% Text title            : Gangasagarasangama Mahima Varnanam and Sagareshvara Shiva Stuti by Suta
% File name             : sAgareshvarashivastutiHgangAsAgarasangamamahimavarNanaivaMsUtaproktam.itx
% Category              : shiva, shivarahasya, stuti
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 31|| -
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gangasagarasangama Mahima Varnanam and Sagareshvara Shiva Stuti ..}##
\itxtitle{.. ga~NgAsAgarasa~NgamamahimavarNanaivaM sUtaproktaM sAgareshvarashivastutiH ..}##\endtitles ##
(shivagaurIdasaMvAde)
IshvaraH \-
shrIga~NgAsAgaraM gauri puNyaM pApavinAshanam |
ga~NgAsAgarasa~NghaTTabhinnavArdhitara~Ngakam || 1||
tAM ga~NgAM sAgaro dR^iShTvA tara~NgAvalibhAsuraH |
hasanphenagaNairnR^ityansamAshliShyanniva priyAm || 2||
tara~Ngahastairdeveshi garjankolAhalAravaiH |
ga~NgAjalAvilatanustadA.a.asItsAgaroma.ambike || 3||
tatra sasnurdevagaNAstathA munigaNAH shive |
brahmaviShNvAdayo devAH paraM harShamavApnuvan || 4||
snAtvA santarpya cha pitR^In bhasmanoddhUlya te tanum |
datvA dAnAni puNyAni gAshcha bhUmiM tilaM dhanam || 5||
matprItyarthaM mahAdevi brAhmaNeShu tapasviShu |
yatra ga~NgAsAgarasya(yoH) sa~Ngano.asti maheshvari || 6||
tatra snAnaM kR^itaM hyetat phaladaM sarvapApahR^it |
anyatra viMshatkR^ichChrANi purabhidyaH prakalpayat || 7||
tatrAsti me bilvavanaM navAruNadalAnvitam |
kadambanimbaprasavaiH nIpamandArasundaram || 8||
tamAlatilakopetaM bakuloddAlaketakam |
tamAlatAla hintAla sAlanIlIvirAjitam || 9||
ga~NgAtIre mahAnIrabhUmitarpitabhUruham |
navorubilvashAkhAgraM phalabhArAvanAmitam || 10||
puShpasaurabhyamadhuraM gandhAmArutavIjitam |
vasantamukulotphullamallIvallI virAjitam || 11||
ketakoddAmarajasA gandhIkR^itadigantaram |
veNuvetragaNachChrannaM nAnAshakuninAditam || 12||
ga~NgAsAgaratIrasthaM vanamekamabhUnmama |
tIrasaMsthamahAli~NgaM mama sarvArthadAyakam || 13||
tatra shaivavarAH santi ga~NgAsAgaravAsinaH |
bhasmarudrAkShasampannAH pa~nchAkSharaparAyaNAH || 14||
rudrali~NgArchanaparA rudrAdhyAyajapAdarAH |
tadbilvavanajApArabilvapatraiH sadAmbike || 15||
sAgareshaM mahAli~NgaM dR^iShTvA natvA cha bhaktitaH |
bilvapatraiH samabhyarchya vasanti niyatA hi te || 16||
ga~NgAsAgaramAsAdma kShetramatyantapuNyadam |
sAgare chAtha ga~NgAyAH snAtvA puNyaprade.ambike || 17||
so.ashvamedhamavApnoti dR^iShTvA mAM sAgareshvaram |
bilvapatraiH samabhyarchya snApya sa~NgamavAribhiH || 18||
kR^itakR^ityo naro bhUyAnnaraH sugatibhAgbhavet |
yo goshataM kurukShetre dadyAdvedavidi dvije || 19||
tasmAchChataguNaM puNyaM ga~NgAsAgaramajjane |
tatra santarpya cha pitR^In shrAddhaM dadyAchcha yo naraH || 20||
tasya varShashataM tR^iptAH pitaraH sapitAmahAH |
