% Text title            : sabhAranjanashatakam Neelakantha Dikshita
% File name             : sabhAranjanashatakam.itx
% Category              : shiva, nIlakaNThadIkShita, shataka
% Location              : doc\_shiva
% Author                : Nilakantha Dikshitar
% Latest update         : March 13, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sabharanjana Shatakam ..}##
\itxtitle{.. sabhAra~njanashatakam ..}##\endtitles ##
|| shrIH ||
ShaDdarshanIparij~nAnamaNDitairiva paNDitaiH |
stambhaishchitrairvitAnaishcha sabhA kimavabhAsate || 1||
santi sarvavidhA martyA na santyeke vipashchitaH |
asUryeNeva lokena kiM tena viShayeNa naH || 2||
udyantu shatamAdityA udyantu shatamindavaH |
na vinA viduShAM vAkyairnashyatyAbhyantaraM tamaH || 3||
bahubhyo bahu boddhavyaM bahudhA bahuvAsarAn |
bahukalpashatasthAyi labdhaM bahuvidhaM yashaH || 4||
pAShANAH sarva evaite padmarAgeShu ko guNaH |
prakAshaH kashchidatrAste paratra sa na vidyate || 5||
jAtyandhA jAtibadhirA jAtimUkAshcha te janAH |
samyagArAdhitA yairna santo vij~nAnasindhavaH || 6||
api mAnuShyakaM labdhvA bhavanti j~nAnino na ye |
pashutaiva varaM teShAM pratyavAyApravartanAt || 7||
kiM parokShaM kimadhyakShaM kiM labhyaM kiM nu durlabham |
sarvamaindriyikaM vastu sarve karagataM satAm || 8||
sthAvarA ja~NgamA martyA brAhmaNA munayaH surAH |
shiva ityapyamI bhedAshchidutkarShanibandhanAH || 9||
vidyujjaladharo vR^iShTishchandrArkau sAgarA iti |
sarvamadbhutamaj~nAnAM jAnatAM tu na ki~nchana || 10||
tatra tatra sthitairj~nAnakaraNairiva vigrahaH |
vidvadbhiH shobhate deshastairvihInastvama~NgalaH || 11||
amalImasamachChidramakeyamatisundaram |
adeyamapratigrAhyamaho j~nAnaM mahAdhanam || 12||
sandarbhashaktihInAnAM shabdAbhyAso vR^ithAshramaH
mugdhAni labdhvA puShpANi muNDitaH kiM kariShyati || 13||
shAstreShu durgraho.apyarthaH svadate kavisUktiShu |
dR^ishyaM karagataM ratnaM dAruNaM phaNimUrdhani || 14||
A~njasyaM vyavahArANAmArjavaM paramaM dhiyAm |
svAtantryamapi tantreShu sUte kAvyaparishramaH || 15||
sAhityavidyAhInAnAM sarvashAstravidAmapi |
samAjaM paripashyanti samajaM buddhishAlinaH || 16||
ashikShitAnAM kAvyeShu shAstrAbhyAso nirarthakaH |
kimastyanupanItasya vAjapeyAdibhirmakhaiH || 17||
andhA vidvajja nairhInA mUkA kavibhirujjhitA |
badhirA gArAkairhInA sabhA bhavati bhUbhR^itAm || 18||
sAhityAdapi shAstrANi vishiShTAnIti chenmatiH |
tato.api vedAdhyayanaM tato.api shivakIrtanam || 19||
santvashvAH santu mAta~NgAH santu yodhAH sahasrashaH |
narendrANAM visheSheNa na vinA kavinA yashaH || 20||
kANAH kamalapatrAkShAH kadaryAH kalpashAkhinaH |
kAtarA vikramAdityAH kavidR^iggocharaM gatAH || 21||
pAradeshyaM vR^ithAdAsyaM pa~nchAnAmekadAratA |
pANDavAnAmabhUtkIrtyai pArAsharyakavergirA || 22||
jAnAte yanna chandrArko jAnate yanna yoginaH |
jAnIte yanna bhargo.api tajjAnAti kaviH svayam || 23||
sarvAsAmapi vidyAnAM sAhityaM hi kaveH padam |
