste.astu namo.astu bR^ihate namaH |
varShIyase namaste.astu namo vR^iddhAya te namaH || 42||
saMvR^idhvane namastubhyamagriyAya namo namaH |
prathamAya namastubhyamAshave chAjirAya cha || 43||
shIghriyAya namaste.astu shIbhyAya cha namo namaH |
nama UrvyAya sharvAyApyavasvanyAya te namaH || 44||
srotasyAya namastubhyaM dvIpyAya cha namo namaH |
jyeShThAya cha namastubhyaM kaniShThAya namo namaH || 45||
pUrvajAya namastubhyaM namo.astvaparajAya cha |
madhyamAya namastubhyamapagalbhAya te namaH || 46||
jaghanyAya namastubhyaM budhniyAya namo namaH |
sobhyAya pratisaryAya te yAmyAya namo namaH || 47||
kShemyAya cha namastubhyaM yAmyAya cha namo namaH |
urvaryAya namastubhyaM khalyAya cha namo namaH || 48||
shlokyAya chAvasAnyAyAvasvanyAya cha te namaH |
namo vanyAya kakShyAya mau~njayAya cha namo namaH || 49||
shravAya cha namastubhyaM pratishrava namo namaH |
AshuSheNAya shUrAya namo.astvAshurathAya cha || 50||
varUthine varmiNe cha bilmine cha namo namaH |
shrutAya shrutasenAya namaH kavachine namaH || 51||
dundubhyAya namastubhyamAhananyAya te namaH |
prahitAya namastubhyaM dhR^iShNave pramR^ishAya cha || 52||
pArAya pAravindAya namastIkShNeShave namaH |
sudhanvane namastubhyaM svAyudhAya namo namaH || 53||
namaH srutyAya pathyAya namaH kATyAya te namaH |
namo nIpyAya sUdyAya sarasyAya cha te namaH || 54||
avarShyAya cha varShyAya medhyAya cha namo namaH |
vidyutyAya namastubhyamIdhriyAya namo namaH || 55||
namo nAdyAya bhavyAya vaishantAya namo namaH |
avaTyAya namastubhyaM namaH kUpyAya te namaH || 56||
AtapyAya namastubhyaM vAtyAya cha namo namaH |
reShmiyAya namastubhyaM vAstavyAya cha te namaH || 57||
vAstupAya namastubhyaM namassomAya te namaH |
namo rudrAya tAmrAyapyaruNAya cha te namaH || 58||
nama ugrAya bhImAya namaH sha~NgAya te namaH |
namastIrthyAya kUlyAya sikatyAya namo namaH || 59||
pravAhyAya namastubhyamiriNyAya namo namaH |
namaste chandrachUDAya prapathyAya namo namaH || 60||
ki{\m+}shilAya namaste.astu kShayaNAya cha te namaH |
kapardine namaste.astu namaste.astu pulastaye || 61||
namo goShThyAya gR^ihyAya grahANAM pataye namaH |
namastalpyAya gehyAya guhAvAsAya te namaH || 62||
kATyAya gahvareShThAya hR^idayyAya cha te namaH |
niveShpyAya namastubhyaM pA{\m+}savyAya te namaH || 63||
rajasyAya namastubhyaM parAtparatarAya cha |
namaste harikeshAya shuShkyAya cha namo namaH || 64||
harityAya namastubhyaM haridvarNAya te namaH |
nama UrvyAya sUrmyAya parNyAya cha namo namaH || 65||
namo.apaguramANAya parNashadyAya te namaH |
abhighnate chAkhkhidate namaH prakhkhidate namaH || 66||
vishvarUpAya vishvAya vishvAdhArAya te namaH |
triyambakAya rudrAya girijApataye namaH || 67||
maNikoTIrakoTisthakAntidIptAya te namaH |
vedavedAntavedyAya vR^iShArUDhAya te namaH || 68||
avij~neyasvarUpAya sundarAya namo namaH |
umAkAnta namaste.astu namaste sarvasAkShiNe || 69||
hiraNyabAhave tubhyaM hiraNyAbharaNAya cha |
namo hiraNyarUpAya rUpAtItAya te namaH || 70||
hiraNyapataye tubhyamambikApataye namaH |
tadumApataye tubhyaM namaH pApapraNAshaka || 71||
mIduShTamAya durgAya kadrudrAya prachetase |
tathyase bilvapUjyAya namaH kalyANarUpiNe || 72||
apArakalyANaguNArNavAya shrInIlakaNThAya nira~njanAya |
kAlAntakAyApi namo namaste dikkAlarUpAya namo namaste || 73||
vedAntavandistutasadguNAya guNapravINAya guNAshrayAya |
shrIvishvanAthAya namo namaste kAshInivAsAya namo namaste || 74||
ajAtasaundaryasudhAnidhAnasamR^iddhirUpAya shivAdhavAya |
dhArAdharAkAra namo namaste dhArAsvarUpAya namo namaste || 75||
nIhAratArAkarakAkarAya prakArahArapratihAravIra |
vIreshvarApAradayAnidhAna pAhi prabho pAhi namo namaste || 76||

|| iti shivarahasyAntargate gaNeshakR^itarudrAdhyAyastutiH sampUrNA ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 10| 46\-121 ||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 10. 46-121 ..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}