% Text title : Rudra Panchakam Five Suktas related to Rudra devatA % File name : rudrapanchakam.itx % Category : shiva, veda % Location : doc\_shiva % Transliterated by : NA % Proofread by : Sneha Sudha snehasudha13 at gmail.com, NA % Latest update : June 2, 2019 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Rudrapanchakam ..}## \itxtitle{.. rudrapa~nchakam ..}##\endtitles ## \section{rudramantrakasUktaM prathamam} OM namaH shivAya | praNato.asmi mahAdeva prapanno.asmi sadAshiva | nivAraya mahAmR^ityuM mR^ityu~njaya namo.astu te || devaM sudhAkalashasomakaraM trinetraM padmAsanaM cha varadA.abhayadaM sushubhram | sha~NkhA.abhayAbjavarabhUShitayA cha devyA vAme.a~NkitaM shamanabha~NgaharaM namAmi || shuddhasphaTikasa~NkAshaM trinetraM pa~nchavaktrakam | ga~NgAdharaM dashabhujaM sarvAbharaNabhUShitam || 1|| nIlagrIvaM shashA~NkA~NkaM nAgayaj~nopavItinam | vyAghracharmottarIyaM cha vareNyamabhayapradam || 2|| kamaNDalvakShasUtrAbhyAmanvitaM shUlapANikam | jvalantaM pi~NgalajaTAshikhamudyotakAriNam || 3|| amR^itenAplutaM hR^iShTamumAdehArdhadhAriNam | divyasiMhAsanAsInaM divyabhogasamanvitam || 4|| digdevatAsamAyuktaM surAsuranamaskR^itam | nityaM cha shAshvataM shuddhaM dhruvamakSharama.avyayam || 5|| sarvavyApinamIshAnaM rudraM vai vishvarUpiNam | evaM dhyAtvA dvijaH samyaktato yajanamArabhet || 6|| mR^ityu~njaya mahAdeva pAhi mAM sharaNAgatam | janmamR^ityujarArogaiH pIDitaM bhavabandhanAt || 7|| ArAdhito manuShyaistvaM siddhairdevairmaharShibhiH | AvAhayAmi bhaktyA tvAM gR^ihANArchAM maheshvara || 8|| hara shambho mahAdeva vishveshAmaravallabha | shiva sha~Nkara sarvAtman nIlakaNTha namo.astu te || 9|| iti vij~nApya deveshaM japenmantraM cha tryambakam || 10|| OM tryambakaM yajAmahe sugandhiM rayipoShaNam | urvArukamiva bandhanAnmR^ityormukShIya mA.amR^itAt || OM AtvA vahantu harayaH sachetasaH shvetairashvairiha ketumadbhirvAtAjavena balamadbhirmanojavA yAntu shIghraM mama rudrAya havyandevAnAM cha R^iShINAM chAsurANAM cha pUrvajaM sahasrAkShaM virUpAkShaM vishvarUpaM mahAdeva shivamAvAhayAmyaham || AvAhayAmyahaM devamIshvaraM pArvatIpatim | vR^iShabhAsanamArUDhaM nAgAbharaNabhUShitam || prIyatAM yajamAnasya tuShTo bhUyAjjagatpatiH | shuklavarNo mahAtejAH shuklasragdAmabhUShitaH | baliH puNyaM charushchaiva dhUpo.ayaM pratigR^ihyatAm || OM tatpuruShAya vidmahe mahAdevAya dhImahi | tanno rudraH prachodayAt || 3|| OM shatarudriyandevAnAM rudrashamanaM bhavAya sharvIyashcha pratyutkrAntAnuvAkau devarShI rudradaivatyastriShTupchChandashchayane viniyogaH\, namaste devA raudramAnuShTubhamAdyA gAyatrI pa~nchamaShaShThyau pA.nktyantA mahApa~NktirmA bhairekapadA jagatyanuShTupa triShTup mahAbR^ihatI yavamadhyA rudro devatA charumeShTikA\, asya rudrasya prashnasya anuShTupachChandaH aghora R^iShi sa~NkarShaNamUrtiH surUpo yo.asAvAdityaH paraHpuruShaH saeva devatA\, agniH kratucharumAyAmiShTikAyAM shatarudre viniyogaH\, sakalasya rudrAdhyAyasya shrImahArudro devatA ekA gAyatrI Chandastisro.anuShTubhastisraH pa~NktyaH saptA.anuShTubhau dve jagatyau parameShThI R^iShiH | Atmano vA~NmanaH kAyopArjitapApanivAraNArthamamukakAmanAsid.hdhyarthe rudramantrapAThe home snAne puShpArchane vA viniyogaH || OM karpUragauraM karuNAvatAraM saMsArasAraM bhujagendrahAram | sadA ramantaM hR^idayAravinde bhavaM bhavAnIsahitaM namAmi || OM namaste rudra manyave bAhubhyAmuta te nama uta ta iShave namaH| yA te rudra shivA tanUra.aghorA pApakAshinI | tayA nastanvAshantamayA girishantA.abhichAkashIhi | yAmiShu~Ngirishanta! haste bibharShya.astave | shivAM giritra tA~Nkuru mAhiMsIH puruShaM jagat | shivena vachasA tvA girishAchChA vadAmasi | yathA naH sarvamijjagada.ayakShmaM sumanA asat | adhyavochadadhivaktA prathamo daivyo bhiShak | ahIMshcha sarvA~njambhaya sarvAMshcha yAtudhAnyo.adharAchIH parAtsuvaH | asau yastAmro aruNa uta babhruH suma~NgalaH | ye cheme rudrA abhito dikShu shritAH sahasrasho vaiShAM heDa Imahe | asau yo.avasarpati nIlagrIvo vilohitaH | utainaM gopA adR^ishyannutainamudahAryaH | utainaM vishvA bhUtAni sa dR^iShTo mR^iDayAti naH | namo astu nIlagrIvAya sahasrAkShAya mIDhuShe | atho ya asya sattvAno.ahantebhyo.akaraM namaH | pramu~ncha dhanvanastamubhayorarttyorjyAm | yAshcha te hasta iShavaH parastA bhagavo vapa | vijyaM dhanuH kapardino vishalyo bANavAnuta || 1|| aneshannasyeShava AbhUrasya niSha~NgathiH | yA te hetirmIDhuShTama haste babhUva te dhanuH | tayA.asmAnvishvatastvamayakShmeNa paribhuja | pari te dhanvano hetirasmAnvR^iNaktu vishvataH | atho ya iShudhistavAre asmannidhIhi tam | namAMsi ta AyudhAyA.anAtatAya dhR^iShNave | ubhAbhyAmuta te namo bAhubhyAM tava dhanvane | avatatya dhanuShTvaM