% Text title            : Rudramrityunjaya Stotram
% File name             : rudramRRityunjayastotram.itx
% Category              : shiva
% Location              : doc\_shiva
% Transliterated by     : staff of Muktabodha.org Mark S.G. Dyczkowski
% Proofread by          : Aruna Narayanan narayanan.aruna at gmail.com
% Description/comments  : rudrayAmale uttaratantre 2 bhairava bhairavI sa.nvAde
% Source                : Rudrayamalam part 2 edited by Ram Prasad Tripathi and Sudhakar Malaviya
% Acknowledge-Permission: Marjorie Woollacott, Ph.D., Digital Library Coordinator muktabodha.org
% Latest update         : February 16, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Rudramrityunjaya Stotram ..}##
\itxtitle{.. rudramR^ityu~njayastotram ..}##\endtitles ## 
athAShTachattvAriMshaH paTalaH
Anandabhairava uvAcha |
shrutaM cha sAdhanaM puNyaM mahArudrasya sundari |
maNipUre prakAsha~ncha kathitaM j~nAnanirNayam || 1||
akasmAt siddhisampattiM nutiM vada mahApriyAm |
yasya shravaNamAtreNa pAThena yoginIvasham || 2||
shrIAnandabhairavI uvAcha |
paramAnandadevesha yogAnAmadhipa prabho |
stotraM rudrasya vakShyAmi sArAtsAraM parAtparam || 3||
yajj~nAtvA yoginaH sarve ShaTchakraparibhedakAH |
AkAshagAminaH sarversvagamokShAbhilAShukAH || 4||
mahAdevasamAH sarve devAshcha svargabhoginaH |
sarvarakShAkaraM stotraM ye paThanti nirantaram || 5||
te yAnti brahmasadanaM siddhamukhyA mahItale || 6||
OM bhajAmi shambhuM sukhamokShahetuM
     rudraM mahAshaktisamAkulA~Ngam |
raudrAtmakaM chAruhimAMshushekharam |
     kAlaM gaNeshaM sumukhAya sha~Nkaram || 7||
mR^ityu~njayaM jIvanarakShakaM paraM
     shivaM parabrahmasharIrama~Ngalam |
himAMshukoTichChavimAdadhAnaM
     bhajAmi padmadvayamadhyasaMsthitam || 8||
sarvAtmakaM kAmavinAshamUlam |
     taM chandrachUDaM maNipUravAsinam |
chaturbhujaM j~nAnasamudrayADhyaM
     pAshaM mR^igAkShaM guNasUtravyAptam || 9||
dharAmayaM tejasamindukoTiM
     vAyuM jaleshaM gaganAtmakaM param |
bhajAmi rudraM kulalAkinIgataM
     sarvA~NgayogaM jayadaM sureshvaram || 10||
shukraM mahAbhImanayaM purANaM
     prANAtmakaM vyAdhivinAshamUlam |
yaj~nAtmakaM kAmanivAraNaM guruM
     bhajAmi vishveshvarasha~NkaraM shivam || 11||
vedAgamAnAmatimUladeshaM
     tadudbhavaM bhadrahitaM parAparam |
kAlAntakaM brahmasanAtanapriyaM
     bhajAmi shambhuM gaganAdirUDham || 12||
shivAgamaM shabdamayaM vibhAkaraM
     bhAsvatprachaNDAnalavigrahaM graham |
grahasthitaM j~nAnakaraM karAlaM
     bhajAmi shambhuM prakR^itIshvaraM haram || 13||
ChAyAkaraM yogakaraM sukhendraM
     mattaM mahAmattakulotsavADhyam |
yogeshvaraM yogakalAnidhiM vidhim |
     vidhAnavaktAramahaM bhajAmi || 14||
hemAchalAla~NkR^itashuddhaveshaM
     varAbhayAdAnanidAnamUlam |
bhajAmi kAntaM vanamAlashobhitaM
