% Text title            : shambhustotra
% File name             : shambhustotra.itx
% Category              : shiva, stotra
% Location              : doc\_shiva
% Transliterated by     : Sridhar  Seshagiri sridhar.seshagiri at gmail.com
% Proofread by          : Sridhar  Seshagiri sridhar.seshagiri at gmail.com
% Description-comments  : Hymn on Lord Shiva
% Latest update         : February 15, 2002
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shambhu Stotram ..}##
\itxtitle{.. shambhustotram ..}##\endtitles ##
nAnAyonisahasrakoTiShu muhuH sambhUya sambhUya tad\-
     garbhAvAsanirantaduHkhanivahaM vaktuM na shakyaM cha tat |
bhUyo bhUya ihAnubhUya sutarAM kaShTAni naShTo.asmyahaM
     trAhi tvaM karuNAtara~NgitadR^ishA shambho dayAmbhonidhe || 1||
bAlye tADanapIDanairbahuvidhaiH pitrAdibhirbodhitaH
     tatkAlochitarogajAlajanitairduHkhairalaM bAdhitaH |
lIlAlaulyaguNIkR^itaishcha vividhairdushchoShTitaiH kleshitaH
     so.ahaM tvAM sharaNaM vrajAmyava vibho shambho dayAmbhonidhe || 2||
tAruNye madanena pIDitatanuH kAmAturaH kAminI\-
     saktastadvashagaH svadharmavimukhaH sadbhiH sadA dUShitaH |
karmAkArShamapAranArakaphalaM saukhyAshayA durmatiH
     trAhi tvaM karuNAtara~NgitadR^ishA shambho dayAmbhonidhe || 3||
vR^iddhatve galitAkhilendriyabalo vibhraShTadantAvaliH
     shvetIbhUtashirAH sujarjaratanuH kampAshrayo.anAshrayaH |
lAlochChiShTapurIShamUtrasalilaklinno.asmi dIno.asmyahaM
     trAhi tvaM karuNAtara~NgitadR^ishA shambho dayAmbhonidhe || 4||
dhyAtaM te padAmbujaM sakR^idapi dhyAtaM dhanaM sarvadA
     pUjA te na kR^itA kR^itA svavapuShaH straggandhalepArchanaiH |
nAnnAdyaiH paritarpitA dvijavarA jihvaiva santarpitA
     pApiShThena mayA sadAshiva vibho shambho dayAmbhonidhe || 5||
sandhyAsnAnajapAdi karma na kR^itaM bhaktyA kR^itaM duShkR^itaM
     tvannAmesha na kIrtitaM tvatimudA durbhAShitaM bhAShitam |
tvanmUrtirna vilokitA punarapi strImUrtirAlokitA
     bhogAsaktimatA mayA shiva vibho shambho dayAmbhonidhe || 6||
sandhyAdhyAnajapAdikarmakaraNe shakto.asmi naiva prabho
     dAtuM hanta matiM pratIpakaraNe dArAdibandhAspade |
nAmaikaM tava tArakaM mama vibho hyanyanna chAsti kvachit
     trAhi tvaM karuNAtara~NgitadR^ishA shambho dayAmbhonidhe || 7||
kumbhIpAkadhurandharAdiShu mahAbIjAdiShu proddhataM
     ghoraM nArakaduHkhamIShadapi vA soDhuM na shakto.asmyaham |
tasmAt tvAM sharaNaM vrajAmi satataM jAnAmi na tvAM vinA
     trAhi tvaM karuNAtara~NgitadR^ishA shambho dayAmbhonidhe || 8||
mAtA vApi pitA suto.api na hito bhrAtrAdayo bAndhavAH
     sarve svArthaparA bhavanti khalu mAM trAtuM na ke.api kShamAH |
dUtebhyo yamachoditebhya iha tu tvAmantarA sha~Nkara
     trAhi tvaM karuNAtara~NgitadR^ishA shambho dayAmbhonidhe || 9||

|| iti shambhustotraM sampUrNam ||
##

Encoded by Sridhar Seshagiri seshagir at engineering.sdsu.edu

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}