sahasrAkSha shateShudhe | nishIrya shalyAnAM mukhaM shivo naH sumanA bhava | yA ta iShuH shivatamA shivaM babhUva te dhanuH | shivA sharavyA yA tava tayA no mR^iDa jIvase || 2|| OM namo hiraNyabAhave senAnye dishAM cha pataye namo\, namo vR^ikShebhyo harikeshebhyaH pashUnAM pataye namo\, namaH shiShpi~njarAya tviShImate pathInAmpataye namo\, namo babhluShAya vyAdhine.annAnAmpataye namo\, namo harikeshAyopavItine puShTAnAM pataye namo\, namo bhavasya hetyai jagataspataye namo\, namo rudrAyA.atatAyine kShetrANAmpataye namo\, namaH sUtAyA.ahantyAya vanAnAM pataye namo\, namo rohitAya sthapataye vR^ikShANAM pataye namo\, namo mantriNe vANijyAya kakShyANAM pataye namo\, namo bhuvantaye vArivaskR^itAyauShadhInAM pataye namaH || nama AkrandAya ta uchchairghoShAya sattvAnAM pataye namo\, namaH kR^itsaMvItAya dhAvate pattInAM pataye namo\, namaH sahamAnAya nivyAdhina AvyAdhinInAM pataye namo\, namo niSha~NgiNe kakubhAya stenAnAM pataye namo\, namo va~nchate pariva~nchate stAyUnAM pataye namo\, namo nicharAya paricharAyA.araNyAnAM pataye namo\, namo niSha~NgiNa iShudhimate taskarANAM pataye namo\, namaH sR^ikAyibhyo jighAMsadbhyo muShNatAM pataye namo\, namo.asimadbhyo nakta~ncharadbhyaH prakR^intAnAM pataye namo\, nama uShNIShiNe giricharAya kulu~nchAnAM pataye namo || nama iShukR^idbhyo dhanvakR^idbhyashchavo namo\, nama iShumadbhyo dhanvAyidbhyashcha vo namo\, nama AtanvAnebhyaH pratidadhAnebhyashcha vo namo\, nama AyachChadbhyo.asyadbhyashcha vo namo\, namo visR^ijadbhyo vidhyadbhyashcha vo namo\, namaH svapadbhyo jAgradbhyashcha vo namo\, namaH shayAnebhya AsInebhyashcha vo namo\, namastiShThadbhyo dhAvadbhyashcha vo namo\, namaH sabhAbhyaH sabhApatibhyashcha vo namo\, namo.ashvebhyo.ashvapatibhyashcha vo namo\, nama AvyAdhinIbhyo vividhyadbhyashcha vo namo\, nama ugaNAbhyastR^iMhatIbhyashcha vo namo\, namo vrAtebhyo vrAtapatibhyashcha vo namo\, namo gaNebhyo gaNapatibhyashcha vo namo\, namaH kR^ichChrebhyaH kR^ichChrapatibhyashcha vo nabho\, namo virUpebhyo vishvarUpebhyashcha vo namo\, namaH senAbhyaH senAnIbhyashcha vo namo\, namo rathebhyo varUthibhyashcha vo namo\, namo mahadbhyo.arbhakebhyashcha namo\, namo yuvabhya Ashinebhyashcha vo namo\, namaH kShatR^idbhyaH sa~NgR^ihItR^ibhyashcha vo namo\, namastakShabhyo rathakArebhyashcha vo namo\, namaH kulAlebhyaH karmArebhyashcha vo namo\, namaH pu~njiShThebhyo niShAdebhyashcha vo namo\, namaH shvanibhyo mR^igayubhyashcha vo namo\, namaH shvabhyaH shvapatibhyashcha vo namaH || namo bhavAya cha rudrAya cha\, namaH sharvAya cha pashupataye cha\, namo nIlagrIvAya cha shitikaNThAya cha\, namo vyuptakeshAya cha kapardine cha\, namaH sahasrAkShAya cha shatadhanvane cha || namo girishAya cha shipiviShTAya cha\, namo mIDhuShTamAya cheShumate cha\, namo hrasvAya cha vAmanAya cha\, namo bR^ihate cha varShIyase cha\, namo vR^iddhAya cha saMvR^idhvane cha\, namo.agryAya cha prathamAya cha\, nama Ashave chA.ajirAya cha\, namaH shIbhyAya cha shIghryAya cha\, nama UrmyAya chA.avasvanyAya cha\, namo nAdyAya cha dvIpyAya cha || namo jyeShThAya cha kaniShThAya cha\, namaH pUrvajAya chAparajAya cha\, namo madhyamAya chA.apragalbhAya cha\, namo bughnyAya cha jaghanyAya cha\, namaH sobhyAya cha pratisaryAya cha\, nama AshuSheNAya chAshurathAya cha || namo bilmine cha kavachine cha\, namo varmiNe cha varUthine cha\, namaH shUrAya chAvabhedine cha\, namaH shrutAya cha shrutasenAya cha\, namo yAmyAya cha kShemyAya cha\, nama urvaryAya cha khalyAya cha\, namaH shlokyAya chAvasAnyAya cha\, namaH shravAya cha pratishravAya cha\, namo vanyAya cha kakShyAya cha\, namo dundubhyAya chA.ahananyAya cha\, namo dhR^iShNave cha pramR^ishAya cha\, namo niSha~NgiNe cheShudhimate cha\, namastIkShNeShave chAyudhine cha\, namaH sAyudhAyacha sudhanvanecha || namaH sR^ityAya cha pathyAya cha\, namaH kATyAya cha nIpyAya cha\, namo nAdyAya cha vaishantAya cha\, namaH kulyAya cha sarasyAya cha\, namaH kUTyAya chAvaTyAya cha\, namo varShyAya chA.avarShyAya cha\, namo medhyAya cha vidyutyAya cha\, namo vIghryAya chAtapyAya cha\, namo vAtyAya cha reShmyAya cha\, namo vAstavyAya cha vAstupAya cha || namaH somAya cha rudrAya cha namastAmrAya chAruNAya cha\, namaH sha~Ngave cha pashupataye cha\, nama ugrAya cha bhImAya cha\, namo hantre cha hanIyase cha\, namo.agrevadhAya cha dUrevadhAya cha\, namo vR^ikShebhyo harikeshebhyo\, namastArAya\, namaH shambhave cha mayobhave cha\, namaH sha~NkarAya cha\, mayaskarAya cha || namaH shivAya cha shivatarAya cha\, namaH kiMshalyAya cha kShayaNAya cha || nama iriNyAya cha prapathyAya cha\, namaH pulastine cha kapardine cha\, namo goShThyAya cha gR^ihyAya cha\, namastalpyAya