% Text title            : Satyavrataproktam Shivalilavarnanam
% File name             : satyavrataproktaMshivalIlAvarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 39 | 172-195 ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Satyavrataproktam Shivalilavarnanam ..}##
\itxtitle{.. satyavrataproktaM shivalIlAvarNanam ..}##\endtitles ##
\- satyavratashukavANIsaMvAde \-
satyavrataH \-
shR^iNu satyamidaM vAkyaM sAvadhAnaM varAnane |
devadevasya mahimA manovAgviShayo.api na || 172||
sha~NkaraH karuNAsindhuryat kArya kartumichChati |
tatra nAyAsalesho.api mahAdevasya shUlinaH || 173||
tadichChayA paraM kAryaM bhavatyeva sahasradhA |
ichChAmAtreNa siddhArthastata eva shivaH prabhuH || 174||
anyena kalpaparyantaM kR^ite yatne.api sarvathA |
kAryalesho.api sahasA na sureNa prajAyate || 175||
abhra~NkaShAdinirmANaM kShaNenaiva mahAtmanA |
svechChAleshena tenaiva gaurIkAntena lIlayA || 176||
ghR^itasAgaranirmANaM sha~NkareNechChyA kR^itam |
ikShusAgaranirmANaM sha~NkareNa kR^itaM khalu || 177||
anyeShAM sAgarANAM cha nirmANaM lIlayA kR^itam |
bhUnirmANaM cha tenaiva lIlayA khalu tat kR^itam || 178||
bhUdhAraNArthAH shailAshcha nirmitAstena lIlayA |
bhUma~nchakastambharUpAste shailAH sapta sundari || 179||
pAtAlarUpo loko.api sR^iShTastena svalIlayA |
lokaH karaNDakAkAraH kAkodaravarAshrayaH || 180||
tasmin loke shivasthAnamekamasti varAnane |
talli~NgaM kA~nchanAkAraM sheShabhUShaNanAmakam || 181||
tatrApi nirmitaM ramyaM mandiraM ratnasundaram |
ratnaprAsAdashR^i~NgAgrakoTIkoTivirAjitam || 182||
tasya shR^i~Ngasya ratnAni vividhAnyapi koTishaH |
tatprabhAbhiH sa loko.api bhAsuraH sarvathA khalu || 183||
tatra sheShAdayo nAgAH pUjayanti maheshvaram |
tadudyAnavanotpannaprasUnasragbhirAdarAt || 184||
akhaNDabilvapatrANi suvarNakamalAnyapi |
tatrAmitAni taiH pUjAM kurvanti munipu~NgavAH || 185||
tatra sheSho.api ratnaughairapArairgirijApatim |
pUjayannanishaM shambhuM bilvaishcha kanakAmbujaiH || 186||
tatva ketakapuShpaishcha mandArairatishobhanaiH |
suvarNachampakAkAraprasUnaiH pUjayanti tam || 187||
nAgakanyAsahasrANi pUjayitvA maheshvaram |
nR^ityaM kurvanti yatnena tasmin sha~Nkaramandire || 188||
sakuTumbaH phaNipatiH saputro.api maheshvaram |
pUjayitvA prasUnAdyaiH kAlaM nayati sAdaram || 189||
koTishastatkuTumbAni tatputrA api koTishaH |
pUjayanti mahAdevamatiyatnena santatam || 190||
teShAM shivArchanaM kAyaM nAsti kAryAntaraM tathA |
vidyamAnAni kAryANi santyaktAnyeva sarvadA || 191||
shivapUjanamasmAkaM paramaM kAryamityapi |
tiShThanti nAgalokasthAH sarve kAkodarA api || 192||
shivapUjAvinirmuktaH ko.api kAkodaro.api na |
anyeShAM tatra kA vArtA teShAM kAryaM shivArchanam || 193||
teShAM tathAvidhA bhaktiH shivenotpAditA tataH |
tathaiva te.api kurvanti lIlayA shivapUjanam || 194||
lIlAmAtrakR^itAmitAkhilajagajjAlAya tasmai namaH
tasmai kAraNakAraNAya karuNApUrNArNavAyAsakR^it |
tasmai sR^iShTilayasthitikShayaparavyApAralIlArasa\-
vyAptAyApi namo namaH punaridaM sAmbAya tasmai namaH || 195||

|| iti shivarahasyAntargate satyavrataproktaM shivalIlAvarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 39| 172\-195 ||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 39. 172-195 ..

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}