% Text title            : Shankara Stotram
% File name             : shankarastotram5.itx
% Category              : shiva, moropanta, stotra
% Location              : doc\_shiva
% Author                : Mayurakavi or Moropanta
% Proofread by          : Rajesh Thyagarajan
% Description/comments  : Stotras composed by Moropanta mayUrakavi
% Latest update         : December 23, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shankara Stotram ..}##
\itxtitle{.. sha~Nkarastotram 5 ..}##\endtitles ##
(svAgatAvR^ittaM)
parvarAtriramaNAmR^itabhAsAM(1) sarvagarvahara ! | nirmalakAnte !
parvateshvarasutAdhava! shambho! sharva! mAmava nataM janamArtam || 1||
pa~NkarAshimapi pAvanakIrte! | ra~NkarAjamava mAM karuNAbdhe!
(2)sha~NkarA.anatamalaM tava kartuM kaM karAbjamanaghaM na sadIDyam || 2||
pAdapA(3) diviShadAM na yathA te pAdapAMsurakhilesha sukhAptyai |
sAdarA tava matirbhajadiShTe(4) yA.adarAdavati saMshritavargam || 3||
(5)svargavAsyarishatakShayakarmAnargalaprathitanistulashakte! |
bharga! te.adya bhajato.api na (6)ShaNNAM varga eSha nihato dviShatAM me || 4||
nedamannavasanAdapi kAlAtte daravyasanamIsha! | labhante |
vedagItaguNa! te shiva ! dR^iShTA ye dayAmR^itarasArdR^ishAtra || 5||
vyAladaShTamiva bhekashishuM mAM kAladaShTamava dInamanAthaM |
bhAlalochana! maheshvara ! shambho! bAlashItakarashekhara! sharva ! || 6||
santu kalpashatasa~nchitanAnAmantukoTaya(7) umesha! | tathApi |
jantubhistu sharaNIkaraNIyastvaM (8)tuShArarugivAkhilaptaiH || 7||
kAmakopamukhashatrubhirugrairAmayairatitarAkulachatAH |
hA mahesha! kimahaM vada kuryAM nAma te.apyalamayaM na gR^ihItum || 8||
deva! | yA(9) mudiha sA khalu toyAdeva yAdasi mahatyapi vAlpe |
sevayA tava sukhaM jagati tvAmeva yAmi sharaNaM shrutakIrtiH || 9||
induchUDa! | gR^iNatAM tava kIrtiM binndutAM bhajati saMsR^itisindhuH |
vidunA(10) tadiha saiva niShevyA kiM (11)durIshvaraguNairvata gItaiH ? || 10||
dAsavatsala! | bhajanti surAstvAM vAsavaprabhR^itayaH prabhumAdyaM |
hA sahAsa! padameva na namro vyAsavatkavirapi svaguruM yaH || 11||
kApi nAkajanama~NgalamUrtiryA pinAkasamala~NkR^itapANiH |
pApinA karuNayA drutachittApyAdR^itA bata mayA na hR^idisthA || 12||
mUlamugravipadA smaramakShNA tUlamagniriva yo.adahadIshaH |
kUlamasya mahato bhavasindhoH shUlapANirabhayAya mamAstu || 13||
(12) sAhimugramapaTaM(13) jaTilaM tvAM sA himAdritanayesha! | yathAsau |
bho! jaDasya mama dhIstava pAdAmbhojamutkahR^idayAbhyupayAtA(14) || 14||
astu nAma tava sampadabhAvo vastunA(15) mama mudIshvara! | yena |
tattvayAsti vidhR^itaM khalu kaNThe tattvamAdyamuru ma~Ngalamekam || 15||
adya hanta kR^ipaNaH kimu kuryAM yadyahaM tava dR^ishA nahi dR^iShTaH |
chitrametadayi! pa~Nkajabandhu mitrameva bhavato bahu manye || 16||
yogirbhirna shiva! | kevalamugrairbhogibhiH shritapado.apyasi shambho !
tvAM tato.asmyupagataH sharaNaM tatsvAntatoShada yashorNava! pAhi || 17||
(aupachChandasikaM vR^ittaM)
kimana~NgapishAchayuksadAhaM na mano bhUtabhaya~NkaraM shmashAnaM |
bhavatA bhavatApabhAgashuddhaM(16) mama vAsAya harorarIkR^itaM te || 18||
(shikhariNIvR^itaM)
nato.ahaM te hanteshvara ! charaNayorbhUridayayo\-
rataH shambho! shaM bho! vitara hara! mahyaM tvamatulaM |
kR^itaM (17)nAgo nAgottamavalayakairna bhramavashaH
kShamA kAryA; (18)kAryAdhava! tava kathA na kShaminutA? || 19||
(pR^ithvIvR^ittaM)
anAhR^itamumesha! te (19)shrutishatastavaikAspadaM
(20) padaM taditaradguru svahitamityaraM sevitam |
janena bata yena tatsapadi tasya kAlAkulaM
kimugravipadA bhavenna janakaM padaM kampadam || 20||
(21)punAti na bhavAnprabho! kamiha kIrtitaH kIrtitaH
dadAti na phalaM mudAmatishayAchitaM yAchitam |
kimAsta uta nAntike.apyahaha me.anayA menayA
tayeva kudhiyA vibho! tvamapamAnito.asi dhruvam || 21||
prasAdamupavarNitaM shiva ! tavopamanyAvahaM
shR^iNomyasakR^idAdarAtkavibhiruttamairuttamam |
bhavantamapi bhUtapaM sadayamAshutoShaM bhavaM
prabhuM trijagatAM guruM sharaNamAgatastvAmataH || 22||
(drutavilambitavR^ittaM)
bhava! | na te.avanate kaThinaM manaH suraguroraguroriva bhogini |
(22)kuru chiraM ruchiraM shirasIsha ! me svapadamApadamAshu yaduddharet || 23||
(hariNIvR^ittaM)
varada! karadaH saMsR^ityabdhau tvameva nimajjatA
sadasi yadasi khyAtaH satyaM satAmiti sarvathA |
bhavati bhavatigmAMshau satyAH(23) kathaM na tamaHkShatiH
sadayapada ! yadyuktaM tadbhoH ! kuruShva | namo.astu te || 24||
(puShpitAgrAvR^ittaM)
smarahara! | karuNAghana ! tvamekAM shR^iNu nijabhaktamayUrasUrikekAm(24) |
tvamasi tamasi divyadR^iShTirandho bhramamiha dIna ito.asmi dInabandho! || 25||

