% Text title            : sarvarakShAkarakavacham
% File name             : sarvarakShAkarakavacham.itx
% Category              : shiva, kavacha
% Location              : doc\_shiva
% Transliterated by     : Divya KS
% Proofread by          : Divya KS
% Description/comments  : kriyoDDIshamahAtantra paTalaH 15
% Latest update         : April 30, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sarvarakshakaram Shiva Kavacham ..}##
\itxtitle{.. sarvarakShAkaraM shivakavacham ..}##\endtitles ##
shrIdevyuvAcha \-
bhagavandevadevesha sarvA.a.amnAyaprapUjitaH |
sarvaM me kathitaM deva kavachaM na prakAshitam || 1||
prAsAdAkhyasya mantrasya kavachaM me prakAshaya |
sarvarakShAkaraM devaM yadi sneho.asti samprati || 2||
shrIbhagavAnuvAcha \-
prAsAdamantrakavachasya vAmadeva R^iShiH, pa~NktishChandaH,
sadAshivo devatA, sAdhakAbhIShTasiddhaye viniyogaH prakIrtitaH |
shiro me sarvadA pAtu prAsAdAkhyaH sadAshivaH |
ShaDakSharasvarUpo me vadanaM cha maheshvaraH || 3||
pA~nchAkSharAtmA bhagavAn bhujau me parirakShatu |
mR^ityu~njayastribIjAtmA AyU rakShatu me sadA || 4||
vaTamUlasamAsIno dakShiNAmUrtiravyayaH |
sadA mAM sarvataH pAtu ShaTtriMshadvarNarUpadhR^ik || 5||
dvAviMshArNAtmako rudraH kukShau me parirakShatu |
trivarNAtmA nIlakaNThaH kaNThaM rakShatu sarvadA || 6||
chintAmaNirbIjarUpe sarvanArIshvaro haraH |
sadA rakShatu me guhyaM sarvasampatpradAyakaH || 7||
ekAkSharasvarUpAtmA kUTarUpI maheshvaraH |
mArtaNDabhairavo nityaM pAdau me parirakShatu || 8||
omityAkhyo mahAbIjasvarUpastripurAntakaH
sadA mAM raNabhUmau tu rakShatu tridashAdhipaH || 9||
UrdhvamUrdhAnamIshAno mama rakShatu sarvadA |
dakShiNasyAM tatpuruSho avyAnme girinAyakaH || 10||
aghorAkhyo mahAdevaH pUrvasyA parirakShatu |
vAmadevaH pashchimasyAM sadA me parirakShatu |
uttarasyAM sadA pAtu sadyojAtaH svarUpadhR^ik || 11||
            phalashrutiH |
ittha rakShAkaraM devi kavachaM devadurlabham |
prAtaHkAle paThedyastu so.abhIShTaphalamApnuyAt || 12||
pUjAkAle paThedyastu sAdhakoM dakShiNe bhuje |
devA manuShyA gandharvA vashyAstasya na saMshayaH || 13||
kavachaM yastu shirasi dhArayedyadi mAnavaH |
karasthAstasya deveshi aNimAdyaShTasiddhayaH || 14||
svarNapatre tvimAM vidyAM shuklapaTTena veShTitAm |
rAjatodarasaMviShTAM kR^itvA cha dhArayetsudhIH || 15||
samprApya mahatIM lakShmImantraM cha shivarUpadhR^ik |
yasmai kasmai na dAtavyaM na prakAshyaM kadAchana || 16||
shiShyAya bhaktiyuktAya sAdhakAya prakAshayet |
anyathA siddhihAniH syAt satyametanmanorame || 17||
tava snehAnmahAdevi kathitaM kavachaM shubham |
na deyaM kasyachidbhadre yadIchChedAtmano hitam || 18||
yo.archayed gandhapuShpAdyaiH kavachaM manmukhoditam |
tenArchitA mahAdevi sarve devA na saMshayaH || 19||

iti kriyoDDIshe mahAtantrarAje devIshvarasaMvAde sarvarakShAkaraM kavachaM samAptam ||
pa~nchadashaH paTalaH
##
Proofread by Divya KS

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}