% Text title            : Shri Sadashiva Kavacha Stotram
% File name             : sadAshivakavachastotram.itx
% Category              : shiva, kavacha
% Location              : doc\_shiva
% Proofread by          : NA
% Latest update         : August 10, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sadashiva Kavacha Stotram ..}##
\itxtitle{.. shrIsadAshivakavachastotram ..}##\endtitles ##
shrIdevyuvAcha\-
bhagavandevadevesha sarvAmnAya prapUjita |
sarvaM me kathitaM deva kavachaM na prakAshitam || 1||
prAsAdAkhyasya mantrasya kavachaM me prakAshaya |
sarvarakShAkaraM deva yadi sneho.asti mAM prati || 2||
shrIbhagavAnuvAcha\-
prAsAdamantrakavachasya vAmadevaR^iShiH |
panktishChandaH | sadAshivo devatA |
sakalAbhIShTasiddhaye jape viniyogaH |
shiro me sarvadA pAtu prAsAdAkhyaH sadAshivaH |
ShaDakSharasvarUpo me vadanaM tu maheshvaraH || 3||
pa~nchAkSharAtmA bhagavAnbhujau me parirakShatu |
mR^ityu~njayastribIjAtmA AsyaM rakShatu me sadA || 4||
vaTamUlaM samAsIno dakShiNAmUrtiravyayaH |
sadA mAM sarvadaH pAtu ShaTtriMshArNasvarUpadhR^ik || 5||
dvAviMshArNAtmako rudro dakShiNaH parirakShatu |
trivarNAtmA nIlakaNThaH kaNThaM rakShatu sarvadA || 6||
chintAmaNirbIjarUpo hyardhanArIshvaro haraH |
sadA rakShatu me guhyaM sarvasampatpradAyakaH || 7||
ekAkSharasvarUpAtmA kUTavyApI maheshvaraH |
mArtaNDabhairavo nityaM pAdau me parirakShatu || 8||
tumburAkhyo mahAbIjasvarUpaH tripurAntakaH |
sadA mAM raNabhUmau cha rakShatu tridashAdhipaH || 9||
UrdhvamUrddhAnamIshAno mama rakShatu sarvadA |
dakShiNAsyaM tatpuruShaH pAyAnme girinAyakaH || 10||
aghorAkhyo mahAdevaH pUrvAsyaM parirakShatu |
vAmadevaH pashchimAsyaM sadA me parirakShatu || 11||
uttarAsyaM sadA pAtu sadyojAtasvarUpadhR^ik |
itthaM rakShAkaraM devi kavachaM devadurlabham || 12||
prAtaHkAle paThedyastu so.abhIShTaM phalamApnuyAt |
pUjAkAle paThedyastu kavachaM sAdhakottamaH || 13||
kIrtishrIkAntimedhAyuH sahito bhavati dhruvam |
kaNThe yo dhArayedetatkavachaM matsvarUpakam || 14||
yuddhe cha jayamApnoti dyUte vAde sa sAdhakaH |
kavachaM dhArayedyastu sAdhako dakShiNe bhuje || 15||
devA manuShyA gandharvA vashyAstasya na saMshayaH |
kavachaM shirasA yastu dhArayedyatamAnasaH || 16||
karasthAstasya deveshi aNimAdyaShTasiddhayaH |
bhUrjapatre tvimAM vidyAM shuklapakSheNa veShTitAm || 17||
rajatodarasaMviShTAM kR^itvA vA dhArayetsudhIH |
sa.nprApya mahatIM lakShmImante maddeharUpabhAk || 18||
yasmai kasmai na dAtavyaM na prakAshyaM kadAchana |
shiShyAya bhaktiyuktAya sAdhakAya prakAshayet || 19||
anyathA siddhihAniH syAtsatyametanmanorame |
tava snehAnmahAdevi kathitaM kavachaM shubham || 20||
na deyaM kasyachidbhadre yadIchChedAtmano hitam |
yo archayedgandhapuShpAdyaiH kavachaM manmukhoditaM
tenArchitA mahAdevi sarve devA na saMshayaH || 21||

iti shrIbhairavatantre shrIsadAshivakavachaM sampUrNam |
##


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}