% Text title            : ShantikadhyAya from Shivadharmakhya
% File name             : shAntikAdhyAya.itx
% Category              : shiva
% Location              : doc\_shiva
% Author                : Traditional
% Transliterated by     : Gopal Upadhyay gopal.j.upadhyayat gmail.com
% Proofread by          : Gopal Upadhyay gopal.j.upadhyayat gmail.com
% Description-comments  : Shivadharmakhya
% Latest update         : October 20, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ShantikadhyAya from Shivadharmakhya ..}##
\itxtitle{.. shrIshivadharmAkhyokta shAntikAdhyAyaH ..}##\endtitles ##
shrIgaNeshAya namaH |
shrIbhairavAya namaH |
shrInandIshAya namaH |
shrIumAmaheshvarAbhyAM namaH |

atha shrIshivadharmAkhyokta shAntikAdhyAyaH prArabhyate |
shrI nandikeshvara uvAcha \-
ataH paramidaM guhyaM rudrodgItaM mahodayam |
mahAvighnaprashamanaM mahAshAntikaraM shubham || 1||
akAlamR^ityushamanaM sarvavyAdhinivAraNam |
parachakrapramathanaM sadA vijayavardhanam || 2||
sarvadevagrahAnIkaM samabhIShTaphalapradam |
sarvashAntAdhikArAkhyaM dharmaM vakShyAmi shAshvatam || 3||
shashA~NkArddhadharastryakSho nAgayaj~nopavItakaH |
chaturmukhashchaturbAhuH sitabhasmA.avaguNThitaH || 4||
varo vareNyo varado devadevo maheshvaraH |
trailokyanamitaH shrImA~nChAntimAshu karotu me || 5||
sarvAvayavapUrNena gAtreNa tanumadhyamA |
pItashyAmAtisaumyena snigdhavarNena shobhanA || 6||
lalATe tilakopetA chandrarekhArdhadhAriNI |
chitrAmbaradharA devI sarvA.a.abharaNabhUShitA || 7||
varastrImayarUpeNa shobhAguNamahAspadA |
bhAvanAmAtrasantuShTA umAdevI varapradA || 8||
sAkShAdAgatya rUpeNa shAntenA.amitatejasA |
shAntiM karotu me prItA bhaktAnAM bhaktavatsalA || 9||
padmarAgadyutiH saumyo raktamAlyA.anulepanaH |
abAlo bAlarUpeNa ShaDvaktraH shikhivAhanaH || 10||
pUrNenduvadanaH saumyastrishikhaH shaktisaMyutaH |
kR^ittikomAgnirudrAMshasamudbhUtaH surArchitaH || 11||
kArtikeyo mahAtejA varadAnaikatatparaH |
shAntiM karotu me nityaM varaM saukhyaM cha me sadA || 12||
shvetavastraparIdhAnastryakShaH kanakasuprabhaH |
rudrashchaiko mahAyogI rudraiko hitamAnasaH || 13||
shUlapANirmahAprAj~no nandIshaH shivabhAvitaH |
shivArchanaparo nityaH shivadhyAnaikatatparaH || 14||
shAntiM karotu me shAnto dharmaM cha matimuttamAm |
mahAdeva mahAkAyaH snigdhA~njanachayachChaviH || 15||
ekadaMShTrotkaTo devo gajavaktro mahAbalaH |
nAgayaj~nopavItI cha nAgA.a.abharaNabhUShitaH || 16||
sarvArthasampadAdhAro gaNAdhyakSho varapradaH |
indrasya tanayo devo nAyako.atha vinAyakaH || 17||
karotu me mahAshAntiM karmasiddhiM cha sarvadA |
indranIlanibhastryakSho dIptashUlA.a.ayudhodyataH || 18||
raktAmbaradharaH shrImAn kR^iShNA~Ngo nAgabhUShaNaH |
pApA.apanodamatulamalakShmImalanAshanaH || 19||
karotu me mahAshAntiM mahAkAlo mahAbalaH |
pItavastraparIdhAnA kanyArUpA svala~NkR^itA || 20||
gaNamAtA.ambikA tryakShA puNyA shAntA sureshvarI |
sarvasiddhikarI devI prasAdaparamA parA || 21||
shAntiM karotu me mAtA siddhiM chA.anuprayachChatu |
snigdhashyAmena varNena mahAmahiShamardinI || 22||
dhanushchakrapraharaNA khaDgapaTTishadhAriNI |
AtarjanyudyatakarA sarvopadravanAshinI || 23||
sarvama~NgaladAtrI me shivamAcharatu dhruvam |
nirmAMsena sharIreNa snAyvasthiShu nibandhanaH || 24||
atisUkShmo.ativikrAntastryakSho bhR^i~NgiriTirmahAn |
rudrAtmako mahAvIro rudrekAhitamAnasaH || 25||
so.api me shAntibhAvena shAntimAshu prayachChatu |
prachaNDagaNasainyesho mahATa~NkAkShadhArakaH || 26||
akShamAlArpitakarastryakShashchaNDeshvaro varaH |
chaNDapApApaharaNo brahmahatyAdishodhakaH || 27|| (chaNDastApApaharaNo)

karotu me mahAyogI kalyANAnAM paramparAm |
sha~NkhakundendutulyAbhaH kaNThe marakataprabhaH || 28||
akShamAlI shikhAgrasthaH svayaM j~nAnavyavasthitaH |
chaturmukhashchatuShpAdatrinetraH sarvadojjvalaH || 29||
kShiteH patirvR^iSho devo dharmo dharmatamo mataH |
IshaM vahati pR^iShThena tasmAddharmoM jagatprabhuH || 30||
vR^iSho vR^iShavaraH shrImAn karotu mama shAntikam |
padmAsanaH padmanibhashchaturvadanapa~NkajaH || 31||
kamaNDaludharaH shrImAn devagandharvapUjitaH |
shivadhyAnaikaparamaH shivasadbhAvabhAvitaH || 32||
