% Text title            : rudramRityunjayastavanaM
% File name             : rudramRityunjayastavana.itx
% Category              : shiva
% Location              : doc\_shiva
% Transliterated by     : Gopal Upadhyay gopal.j.upadhyay at gmail.com
% Proofread by          : Gopal Upadhyay gopal.j.upadhyay at gmail.com, NA
% Source                : Rudrayamale uttaratantre mahAtantroddIpane
% Latest update         : July 26, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Rudra Mrityunjaya Stavana ..}##
\itxtitle{.. shrIrudramR^ityu~njayastavanam ..}##\endtitles ##

shrIAnandabhairava uvAcha \-
shrutaM cha sAdhanaM puNyaM mahArudrasya sundari |
maNipUre prakAsha~ncha kathitaM j~nAnanirNayam || 1||
akasmAt siddhisampattiM nutiM vada mahApriyAm |
yasya shravaNamAtreNa pAThena yoginIvasham || 2||

shrIAnandabhairavI uvAcha \-
paramAnandadevesha yogAnAmadhipa prabho |
stotraM rudrasya vakShyAmi sArAtsAraM parAtparam || 3||
yajj~nAtvA yoginaH sarve ShaTchakraparibhedakAH |
AkAshagAminaH sarve svargamokShAbhilAShukAH || 4||
mahAdevasamAH sarve devAshcha svargabhoginaH |
sarvarakShAkaraM stotraM ye paThanti nirantaram || 5||
te yAnti brahmasadanaM siddhamukhyA mahItale || 6||
OM bhajAmi shambhuM sukhamokShahetuM rudraM mahAshaktisamAkulA~Ngam |
raudrAtmakaM chAruhimAMshushekharaM kAlaM gaNeshaM sumukhAya sha~Nkaram || 7||
## var ## raudrArthakaM rudrahimAMshushekharaM kAlaM kuleshaM shivasha~Nkara~ncheti

