% Text title : sAmbapanchAshikA % File name : sAmbapanchAshikA.itx % Category : shiva % Location : doc\_shiva % Proofread by : Pallasena Narayanaswami ppnswami at gmail.com % Description-comments : Brihatstotraratnakara 1, Narayana Ram Acharya, Nirnayasagar, stotrasankhyA 211 % Latest update : February 20, 2017 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Samba Panchashika ..}## \itxtitle{.. sAmbapa~nchAshikA ..}##\endtitles ## shrIgaNeshAya namaH || shabdArthatvavivartamAnaparamajyotIrucho gopate\- rudgItho.abhyuditaH puro.aruNatayA yasya trayImaNDalam | bhAvyadvarNapadakrameritatamaH saptasvarAshvairviyad\- vidyAsyandanamunnayanniva namastasmai parabrahmaNe || 1|| omityantarnadati niyataM yaH pratiprANi shabdo vANI yasmAtprasarati parashabdatanmAtragarbhA | prANApAnau vahati cha samau yo mitho grAsasaktau dehasthaM taM sapadi paramAdityamAdyaM prapadye || 2|| yastvakchakShuHshravaNarasanAghrANapANya~NghrivANI\- pAyUpasthasthitirapi manobuhyaddhyaha~NkAramUrtiH | tiShThatyantarbahirapi jagadbhAsayandvAdashAtmA mArtaNDaM taM sakalakaraNAdhAramekaM prapadye || 3|| yA sA mitrAvaruNasadanAduchcharantI triShaShTiM varNAnatra prakaTakaraNaiH prANasa~NgAtprasUtAn | tAM pashyantIM prathamamuditAM madhyamAM buddhisaMsthAM vAchaM vaktre karaNavishadAM vaikharIM cha prapadye || 4|| UrdhvAdhaHsthAnyatanubhuvanAnyantarA sanniviShTA nAnAnADiprasavagahanA sarvabhUtAntarasthA | prANApAnagrasananirataiH prApyate brahmanADI sA naH shvetA bhavatu paramAdityamUrtiH prasannA || 5|| na brahmANDavyavahitapathA nAtishItoShNarUpA no vA naktandivagamamitA.atApanIyAparAhuH | vaikuNThIyA tanuriva rave rAjate maNDalasthA sA naH shvetA bhavatu paramAdityamUrtiH prasannA || 6|| yatrArUDhaM triguNavapuShi brahma tadbindurUpaM yogIndrANAM yadapi paramaM bhAti nirvANamArgaH | trayyAdhAraH praNava iti yanmaNDalaM chaNDarashme\- rantaHsUkShmaM bahirapi bR^ihanmuktaye.ahaM prapannaH || 7|| yasminsomaH surapitR^inarairanvahaM pIyamAnaH kShINaH kShINaH pravishati yato vardhate chApi bhUyaH | yasminvedA madhuni saradhAkAravadbhanti chAgre tachchaNDAMshoramitamamR^itaM maNDalasthaM prapadye || 8|| aindrImAshAM pR^ithukavapuShA pUrayitvA krameNa krAntAH sapta prakaTahariNA yena pAdena lokAH | kR^itvA dhvAntaM vigalitabalivyakti pAtAlalInaM vishvAlokaH sa jayati raviH sattvamevordhvarashmiH || 9|| dhyAtvA brahma prathamamatanu prANamUle nadantaM dR^iShTvA chAntaH praNavamukharaM vyAhR^itIH samyaguktvA | yattadvede taditi saviturbrahmaNoktaM vareNyaM tadbhargAkhyaM kimapi paramaM dhAmagarbhaM prapadye || 10|| tvAM stoShyAmi stutibhiriti me yastu bhedagraho.ayaM saivAvidyA tadapi sutarAM tadvinAshAya yuktaH | staumyevAhaM trividhamuditaM sthUlasUkShmaM paraM vA vidyopAyaH para iti budhairgIyate khalvavidyA || 11|| yo.anAdyanto.apyatanuraguNo.aNoraNIyAnmahIyAn\- vishvAkAraH saguNa iti vA kalpanAkalpitA~NgaH | nAnAbhUtaprakR^itivikR^itIrdarshayan bhAti yo vA tasmai tasmai