brahmashabdena divyena brahmA shAntiM karotu me |
tArkShyAsanashchaturbAhuH sha~NkhachakragadAdharaH || 33||
shyAmaH pItAmbaradharo mahAbalaparAkramaH |
yaj~nadevottamo devo mAdhavo madhusUdanaH || 34||
shivaprasAdasampannaH shivadhyAnaparAyaNaH |
sarvapApapramathanaH sarvA.asuranikR^intanaH || 35||
sarvadA shAntabhAvena viShNuH shAntiM karotu me |
arhantaH shAntarUpI cha pichChiskandhaikapANikaH || 36||
digvAsA mattapa~Nkashcha saumyachittaH samAhitaH |
saMvR^ittalochanaH shAntaH shivaj~nAnaikachintakaH || 37||
shAntiM karotu me shAntaH shivayogena bhAvitaH |
jitendriyaH samAdhisthaH pAtrachIvarabhUShitaH || 38||
varadAbhayapANishcha j~nAnadhyAnarataH sadA |
yogavR^iShTisamAyuktaH shivabhAnena bhAvitaH || 39||
shAntiM karotu me devaH sarvasattvahite rataH |
pItavarNena dehena hAreNa suvichitritaH || 40||
sarvA~NgasundarI devI vijayA jayakAriNI |
shivA.archanaratA nityaM shivajApyaparAyaNA || 41||
dharitrI lokamAtA cha nityaM rakShAM karotu me |
nandA bhadrA cha surabhiH sushIlA sumanAstathA || 42||
kShIrodAdutthitA gAvo lokAnAM hitakAmyayA |
prINayanti sadA devAn viprA.NshchaivA.avisheShataH || 43|| (viprAM)

nityaM cha devatAtmAnaH kurvantu mama shAntikam |
padmarAgaprabhA devI chaturvadanapa~NkajA || 44||
akShamAlArpitakarA kamaNDaludharA shubhA |
brahmANI saumyavadanA shivapUjAparAyaNA || 45||
shAntiM karotu me prItA brahmashabdena sarvadA |
himashailanibhA devI mahAvR^iShabhavAhinI || 46||
trishUlahastA varadA nAnA.a.abharaNabhUShitA |
chaturbhujA chaturvaktrA trinetrA pApahAriNI || 47||
ArtiM haratu me mAtA rudrANI nityamujjvalA |
mayUravAhanA devI sindUrAruNavigrahA || 48||
shaktihastA mahArUpA sarvA.ala~NkArabhUShitA |
rudrabhaktA mahAvIryA rudrArchanaratA sadA || 49||
kaumArI varadA devI shAntimAshu karotu me |
khaDgachakragadAhastA shyAmA pItAmbarapriyA || 50||
chaturbhujA tArkShyayAnA vaiShNavI surapUjitA |
shivArchanaparA nityaM shivaikAhitamAnasA || 51||
shAntiM karotu me nityaM sarvA.asuravimardinI |
airAvatagajArUDhA vajrahastA mahAbalA || 52||
netrANAM tu sahasreNa bhUShitA kanakaprabhA |
siddhagandharvanamitA sarvAla~NkArabhUShitA || 53||
aindrI devI sadAkAlaM shAntimAshu karotu me |
vArAhaghorA vikaTA varAhavaravAhanA || 54||
shyAmAvadAtA vipulA sha~NkhachakragadAyudhA |
tarjayantI sadA vighnAnnarchayantI sadAshivam || 55||
vArAhI varadA devI kShemArogyaM dadAtu me |
UrdhvakeshA koTarAkShI nirmAMsA snAyubandhanA || 56||
karAlavadanA ghorA khaDgakaTTArakodyatA |
kapAlamAlinI kruddhA khaTvA~NgavaradhAriNI || 57||
Araktapi~NganayanA gajacharmA.avaguNThitA |
nAnAnAgopavItA~NgI pretasthAnanivAsinI || 58||
shivarUpeNa ghoreNa shivarAvabhaya~NkarI |
chAmuNDA chaNDarUpeNa mahArakShAM karotu me || 59||
apItena sharIreNa sarvA.a.abharaNabhUShitA |
AtarjayantI vighnAni jvalatkhaTvA~NgadhAriNI || 60||
dhvA~NkShAsanA mahAvIrA sarvapApapraNAshinI |
lamboShThI varadA devI shAntimAshu karotu me || 61||
AkAshamAtarI divyastathA.anyAlokamAtaraH |
bhUtAnAM mAtaraH sarvAstathA.anyeShA~ncha mAtaraH || 62||
sarvamAtR^imahAdevyaH svAyudhA vyagrapANayaH |
jagadvyApyA.avatiShThante balikAmA mahodayAH || 63||
rudrabhaktA mahAvIryA rudrArchA.ahitamAnasAH |
shAntiM kurvantu me nityaM mAtaraH surapUjitAH || 64||
ye rudrA raudrakarmANo rudrasthAnanivAsinaH |
saumyAshchaiva tu ye kechit sthANusthAnanivAsinaH || 65||
mAtaro rudrarUpAshcha gaNAnAmadhipAshcha ye |
vighnabhUtAstathA chA.anye divi dikShu samAshritAH || 66||
sarve suprItamanasaH pratigR^ihNantu me balim |
siddhimAshu prayachChantu bhayebhyaH pAntu mAM sadA || 67||
aindrayAM dishi gaNA ye tu vajrahastA mahAbalAH |
sushvetAkShAH shvetanibhAstathA vai shvetalohitAH || 68||
divyAntarikShabhaumAshcha pAtAlatalavAsinaH |
rudrArchanaratA hR^iShTA shAntiM kurvantu me sadA || 69||
AgneyyAM ye gaNAH sarve shaktihastA niSha~NgiNaH |
AraktAkShA raktanibhAstathA vai raktalohitAH || 70||
divyAntarikShabhaumAshcha pAtAlatalavAsinaH |
rudrapraNAmamanasaH shAntiM kurvantu me sadA || 71||
yAmyAM dishi gaNA ye tu satataM daNDapANayaH |
kR^iShNAH kR^iShNanibhAH kruddhAstathA vai kR^iShNalohitAH || 72||
divyAntarikShabhaumAshcha pAtAlatalavAsinaH |