cha gehyAya cha\, namaH paryAyachAvaryAya cha\, namaH prataraNAya chottaraNAya cha\, namastIrthyAya cha kulyAya cha\, namaH phenyAya cha shaShpyAya cha\, namaH sikatyAya cha pravAhyAya cha \, namo hR^idayyAya cha niveShpyAya cha\, namaH kATyAya cha gahvareShThyAya cha\, namaH shuShkyAya cha harityAya cha\, namo lopyAya cholapyAya cha\, namaH pAMsavyAya cha rajasyAya cha namaH sUrmyAya chormyAya cha\, namaH parNyAya cha parNashAdAya cha\, nama Akhidate cha prakhidate cha\, namo.abhighnate chApaguramANAya cha\, nama AkhidAya cha vikhidAya cha namo vaH kirikebhyo devAnAM hR^idayebhyo\, namo vichinutkebhyo\, namo vikShINakebhyo nama AnirhatebhyaH || drApe andhasaspate daridra nIlalohita\, AsAM prajAnAmeShAM puruShANAmeShAM pashUnAM mAbhairmA ru~NmA naH ki~nchanA.amamat | imA rudrAya tavase kapardine kShayadvIrAya prabharAmahe matIH | yathA naH shama.asaddvipade chatuShpade vishvaM puShTaM grAme asminnanAturam | yA te rudra shivA tanUH shivA vishvAha bheShajIH\, shivArudrasya bheShajI tayA no mR^iDa jIvase | pari No rudrasya hetirvR^iNaktu paritveShasya durmateraghAyoH\, avasthirA maghavadbhyastanuShu mIDhustokAya tanayAya mR^iDa | mIDhuShTama shivatama shivo naH sumanA bhava\, parame vR^ikSha AyudhannidhAya kR^ittiM vasAna Achara pinAkam | bibhraduchchara vikirila vilohita namaste astu bhagavaH\, yAste sahasraM hetayo.anye.asminniva pAntu tAH || sahasradhA sahasrANi hetayastava bAhvoH | tAsAmIshAno bhagavaH parAchInA mukhAkuru || asa~NkhyAtAH sahasrANi ye rudrA adhibhUmyAm | teShAM sahasrayojane.ava dhanvAni tanmasi || 1|| ye.asminmahatya.arNave.antatarikShe bhavA adhi | teShAM sahasrayojane.ava dhanvAni tanmasi || 2|| ye nIlagrIvAH shitikaNThA divaM rudrA upAshritAH | teShAM sahasrayojane.ava dhanvAni tanmasi || 3|| ye nIlagrIvAH shitikaNThAH sharvA adhaHkShamAcharAH | teShAM sahasrayojane.ava dhanvAni tanmasi || 4|| ye vaneShu shiShpi~njarA nIlagrIvA vilohitAH | teShAM sahasrayojane.ava dhanvAni tanmasi || 5|| ye.anneShu vividhyanti pAtreShu pibato janAn | teShAM sahasrayojane.ava dhanvAni tanmasi || 6|| ye bhUtAnAmadhipatayo vishikhAsaH kapardinaH | teShAM sahasrayojane.ava dhanvAni tanmasi || 7|| ye pathInAM pathi rakShaya aiDa mR^idAya vyudhaH | teShAM sahasrayojane.ava dhanvAni tanmasi || 8|| ye tIrthAni pracharanti sR^ikAvanto niSha~NgiNaH | teShAM sahasrayojane.ava dhanvAni tanmasi || 9|| ya etAvanto vA bhUyAMso vA disho rudrA vitiShThire | teShAM sahasrayojane.ava dhanvAni tanmasi || 10|| OM namo astu rudrebhyo ye divi\, yeShAM varShamipavastebhyo dasha prAchIrdasha dakShiNA dasha pratIchIrdashodIchIrdashordhvAstebhyo namo astu\, te no mR^iDayantu\, te yaM dviShmo yashcha no dveShTi tameShAM jambhe dadhmaH || 1|| OM namo astu rudrebhyo ye antarikShe\, yeShAM vAtamiShavastebhyo dasha prAchIrdasha dakShiNA dasha pratIchIrdashodIchIrdashordhvAstebhyo namo astu\, te no mR^iDayantu te yaM dviShmo yashcha no dveShTi tameShAM jambhe dadhmaH || 2|| OM namo astu rudrebhyo ye pR^ithivyAM yeShAma.annamiShavastebhyo\, dasha prAchIrdasha dakShiNA dasha pratIchIrdashodIchIrdashordhvAstebhyo namo astu te no mR^iDayantu te yaM dviShmo yashcha no dveShTi tameShAM jambhe dadhmaH || 3|| iti rudramantrasUktaM prathamam | \chapter{shatAdhyAyamantrasUktaM dvitIyam} OM devaM tAmarasAnanaM shashikalAla~NkArama~NkAramachCha\- ~NkhAmbhojalasadvarAbhayamahAlakShmIsamudbhAsitam | savyAsavyakadorvarAbhayasudhAkumbhendumindrallasat\- saumyAsyaM cha chaturbhujaM cha bhagavannetraM trinetraM stumaH || 1|| chandrArkAgnivilochanaM smitamukhaM padmadvayAntaHsthitaM mudrApAshasudhAkShasUtravilasatpANiM himAMshuprabham | koTIrendugalatsudhAplutatanuM hArAdibhUShojjvalaM kAntyA vishvavimohanaM pashupatiM mR^ityu~njayaM bhAvaye || 2|| \ldq{}imA rudraikAdasha vAsiShThaikAdasha devatA bhUrbhuvaH | svashchakShuShA rUpANi vayamityA~NgirasasyaishAnAH\rdq{} || OM imA rudrAya tavase kapardine kShayadvIrAya prabharAmahe matIH | yathA naH shamasaddvipade chatuShpade vishvaM puShTaM grAme asminnanAturam || 1|| mR^iDA no rudro tano mayaskR^idhi kShayadvIrAya namasA vidhema te | yachCha~nchayoshcha manurAyeje pitA tadashyAma tava rudra praNItiShu || 2|| ashyAma te sumatiM devayajyayA kShayadvIrasya tava rudra mIDhvaH | sumnAyannidviSho asmAkamA.acharAriShTivIrA juhuvAma te haviH || 3|| tveShaM vayaM rudraM yaj~naM sAdhanama.a~Nka~Nkavimavase nihvayAmahe | Are asmaddaivyaM heDo asyatu sumatimidvayama.asyA vR^iNImahe || 4|| divo varAhamaruShaM kapardinaM tveShaM rUpaM namasA nihvayAmahe | haste vibhradbheShajA vAryANi sharma varmachChurdirasmabhyaM viyaMsat || 5|| idaM pitre marutAmuchyate vachaH svAdoH svAdIyo rudrAya vardhanam | rAsvAcha