bhavatu paramAditya nityaM namaste || 12|| tattvAkhyAne tvayi munijanA neti neti bruvantaH shrAntAH samyaktvamiti na cha tairIdR^isho veti choktaH | tasmAttubhyaM nama iti vachomAtramevAsmi vachmi prAyo yasmAtprasaratitarAM bhAratI j~nAnasharbhA || 13|| sarvA~NgINaH sakalavapuShAmantare yo.antarAtmA tiShThankAShThe dahana iva no dR^ishyase yuktishUnyaiH | yashcha prANAraNiShu niyatairmathyamAnAsu sadbhi\- rdR^ishya jyotirbhavasi paramAditya tasmai namaste || 14|| stotA stutyaH stutiriti bhavAnkartR^ikarmakriyAtmA krIDatyekastava nutividhAvasvatantrastato.aham | yadvA vachmi praNayasubhagaM gopate tachcha tathyaM tvatto hyanyatkimiva jagatAM vidyate tanmR^iShA syAt || 15|| j~nAnaM nAntaHkaraNarahitaM vidyate.asmadvidhAnAM tvaM chAtyantaM sakalakaraNAgocharatvAdachintyaH | dhyAnAtItastvamiti na vinA bhaktiyogena labhya\- stasmAdbhaktiM sharaNamamR^itaprAptaye.ahaM prapannaH || 16|| hArdaM hanti prathamamuditA yA tamaHsaMshritAnAM sattvodrekAttadanu cha rajaH karmayogakrameNa | strabhyastA cha prathayatitarAM sattvameva prapannA nirvANAya vrajati shaminAM te.arka bhaktistrayIva || 17|| tAmAsAdya shriyamiva gR^ihe kAmadhenuM pravAse dhvAnte bhAtiM dhR^itimiva vane yojane brahmanADim | nAvaM chAsmin viShamaviShayagrAhasaMsArasindhau gachCheyaM te paramamamR^itaM yanna shItaM na choShNam || 18|| agnIShomAvakhilajagataH kAraNaM tau mayUkhaiH sargAdAne sR^ijasi bhagavandAsavR^iddhikrameNa | tAvevAntarviShuvati samau juhvatAmAtmavahnau dvAvapyastaM nayasi yugapanmuktaye bhaktibhAjAm || 19|| sthUlatvaM te prakR^itigahanaM naiva lakShyaM hyanantaM sUkShmatvaM vA tadapi sadasadvyaktyabhAvAdachintyam | dhyAyAmItthaM kathamaviditaM tvAmanAdyantamanta\- stasmAdarka praNiyini mayi svAtmanaiva prasIda || 20|| yattadvedyaM kimapi paramaM shabdatattvaM tvamanta\- statsadvyaktiM jigamiShu shanairlAnti mAtrAkalAH khe | avyaktena praNavavapuShA bindunAdoditaM sa\- chChabdabrahmochcharati karaNavya~njitaM vAchakaM te || 21|| prAtaHsandhyAruNakiraNabhAgR^i~NmyayaM rAjasaM yan\- madhye chApi jvaladiva yajuH shuklabhAH sAttvikaM vA | sAyaM sAmAstamitakiraNaM yattamollAsirUpaM sAhnaH sargasthitilayavidhAvAkR^itiste trayIva || 22|| ye pAtAlodadhimuninagadvIpalokAdhibIja\- chChandobhUtasvaramukhanadatsaptasaptiM prapannAH | ye chaikAshva niravayavavAgbhAvamAtrAdhirUDhaM te tvAmeva svaraguNakalAvarjitaM yAntyanashvam || 23|| divyaM jyotiH salilapavanaiH pUrayitvA trilokI\- mekIbhUtaM punarapi cha tatsAramAdAya gobhiH | antarlIno vishasi vasudhAM tadgataH sUyase.annaM tachcha prANAMstvamiti jagatAM prANabhR^itsUrya AtmA || 24|| agnIShomau prakR^itipuruShau bindunAdau cha nityau prANApAnAvaShi dinanishe ye cha satyAnR^ite dve | dharmAdharmau sadasadubhayaM yo.antarAveshya yogI vartetAtmanyuparatamatirnirguNaM tvAM vishetsaH || 25|| garbhAdhAnaprasavavidhaye suptayorindubhAsA sApatnyenAbhimukhamiva khe kAntayormadhyasaMsthaH | dyAvApR^ithvyorvadanakamale gomukhairbodhayitvA