rudrakA hitachetaskAH shAntiM kurvantu me sadA || 73||
nairR^ityAM tu gaNAH krUrA rAkShasAH mR^ityurUpiNaH |
sunIlAkShA nIlanibhAstathA vai nIlalohitAH || 74||
divyAntarikShabhaumAshcha pAtAlatalavAsinaH |
rudradhyAnaika niratAH shAntiM kurvantu me sadA || 75||
vAruNyAM vai gaNA ye tu satataM pAshapANayaH |
sumuktAkShAH muktanibhAH vai muktalohitAH || 76||
divyAntarikShabhaumAshcha pAtAlatalavAsinaH |
parameshArchanaratAH kurvantu mama shAntikam || 77||
vAyavyAM vai gaNA ye tu satataM dhvajapANayaH |
sadhUmrAkShAH dhUmranibhAH vai dhUmralohitAH || 78||
divyAntarikShabhaumAshcha pAtAlatalavAsinaH |
shivabhaktiparAH sarve kShemaM kurvantu me sadA || 79||
uttarasyAM gaNA ye tu satataM nidhipANayaH |
supItAkShAH pItanibhAH tathA vai pItalohitAH || 80||
divyAntarikShabhaumAshcha pAtAlatalavAsinaH |
shivapUjAsamudyuktAH kShemaM kurvantu sarvadA || 81||
aishAnyAM vai gaNA ye tu prashAntAH shUlapANayaH |
sushvetAkShAH shvetanibhAH tathA vai shvetalohitAH || 82||
divyAntarikShabhaumAshcha pAtAlatalavAsinaH |
shivapUjAsamudyuktAH kShemaM kurvantu me sadA || 83||
adhobhAge gaNA ye tu satataM chakrapANayaH |
dhUmrA dhUmranibhAH sarve tathA vai dhUmralohitAH || 84||
(##var ## sunIlAkShAH nIlanibhAH tathA vai nIlalohitAH)
divyAntarikShabhaumAshcha pAtAlatalavAsinaH |
shivaM kurvantu me nityamalakShmImalanAshanam || 85||
UrdhvabhAge gaNA ye tu mahAbalaparAkramAH | (##var ## tu satataM pAshapANayaH)
susUkShmAkShAH sUkShmanibhAH tathA vai sUkShmalohitAH || 86||
divyAntarikShabhaumAshcha pAtAlatalavAsinaH |
shivapUjAsamudyuktA ashubhAnnAshayantu me || 87||
ete gaNA mahAtmAno mahAbalaparAkramAH |
shivaM sampUjya yatnena baliM teShAM vinikShipet || 88||
tataH suprItamanasaH shAntiM kurvantu sarvadA |
amarAvatI nAma purI pUrvabhAge vyavasthitA || 89||
vidyAdharasamAkIrNA siddhagandharvasevitA |
ratnaprakAraruchirA sarvaratnopashobhitA || 90||
tatra devapatiH shrImAn vajrapANirmahAbalaH |
netrANAM tu sahasreNa shobhanena virAjate || 91||
airAvatagajArUDho hemavarNo mahAdyutiH |
devendraH satataM hR^iShTaH parameshArchane rataH || 92||
shivadhyAnena sampannaH shivabhaktisamanvitaH |
shivapraNAmaparamaH karotu mama shAntikam || 93||
Agneye digvibhAge tu purI tejovatI shubhA | (##var ## AgneyyAM)
nAnAdevagaNAkIrNA ratnajvAlAsamujjvalA || 94||
tatra jvAlAparItA~NgI dIptA~NgArasamadyutiH |
bhUtikR^id dehinAM devo jvalanaH pApanAshanaH || 95||
shivapUjAjapodyuktaH shivasmaraNabhAvitaH |
shAnti~Nkarotu me devastathA pApaparikShayam || 96||
vaivasvatI nAma purI dakShiNe vai vyavasthitA |
lohaprAkarasaMyuktA prAsAdairgopuraiH shubhaiH || 97||
surAsurashatAnIkapitR^irakShogaNAlayA |
tatrendro nIlasa~NkAsho raktAntAyatalochanaH || 98||
mahAmahiShamArUDhaH kR^iShNasragvastrabhUShaNaH |
kAlAntakamahAkAlaH chaNDakodaNDa saMyutaH || 99||
shrImAnyamo mahAtejAH shivadharmaparAyaNaH | (##var ## antako.atha mahAtejAH)
shivapUjAsamudyuktaH kShemArogyaM dadAtu me || 100||
nairR^ityAstu disho bhAge purI kR^iShNeti vishrutA | (##var ## purI kR^iShNAvatI shubhA)
mahArakShogaNaiH kIrNA pishAchabhUtasa~NkulA || 101||
tatra jImUtasa~NkAsho raktasragvastrabhUShaNaH |
khaDgapANirmahAtejAH karAlavadanojjvalaH || 102||
rakShogaNendro niR^itiH shivArchanarataH sadA |
karotu me mahAshAntiM shivabhaktisamutsukaH || 103||
pashchime tu disho bhAge purI shuddhAvatI shubhA |
nAnAratnasamAkIrNA nAnAkinnarashobhitA || 104|| (##var ## nAnAgaNasamAkIrNA)

tatra mauktikasa~NkAshaH paripi~NgalalochanaH |
shuklavastraparIdhAnaH pAshahasto mahAbalaH || 105||
varuNaH parayA bhaktyA shivekAhitamAnasaH |
rogashokArtisantApaM nityaM nAshaya me dhruvam || 106||
vAyavye digvibhAge tu purI gandhavatI shubhA |
R^iShisiddhagaNA.a.akIrNA hemaprAkAratoraNA || 107||
tatra tAmmreNa dehena kR^iShNapi~NgalalochanaH |
paTavyAptAntarAlIno dhvajayaShTyAyudhodyataH || 108||(##var ## nabho vyAptAntarAlInaH)

pavanaH paramo devaH parameshvarabhAvitaH |
kShemArogyabalaM shAntiM karotu satataM mama || 109||
mahodayA nAma purI uttareNa mahojjvalA |
anekayakShasa~NkIrNA nAnAratnopashobhitA || 110||
tatra devo gadAhastaH chitrasragvastrabhUShaNaH | (##var ## shuchisragvastrabhUShaNaH)