sAdhAraNye.api yatraiva sArasvatapadaM dhruvam || 24||
nAdAtavyaM na dAtavyaM na kartavyaM cha ki~nchana |
sAntvamekaM prayoktavyaM sarve tasya vashe jagat || 25||
nAmarUpAtmakaM vishvaM dR^ishyate yadidaM dvidhA |
tatrAdyasya kavirvedhA dvitIyasya chaturmukhaH || 26||
agniShTome kimukthye kiM kimAjye kiM rathantare |
stutirityeva hR^iShyanti sarvaj~nA api devatAH || 27||
na jAtirUpakarmANi dR^ishyante mR^idubhAShiNi |
pakShiNo malinAstatra parapuShTA nidarshanam || 28||
arthahIno.api madhuraH shabdo lokapriya~NkaraH |
vINAveNumR^ida~NgAdInyatrodAharaNAni naH || 29||
jighAMsanto.api pashavo rudanto.api stanandhayAH |
ghnanto.api ripavo yuddhe vashamAyAnti sAntvataH || 30||
dAtuH pratigrahItushcha yau hastAvuttarAdharau |
tayorapyauttarAdharye tAbhyAmevopapadyate || 31||
amartyAH santu martyA vA chetanAH santvachetanAH |
dAnameva puraskR^itya stUyante bhuvanaistribhiH || 32||
deyadravyamiyattA vA dAnotkarShe na kAraNam |
kiM tvavachChedarAhityaM dhanadAmbudayoriva || 33||
dadAtirAdadAtishcha dvAvetau paramAdbhutau |
yayoH svAsyaM cha dAsyaM cha lIlAmAtravijR^imbhitam ||
doShA api guNAyante dAtAraM samupAshritAH |
kAlimAnaM kilAlambya kAlamegha iti stutiH || 35||
kiM dAturakhilairdoShaiH kiM lubdhasyAkhilairguNaiH |
na lobhAdadhiko doSho na dAnAdadhiko guNaH || 36||
arthAH sAdhAraNA eva viyujyante svabhAvataH |
mamatAM tyajatAM teShu mahadutpadyate yashaH || 37||
mR^ito.apyarthe na mokShyAmi baddhvA neShyAmi mUrdhani |
iti chetsudR^iDho lobhaH pAtre deyamasha~Nkitam || 38||
ShaShTirdeshAntare labhyA shataM dattvAtra naigame
pAtre tvekamihotsR^ijya paratrAnantamApyate || 39||
ko datte ka ivAdatte svAdR^iShTaM svena bhujyate |
dhIbhedamAtre dAtR^itve klishyante kR^ipaNAH kiyat || 40||
svAtantryaM yadi choreShu bhoktR^itvaM yadi bandhuShu |
niShkarShe tu bhramaH svAmyaM tattyaktvA labhyatAM yashaH ||
na dhairyeNa vinA lakShmIrna shauryeNa vinA jayaH |
na j~nAnena vinA mokSho na dAnena vinA yashaH || 42||
svakIyAnbhu~njate matsyAH svApatyAni phaNAdharAH ||
balAbalavyavastheyaM balinastvakutobhayAH || 43||
guruM hatvA divaM yAti tR^iNaM ChittvA patatyadhaH |
balinAM durbalAnAM cha shrutayo.api dvidhA sthitAH || 44||
balino balinaH snihyantyabalaM tu nigR^ihNate |
dAvaM dIpayate chaNDo dIpaM vyAhanti mArutaH || 45||
bAdhakA api lokAnAM balino bibhyati svayam |
sarva balavatAM pathyaM bhiShagbhirabhidhIyate || 46||
shubhaprArabdhalabdhApi lakShmIH shauryavivarjitA |
shokena dahyamAnAste ShaNDe kulavadhUriva || 47||
sarvatra lAlyate shUro bhIruH sarvatra hanyate |
pachyante kevalA meShAH pUjyante yuddhadurmadAH || 48||
bhAryAyAH sundaraH snigdho veshyAyAH sundaro dhanI |
shrIdevyAH sundaraH shUro bhAratyAH sundaraH sudhIH || 49||
na shaurye shauryamityeva stUyate buddhishAlibhiH |
kiM tu nItyA samAshliShTaM vAgmitvamiva medhayA || 50||
shauryeNa lokasevyatvaM shauryeNa kShitipAlatA |
shauryeNa labhyaH svargo.api shauryaM kasya na sAdhanam || 51||