     chAmUlapadmAmalamAlinaM kulam || 15||
svayaM purANaM puruSheshvaraM guruM
     mithyAbhayAhlAdavibhAvinaM bhaje |
bhAvapriyaM premakalAdharaM shivaM
     girIshvaraM chArupadAravindam || 16||
dhyAnapriyaM j~nAnagabhIrayogaM
     bhAgyAspadaM bhAgyasamaM sulakShaNam |
shUlAyudhaM shUlavibhUShitA~NgaM
     shrIsha~NkaraM mokShaphalakriyaM bhaje || 17||
namo namo rudragaNebhya evaM
     mR^ityu~njayebhyaH kulacha~nchalebhyaH |
shaktipriyebhyo vijayAdibhUtaye
     shivAya dhanyAya namo namaste || 18||
bAhyaM trishUlaM varasUkShmabhAvaM
     vishAlanetraM tanumadhyagAminam |
mahAvipad duHkhavinAshabIjaM
     praj~nAdayAkAntikaraM bhajAmi || 19||
purAntakaM pUrNasharIriNaM guruM
     smarArimAdyaM nijatarkamArgam |
anAdidevaM divi doShaghAtinaM
     bhajAmi pa~nchAkSharapuNyasAdhanam || 20||
digagbaraM padmamukhaM karasthaM
     sthitikriyAyoganiyojanaM bhavam |
bhAvAtmakaM bhadrasharIriNaM shivaM
     bhajAmi pa~nchAnanamarkavarNam || 21||
mAyAmayaM pa~NkajadAmakomalaM
     digvyApinaM daNDadharaM hareshvaram |
tripakShakaM tryakSharabIjabhAvaM
     tripadmamUlaM triguNaM bhajAmi || 22||
vidyAdharaM vedavidhAnakAryaM
     kAyAgataM nItaninAdatoSham |
nityaM chaturvargaphalAdimUlaM
     vedAdisUtraM praNamAmi yogam || 23||
vedAntavedyaM kulashAstravij~naM
     kriyAmayaM yogasvadharmadAnam |
bhakteshvaraM bhaktiparAyaNaM varaM
     bhaktaM mahAbuddhikaraM bhajAmyaham || 24||
gatAgataM gamyamagamyabhAvaM
     samullasatkoTikalAvataMsam |
bhAvAtmakaM bhAvamayaM sukhAsukhaM
     bhajAmi bhargaM prathamAruNaprabham || 25||
bindusvarUpaM parivAdavAdinaM
     madhyAhnasUryAyutasannibhaM navam |
vibhUtidAnaM nijadAnadAnaM
     dAnAtmakaM taM praNamAmi devam || 26||
kumbhApahaM shatrunikumbhaghAtinaM
     daityArimIshaM kulakAminIsham |
prItyAnvitaM chintyamachintyabhAvaM
     prabhAkarAhlAdamahaM bhajAmi || 27||
trimUrtimUlAya jayAya shambhave
     hitAya lokasya vapurdharAya |
namo bhayAchChinnavighAtine pate
     namo namo vishvasharIradhAriNe || 28||
tapaHphalAya prakR^itigrahAya
     guNAtmane siddhikarAya yogine |
namaH prasiddhAya dayAturAya
     vA~nChAphalotsAhavivardhanAya te || 29||
shivamamaramahAntaM pUrNayogAshrayantaM
     dharaNidharakarAbjairvardhamAnaM trisargam |
viShama maraNaghAtaM mR^ityupUjyaM janeshaM
     vidhigaNapatisevyaM pUjaye bhAvayAmi || 30||
etatstotraM paThed vidvAn muniryogaparAyaNaH |
nityaM jagannAthaguruM bhAvayitvA punaH punaH || 31||
maNipUre vAyuniShTho nityaM stotraM paThed yadi |
jIvanmuktashcha dehAnte paraM nirvANamApnuyAt || 32||

iti shrIrudrayAmale uttaratantre mahAtantroddIpane rudramR^ityu~njayastavanaM
nAma aShTachatvAriMshattamaH paTalaH || 48||

##
From Rudrayamala uttaratantra.

Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}