hrasvabAhurmahAtejAH paripi~NgalalochanaH || 111||
kubero varadaH shrImAn harapAdArchane rataH |
shAntiM karotu me prItaH shAntaH shAntena tejasA || 112||
yashovatI purI ramyA aishAnyAM dishi saMsthitA | (##var ## aishAnIM dishamAshritA)
nAnAgaNasamAkIrNA nAnAsurakR^itAlayA || 113||
tejaH prAkAraparyantA niraupamyA mahodayA |
tatra mauktikasa~NkAshaH shashA~NkakR^itabhUShaNaH || 114||
trinetraH shAntarUpAtmA akShamAlAdharaH sadA |
IshAnaH paramo devaH sarvadevottamottamaH |
so.api sarvAtmabhAvena shAntimAshu prayachChatu || 115||
bhUrloke.atha bhuvarloke svarloke nivasanti ye | (##var ## svarloke .api cha saMsthitaH)
devA divyaprabhAyuktAH shAntiM kurvantu me sadA || 116||
janaloke maharloke tapoloke sthitAshcha ye |
te.api pramuditA devAH shivaM kurvantu me sadA || 117||
satyaloke cha ye devAH prabhAvojjvalavigrahAH |
shivabhaktAH sumanaso bhayaM nirNAshayantu me || 118||
girikandaradurgeShu vaneShu nivasanti ye |
rudrArchanaparA devA rakShAM kurvantu me sadA || 119||
mahAtale cha ye santi saMsthitAshcha rasAtale |
talAtale cha ye santi uttamAH sutale janAH || 120||
vitale saMsthitAH bhUtA atale nivasanti ye |
tale cha nilayo yeShAM rakShAM kurvantu sarvadA || 121||
sharachchandrAMshugaureNa dehenA.amalatejasA |
sarasvatI shivebhaktA shAntimAshu karotu me || 122||
chAruchAmIkarachChAyA sarojakarapallavA |
shivabhaktA cha shrIrdevI shrIsadbhUtiM dadAtu me || 123||
chAruNA mukhachandreNa vichitrakusumojjvalA |
jayA devI shive bhaktA sarva kAmaM dadAtu me || 124||
hAreNa suvichitreNa bhAskarojjvalatejasA | (##var ## bhAsvatkanaka mekhalA)
aparAjitA shivebhaktA karotu vijayaM mama || 125||
sindUrAruNa raktA~NgaH karNAntAyata lochanaH |
sahasrakiraNaH shrImAn saptAshvakR^itavAhanaH || 126||
gabhastimAlI bhagavAshivapUjAparAyaNaH |
karotu me mahAshAntiM grahapIDAM vyapohatu || 127||
jagadApyAyanakaro hyamR^itAdhArashItalaH |
somaH saumyena bhAvena grahapIDAM vyapohatu || 128||
padmarAganibhA nenA.api dehenApi~NgalalochanaH |
(##var ## padmarAganibhA~Ngena karipi~NgalalochanaH |)
a~NgArakaH shivebhakto rudrArchana parAyaNaH || 129||
rudrasadbhAvasampanno rudradhyAnaikamanasaH |
grahapIDA bhayaM sarvaM vinAshayatu me sadA || 130||
kuM~NkumachChavidehena chArudyutkarataH sadA |
shivabhakto budhaH shrImAn grahapIDAM vyapohatu || 131||
dhAtu chAmIkarachChAyaH sarvaj~nAnakR^itAlayaH | (##var ## tapta chAmIkarachChAyaH)
bR^ihaspatiH sadAkAlamIshAnArchanatatparaH || 132||
so.api me shAntachittena parameNa samAhitaH |
grahapIDAM vinirjitya karotu vijayaM sadA || 133||
himakundendutulyAbhaH suradaityendrapUjitaH |
shukraH shivArchanarato grahapIDAM vyapohatu || 134||
bhinnA~njanachayachChAyaH saraktanayanadyutiH |
shanaishcharaH shivebhakto grahapIDAM vyapohatu || 135||
nIlA~njananibhaH shrImAn saiMhikeyo mahAbalaH |
shivapUjAparo rAhugrahapIDA vyapohatu || 136||
dhUmrAkAro grahaH keturaishAnyAM dishi saMsthitaH |
vartulo.atIva vistIrNalochanaishcha vibhIShaNaH || 137||
palAshadhUmrasa~NkAsho grahapIDA.apakArakaH |
ghoradaMShTrAkarAlashcha karotu vijayaM mama || 138||
khaDgakheTakahastashcha vareNyo varadaH shubhaH |
shivabhaktashchA.agrajanmA grahapIDAM vyapohatu || 138||
ete grahA mahAtmAno maheshArchanabhAvitAH |
shAntiM kurvantu me hR^iShTAH sadAkAlaM hitaiShiNaH || 139||
mukhe yasyAH sthito mR^ityurviShTirnAma mahAbalaH |
sammukhe vighnakartrI cha puchChe tu vijaya~NkarI || 140||
rudrapraNAmaparamA shAntimAshu karotu me |
tR^itIyA saptamI chaiva dashamI cha chaturdashI || 141||
chaturthI hyaShTamI chaiva ekAdashI cha pUrNimA |
eteShu vighnapAteShu kR^iShNashuklasamAhvayAH || 142||
nAshayantu bhayaM nityaM kurvantu vijayaM mam |
amAvasyA mahApuNyA pitR^idevasamanvitA || 143||
shAntA hyeShA mahApuNyA shivasya cha mahApriyA |
shivatejaH samAyuktA karotu vijayaM mam || 144||
pratipadvahni saMyuktA dvitIyA cha vidhidaivatA | (##var ## dvitIyAkodhidevatA)
tR^itIyA cha mahApuNyA dhanadena samanvitA || 145||
chaturthI cha mahApuNyA gajavaktrAdhidaivatam |
pa~nchamI shrIyuta nityaM ShaShThI cha skandAdhidaivatam || 146||
saptamI ravi saMyuktA hyaShTamI rudradaivatA |