samareShu narendrANAM savaneShu dvijanmanAm |
pratikarmasu nArINAM shauryaM bhavati bhUShaNam || 52||
shaurye tulye kathaM vR^ittaM svAmI dAsa iti dvidhA |
anvayavyatirekAbhyAM nItirityavadhAryatAm || 53||
na jayAya svataH shauryaM kiM tu nityopabR^iMhitam ||
prayuktaM hi jayatyatraM prayoktrA na svataH kvachit || 54||
idameva paraM shauryamupAyaistribhiranvitam |
idameva paraM mauryamupAyaistribhirujjhitam || 55||
parAkramante yuddheShu samamevobhaye bhaTAH |
vijayante.apyupAyaj~nA vijIyante tadujjhitAH || 56||
kiM shAstrairbahudhAbhyastaiH kiM chAturyeNa kiM dhiyA |
kiM shauryeNAnivAryeNa lalATe chenna likhyate || 57||
ghaTamAnAH kuTumbeShu dadatIti vipashchitaH |
mUDheShu ramate lakShmIraho diShTasya cheShTitam || 58||
tulyaM karShanti pR^ithivIM tulyaM shAstrANyadhIyate |
unmajjanti nimajjanti devasyaikasya cheShTayA || 59||
lubhyanti vitaranto.api kupyanti saralA api |
muhyanti matimanto.api bhokturbhAgyaviparyayAt || 60||
adhIyate vijAnanti virajyanti muhurmuhuH |
nAtyantAya nivartante narA vaiShamyato vidheH || 61||
dohadairAlavAlaishcha kiyadvR^ikShAnupAsmahe |
te tu kAlaM pratIkShante phalapuShpasamAgame || 62||
kaH prasUte purovAtaM kaH prerayati vAridam |
prApte tu shrAvaNe mAsi bhavatyekArNavaM jagat || 63||
kAlaH karoti kAryANi kAla eva vihanti cha |
karomIti vihanmIti mUrkho muhyati kevalam || 64||
api kAlasya yaH kAlaH so.api kAlamapekShate |
kartuM jaganti hartuM vA kAlastena jagatprabhuH || 65||
kAlaH sadAgatirapi sthAyIva paricheShTate |
chaNDamArutavadvishvamadharottarayankShaNAt || 66||
kAlashchAlayati prAyaH paNDitAnpAmarAnapi |
taM che~nchikIrShasi vashe titikShaiva mahauShadham || 67||
randhreShu prahariShyantaH kati kAmAdayo.arayaH |
kShaNAnnashyati loko.ayaM kShamA chenna niyachChati || 68||
apakAraparANAmapyupakurvanti sAdhavaH |
Chindantamapi vR^ikShaH svachChAyayA kiM na rakShati || 69||
sravatyeva sadA j~nAnaM sravatyeva sadA tapaH |
ChidraM ChidramanuprApya na chechChAdayati kShamA || 70||
kShamAM rakShanti ye yatnAtakShamAM rakShanti te chiram |
kShamAste nibhR^itA yeShu kShamAste sarvakarmasu || 71||
mUrkhAH shamayituM duHkhaM saMrabhante tatastataH |
kShamayaiva nigR^ihNanti dhIrAH saMrambhavarjitAH || 72||
A kAlyAdA nishIthA~ncha kukShyarthaM vyApriyAmahe |
na cha nirvR^iNumo jAtu shAntAstu sukhamAsate || 73||
nAyasyanti sharIrANi na dainyamavabudhyate |
sambhavatyapi chAnandaH shAntimabhyasyatAM satAm || 74||
prasIdatyaparispandi payaH kaluShitaM yathA |
tathA shAntamapi svAntaM prasIdati shanaiH shanaiH || 75||
yatnena mahatA labhyA dAsA dvitrAH sukhAya naH |
shAntasya kAlAdR^iShTAdyAH shataM bhR^ityA avetanAH || 76||
api mR^idvathA girA labhyaH sadA jAgartyatandritaH |
nAsti dharmasamo bhR^ityaH ki~nchiduktastu dhAvati || 77||
arthenopArjyate dharmo dharmeNArtha upAyate |
anyonyAshrayaNaM hyetadubhayotpattisAdhanam || 78||
vipaNiH puNyatIrthAni vikretArastvaki~nchanAH |
tR^iNenApyantato dharmaH parvasu krIyate mahAn || 79||