no amR^itamartyabhojanaM tmane tokAya tanayAya mR^iDa || 6|| mR^ila tvamasmabhyaM rudraitada.astu hutaM tava | pashunasmAkaM mAhiMsIretada.asmA asaddhutam || 7|| mAno mahAntamuta mAno arbhakaM mAna ukShantamuta mAna ukShitam | mAno vadhIH pitaraM mota mAtaraM mAnaH priyAstanvo rudra rIriShaH || 8|| mA nastoke tanaye mA na Ayau mAno goShu mA na ashveShu rIriShaH | vIrAnmAno rudra bhAmito vadhIrhaviShmanto namasA vidhema te || 9|| upa te stomanpashupA ivAkaraM rAsvA pitarmarutAM sumnamasme | bhadrA hi te sumatimR^iDayattamAthA vayamava itte vR^iNImahe || 10|| Are te goghnamuta puruShaghnaM kShayadvIra sumnamasme te astu | mR^iDA chano adhi cha brUhi devAdhA cha naH sharma yammeCha dvibarhAH || 11|| avochAma namo asmA avasyavaH shR^iNvantu no havyaM rudro marutvAn | tanno mitro varuNo mAmahantAmaditiH sindhuH pR^ithivIruta dyauH || 12|| tvamagne rudro asuro maho divastvaM shardho marutaM prakhyA yashase | tvaM vAtairAruNairyaste sha~NgayastvaM pUShA vidattA pAsi nutmanA || devA deveShu shrayantAM\, prathamA dvitIyeShu shrayantAM\, dvitIyAstR^itIyeShu shrayantAM\, tR^itIyAshchaturtheShu shrayantAM\, chaturthAH pa~nchameShu shrayantAM\, pa~nchamAH ShaShTheShu shrayantAM \, paShThAH saptameShu shrayantAM\, saptamA aShTameShu shrayantAM\, aShTamA navameShu shrayantAM\, navamA dashameShu shrayantAM\, dashamA ekAdasheShu shrayantAM\, devAstrirekAdashAstrayastriMshAH\, uttare bhavathottare sattvAno uttaravartmAna uttaralakShmANo ya~NkAmayedaM juhomi sa me kAmaH samR^id.hdhyatAM vayaM syAma patayo rayINAm || OM bhUrbhuvaH svaH kShuchcha shukchoShNA chogrA cha bhImA cha rAShTrA cha bIbhatsA cha vaishantA cha shArdUrAkA chAnirAkA chAmIvAchA nAhutishcha nirR^itiretAste agnivartimatistanvastAbhistaM gachCha yo.asmAndveShTi ya~ncha vayaM dviShmastamarpaya || bhavA sharvA mR^iDatamA viyAtaM pashupatI bhUtapatI namo vAm | pratihitAmayatAmAvisR^iShTaM mAno hiMsiShTaM dvipado mA chatuShpadaH | shune kroShTre mA sharIrANi kartamArikravebhyo gR^iddhebhyo ye cha kR^iShNA avasyavaH | makShikAH pashupate vayAMsi vighase mA vidante | krandAya te prANAya te yAshcha te bhava hetayaH | namaste ugrakarma sahasrAkSha martya purastAtte namaH | kUrmodharAguttarAdanu\, amI vargAddivasparyantarikShAya te namaH\, mukhAni te pashupate yAni chakShUMShi te namaH\, tvache rUpAya sandR^ishe pratIchInAya te namaH\, a~Ngebhyasta udarAya jihvAyai dadbhyo gandhAya ghrANAya te namaH | ahorAtrANi vidadhatpratIchInAya te namaH | astrAnIlakapardine sahasrAkSheNa vAjinA\, sharveNA.adhvagagAtinA tena mA samarAmasi | bhavA Isha dvipado bhava Isha chatuShpadaH\, bhavo vishvasya bhuvanasya rAjati bhavAya gAva oShadhIrajIgurbhavAya dyAvApR^ithivI namete | mAno rudrA pari No vR^iNoktu hetyApa ivAgniH pariNo vR^iNaktu\, mAnobhimAMsta namo astvasme\, chaturnamoShTakR^itvo bhavAya dashakR^itvA pashupate namaste | yo.abhiyAto nilayate tvaM rudra nichakIrShati\, yo naH pashchAdati prayu~Nkte taM vid.hdhyasva padavIriva | namaH sAyaM namaH prAtarnamo rAtryA namo divaH\, bhavAya cha sharvAya chobhAbhyAmakaraM namaH || \ldq{}atha vAyorekAdasha puruShasyaikAdashastrIkasya\rdq{} || prabhrAjamAnAnAM rudrANAM sthAne svatejasA bhAni | 1| vyavajAtAnAM rudrANAM sthAne svatejasA bhAni | 2| vAsukivaidyutAnAM rudrANAM sthAne svatejasA bhAni | 3| rajatAnAM rudrANAM sthAne svatejasA bhAni | 4| puruShANAM rudrANAM sthAne svatejasA bhAni | 5| shyAmAnAM rudrANAM sthAne svatejasA bhAni | 6| kapilAnAM rudrANAM sthAne svatejasA bhAni | 7| atilohitAnAM rudrANAM sthAne svatejasA bhAni | 8| UrdhvAnAM rudrANAM sthAne svatejasA bhAni | 9| avapatantAnAM rudrANAM sthAne svatejasA bhAni | 10| vaidyutAnA rudrANAM sthAne svatejasA bhAni | 11| OM bhUrbhuvaHsvaHrUpANi vo mithunaM mA vo mithunaM rIDhvam\rdq{} || OM prabhrAjamAnAnAM rudrANInAM sthAne svatejasA bhAni | 1| vyavajAtAnAM rudrANInAM sthAne svatejasA bhAni | 2| vAsukivaidyutInAM rudrANInAM sthAne svatejasA bhAni | 3| rajatAnAM rudrANInAM sthAne svatejasA bhAni | 4| puruShANAM rudrANInAM sthAne svatejasA bhAni | 5| shyAmAnAM rudrANInAM sthAne svatejasA bhAni | 6| kapilAnAM rudrANInAM sthAne svatejasA bhAni | 7| atilohitAnAM rudrANInAM sthAne svatejasA bhAni | 8| UrdhvAnAM rudrANInAM sthAne svatejasA bhAni | 9| avapatantInAM rudrANInAM sthAne svatejasA bhAni | 10| vaidyutInAM rudrANInAM sthAne svatejasA bhAni | 11| \ldq{}OM bhUrbhuvaHsvaH striyo vo mithunaM mA vo mithunaM rIDhvam\rdq{} || vayamagne dhanavantaHsyAmAlaM yaj~nAyota dakShiNAyai grAvA vadedabhi somasyAMshumindraM sikShimindunA sutena || 13|| rAyaspoShaM no dehi jAtaveda Urjo bhAgaM madhumatsyAM dhR^itAvat | dadhAna yaj~naM sunavAma somaM yaj~nena tvAmupa shikShema