tithiH shUlabhR^itashchaiva pApahA paramA smR^itA || 147||
navamI tithiratyugrA durgAyAH parikIrtitA |
dashamI yamasaMyuktA chaindreNaikAdashI yutA || 148||
dvAdashI viShNusaMyuktA madanena trayodashI |
chaturdashI mahAvIryA tithiH sha~NkarabhAvitA || 149||
pUrNimA paripUrNAtmA tithayaH satatojjvalAH |
(##var ## chaturdashI maheshena paurNamAsI himAMshunA |)
satataM cha shubhAtmAnastithayashcha krameNa tu || 150||
pakShadvaye sadA hyetAshchandragatyA.anugAminaH |
shAntiM kurvantu me nityaM shivaj~nAnavidhAyinaH || 151||
viShkumbhaH prItirAyuShmAn saubhAgyaH shobhanastathA |
atigaNDaH sukarmA cha dhR^itiH shUlastathaiva cha || 152||
gaNDovR^iddhiH dhruvashchaiva vyAghAto harShaNastathA |
vajraH siddhirvyatIpAto varIyAn parighaH shivaH || 153||
siddhiH sAdhyaH shubhaH shuklo brahmA aindrashcha vaidhR^itiH |
chandrAbhAnoshcha hyutpannA yogAshchaite mahAbalAH || 154||
shivabhaktiparAH sarve shivaj~nAnavidhAyinaH |
shAnti kurvantu me nityaM tathA kilviShanAshanam || 155||
kR^ittikA paramA devI rohiNI ruchirAnanA |
shrImAn mR^igashirA bhadrA ArdrA cha paramojjvalA || 156||
punarvasustathA puShya AshleShA.atha mahAbalA |
nakShatramAtaro hyetAH prabhAmAlAvibhUShitAH || 157||
mahAdevA.archane shaktA mahAdevA.anubhAvitaH |
pUrvabhAge sthitA hyetAH shAntiM kurvantu me sadA || 157||
maghA sarvaguNopetA pUrvA chaiva tu phAlgunI |
uttarA phAlgunI shreShThA hastA chitrA tathottamA || 158||
svAtI vishAkhA varadA dakShiNasthAnasaMsthitAH |
archayanti sadAkAlaM devaM tribhuvaneshvaram || 159||
nakShatramAro hyetAstejasAparibhUShitAH |
mamA.api shAntikaM nityaM kurvantu shivachoditAH || 160||
anurAdhA tathA jyeShThA mUlamR^iddhibalAnvitam | (##var ## mUlA R^iddhibalAnvitatA |)
pUrvAShADhA mahAvIryA AShADhA chottarA shubhA || 161||
abhijinnAma nakShatraM shravaNaH paramojjvalaH |
etAH pashchimato dIptA rAjante rAjamUrtayaH || 162||
IshAnaM pUjayantyetAH sarvakAlaM shubhA.anvitAH |
mama shAntiM prakurvantu vibhUtibhiH samanvitAH || 163||
dhaniShThA shatabhiShA cha pUrvAbhAdrapadA tathA |
uttarAbhAdrarevatyAvashvinI cha mahardhikA || 164||
bharaNI cha mahAvIryA nityamuttarataH sthitAH |
shivArchanaparA nityaM shivadhyAnaikamAnasAH || 165||
shAntiM kurvantu me nityaM sarvakAlaM shubhodayAH |
meSho vR^iShA.adhipaH siMho dhanurdIptimatAM varaH || 166||
pUrva bhAge sthitA yete shivapUjAparAyaNAH |
shAntiM kurvantu me nityaM harpAdabjapUjakAH || 167||
vR^iShashcha kanyA devI cha makarashchA.api R^iddhimAn |
ete dakShiNabhAge tu pUjayanti sadA shivam || 168||
bhaktyA paramayA nityaM shAntiM kurvantu me sadA |
mithunashcha tulA kumbhaH pashchimena vyavasthitAH || 169||
shivapAdArchanaratAH kShemaM kurvantu me sadA |
karkaTo vR^ishchiko mIna ete uttaramAsthitAH || 170||
pUjayanti sadAkAlaM rudrambhuvananAyakam |
shAntiM kurvantu me nityaM shivAj~nA.anuvidhAyinaH || 171||
bavashcha (babashcha) bAlavashchaiva kaulavastaitilastathA |
garo vaNik tathA viShTishchatuShpAchChakunistathA || 172||
nAgaH kiMstughna ityeva karaNAH shivabhAvitAH |
sarve suprItamanasaH shAntiM kurvantu me sadA || 173||
janma sampadvipachchaiva kShepapratyarisAdhakAH |
vadho maitro.atimaitrashcha ete vai tArakAgaNAH || 174||
shivabhaktAH sumanasaH kurvantu mama shAntikam |
R^iShayaH saptavikhyAtA dhruvAntAH paramojjvalAH || 175||
shivaprasAdasampannAH shAntiM kurvantu me sadA |
kashyapo gAlavo gArgyo vishvAmitro mahAmuniH || 176||
munirdakShovasiShTho.atha mR^ikaNDuH pulahaH kratuH |
asito bAlakhilyAshcha durvAsAH pippalAdayaH || 177||
R^ichIko bharato.agastyaH parAsharyo vibhANDakaH |
mAta~Ngo jaiminirvyAso devalo darbharomakaH || 178||
mANDavyashcha dadhIchishcha mArkaNDeyo.atha gautamaH |
nArado bhR^igurAtreyo bhAradvAjo.a~NgirA muniH || 179||
vAlmIkiH kaushikaH kaNvaH shAkalyo.atha(jAbAlyo.atha) punarvasuH |
shAla~NkAyana ityAdyA R^iShayo.atha mahAvratAH || 180||
shivadhyAnArchane yuktAH shAntiM kurvantu me sadA |
R^iShipatnyo mahApuNyAstathA R^iShikumArikAH || 181||
shivArchanaparA nityaM shAntiM kurvantu me sadA
siddhAH saMsiddhatapaso gaNA vidyAdharA grahAH || 182||
mahAtmAno mahotsAhA garuDAshcha maharddhikAH |
maheshvaraparA hyete maheshaM pAdapUjakAH || 183||
