% Text title            : Ratikrita Shambhu Stuti
% File name             : shambhustutiHratikRRitA.itx
% Category              : shiva, gaNeshapurANa, stuti
% Location              : doc\_shiva
% Proofread by          : Preeti Bhandare
% Description/comments  : shrIgaNeshapurANaM upAsanA (pUrva)khaNDaH | adhyAya 88 | 1.88 5-21||
% Latest update         : April 20, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ratikrita Shambhu Stuti ..}##
\itxtitle{.. ratikR^itA shambhustutiH ..}##\endtitles ##
ratiruvAcha |
namAmi devaM girijAsahAyaM vR^iShadhvajaM bhAlavilochanaM cha|
yaH pAti lokAn khalu sattvayukto nirmAti lokAn rajasA guNena || 5||
yaH svechChayA saMharate.akhilesho jagat tamoviShTatanurmaheshaH |
yo nuH kapAlaM vahate janAnAM bhikShAshanaH pUrayate.akhilArthAn || 6||
dInAnukampI bhagavAn mahesho gatapriyAyAH sharaNaM mamAstAm |
kartuM tathA.akartumadInasattvaH shakro.anyathA kartumapIha devaH || 7||
sa me vidhattAM sharaNaM gatAyA saubhAgyamuchchairmR^itajIvanena |
no chedahaM prANavisarjanena yashaH kariShye viparItamIsha || 8||
brahmovAcha |
evaM tayA stutaH shambhuH prasannastAmathAbravIt |
shambhuruvAcha |
varaM vR^iNu mahAbhAge kAmapatni ! shubhAnane || 9||
dadAmi tuShTaH stotreNa sarvAn kAmAn hR^idi sthitAn |
itthaM shivavachaH shrutvA ratirhR^iShTA praNamya tam || 10||
saubhAgyakAmA taM devaM nijagAda bhR^ishAturA |
ratiruvAcha |
svAmin ! yadi prasannashchechChR^iNu me paramaM vachaH || 11||
rasAyAM divi bhUmau vA kAntAH syuH kAminIguNAH |
mama lAvaNyalesho na teShu kvA.api trilochana ! || 12||
mAM dR^iShTvA mumuchuH shakramukhyA vIryamapatrapAH |
tato me mahatI lajjA jAtA me tAmapAkuru || 13||
lAvaNyaM cha vR^ithA jAtaM vinA kAmena sha~Nkara |
ayasho dahate mahyaM ratiH sA vidhevati cha || 14||
bhartudAnena devesha ! mAM jIvaya dayAnidhe ! |
evaM tayA prAthito.asau sha~Nkaro lokasha~NkaraH || 15||
uvAcha shlakShNayA vAchA harShayan kAmayoShitam |
shiva uvAcha |
chintA mAM kuru kalyANi ! na lajjAM kartumarhasi || 16||
smR^itamAtrastvayA bAle kAmaH syAd dR^iShTigocharaH |
manasA chintito vApi manobhUriti sa.nj~nitaH || 17||
pUrayiShyati te kAmAn mAnyA tvaM chabhaviShyasi |
viShNoH sakAshAdutpattiM ramAyAM prApsyate yadA || 18||
bhartA tava jane khyAto nAmnA pradyumnasa.nj~nitaH |
bhaviShyati mahAbhAge ! gachChedAnIM nijAlayam || 19||
sA.a.agatA shivavAkyena mandiraM bhR^ishasundaram |
sasmAra taM patiM sA tu puro.ana~NgaH samAyayau || 20||
IshvarechChAvashAt tasyAH pratyakShaM samajAyata |
itishchAshcharyayuktA sA jahR^iShe patinA saha || 21||

iti ratikR^itA shambhustutiH sampUrNA ||

\- || shrIgaNeshapurANaM upAsanA (pUrva)khaNDa | adhyAya 88 | 1\.88 5\-21||
##
-  .. shrIgaNeshapurANaM upAsanA (pUrva)khaNDa . adhyAya 88 . 1.88 5-21..

Proofread by Preeti Bhandare

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}