mR^ityu~njayaM jIvanarakShakaM paraM shivaM parabrahmasharIrama~Ngalam |
himAMshukoTichChavimAdadhAnaM bhajAmi padmadvayamadhyasaMsthitam || 8||
sarvAtmakaM kAmavinAshamUlaM taM chandrachUDaM maNipUravAsinam | sarvArthakam
chaturbhujaM j~nAnasamudrayADhyaM pAshaM mR^igAkShaM guNasUtravyAptam || 9||
dharAmayaM tejasamindukoTiM vAyuM jaleshaM gaganAtmakaM param |
bhajAmi rudraM kulalAkinIgataM sarvA~NgayogaM jayadaM sureshvaram || 10||
shukraM mahAbhImanayaM purANaM         (mahAbhImalayaM) 
     prANAtmakaM vyAdhivinAshamUlam |
yaj~nAtmakaM kAmanivAraNaM guruM       (yaj~nArthakam)
     bhajAmi vishveshvarasha~NkaraM shivam || 11||
vedAgamAnAmatimUladeshaM tadudbhavaM bhadrahitaM parAparam | tadrahitaM
kAlAntakaM brahmasanAtanapriyaM bhajAmi shambhuM gaganAdirUDham || 12||
shivAgamaM shabdamayaM vibhAkaraM bhAsvatprachaNDAnalavigrahaM graham |
grahasthitaM j~nAnakaraM karAlaM bhajAmi shambhuM prakR^itIshvaraM haram || 13||
ChAyAkaraM yogakaraM sukhendraM mattaM mahAmattakulotsavADhayam |
yogeshvaraM yogakalAnidhiM vidhiM vidhAnavaktAramahaM bhajAmi || 14||
hemAchalAla~NkatashuddhaveshaM varAbhayAdAnanidAnamUlam |
bhajAmi kAntaM vanamAlashobhitaM chAmUlapadmAmalamAlinaM kulam || 15||
svayaM purANaM puruSheshvaraM guruM mithyAbhayAhlAdavibhAvinaM bhaje |
bhAvapriyaM premakalAdharaM shivaM girIshvaraM chArupadAravindam || 16||
dhyAnapriyaM j~nAnagabhIrayogaM bhAgyAspadaM bhAgyasamaM sulakShaNam |
shUlAyughaM shUlavibhUShitA~NgaM shrIsha~NkaraM mokShaphalakriyaM bhaje || 17||
namo namo rudragaNebhya evaM mR^ityu~njayebhyaH kulacha~nchalebhyaH |
shaktipriyebhyo vijayAdibhUtaye shivAya dhanyAya namo namaste || 18||
bAhyaM trishUlaM varasUkShmabhAvaM vishAlanetraM tanumadhyagAminam |
mahAvipadduHkhavinAshabIjaM praj~nAdayAkAntikaraM bhajAmi || 19||
##var ## mahAvipadbhasmavilAsabIjaM shuddhodayaM shAntikaraM bhajAmi
purAntakaM pUrNasharIriNaM guruM smarArimAdyaM nijatarkamArgam |
anAdidevaM divi doShaghAtinaM bhajAmi pa~nchAkSharapuNyasAdhanam || 20||
digambaraM padmamukhaM karasthaM sthitikriyAyoganiyojanaM bhavam |
bhAvAtmakaM bhadrasharIriNaM shivaM bhajAmi pa~nchAnanamarkavarNam || 21||
mAyAmayaM pa~NkajadAmakomalaM digvyApinaM daNDadharaM hareshvaram |
tripakShakaM tryakSharabIjabhAvaM tripadmamUlaM triguNaM bhajAmi || 22||
vidyAdharaM vedavidhAnakAryaM kAyAgataM nItaninAdatoSham |
nityaM chaturvargaphalAdimUlaM vedAdisUtraM praNamAmi yogam || 23||
vedAntavedyaM kulashAstravij~naM kriyAmayaM yogasvadharmadAnam |
bhakteshvaraM bhaktiparAyaNaM varaM bhaktaM mahAbuddhikaraM bhajAmyaham || 24||
gatAgataM gamyamagamyabhAvaM samullasatkoTikalAvataMsam |
bhAvAtmakaM bhAvamayaM sukhAsukhaM bhajAmi bhargaM prathamAruNaprabham || 25||
bindusvarUpaM parivAdavAdinaM madhyAhnasUryAyutasannibhaM navam |
vibhUtidAnaM nijadAnadAnaM dAnAtmakaM taM praNamAmi devam || 26||
kumbhApahaM shatrunikumbhaghAtinaM daityArimIshaM kulakAminIsham |
prItyAnvitaM chintyamachintyabhAvaM prabhAkarAhlAdamahaM bhajAmi || 27||
trimUrtimUlAya jayAya shambhave hitAya lokasya vapurdharAya |
namo bhayAchChinnavighAtine pate namo namo vishvasharIradhAriNe || 28||
## var ## bhavAchChannanighAtine te  
tapaHphalAya prakR^itigrahAya guNAtmane siddhikarAya yogine |
namaH prasiddhAya dayAturAya vA~nChAphalotsAhavivardhanAya te || 29||
shivamamaramahAntaM pUrNayogAshrayantaM ## var ## shivavarahastaM puShpayogAshrayantam
            dharaNidharakarAbjairvardhamAnaM trisargam |
visamamaraNaghAtaM mR^ityupUjyaM janeshaM ## var ## visamacharaNaghAtaM mR^ityudhAtaM nareshaM
            vidhigaNapatisevyaM pUjaye bhAvayAmi || 30||
etatstotraM paThedvidvAn muniryogaparAyaNaH |
nityaM jagannAthaguruM bhAvayitvA punaH punaH || 31||
maNipUre vAyuniShTho nityaM stotraM paThed yadi |
jIvanmuktashcha dehAnte paraM nirvANamApnuyAt || 32||

|| iti shrIrudrayAmale uttaratantre mahAtantroddIpane
rudramR^ityu~njayastavanaM nAmAShTachatvAriMshatamaH paTalaH ||

##
Encoded by Gopal Upadhyay gopal.j.upadhyay at gmail.com
Proofread by Gopal Upadhyay gopal.j.upadhyay at gmail.com, NA

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}