siddhimAshu prayachChantu AshIrvAdaparAyaNAH |
namuchirdaityarAjendraH sha~NkukarNo mahAbalaH || 184||
mahAnAdo.atha vikhyAto daityaH paramavIryavAn |
hATakeshvaradevasya nityaM pUjAparAyaNAH || 185||
balaM vIrya~ncha me kShipraM prayachChantu maharddhikAH |
mahAjR^imbho(mahAjambho) hayagrIvaH prahlAdA.avyaktahlAdakaH || 186||
tArako.agnimukho daityaH kAlanemirmadotkaTaH |
ete daityA mahAtmAnaH shivasadbhAvabhAvitAH || 187||
puShTi balaM tathA vIryaM prayachChantu sukhodayam |
virochano hiraNyAkShaH suparvA cha sulomakaH || 188||
muchukundaH sukundashcha daityo raivatakastathA |
bhAvena cha pareNA.a.ashu yajante sarvadA shivam || 189||
satata~ncha guNAtmAnaM puShTiM kurvantu me sadA |
daityapatnyo mahAbhAgA daityAnAM kanyakAH shubhAH || 190||
kumArAshchaiva daityAnAM shAntiM kurvantu me sadA
Araktena sharIreNa raktAntAyatalochanaH || 191||
mahAbhogakR^itATopaH sha~NkhAbjakR^italA~nChanaH |
ananto nAgarAjendraH shivapAdArchane rataH || 192||
mahApApaviShaM hatvA shAntimAshu karotu me |
sushvetena tu dehena sushvetotpalashekharaH || 193||
chArubhogakR^itATopo hArachAruvibhUShaNaH |
vAsukirnAma nAgendro rudrapUjAparo mahAn || 194||
mahApApaM viShaM hatvA shAntimAshu (shAntiM Ashu) karotu me |
atipItena dehena visphuradbhogasampadA || 195||
tejasAchA.atidIptena kR^itaH svastikalA~nChanaH |
nAgarAT takShakaH shrImAnnAgakoTyAsamanvitaH || 196||
karotu me mahAshAntiM sarvadoShaviShAvahaH |
atikR^iShNena varNena sphuTo vikaTamastakaH || 197||
kaNThe rekhAtrayopeto ghoradaMShTrAyudhodyataH |
karkoTako mahAnAgo viShadarpabalA.anvitaH || 198||
viShashastrAgnisantApaM hatvA shAntiM karotu me |
padmavarNena dehena chArupadmAyatekShaNaH || 199||
pa~nchabindukR^itAbhAso grIvAyAM shubhalakShaNaH |
khyAtaH padmo mahAnAgo harapAdArchane rataH || 200||
karotu me mahAshAntiM mahApApaM viShakShayam |
puNDarIkanibhenA.api dehenA.amitatejasA || 201||
sha~NkhashUlAbjaruchirairbhUShito mUrdhni sarvadA |
mahApadmo mahAnAgo nityaM pashupatau rataH || 202||
vinirdhUta(vinihatya) viShaM ghoraM shAntimAshu karotu me |
shyAmena dehabhAreNa shrImatkamalalochanaH || 203||
viShadarpabalonmatto grIvAyAmekarekhayA |
sha~NkhapAlaH shriyA dIptaH shivapAdAbjapUjakaH || 204||
mahAviShaM mahApApaM hatvA shAntiM karotu me |
atigaureNa dehena chandrArdhakR^itamastakaH || 205||
dIptabhogakR^itATopaH shubhalakShaNalakShitaH |
kuliko nAgarAjesho nityaM haraparAyaNaH || 206||
apahR^itya viShaM ghoraM karotu mama shAntikam |
antarikShe cha ye nAgA ye nAgAH svargasaMsthitAH || 207||
girikandaradurgeShu ye nAgA bhUmisaMsthitAH |
pAtAle ye sthitA nAgAH sarvepyanye samAhitAH || 208||
rudrapAdArchane shAntAH kurvantu mama shAntikam |
nAginyo nAgapatnyashcha tathA kanyAH kumArikAH || 209||
shivabhaktAH sumanasaH shAntiM kurvantu me sadA |
yadidaM nAgasaMsthAnaM kIrtanAchChravaNAdapi || 210||
na taM sarpA vihiMsanti na viShaM kramate sadA |
chintitaM sidhyate(labhyate) nityaM tathA pApaparikShayaH || 211||
siddhimAshu prayachChanti sarvavighna vivarjitAH |
ga~NgA puNyA mahAdevI yamunA narmadA nadI || 212||
gomatI tAptI(taptI) kAverI varuNA devikA tathA |
sarvabhUtapatiM devaM parameshaM maheshvaram || 213||
pUjayanti mahAnadyaH shivasadbhAvabhAvitAH |
shAntiM kurvantu me nityaM tathA pApaparikShayam || 214||
siddhimAshu prayachChantu sarvavighna vivarjitam |
chandrabhAgA mahApuNyA nadI godAvarI shubhA || 215||
sarayUrgaNDakI shreShThA kaushikI cha sarasvatI |
imA nadyo mahAbhAgAH shivapAdArchane ratAH || 216||
shAntiM kurvantu me nityaM shivadhyAnaikamAnasAH |
naira~njanA nAma nadI shoNashchA.api mahAnadaH || 217||
mandAkinI cha paramA tathA sannihitAH shubhAH |
imAshchA.anyAshcha yA nadyaH bhuvi divyantarikShagAH || 218||
rudrArchanaparA nadyaH kurvantu mama shAntikam |
guhyAni yAni tIrthAni AsamudrAtsaraMsi cha || 219||
kurvantu shAntikaM tAni shrIkaNThAdhiShThitAni tu |
mahAvaishraNo devo yakSharAjo maharddhikaH || 220||
yakShakoTiparIvAro yakShasa~Nghena(yakShAsa~Nkhyena) saMyutaH |
mahAvibhavasampanno harapAdArchane rataH || 221||
haradhyAnaikaparamo harapAdanatottamaH |
shAntiM karotu me nityaM padmapatrAyatekShaNaH || 222||