paryAyeNApibasi bhagavan ShaDrasAsvAdalolaH || 26|| somaM pUrNAmR^itamiva charuM tejasA sAdhayitvA kR^itvA tenAnalamukhajagattarparNa vaishvadevam | AmAvasyaM vidhasamiva khe tatkalAsheShamashnan\- brahmANDAntargR^ihapatiriva svAtmayAgaM karoShi || 27|| kR^itvA naktandinamiva jagadbIjamAvyaktikaM yat\- tatraivAntardinakara tathA brAhmamanyattato.alpam | daivaM pitryaM kramaparigataM mAnuShaM chAlpamalpaM kurvankakurvankalayasi jagatpa~nchadhAvartanAbhiH || 28|| tattvAloke tapana sudine ye paraM samprabuddhA ye vA chittopashamarajanIyoganidrAmupetAH | te.ahorAtroparamaparamAnandasandhyAsu sauraM bhittvA jyotiHparamaparamaM yAnti nirvANasaMj~nam || 29|| A brahmeda navamiva jagajja~NgamasthAvarAntaM sarge sarge visR^ijasi rave gobhirudriktasomaiH | dIptaiH pratyAharasi cha laye tadyathAyoni bhUyaH sargAntAdau prakaTavibhavAM darshayan rashmilIlAm || 30|| shritvA nityopachitamuchitaM brahmatejaHprakAshaM rUpaM sargasthitilayamuchA sarvabhUteShu madhye | antevAsiShviva suguruNA yaH parokShaH prakR^ityA pratyakSho.asau jagati bhavatA darshitaH svAtmanAtmA || 31|| lokAH sarve vapuShi niyataM te sthitistvaM cha teShA\- mekaikasminyugapadaguNo vishvahetorguNIva | itthambhUte bhavati bhagavannatvadanyo.asmi satyaM kiM tu j~nastvaM paramapuruSho.ahaM prakR^ityaiva chAj~naH || 32|| sa~NkalpechChAdyakhilakaraNaprANavANyo vareNyAH sampannA me tvadabhinavanAjjanma chedaM sharaNyam | manye chAstaM jigamiShu shanaiH puNyapApadvayaM tad\- bhaktishraddhe tava charaNayoranyathA no bhavetAm || 33|| satyaM bhUyo jananamaraNe tvatprapanneShu na sta\- statrApyekaM tava nutiphalaM janma yAche tadittham | trailokyeshaH shama iva paraH puNyakAyo.apyayoniH saMsArAbdhau plava iva jagattAraNAya sthiraH syAm || 34|| sauShumNena tvamamR^itapathenaitya shItAMshubhAvaM puShNAsyagre suranarapitR^In shAntabhAbhiH kalAbhiH | pashchAdambho vishasi vividhAshchauShadhIstadgato.api prINAsyevaM tribhuvanamataste jaganmitratArka || 35|| mandAkrAnte tamasi bhavatA nAtha doShAvasAne nAntarlInA mama matiriyaM gADhanidrAM jahAti | tasmAdasta~NgamitatamasA padminIvAtmabhAsA saurItyeShA dinakara paraM nIyatAmAshu bodham || 36|| yena grAsIkR^itamiva jagatsarvamAsIttadastaM dhvAntaM nItvA punarapi vibho taddayAghrAtachittaH | dhatse naktandinamapi gatI shuklakR^iShNe vibhajya trAtA tasmAdbhava paribhave duShkR^ite me.api bhAno || 37|| AsaMsAropachitasadasatkarmabandhAshritAnA\- mAdhivyAdhiprajanamaraNakShutpipAsArditAnAm | mithyAj~nAnaprabalatamasA nAtha chAndhIkR^itAnAM tvaM nastrAtA bhava karuNayA yatratatrasthitAnAm || 38|| satyAsatyaskhalitavachasAM shauchalajjojjhItA\- nAmaj~nAnAnAmaphalasaphalaprArthanAkAtarANAm | sarvAvasthAsvakhilaviShayAbhyastakautUhalAnAM tvaM nastrAtA bhava pitR^itayA bhogalolArbhakANAm || 39|| yAvaddehaM jarayati jarA nAntakAdetya dUtI no vA bhImastriphaNabhujagAkAradurvArapAshaH | gADhaM kaNThe lagati sahasA jIvitaM lelihAna\- stAvadbhaktAbhayada sadayaM