shakta || 14|| IshAnantvA shushrumA vayaM dhanAnAM dhanapate gomada.agne | ashvavadbhUri puShTaM hiraNyavaddhanavaddhehi mahyam || 15|| duhAnte dyauH pR^ithivI payo.ajagarastvA sodako visarpatu | prajApatinA.atmAnamAprINe.arikto ma AtmA || 16|| \ldq{}tejo.asi\rdq{} | yo rudro agnau yo apsu ya oShadhIShu yo vanaspatiShu | yo rudro vishvA bhuvanA vivesha tasmai rudrAya namo astu devAH | madhyaM pItvA gurudArAMshcha0|| iti shatAdhyAyamantrasUktaM dvitIyam | \chapter{chamaShaTkamantrasUktaM tR^itIyam} OM gAtraM bhasmasitaM sitaM cha hasitaM haste kapAlaM sitaM khaTvA~NgaM cha sitaM sitaM cha vR^iShabhaM karNe site kuNDale | ga~NgAphenasito jaTAjalasitashchandraH sito mUrdhani so.ayaM sarvasito dadhAtu vibhavaM pApakShayaM sha~NkaraH || \ldq{}AshuH shishAna iti shukrajyotiShmAnaMshuH prajananaM sarvAH prajAH kashyapasya vAjasya prasavo.agneH\rdq{} || OM AshuH shishAno vR^iShabho na yudhmo ghanAghanaH kShobhaNashcharShaNInAm | sa~Nkrandano.animiSha ekavIraH shataM senA ajayatsAkamindraH || sa~NkrandanenA.animiSheNa jiShNunA yutkAreNa dushchyavanena dhR^iShNunA | tadindreNa jayata tatsahadhvaM yudho nara iShuhastena vR^iShNA | sa iShuhastaiH sa niShi~NgibhirvashI saMsR^iShTA sayudha indro gaNena | saMsR^iShTajitsomapA bAhUshardhyUrdhvadhanvA pratihitAbhirastA || bR^ihaspate paridIyA rathena rakShohA mitrA.N apabAdhamAnaH | prabha~njansenAH pramR^idho yudhA jayanna.asmAkamedhyavitA rathAnAm || balavij~nAyaH sthaviraH pravIraH sahasvAnvAjI sahamAna ugraH | abhivIro abhiShatvA sahojijjaitrAyano rathamA.atiShTha govit || gotrabhida~NgovidaM vajrabAhuM jayantama.ajmA pramR^iNantamojasA | imaM sa jAtA anuvIrayadhvamindrasakhAyama.anusaMvyayadhvam || abhigotrANi sahasA gAhamAno.adayo vIraH shatamanyurindraH | dushchyavanaH pR^itanAShADa.ayudhyo.asmAkaM senA avantu prayatsu || indra eShAM netA bR^ihaspatirdakShiNo yaj~naH pura etu somaH | devasenAnAmabhibha~njatInAM jayantInAM mAruto yantu madhye || indrasya vR^iShNo varuNasya rAj~na AdityAnAM marutAM shardha ugram | mahAmanasAM bhuvanasya vAnAM ghoSho devAnAM jayatAmudasthAt || asmAkamindraH samR^iteShu dhvajeShva.asmAkaM yA iShavastA jayantu | asmAkaM vIrA uttare bhavantva.asmAnnu devA avatA bhareShvA || \ldq{}homa para khaDA hoke yaha Ahuti denA\rdq{} || OM shukrajyotishcha chitrajyotishcha satyajyotishcha jyotiShmAMshcha satyashchartapAshchAtya.NhA IdR^i~N chAnyAdR^i~Ncha sadR^i~Nacha pratisadR^i~Nacha mitashcha sammitashcha sabhArA R^itashcha satyashcha dhruvashcha dharaNashcha dhartA cha vidhartA cha vidhAraya R^itajichcha satyajichcha senAjichcha suSheNashchAntimitrashcha dUre amitrashcha gaNa IdR^ishAsa etAdR^ikShAsa UShuNaH sadR^ikShAsaH pratisadR^ikShAsa etAnamitAsashcha sammitAso no adya sabhAraso maruto yaj~ne asminnindraM daivIrvisho maruto.anu vartmAno yathendrandaivIrvisho maruto.anu vartmAno.abhavannevamimaM yajamAnaM daivIshcha visho mAnuShIshchAnu vartmAno bhavantu || vAjashchame prasavashchame prayatishchame prasR^itishchame dhItishchame kratushchame svarashcha me shlokashchame shrAvashchame shrutishcha me jyotishchame svashchame prANashchame vyAnashchame apAnashchame asushchame chittaM chama AdhIta~nchame vAkchame manashchame chakShushchame shrotraM chame dakShashchame bala~nchama ojashchame sahashchama AtmAchame tanUshchame sharma chame varma chame a~NgAni chame asthIni chame paruMShi chame sharIrANichama Ayushchame jarAchame || OM jyaiShThya~nchama AdhipatyaM chame\, manyushchame bhAmashchame amashchame ambhashchame jemAchame mahimAchame varimAchame\, prathimAchame\, varShmA chame\, drAdhvAchame\, vR^iddha~nchame\, vR^iddhishchame\, satya~nchame\, shraddhAchame\, jagachchame\, dhana~nchame\, krIDAchame\, modashchame\, vashashchame\, tvipishchame\, sUkta~nchame\, sukR^ita~nchame\, jAta~nchame\, janiShyamANaM chame\, vitta~nchame\, vedya~nchame\, bhUta~nchame\, bhaviShyaM chame\, suga~nchame\, supathaM chame\, R^iddha~nchama\, R^iddhishchame\, kL^iptaM chame kL^iptishchame\, matishchame sumatishchame || OM sha~nchame\, mayashchame\, priyashchame\, anukAmashchame\, kAmashchame\, saumanasashchame\, bhagashchame\, draviNaM chame\, bhadra~nchame\, shreyashchame\, vashyashchame\, yashashchame\, yantAchame\, dhartAchame\, kShemachame\, dhR^itishchame\, saMvichchame\, j~nAtra~nchame\, vishva~nchame\, mahashchame\, sUshchame\, prasUshchame\, sIra~nchame\, layashchama\, R^ita~nchame\, amR^ita~nchame\, ayakShmachame\, anAmaya~nchame\, jIvAtushchame\, dIrghAyuShtva~nchame\, anamitraM cha me\, abhaya~nchame\, suga~nchame\, shayana~nchame\, sUShAchame\, sudinaM chame || urkchame\, sUnR^itAchame\, payashchabhe\, rasashchame\, ghR^itaM cha