% Text title            : Sagareshvaralingashivakshetre Bhillena Vanasamrakshana Varnanam
% File name             : sAgareshvaralingashivakShetrebhillenavanasaMrakShaNavarNanam.itx
% Category              : shiva, shivarahasya, raksha
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 31|| -
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sagareshvaralingashivakshetre Bhillena Vanasamrakshana Varnanam ..}##
\itxtitle{.. sAgareshvarali~NgashivakShetre bhillena vanasaMrakShaNavarNanam ..}##\endtitles ##
(shivagaurIsaMvAde)
IshvaraH \-
atretihAsaM vakShyAmi sAvadhAnamanAH shrR^iNu |
tatra bilvavane kashchidAsId bhillo dhanurdharaH || 36||
sa bilvabhUruhANAM cha pAlako.a{}bhUchChuchismite |
tasyApAraiH puNyabalairbhillasyApyabhavanmatiH || 37||
vanadantibhayArthaM cha tena kaNTakapa~NktibhiH |
vanasyAvaraNaM chakre prabalaiH kAShThasaMyamaiH || 38||
varAhamahiShANAM cha gajashuNDAradaistadA |
vR^ikShamUlAni bhajyante mR^igANAM cha bhayAt tadA || 39||
mattAH karaTino ghorAH svashuNDAvalayairdhR^itAm |
navAruNAM bilvashAkhAM bha~NktvA bhuktvA prayAnti cha || 40||
sa prAtarbilvashAkhAM tAM dR^iShTvA hastivimarditAm |
duHkhitaH sa tadA gauri tasminnevAkarodvane || 41||
svakuTIM parNakaiH shAkhishAkhAvrajamanoharAm |
putraishcha bAlakaiH sArdhaM patnyA tatrAvasachChive || 42||
kuddAlapiTakoddAmahasto nityaM dhanurdharaH |
hastiyUthAMshcha mahiShAn varAhAMstADayatyapi || 43||
sa sharaistIkShaNabhAlaishcha dantikumbheShu shA~Nkari |
shrR^i~NgAntareShu mahiShAn daMShTrAsandhiShu sUkarAn || 44||
tadbhayAnnopasarpanti tadbilvavanama~njasA |
kandamUlaphalaireva jIvan sa kaNayAchakaH || 45||
sakuTumbastadA tasthau tasmin bilvaughakAnane |
sUkShmamArgaH kR^itastena gamanAgamane tadA || 46||
tamAmantryaiva munayo gR^ihNanti nvapallavAn |
bilvamUleShu li~NgAni sthApayitvArchayanti cha || 47||
komalairbilvapatraishcha trikAlaM bhuvaneshvari |
triyambakamahAmantraiH shaivAH sampUjyayantyume || 48||
tAn dR^iShTvA satataM bhillastuShTimApnoti nityashaH |
te bhillaM pUjayantyeva vAgbhishcha kaNadAnataH || 49||
sa bhillaH shaivasa~NgatyA bilvAnAM pAlanena cha |
mama priyataro nityamabhUchcha girikanyeke || 50||
bilvamUlAni sarvANi kuddAlairbAlakaiH saha |
khAtvA tanmUladesheShu kR^imidaShTAMshcha pallavAn || 51||
dharmakAleShu tatpatnI jalamAdAya bhUrishaH |
ghaTaistadA mahAdevi karoti vanapAlanam || 52||
karoti jaladAnaM sA bAlabilavaprarohaNe |
kR^imidaShTAni patrANi lUtAtantuvR^ittAnyapi || 53||
ChitvA ChitvA pAtayati bilvabhUruhapAlikA |
tanmUleShu mahAshaivAH shivamantrajapotsukAH || 54||
vasanti niyatAhArAH shivali~NgArchakAH shive |
bilvapatraishcha kusumaiH rudrAdhyAyabhiShechanaiH || 55||
pUjayantyeva gaurIshaM tanmUleShu maheshvari |
rudrAdhyAyajalaiH shItaistanmUlaM shItayanti te || 56||
sAyaM te dIpayantyeva shivali~NgaM nirIkShitum |
shivali~NgAni tu~NgAni bilvayuktAni sha~Nkari || 57||
draShTumabhyudyatAH sarve dIpadIptivirAjitam |
tatra brahmAdayo devA nAradAdyA maharShayaH || 58||
draShTuM gachChanti niyatAH bilvamUle shivArchanam |
shivali~NgeShu tu~NgeShu mahAshaivakR^itaM tadA || 59||
stuvanti nR^ityanti hasanti dR^iShTvA bhu~njanti pashyanti maheshali~Ngam |
jighranti naivedyamapArapuNyadaM shivA~NghripuShpANi surA munIshvarAH || 60||
dR^iShTvA tripuNDrojjvalamastakAni sugandhaliptAni manoharANi |
subilvamUleShu cha saMsthitAni sampUjya janmAni kR^itArthayanti || 61||
tAn dR^iShTvA pramathAdhinAtha gaNapAn brahmAdikAste surAH
      dhanyA mAnyAkShibhR^i~NgA . . . sutarAM puNyapu~nje nimagnAH |
dR^iShTvA li~NgAnumeshapriyavarajanitApArapApairvihInAH
      prAptAH prANAtyaye.api priyamamaravaraiH bhillamUleShu saMsthAH || 62||
sUtaH \-
ityevaM stutibhiH stuvanti satataM tadvilvamUlArchakAn
li~Nge tu~Nge maheshaM janimR^itijamahAduHkhanAshAya shaivAH || 63||
sa shaivapUjitApAra li~NgAni vanapAlakaH |
praNamya dAratanayaiH saMstauti paramArthataH || 64||
\-\-\-
bhillaH \-
pAhi bilvavanamIshvara shambho hastihastamR^iditaM navashAkham |
dantikR^ittivasa mAmava shambho bandhurAlaka dayasva mayyapi || 65||
hara hara murabhitprapUjitA~Nghre smarahara kuru mayyaki~nchane dayAm |
hara hara gurutApabhAraM garadhara sha~Nkara chandrashekhara || 66||
\-\-\-
IshvaraH \-
itthaM shaivajanAnvitaM sa vipine bhillo.api bilvIvane
      dhyAtvA matpadapa~NkajaM vidhinutaM bilvAdisanmaulibhiH |
ga~NgAsAgarasa~Ngame vipinavanmalli~NgasampUjako
      bilvAdyairgaNanAyakaH sa sutarAM mukto bhavatyadrije || 67||
yo bilvachChadapUtalagnavasanaiH saMshliShTagAtrAn dvijAn
      tanmUle sukhashItale pitR^igaNAn sambhojayet ShaDrasaiH |
tasyAnnaM shatavarShatR^iptijanakaM bhUyAt pitR^INAM mude
      tachCharvArpitatarpitAnnapitarastuShyati hR^iShyanti cha || 68||

|| iti shivarahasyAntargate shivagaurIdasaMvAde sAgareshvarali~NgashivakShetre bhillena vanasaMrakShaNavarNanaM sampUrNam ||

\- || shrIshivarahasyam | bhargAkhyaH pa~nchamAMshaH | adhyAyaH 31|| \-
##
- .. shrIshivarahasyam . bhargAkhyaH panchamAMshaH . adhyAyaH 31.. -
Notes:
Shiva outlines the merits of worshipping at Sagareshwara Linga situated at the Ganga-Sagar-Sangama Shiva Kshetra, amidst the Bilva forest that was protected by a local Bhilla from rampaging elephants.

The shloka numbers have been maintained per the source text.

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}