maNibhadro mahAyakSho maNiratnavibhUShaNaH |
manohareNa hAreNa kaNThalagnena rAjate || 223||
shivadhyAnarato nityaM shivapadAbja pUjakaH |
shAntiM karotu me nityaM sarvadoSha nivAraNam || 224||
yakShiNIyakShakanyAbhiH parivAritavigrahaH |
rudrArchanaparo yuktaH karotu mama shAntikam || 225||
suvIro nAma yakShendro maNikuNDalabhUShitaH |
bhAlena hemapaTTena shobhanena virAjataH || 226||
bahuyakShasamAkIrNo yakShairnamitavigrahaH |
shivapUjAparo yuktaH karotu mama shAntikam || 227||
 pa~njiko nAma yakShendraH karNikAkaTakojjvalaH |
hAreNa(mukuTena) suvichitreNa keyUrAbhyAM virAjitaH || 228||
yakShasandhaiH samAyukto yakShakoTisamAvR^itaH |
harArchanaparaH shrImAn karotu mama shAntikam || 229||
shrImAnvibhANDako yakSho nAnAratnavibhUShitaH |
chAruNA kuNDalendreNa karNe nityaM virAjitaH || 230||
yakSho yakShapatirdevo yakShasenApatirbudhaH |
harapAdArchanarataH karotu mama shAntikam || 231||
dhR^itarAShTro mahAtejA yakShAdhipasamaH prabhuH |
divyapaTTAMshukachChanno maNikA~nchanabhUShitaH || 232||
shivabhaktaH shivaM dhyAtvA shivapUjAparAyaNaH |
shivaprasAdasampannaH karotu mama shAntikam || 233||
pUrNabhadro mahAyakShaH sarvAla~NkArabhUShitaH |
ratnapradIptapaTTena hemenA.atipariShkR^itaH || 234|| (##var ## haimenAtIva rAjite |)

yakShakoTisahasreNa parivAreNa saMskR^itaH | (##var ## parivArita vigrahaH |)
rudrapraNAmaparamo rudrabhaktiratassadA || 235||
rudrArchanasamAyuktaH karotu mama shAntikam |
virUpAkShashcha yakShendraH shvetavAsA mahAdyutiH || 236||
chArukA~nchanamAlAbhiH ki~NkiNIravakAnvitaH |
bhUShitashcha mahAkAyo varadAnaikatatparaH || 237||
rudrapUjAparo nityaM karotu mama shAntikam |
antarikShagatA yakShAste yakShAH svargavAsinaH || 238||
girikandaradurgeShu ye yakShA bhUmivAsinaH |
pAtAle ye sthitA yakShAH shivepyantaH samAhitAH || 239||
nAnArUpA.a.ayudhA yakShA nAnAbheShadharAstathA |
yogaishvaryayutAH sarve (shivabhaktAH sumanasaH) shivapUjAsamutsukAH || 240||
shAntiM kurvantu me hR^iShTAH shAntAH shAntiparAyaNAH |
yakShiNyo vividhAkArAstathA yakShakumArikAH || 241||
yakShakanyA mahAbhAgAH shivapUjArchane ratAH |
shAntisvastyayanaM kShemaM balaM kalyANamuttamam || 242||
siddhi~nchA.a.ashu prayachChantu nityameva samAhitAH |
merurmandarakailAsau malayo gandhamAdanaH || 243||
shrIparvato mahendrashcha hemakUTastathaiva cha |
parvatA sarvataH sarve sarvadA sumaharddhikAH || 244||
shivabhaktAH sadAkAlaM kShemaM kurvantu me sadA |
jambUdvIpaH plakShadvIpaH shAlmalIkushadvIpakau || 245||
krau~nchadvIpaH shAkadvIpo gomedadvIpako mahAn |
puShkarastu mahAdvIpa ete dvIpA mahAruchaH || 246||
rudrabhaktiratAH sarve shAntiM kurvantu me sadA |
kShArakShIrodakau chaiva dadhyudo.atha ghR^itodakaH || 247||
surodaH svAdudashchaiva ikShudakastathaiva cha |
saptasamudranAmAnaH kurvantu mama shAntikam || 248||
sAgarAH saritaH sarvAH sAgarAH sarvataH sthitAH |
rudrapUjAparAnityaM kurvantu mama shAntikam || 249||
rAkShasAH sarvataH sarve rAkShasA ghorarUpiNaH |
rAkShasA ye mahAvIryA rAkShasAshcha mahAbalAH || 250||
svargaM jalasthAnasthA ye tu antarikShe tu rAkShasAH |
pAtAle bhUtale ye cha nityaM rudraparAyaNAH || 251||
shAntiM kurvantu me nityaM satataM shivabhAvitAH |
bhairavaM yasya rUpaM tu pretabhasmA.avaguNThitam || 252|| (##var ## premabhasmA.avaguNThitam)

tejasA tasya devasya shAntiM kurvantu me sadA |
nityamujjvalaveShena yoginyo.atha mahAbalAH || 253||
rudrANyo vividhA.a.akArA DAkinyashcha maharddhikAH |
rudrapraNAmaniratA rudrapUjAratAH sadA || 254||
rudrekAhitachetaskAH kurvantu mama shAntikam |
antarikShagatAyAshcha DAkinyaH svargasaMsthitAH || 255||
pAtAle bhUtale yAshcha giridurgeShu yAH sthitAH |
tR^itIyaM lochanaM yasya trishUlaM bhasma bhAsuram || 256||
tejasA tasya devasya shAntiM kurvantu me sadA |
sarve bhUtA mahArUpAH sarve bhUtA mahojjvalAH || 257||
sarve bhUtAH sthitAH saumyAH sarve bhUtA manojavAH |
antarikShe cha ye bhUtA ye bhUtA divi saMsthitAH || 258||
pAtAle bhUtale ye tu bhUtA bhUtavidhAyakAH(bhUtividhAyinaH) |
khaTvA~NgaM vimalaM yasya trishUlaM karapallave || 259||
tejasA tasya devasya shAntiM kurvantu me sadA |