me\, madhuchame\, sagdhishchame\, sapItishchame\, kR^ipishchame\, vR^iShTishchame\, jaitra~nchama\, audbhidachame\, rayishchame\, rAyashchame\, puShTa~nchame\, puShTishchame\, vibhushchame\, prabhushchame\, pUrNa~nchame\, pUrNatara~nchame\, kuyava~nchame\, kShitishchame\, annachama ikShushchame\, vrIhayashchame\, yavAshchame\, mAShAshchame\, tilAshchame\, nIvArAshchame\, shyAmakAshchame\, aNavashchame\, priya~Ngavashchame\, godhUmAshchame\, masUrAshchame\, mudgAshchame\, khalvAshchame || ashmA cha me\, mR^ittikA cha me\, girayashchame\, parvatAshchame\, sikatAshchame\, vanaspatayashchame\, hiraNya~nchame\, ayashchame\, sIsa~nchame\, trapushchame\, shyAma~nchame\, lohitAyasa~nchame\, agnishchama\, Apashchame\, vIrudhashchama\, oShadhayashchame\, kR^iShTapachya~nchame\, akR^iShTapachya~nchame\, grAmyAshchame\, pashava AraNyAshchame\, vitta~nchame\, vittishchame bhUta~nchame\, bhUtishchame\, vasuchame\, vasatishchame\, karmachame\, shaktishchame\, arthashchama\, emashchama\, ityAchame\, gatishchabhe || agnishchama indrashchame\, somashchama indrashchame\, savitAchama indrashchame\, sarasvatI chama indrashchame\, puShA chama indrashchame\, bR^ihaspatishchama indrashchame\, mitrashchama indrashchame\, varuNashchama indrashchame\, dhAtAchama indrashchame\, tvaShTA chama indrashchame\, marutashchama indrashchame\, vishvedAvAshchama indrashchame pR^ithivIshchama indrashchame\, antarikShaM chama indrashchame\, dyaushchama indrashchame\, samAshchama indrashchame\, nakShatrANi chama indrashchame\, dishashchama indrashchame || aMshushchame\, rashmishchame\, dAbhyashchame\, adhipatishchama\, upAMshushchame\, antaryAmashchama\, aindravAyavashchame\, maitrAvaruNashchama\, Ashvinashchame\, pratiprasthAnashchame shukrashchame\, manthIchama\, AgrAyaNashchame\, kShullakavaishvadevashchame\, dhruvashchame\, vaishvAnarashchama\, aindrAgnashchame\, vaishvadevashchame\, marutvatIyashchame\, mahendrIyashchame\, sAvitrashchame\, sArasvatashchame\, patnIvatashchame\, hAriyojanashchame || idhmA cha me\, sruchashchame\, chamasashchame\,vAyacyAni cha me\, droNakalashashchame\, pUtabhR^ichchama\, apUtabhR^ichchame grAvANashchame\, adhiShavaNashchame\, avabhR^ithashchame\, svagAkArashchame || agnishchame\, gharmashchame\, arkashchame\, sUryashchame\, prANashchame\, asvameghashchame\, pR^ithivIchame\, ditishchame\, aditishchame\, dyaushchame\, shakvarIra~Ngulayo\, dishashchame\, yaj~nena kalpatAM\, vrataM chartushcha saMvatsarashcha\, tapashchAhorAtra\, UrvaShThIve bR^ihadrathantarashchame\, yaj~nena kalpatAm || garbhAchame\, vatsAchame\, trayavichchame\, trayavI chame\, dityavAT chame\, dityauhIchame\, pa~nchAvichchame\, pa~nchAvIchame\, trivatsAshchame\, trivatsashchame\, turyAvATchame\, turyauhIchame\, paShThavATchame\, paShThauhIchame\, ukShAchame\, vashAchame\, anaDvAMshchame\, dhenushchame\, R^iShabhashchame\, vehachchame || ekAchame\, tisrashchame\, tisR^Ishchame\, trayastriMshachchame\, chatasrashchame\, aShTauchame\, aShTachame\, aShTAchatvAriMshachchame\, vAjashcha\, prasavashchA.apijashcha kratushcha vAkpatishcha vasushcha svarmaurdho mUrdhvA vaiyashano vyashvA.Nna Antyo.antyo bhauvano bhuvanasya patiH prajApatiradhipatiriyante rANmitro yantAsi yamana UrjetvA vR^iShTyai tvA prajAnAM tvA.adhipatyAya\, Ayuryaj~nena kalpatAM\, mano yaj~nena kalpatAM\, prANo yaj~nena kalpatAM\, chakShuryaj~nena kalpatAM\, shrotraM yaj~nena kalpatAM\, vAgyaj~nena kalpatAmA.a.atmA yaj~nena kalpatAM brahmA yaj~nena kalpatAM\, pR^iShThaM yaj~nena kalpatAM\, yaj~no yaj~nena kalpatAm || R^ikcha sAmashcha stomashcha yajushcha bR^ihadrathantarashcha svardevA aganma prajApateH prajA abhUvanna.amR^itA abhUma veTsvAhA || \ldq{}vAjasya nu prasavA iti ShaT\rdq{} || OM vishve adya maruto vishva UtIrvishve bhavantva.agnayaH samiddhAH | vishve mAdevA avasA gamanniha vishvamastu draviNaM vAje asmin | A (1) mA vAjasya vAjasyanu (2) vAjo mA sapta pradishashchatasro vA parAvataH | (1 AdhunikaiH katibhiranviShTaH pAThoyam \- A mA vAjasya prasavo jagamyAdA.amA dyAvApRRithivI vishvarUpe | A mA gantAM pitarA mAtarA chA mA somo amRRitatvena gamyAt || 2 || vAjasya nu prasave mAtaraM mahImaditiM nAma vachasA karAmahe | yasyAmidaM vishvaM bhuvanamAvivesha tasyAM no devaH savitA dharmasAviShat\.) vAjo mA vishvairdevairdhanasAtA ihAvatu\, vAjo me adya prasuvAtidAnaM vAjo devAnhaviShA vardhayAti\, vAjasya hi prasavenAnnamiti vishvA AshA vAjapatirjayeyam\, vAjaH purastAduta madhyato no vAjo devAnR^itubhiH kalpayAti\, vAjasya hi prasavenAnnameti sarvA AshA vAjapatirbhaveyam || saM mA sR^ijAmi payasaH pR^ithivyAH saM mA sR^ijAmyadbhirauShadhIbhiH sohaM vAjasya naumyagneH || \ldq{}tejo.asi\rdq{} || payaH