ekaM koTiguNaM bhojyaM brAhmaNena maheshvari || 21||
datvaikAM go daridrAya shatagodAnapuNyabhAk |
yo li~NgaM snApayennIrairga~NgAsAgarasambhavaiH || 22||
kShIrakumbhashataiH snApya yatphalaM tachChatAdhikam |
tara~NgamAlAkalitaga~NgAsAgarasa~Ngame || 23||
tattara~NgotthavAtena pApabha~NgaH prajAyate |
tatra snAtvA tu munayo grahaNe chandrasUryayoH || 24||
pApasa~Nghairvimuchyante satyameva maheshvari |
vyatIpAte vaidhR^itau cha ayane sa~Nkrame tathA || 25||
parvakAleShu sarveShu pakShe chaivAtha parvaNi |
kR^iShNA~NgArachaturdashyAM ga~NgAsAgarasa~Ngame || 26||
mahAdadhau naraH snAtvA sarvapApaiH pramuchyate |
pa~nchabhiH pAtakairghoraistatra snAtvA maheshvari || 27||
grahaNe bhaktimAnsnAtvA datvA cha tilaparvatam |
malli~NgaM samprapUjyaiva sAgareshaM vimuchyate || 28||
mahAdAnAni tatraiva nR^ipaiH pUrvaM kR^itAni hi |
ikShvAkukukShinAbhAgamAndhAtR^isAgarAdibhiH || 29||
yayAtinahuShAdyaishcha devi shraddhApuraHsaram |
sAgareshasya devasya baddhastaiH sa shivAlayaH || 30||
pUjitaH sAgaresho.api nAnAvibhavataH suraiH ||
tatra snAtvA sAgareshaM praNamya niyato naraH |
stotrametatpaThanbhaktyA sarvapApaiH pramuchyate || 31||
\-\-\-
sUtaH \-
bhagaghnaM puraghnaM makhaghnaM yamaghnaM bhajAmyantakaghnaM gajaghnaM smaraghnam |
upendrAdivandyaM mahAshaivahR^idyaM mahAgadyapadyaiH stutaM tatvamAdyam || 32||
sumaulau pisha~NgaM dayAsrAvyapA~NgaM bhaje li~Ngasa~NgaM padArakShabha~Ngam |
kShapadvIramIshaM mahAj~nAnakoshaM maheshaM prakAshaM karAbje hutAsham || 33||
bhajAbhyekamIshaM gale nIlanIlaM mahAshaivashIlaM jagatkR^ityalIlam |
bhaje kAlakAlaM bhaje li~Ngasa~NgaM padArakShabha~NgaM hR^idabjAntara~Ngam || 34||
\-\-\-
stotravaryeNa mAM bhaktyA stuvansAgaramIshvaram |
sarvAnkAmAnavApnoti pApebhyashcha pramuchyate || 35||

|| iti shivarahasyAntargate shivagaurIdasaMvAde ga~NgAsAgarasa~NgamamahimavarNanaivaM sUtaproktaM sAgareshvarashivastutiH sampUrNA ||

\- || shrIshivarahasyam | bhargAkhyaH pa~nchamAMshaH | adhyAyaH 31|| \-
##
- .. shrIshivarahasyam . bhargAkhyaH panchamAMshaH . adhyAyaH 31.. -
Notes:
Shiva delineates to Gauri about how the quality of Ganga's flow changes at Ganga-Sagar-Sangamam - the site where River Ganga meets the sea; and what are the merits of worshipping Sagareshwara Linga situated at this Shiva Kshetra amidst the Bilva forest, with a Stuti that Suta thus narrates. Shiva outlines the special time periods for worshipping at Ganga-Sagar-Sangamam viz., Solar and Lunar Eclipses, Vyatipata and Vaidhriti Yoga-s, Ayana and Sankranti-s, all festivals during both paksha-s, Krishnangara Chaturdashi.

The shloka numbers have been maintained per the source text.

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}