shreyase naH prasIda || 40|| vishvaprANagrasanarasanATopakopapragalbhaM mR^ityorvaktraM dahananayanoddAmadaMShTrAkarAlam | yAvadR^iShTvA vrajati na bhiyA pa~nchatAmeSha kAya\- stAvannityAmR^itamaya rave pAhi naH kAndishIkAn || 41|| shabdAkAraM viyadiva vapuste yajuHsAmadhAmnaH saptachChandAMsyaShi cha turagA R^i~NmayaM maNDalaM cha | evaM sarvashrutimayatayA maddayAnugrahAdvA kShipraM mattaH kR^ipaNakaruNAkrandamAkarNayemam || 42|| nAshaM nAsmAchcharaNasharaNA yAntyapi grasyamAnA devairitthaM sitamiva yasho darshayansvaM trilokyAm | manye somaM kShatatanumamAgarbhavR^iddhyA vivastran shuklAM ChAyAM nayasi shanakaiH svAM suShumNAMshubhAsA || 43|| AstAM janmaprabhR^iti bhavataH sevanaM taddhi loke vAchyaM kenAparimitaphalaM bhuktimuktiprakAram | jyotirmAtraM smR^itipathamito jIvitAnte.api bhAsvan\- nivINAya prabhavasi satAM tena te kaH samo.anyaH || 44|| apratyakShatridashabhajanAdyatparokShaM phalaM tat\- pusAM yuktaM bhavati hi samaM kAraNenaiva kAryam | pratyakShastvaM sakalajagatAM yatsamakShaM phalaM me yuShmadbhakteH sasuchitamatastattu yAche yathA tvAm || 45|| ye chArogyaM dishati bhagavAnsevito.apyevamAhu\- ste tattvaj~nA jagati subhagA bhogayogapradhAnAH | bhuktermukterapi cha jagatAM yachcha pUrNaM sukhAnAM tasyAnyo.arkAdamR^itavapuShaH ko hi nAmAstu dAtA || 46|| hitvA hitvA guruchapalatAmapyanekAnnijArthAn\- yairekArthIkR^itamiva bhavatsevanaM matpriyArtham | teShAmichChAmyupakR^itimahaM svendriyANAM priyANA\- mAdau tasmAnmama dinapate dehi tebhyaH prasAdam || 47|| kiM tannAmochcharati vachanaM yasya nochchArakastvaM kiM tadvAchyaM sakalavachasAM vishvamUrte na yattvam | tasmAduktaM yadapi tadapi tvannutau bhaktiyogA\- dasmAbhistadbhavatu bhagavaMstvatprasAdena dhanyam || 48|| yA panthAnaM dishati shishirAdyuttaraM devayAnaM yA vA kR^iShNaM pitR^ipathamatho dakShiNaM prAvR^iDAdyam | tAbhyAmanyA viShuvadabhijinmadhyamA kR^ityashUnyA dhanyA kAshchitprakR^itipuruShAvantarA me.astu vR^ittiH || 49|| sthitvA ki~nchinmana iva pibansetubandhasya madhye prApyopeyaM ShThavapadamatho vyaktamuddAlya tAlu | satyAdUrdhvaM kimapi paramaM vyoma somAgnishUnyaM gachCheyaM tvAM surapitR^igatI chAntarA brahmabhUtaH || 50|| sarvAtmatvaM savituriti yo vA~NmanaHkAyabuddhyA rAgadveShopashamasamatAyogamevArurukShuH | dharmAdharmagrasanarashanAmuktaye yuktiyuktAM sa shrIsAmbaH stutimiti raveH svaprashAntAM chakAra || 51|| bhaktishraddhAdyakhilataruNIvallabhenedamuktaM shrIsAmbena prakaTagahanaM stotramadhyAtmagarbham | yaH sAvitraM paThati niyataM svAtmavatsarvalokAn\- pashyanso.ante vrajati shukavanmaNDalaM chaNDarashmeH || 52|| iti paramarahasyashlokapa~nchAshadeShA tapananavanapuNyA sAgamabrahmacharchA | haratu duritamasmadvarNitAkarNitA vo dishatu cha shubhasiddhiM mAtR^ivadbhaktibhAjAm || 53|| iti sAmbapraNItA sAmbapa~nchAshikA sampUrNA || ## Proofread by Pallasena Narayanaswami ppnswami at gmail.com \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}