% Text title            : shivAShTamUrtistotram
% File name             : shivAShTamUrtistotram.itx
% Category              : shiva
% Location              : doc\_shiva
% Transliterated by     : NA
% Proofread by          : Madhura Bal madhurabal11 gmail.com
% Latest update         : August 27, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri shivAShTamUrtistotram ..}##
\itxtitle{.. shrIshivAShTamUrtistotram ..}##\endtitles ##
OM tatsadityamaladhIbhiradhIyamAna\-
mAnandakandamavabodhamasadviviktam |
yaM grAhayanti nigamAgamashAsanAni
pratyaktayA tamagajApatimAshrayAmaH || 1||
OM bhUrbhuvaHsvariti tatsaviturvareNyaM
dhyAyema manmatharipordhiShaNAH kriyAsu |
yannaH prachodayati bharga R^igAdibhista\-
dgItasya shambhushivarudramukhaiH padaughaiH || 2||
yasmAdidaM jagadasheShavisheShahInA\-
jjAtaM bhuja~Ngama iva pratibhAti rajjvAm |
yasminvinashyadakhilaM na khilaM yameti
haMsaM numastamamalaM munimAnasAnAm || 3||
brahmAchyutAdimukuTavyatiShaktapuShpa\-
mAlAvilAsarasatundilitAruNashrIH |
bhUyAnmR^igA~NkakalikAlalitAvataMsa\-
pAdAbjareNurabhivA~nChitasiddhaye naH || 4||
Amodito ditijanAthashiraHprasUnai\-
rdevendramaulisumanomakarandapInaH |
bud.h{}dhyA yunaktu shubhayA bhavatApahArI
mugdhendumaulicharaNAmbujareNurasmAn || 5||
AhlAdakatvamapi chintanato.adhigantuM
shItAMshuragnirakhilAshanadoShahAnim |
hArdAndhakAraparihArapaTutvamarko
yaM sevate nayanabhAvagatastamIDe || 6||
jUTe.apagAM shirasi chandrakalAM kR^ishAnuM
bhAnuM sudhAMshumadhidR^iShTyadhare smitaM cha |
kaNThe viShaM hR^idi kR^ipAmamR^itaM kare cha
kR^ittiM kaTau mR^igapateragarAjaputrIm || 7||
a~Nke shirAMsyapi manAMsi padAbjayugme
devAsureshayaminAM bhasitaM sitaM cha |
bhUShAvidhau cha bhujagAnbhavamAdadhAnaM
jyotsnAbdhiphenaghaTitAmiva mUrtimIDe || 8||
ra~NgaHsthalIsha puruShArthachatuShTayasya
rakShAspadaM kR^italayaskhalitAmarANAm |
puShNAti mAtR^ivadasheShajanAnasau yA
sarvaMsahA vijayate tava mUrtireShA || 9||
ApyAyinI tanubhR^itAM malanAshinI cha
dhAtrIva nAkaphalakarmanidAnamekam |
yeyaM trilokasukhadA vividhAtmanA sA
mUrtirvibho vijayate tava jIvanAkhyA || 10||
AdhAya vedavidhinA shiva pa~nchadhA yAM
prINanti dAnavaripUn kR^itino vitAnaiH |
kartrI layasya jagatAmapi pAlanasya
sA te tanurvijayate hutabhuksvarUpA || 11||
yAM jIvanauShadhamimAM pavanAbhidhAnAM
tyaktvA na jIvitumapi kShaNamekamIShTe |
ko.apIha gantumaparatra cha lokayAtrA\-
netrI tanurvijayate tava sA mahesha || 12||
AdhAramIsha gaNanAtigatANDakAnAM
sImnAmabhUmirakhilAntarabAhyalInA |
mInA ivAntarudakaM bhuvanAni yasyA\-
mAbhAnti sA vijayate tanurambaraM te || 13||
uchchAvachAsu tanuShu pravishansukhaiko
nAnAvidhaH sphurati yaH puruSho.avivekAt |
mukto.api baddha iva bhAti cha sachchidAtmA
sA te tanurvijayate jagadekabandho || 14||
hlAdaM tanoti kurute tamaso vinAshaM