chulukodakamAtreNa dhAnyamuShTivyayena cha |
marubhUmiShu durbhikShe dharmasasyaM mahAphalam || 80||
dharmo narmasakhaH kAme gurustattvopadeshane |
bhaTaH sa~Ngarara~NgeShu sachivo.arthasamArjane || 81||
bhuvi vR^ikShA divi chChAyA bhuvi kUpo jalaM divi |
bhuvi yadgR^ihyate viprairdivi taddIyate suraiH || 82||
kadalIkandavaddharmo na rohati bahirgataH |
ChAditastu phalaM chAru sUte panasamUlavat || 83||
duHkhenopArjyate dharmaH sukhena tu vinashyati |
kR^ichChralabdhamamuM trAtuM nechChanti munayaH sukham || 84||
sampAdyatAM vA yatnena yadvA vikrIyatAmayam |
sarvadA bhujyatAM vAnyairdharmo bhavati nAnyathA || 85||
arthavantaH prashasyante nindyante tadvinAkR^itAH |
AgameShvapi chedevamadbhutaM kiM sharIriShu || 86||
artho.apyarthena chetsAdhyaH kA vArtA dharmakAmayoH |
arthaH sarvajaganmUlamanartho.arthaviparyayaH || 87||
karma j~nAnaM cha mokShAya karmaNyartho.adhikAritA |
ato.arthenaiva kaivalyaM na kaivalyena labhyate || 88||
kathamarthaM niShedhantu shrutayaH smR^itayo.api vA |
yAsAmekaM padamapi na chalatyarthato vinA || 89||
lakShmIsha iti govindo merudhanveti sha~NkaraH |
hiraNyagarbha ityeva brahmApi bahumanyate || 10||
UrdhvaM gachChanti yaM tyaktvA yaM gR^ihItvA patantyadhaH |
tasya gauravamarthasya tAvataivAnumIyatAm || 91||
gR^ihiNA yadi labhyeta gR^ihiNI hR^idaya~NgamA |
saMsAra iti ko bhArastaM sAramanupashyataH || 92||
Ahatya chinumaH svargamapavargamapi kramAt |
anukUle hi dAmpatye pratikUle na ki~nchana || 93||
gR^ihiNIvR^ittadoSheNa gautamo.atyantatApitaH |
Atasthe duHkhavidhvaMsaM kaivalyaM paramaM muniH || 94||
api yatparamaM tattvamardhendukR^itashekharam |
tasyApi tAvAnAnandaH kimasmajjananIM vinA || 95||
nindanti cha prashaMsanti nigamA yadgR^ihAshramam |
dAmpatyasAmyavaiShamyabhedAdetadvayavasthitiH || 96||
indriyANyanupakleshya labhyaM shreyo gR^ihAshrame |
atasturyAshramaM prAhurabAdhanyAyabAdhitam || 97||
bhujyate yatsukhaM dhIrairapramattairgR^ihAshrame |
svargastasyA~NgasampUrtirapavargo.asya nityatA || 98||
dR^iShTadoShe.api gArhasthye dUradarshitayA svayam |
gArhasthyameva paramaM mene naiyAyiko muniH || 99||
uchchAvachaM jagaddauHsthyamekadaiva niShedhati |
praviShTamAtro nR^ipatiH prapa~nchamiva na shrutiH || 10||
na rAjAnaM vinA rAjyaM balavatsvapi mantriShu |
prANeShvasatsu kiM dehashchaNDavAtena dhAryate || 101||
mAtuH ki~nchitpituH ki~nchidAchAryAtkichidApyate |
samyagvinItAchChAstreShu sarvaM rAj~nastu labhyate || 102||
chalanti sarvamaryAdAshchalite sati pArthive |
parvatA api kampante prasakte kampane bhuvaH || 103||
patnyA mA~Ngalyayogena patyurAyuH pravardhate |
prakR^itInAM tu bhAgyena pArthivaH sukhamedhate || 104||
nirmitaM shatakaM sAgraM nIlakaNThena yajvanA |
sabhAra~njanametena sAdhayantu manIShiNaH || 105||

iti shrInIlakaNThadIkShitavirachitaM sabhAra~njanashatakaM sampUrNam ||
##
Proofread by Rajesh Thyagarajan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}