iti shrIrAmanandanamayUreshvarakR^itaM shrIsha~NkarastotraM sampUrNam |

shrIsha~NkarArpaNamastu |
asahiShNunogra! | bhavatA hR^idaye dAridryaduHkhamatyugraM |
pItamapi viShaM tasmAdbhItamataH kaNTha evAste || 1||

TippaNi
1| parvarAtriramaNaH pUrNimAchandrastasyAmR^itabhAsAM sarva garva haratIti tatsambuddhau | tebhyo.apyatidhavalastApashAntikarashcha |
2| he sha~Nkara tava sadIDyaM karAbjaM ke AnataM anaghaM niShpApaM kartumalaM na ityanvayaH | sarvAnapi natAnanaghAn vidadhyAditi bhAvaH |
3| he Akhilesha sarvesha | yathA te pAdapAMsuH sukhAptyai bhavati tathA diviShadAM pAdapA api na ityanvayaH |
4| bhajatAM bhaktAnAmiShTe |
5| svargavAsinAmarANAM shataM tasya kShayakarmaNi vinAshe.anargalamanyAhataM prathitA nistulA shaktiryasya tAdR^ishaH tatsambuddhau |
6| ShaNNAM dviShatAM vargaH kAmAdiShaTkam |
7| mantavo.aparAdhAsteShAM koTayaH |
8| tuShArarug dhavalaH tvaM himagirishcha |
9| alpe vA mahati vA yAdasi jalajantau vA mudiha vartate sA khalu toyAdeva. evaM tavaiva sevayA jagati sukhamiti yojyam |
10| vindunA prAj~nena |
11| duShTA IshvarA rAjAdayaH |
12| sanAgam |
13| apaTaM digambaram |
14| utkamutkaNThitaM hR^idayaM yasyAstAdR^ishI dhIH |
15| yena vastunA mama mut tat tvayA kaNThe vidhR^itamityanvayaH |
16| bhavasya saMsArasya tApaM duHkhaM bhajatIti tAdR^ik | ashuddha cha mama mano bhavatA vAsAya nA~NgIkR^itaM kimityanvayaH |
17| na AgaH iti padachChedaH |
18| kA AryAdhava iti padachChedaH | AryA pArvatI | tava kA kathA kShamibhirnutA netyanvayaH |
19| shrutishatasya yaH stavastasyA mukhyamAspadam |
20| he umesha ! yena janena te shrutishatastavaikAspadaM padamanAdR^itaM taditarad guru cha svahitaM drutaM sevitaM tasya tatsvahitaM kAlena mR^ityunA vyAkulaM sat ugravipadAM padaM na bhavat kim | kampadaM padaM sthAnaM na bhavet kiM ityanvayaH |
21| he prabho! kIrtitaH kIrtyA | kIrtivarNanena kIrtitaH stuto bhavAniha kaM na punAti kaM cha yAchitaM mudAmatishayenAchitaM vyAptaM cha phalaM na dadAti | sarvAnapi dadAtyevetyarthaH | tatphalaM tavAntike Aste uta na ityanayA kudhiyA tayA menayeva tvaM dhruvamapamAnito.asItyanvayaH |
22| chiraM ruchiraM svapadaM me shirasi kurvityanvayaH |
23| sati AH iti padachChedaH | tigmAMshau sati tamaHkShatiH kathaM na bhavatItyanvayaH | AH iti khede |
24| \ldq{}mayUramugdhakekAM\rdq{} iti pAThaH | mugdhA ruchirasvanA |
##
Proofread by Rajesh Thyagarajan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}