tApaM dhunoti vibudhAnapi chauShadhIryA |
puShNAti sA tribhuvanAbharaNojjvalashrI\-
rIshAna te vijayate.amR^itabhAnumUrtiH || 15||
yA stUyate shrutibhirIsha tanUrasheSha\-
lokapravR^ittijananI timiraM dhunAnA |
devaiH kR^itA~njalipuTairmunibhishcha sA te
nityaM nutA vijayate tapanAbhidhAnA || 16||
aShTAbhirAbhirasharIra tanUbhirasmAM\-
strAyasva lokadhiShaNAtigataprabhAva |
bandhurna ko.api bhavaduHkhashatArditAnAM
kAruNyama~NgalagR^ihAdbhavataH paro.asti || 17||
ArtA vayaM bhava bhavaprabhavAmayaistvaM
chArtArtinAshanamakhe khalu dIkShito.ataH |
arthAmahe nihatakAma nikAmameta\-
dbAdhaughabAdhanavidhau kuru mAvahelAm || 18||
saMsAravADavashikhAparilIDhagAtrA\-
npAtrAnsudhArasabharAkuladR^ikChaTAnAm |
tvaM chedakAraNakR^ipAkulavAsabhUmi\-
rbhUma~njahAsi bata kaM kR^ipaNAH shrayantu || 19||
saMsArasAgarabhaya~NkaragodhikAnAM
che~ntrAyase bata na mAM kavalIbhavantam |
brUyAnna kaH kR^ipaNashokavimokakAri\-
nkAruNyamastamagamatkila nirnimittam || 20||
shambho sudhAkarakalAkalitAvataMsa
sthANo sudhAshanasarillalitAvachUDa |
shrIkaNTha kAtaramanAthamanAthabandho
trAyasva shokadalitaM karuNAmbudhe mAm || 21||
svargApagAchChuritashItamayUkhabhAnu\-
vardhiShNugauraruchira~njitaramyamUrtiH |
bhUyAdana~Ngadamano damano ripUNAM
nAli~NgitArthakaruNAvaruNAlayo naH || 22||
ga~NgagadharA shashikalAlalitA trinetrA
nIlA gale karatale.amR^itakumbhabhartrI |
karpUrapUraghaTiteva punAtu kAchi\-
tsaubhAgyasampadatulA girirAjaputryAH || 23||
kShIrAbdhiphenasharadindusudhAvadAta
kR^ityA bhavAti na kadApi bhavAmayAnAm |
yasmAtkR^ipArasamavApya bhuvaH sa vij~naH
pIyUShapANiravatAdbhiShajAM vareNyaH || 24||
yenAkriyanta bhuvanAni vichitrabhoga\-
yogAbhirAmaviShamANi kapAlayugme |
kIrNAni nAkinaranAgamukhaiH sa no.avyA\-
dbrahmANDabhANDaghaTanAchaturaH kulAlaH || 25||
sasAradurjarapaTaM tribhireva tene
chitraM guNairapagatAkhilatarkacharchAm |
bibhrachchamatkR^itikarIM rachanAmasau yaH
pAyAnmR^igA~NkamukuTaH prathamaH kuvindaH || 26||
AhlAdino vijayinaH shamino.api chArtA\-
nkrUrAnvidhAya naTayannR^isurAdipAtrAn |
yo modate sa sukhayatvanapekShako.asmA\-
nbrahmANDanATakamahAmatisUtradhAraH || 27||
pApaM dR^ishA shAsitakAmakAlayA
tApaM sudhAsUtimarIchimAlayA |
mohAndhakAraM nishitAMshujAlayA
nAshaM nayomeshvara me vishAlayA || 28||
jaTAskhaladdevanadItara~Ngai.a\-
rbhAlendurashmichChuritaiH sadA naH |
surAsurArAdhitapAdapadmaH
shrIsha~NkarastApamapAkarotu || 29||
stotraM maheshacharaNapravaNaprabodhA\-
nandena nirmitamidaM yaminA narANAm |
eNA~NkakhaNDashikharA~NghrisarojachintA\-
santAnapUtamanasAM tanutAM pramodam || 30||

iti shrImatparamahaMsaparivrAjakAchAryasvAmiprakAshAnandapurIvirachitaM
shivAShTamUrtistotraM sampUrNam ||
##
Proofread by Madhura Bal madhurabal11 gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}