pR^ithivyAM paya oShadhIShu payo divyantarikShe payodhAH | payasvatIH pradishaH santu mahyam || tarpaNam || madyaM pItvA gurudArAMshcha gatvA steyaM kR^itvA brahmahatyAM vidhAya | bhasmachChanno bhasmashayyAM shayAno rudrAdhyAyI muchyate sarvapApaiH || nityaM daNDI nityayaj~nopavItI nityaM dhyAtvA bhasmanA karmabandhI | rudraM dR^iShTvA devamIshAnamugraM yAti sthAnaM tena sAkaM tadIyam || anena mantrapAThenAtmano vA~NmanaHkAyopArjitapApanivAraNArthamamuka\- kAmanAsid.hdhyarthaM\, bhagavAn\, bhavo devaH 8 shatarudreshvaraH\, mR^ityu~njayabhaTTArakaH pArvatIsahitaH parameshvaraH prIyatAM prIto.astu || iti chamapaTakamantrasUktaM tR^itIyam | \chapter{saumArudramantrasUktaM chaturtham} OM vande rudramumApatiM suraguruM vande jagatkAraNaM vande pannagabhUShaNaM shashidharaM vande pashUnAM patim | vande sUryashashA~NkavahninayanaM vande mukundapriyaM vande shailasutAmanoharataraM vande shivaM sha~Nkaram || (OM saumArudramiti Ishvaro bhrAtR^ivyaH\, brAhmaNAni sumantoH kashyapasya brahmaNashcha) || OM saumArudraM charuM nirvapechChuklAnAM vrIhINAm shvetAyAH shvetavatsAyA AjyaM mathitaM syAttasminbrahmavarchasakAmaH\, svarbhAnurvA AsuraH sUryantamasA.avidhyatsa na virochata\, tasmai devAH prAyashchittimaichChaMstametayeShTyA yAjayaMstayA.smAttamo.apAghnaMstamasaiva prAvR^ito yo.alaM brahmavarchasAya tatra brahmavarchasvIbhavati\, tama evAsmAda.apahanti brahmavarchasenainaM saMsR^ijati\, shvetAyAH shvetavatsAyA AjyaM bhavati shuklA vrIhaya evamiva vai brahmavarchasaM brahmavarchasameva sandadAti || ghR^itena prokShanti ghR^itena mArjayanti shAntyai shAntirhyApo.apyasya tAM rAtrImA.apo gR^ihAnnAvahareyuH parishrite yajeta brahmavarchasasya parigR^ihItyai prAdeshamAtrashcharurUrdhvo bhavatyevaM tirya~NetAvAnvai puruSho yAvadasya prANAM abhi yAvAnevAsyAtmA tasmAttamo.apahanti\, sAkaM rashmibhiH pracharantyasA evAsmAdAditya udyaMstamo.apahanti tiShyApaurNamAse yajeta\, tiShyo vai rudrashchandramAH somaH saumIrataH prAchInamoShadhayo raudrIH prAtIchInamoShadhayo rAtrIH pratIchInaM puShyanti prAchInaM shuShyati pratIchIna pratyakShamevainA R^idhnotIshvaro dushcharmA bhavatorya etayA yajete.atIva svasmAdapahanti\, manorR^ichaH sAmidhInIShva.apyanubrU yAnmanurvA yatki~nchA.avadattadbheShajamAsIdbheShajamevAsmai karotyapakSharanti sindhave\, mayobhuva iti narAshaMsyA paridadAti shAntyai ShaTpadA bhavanti ShaDvA R^itava R^ituShveva paritiShThati || Ishvarastu tadatidurcharmaiva bhavatostejAMsi hyeSha pratyArohanniti saumApauShNa~ncharuM pashukAmo.anunirvapetsomo vai brAhmaNasya svA devatAH pashavaH pUShA svAmeva devatAM pashubhirbaMhayate tvachameva kurute saumArudra~ncharuM nirvapet kR^iShNAnAM vrIhInAmabhicharansomo vA AsAM prajAnAmadhipatI rudro.agniradhipatirvadhyasya chAvadhyasya cheshe.adhipatimevainaM niryAshya rudrAyApidadhAti kR^iShNAnAM vrIhINAM bhavati\, kR^iShNamiva vai tamastame mR^ityurmR^ityunaivainaM grAhayati sharamayaM barhiH shItyai vaibhItayA idhmo vibhityai saumArudraM charuM nirvapet || bhrAtR^ivyatAyaivA.advitIyatAyai vA tasyArdhamardhaM sarvaM syAda.ardhaM shuklAnAM brIhINAM syAda.ardhaM kR^iShNAnAmardhaM sharamayaM barhiSho.ardhaM darbhemayamardhaN vaibhItakamidhmasyArdhamanyasya vR^ikShasya somo vai brAhmaNasya svA devatA svAyAmevAsmai devatAyAM dvitIyaM janayati yadardhamardhaM\, dvitIyatvAyaiva tatsaumArudraM charuM nirvapet payasyAmayAvinaH saumyo vai jIvannAgneyaH pramIto naiva jIvo na mR^ito ya AmayAvI tayorevainaM bhAgadheyena niShkrINAti || payasi bhavati payo va payaH payaH puruShaH paya etasyAmayati yasyAmayati payasaivAsya payaH spR^iNoti prasitaM vA eSha etaM saumArudrayorniShvadati yo hotA bhavati sa IshvaraH pramIto anuDvAhaM tasmai dadyAttaM hanyAttasyAshnIyAtsaiva tatra prAyashchittiH saumArudra~ncharuM nirvapet prajAkAmo vA pashukAmo vA somo vai retodhA rudro.agniH sa prajanayitA soma evAsmai reto dadhAtyagniH prajanayati vindate prajAM vA pashUnvA yatarasmai kAmAya nirvayati || \ldq{}saumArudrachatuShkaM bhAradvAjaH saumArudrastriShTup\rdq{} AUM saumArudrA dhArayethAmasUryaM pravAmiShTayoramashnuvantu\, dame dame saptaratnA dadhAnA shaM no bhUtaM dvipade shaM chatuShpade || 1|| saumArudrA vivR^ihataM viShUchImamIvA yA no gayamAvivesha | Are bAdhethAM nirR^itiM parAchairasme bhadrA saushravasAni santu || 2|| saumArudrA yuvametAnyasmai vishvA tanUShu bheShajAni dhattam | avasyataM mu~nchataM yanno asti tanUShu baddhaM kR^itameno asmAt || 3|| \ldq{}tejo.asi\rdq{}| tigmAyudhau tigmahetI sushevau saumArudrAviva sumR^iDataM naH | prano mu~nchataM varuNasya shAdgopAyataM naH sumanasyamAnAH || iti saumArudramantrasUktaM chaturtham | \chapter{dIkShAmantrasUktaM