pretAH pretagaNAH sarve ye pretAH sarvatomukhAH || 260||
atidIptAshcha ye pretA ye pretA rudhirAshanAH |
antarikShe cha ye pretAH ye pretAH svargavAsinaH || 261||
pAtAle bhUtale pretA ye pretAH kAmarUpiNaH |
smashAne nilayo yasya vR^iShabho yasya vAhanam (vAhanaH) || 262||
tejasA tasya devasya shAnti kurvantu me sadA |
ye pishAchA mahAvIryA R^iddhimanto mahAbalAH || 263||
nAnArUpadharAH sarve sarve cha guNavistarAH |
antarikShe pishAchA ye svarge ye cha pishAchakAH || 264||
bhU\-pAtAle pishAchAshcha bahurUpAH mahojjvalAH |
chandrArdhaM mastake yasya bhasmaM yasya vibhUShaNam || 265||
tejasA tasya devasya shAnti kurvantu me sadA |
apasmAragrahAH sarve sarve chA.api jvaragrahAH || 266||
garbhabAlagrahA ye tu nAnArogagrahAshcha ye |
antarikShe grahA ye tu svarge ye tu grahottamAH || 267||
pAtAle bhUtale ye cha(tu) ye grahAH sarvatodishi |
kaNThe yasya mahAnIlaM bhUShaNaM yasya pannagAH || 268||
tejasA tasya devasya shAntiM kurvantu me sadA |
ete devAdayaH sarve shivA.a.aj~nAnupadhAyinaH || 269||
kurvantu jagataH shAntiM shivabhaktAshcha sarvadA |
jayAtmayogasaMsthAya jaya saMshuddhachetase || 270||
jaya dAnaikashUrAya jayeshAya namo.astu te |
jayottamAya devAya jaya kalyANadAyine(kalyANakIrtaye) || 271||
jaya prakaTadehAya jaya jApyAya(japyAya) te namaH |
jaya lakShmInivAsAya jaya kAntividhAyine || 272|| (##var ## lakShmIvidhAnAya)

jaya vAkyavishuddhAya ajitAya namo namaH |
jaya trishUlahastAya jaya khaTvA~NgadhAriNe || 273||
jaya nirjitalokAya jaya rUpAya te namaH |
jaya kAntArdhadehAya jaya chandrArdhadhAriNe || 274||
jaya devAdhivAsAya(devAdhidevAya) jaya rudrAya te namaH |
jaya tribhuvaneshAya jaya vikhyAtakIrtaye (kalyANakIrtaye) || 275||
jayAdhArAya sharvAya jaya kartre namo namaH | (##var ## jaya sarvAvadhArAya)
jaya mokShapradAtre cha sR^iShTisaMhArakAriNe || 276||
jaya nirmala dehAya jaya sarvArthakAriNe |
jaya manmathanAshAya IshAnAya namo namaH || 277||
brahmaviShNvIshavanyAya shivashAntAya te namaH |
jaya jAtavishuddhAya sarvavyApinnamo.astu te || 278||
ityevaM shAntikAdhyAyaM yaH paThechChR^iNuyAda.api |
sudhiyaH sukhatAM yAnti shivaloke mahIyate || 279||
 (##var ## vidhUya sarvapApAni shivaloke mahIyate ||)
kanyArthI labhate kanyAM jayakAmau jayaM labhet |
arthakAmo labhedarthaM putrakAmastu tAn bahUn || 280||
vidyArthI labhate vidyAM yogArthI yogamApnuyAt |
garbhiNI labhate putraM kanyA vindati satpatim || 281||
yo yAna prArthayate kAmAn mAnavaH shravaNAdiha |
tatsarvaM shIghramApnoti devAnAM cha priyo bhavet || 282||
shAntyadhyAyaM paThedyastu sa~NgrAma pravishennaraH |
sunirjityA.a.ahave shatrUn kalyANaiH paripUryate || 283||
akShayyaM modate kAlamatiraskR^itashAsanaH |
vyAdhibhirnAbhibhUyeta putrapautraiH pratiShThitaH || 284||
pAThyamAnamidaM puNyaM yamuddishya cha paThyate |
na tasya rogA bAdhante vAtapittAdisambhavAH || 285||
nA.akAle maraNaM tasya na sarpaishchA.api daMshyate |
na viSha kramate dehe na jaDAndhatvamUkatA || 286||
na cha sarpabhayaM tasya na chotpAtabhayaM bhavet |
nA.abhichArakR^itairdoShaiH lipyate sa kadAchana || 287||
yatpuNyaM sarvatIrthAnAM ga~NgAdInAM visheShataH |
tatpuNyaM koTiguNitaM prApnoti shravaNAdiha || 288||
yaj~nAnAmashvamedhAnAmagniShTomashatasya cha |
(##var ## dashAnAM rAjasUyAnAM agniShTomashatasya cha |)
shravaNAt phalamApnoti koTikoTiguNottaram || 289||
avadhyaH sarvadevAnAM (sarvabhUtAnAM) anyeShAM cha visheShataH |
jIvedvarShashataM sAgraM sarvavyAdhivivarjitaH || 290||
goghnashchaiva kR^itaghnashcha brahmahA gurutalpagaH |
sharaNAgataghAtI cha mitravishvAsaghAtakaH || 291||
duShTapApasamAchAro mAtR^ihA pitR^ihA tathA |
shravaNAdasya pAThAd vA muchyate sarvapAtakaiH || 292||
shAntyadhyAyamidaM puNyaM na deyaM yasya kasyachit |
shivabhaktAya dAtavyaM shivena kathitaM purA || 293||
nityaM khachitashaktishcha shaktivyAghAta varjitaH |
(##var ## nityaM khachitachittaH syAchChaktivyAghAta varjitaH |)
sarvakAma samR^iddhastu yaH paTheta dine dine || 294||

|| shivadharmAkhye nandikeshvarasaMvAde shAntikAdhyAyaH shubhaH ||

##
Encoded and proofread by Gopal Upadhyay gopal.j.upadhyay at gmail.com


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}