pa~nchamam} OM shAntaM padmAsanasthaM shashadharamukuTaM pa~nchavaktraM trinetraM shUlaM vajraM cha khaDgaM parashuma.abhayadaM dakShabhAge vahantam | nAgaM pAshaM cha ghaNTAM DamarukasahitaM sA~NkushaM vAmabhAge nAnAla~NkArayuktaM sphaTikamaNinibhaM naumi dakShaM mahesham || \ldq{}dIkShayA tvA parimityeti pa~nchaite prAjApatyasya yena devA jyotiShyeti\, saMvartasyA.a~Ngirasasya yAvadbrahmaNaH\rdq{} || OM dIkShayA virADAptavyastistro rAtrIrdIkShitaH syAttripadA virADvirAjamevApnoti\, ShaDrAtrIrdIkShitaH syAt ShaDvAR^itavaH saMvatsaraH saMvatsaro virADvirAjamevApnoti\, dasharAtrIrdIkShitaH syAddashAkSharA virADvirAjamevApnoti\, dvAdasharAtrIrdIkShita syAdvAdashamAsAH saMvatsaraH saMvatsaro virADvirAjamevApnoti\, trayodasharAtrIrdIkShitaH syAttrayodasha mAsAH saMvatsaraH saMvatsaro virADvirAjamevApnoti\, pa~nchadasharAtrIrdIkShitaH syAtpa~nchadashArdhamAsasya rAtrayo.ardhamAsashaH saMvatsara Apyate saMvatsaro virADvirAjamevApnoti\, saptadasharAtrIrdIkShitaH syAddvAdasha mAsAH pa~nchartavaH saMvatsaraH saMvatsaro virADvirAjamevApnoti\, chaturviMshatirAtrIrdIkShitaH syAchchaturviMshatiH saMvatsarasyArdhamAsA rAtrayo.ardhamAsashaH saMvatsara Apyate saMvatsaro virADvirAjamevApnoti\, triMshataM rAtrIrdIkShitaH syAttriMshadakSharA virADvirAjamevApnoti || mAsandikShitaH syAdyo vai mAsaH saMvatsaraH saMvatsaro virADvirAjamevApnoti\, chaturo mAso dIkShitaH syAchchaturo vA etaM mAso vasavo.abibharuste pR^ithivImAjayaggAyatrIM chChandoShTau rudrAste.antarikShamAjayaMstriShTubhaM chChando dvAdashAdityAste divamAjaya~njagatIchChandastato vai te vyAvR^itamAgachChajChraiShThyandevAnAM tasmAddvAdashamAso bhUtvAgni~nchinvIta dvAdashamAsAH saMvatsaraH saMvatsarognirvaishvAnarastasyAhorAtrANIShTaka\-ApteShTakamevai~nchinuta R^idhnoti vyAvR^itameva gachChati shraiShThyaM samAnAnAM gAyatraM purastAdgAyati\, shiro vai devAnAM gAyatraM gAyatrognistasmAdgAyatraM purastAdgAyati || AgnipAvamAnyAmayaM vA vayaH pavate sa prANo mukhandevAnAmagnirmukhata eva prANandadhAti\, tasmAnmukhataH prANo rathantaramuttarAdgAyati bR^ihaddakShiNataH pakSha evAsyopadadhAtIyaM vai rathantaramasau bR^ihadAbhyAmevainaM parigR^ihNAti yaj~nAyaj~nIyaM puchChe gAyati\, shroNyAM vAmadevyamAtmA vai yaj~nAyaj~nIyantanUrvAmadevyamAtmAnamevainaM satanU~nchinute hR^idayamapi kakShe tasmAdapi kakShe hR^idayamanR^ichaM bhavati tasmAdAnasthakaM hR^idayamarthyai parigAyatyarko vA agnirarkamevArthyaiH parigAyati shAntyai || saMvatsaro vA antaratamaH svargaM lokaM jyotiShmatIretAH sAha srIriShTakA yaddhiraNyashulkaiH prokShati jyotiShyaivAsmai saMvatsaraM vivAsayati sahasrasya pramAsi sahasrasya pratimAsIti sahasrasammitA hIme lokA ghnanti vA etadagneryadasyAtra na kriyate yanna chIyate.amR^itaM hiraNyaM yaddhiraNyashulkaiH prokShatyamR^itenaivAsya tanvaM pR^iNantI sA me agna iShTakA dhenavaH santviti dhenUrevainAH kurute tA enaM kAmadughA amuShmiMlloke upatiShThante rudraM vai devA yaj~nAnnirabhajan sa devAnAyatayAbhiparyAvartata te devA etachChatarudriyamapashyaMstenainamashamayan yachChatarudriya~njuhoti tenaivainaM shamayati || jAnudaghne.agne juhotyasyA eva rudramavajayate.atha nAbhidaghnentarikShAdeva rudramavayajate.atha puruShamAtremuShyA eva rudramavayajata\, ita evordhvaM rudramavayajate.atha puruShamAtretha nAbhidaghnetha jAnudaghne.amutaevArva~nchaM rudramavayajate tatShaT sampadyate ShaDbhyAR^itubhya eva rudranniravayajate gavIdhukAsaktubhirvAjartilairvA mR^igakShIreNa vA juhoti yadgrAmyena juhuyAdgrAmyAvachAriNaM rudraM kuryAdAraNyenaivAraNyamabhirudraM niravayajate || arkaparNena juhotyarko vAgnirarkegaivainamarkAdadhi niravayajata uttarasya pakShasya yA charameShTakA tasyAM juhotyeShA vai rudrasya dik\, svAyAmeva dishi rudraM pratigR^ihyAvayajate pashurvA agniretarhi vA eSha jAyate yarhi chIyate yathA vatso jAtaH stanaM prepsati evaM vA eSha etarhi bhAgadheyaM prepsati sa yajamAnaM chaivAdhuryuM cha dhyAyati\, yachChatarudriyaM juhoti bhAgadheyenaivainaM shamayati || a~Ngiraso vai svargaMlokaM yantaste jAyAM dharmaM prAsi~nchansA shochantI parNaM parAmR^ishatsobhavattadarkasyArkatvaM yadarkaparNena juhoti sa yonitvAya yandviShyAttasya sa~nchare pashUnAM nyasedyaH prathamaH pashurAkramati ta ArtimArchChanti yA uttamAstAM yajamAnaM vAchayedetA vai devatAH svargyAstAbhireva svargalokamityetA vai devatA abhicharaNeyA yandviShyAttaM brUyAdamuM vo jambhe dadhAmi \ldq{}tejo.asi\rdq{} ityetAbhya evainaM devatAbhya AvR^ishchati tAdR^ik prapradhanvati || madyaM pItveti tarpaNam || iti dIkShAmantrasUktaM pa~nchamam | iti rudrapa~nchakaM sampUrNam | ## Proofread by Sneha Sudha snehasudha13 at gmail.com, NA \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}