% Text title            : Nandikeshaproktam Shivarchana Mahimakathanam
% File name             : shivArchanamahimakathanaMnandikeshaproktam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 42| 56-67||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nandikeshaproktam Shivarchana Mahimakathanam ..}##
\itxtitle{.. nandikeshaproktaM shivArchanamahimakathanam ..}##\endtitles ##
mAnyo.anyo na shivArchakAditi matirdhanyA.asya sa~njAyate
      puNyAnAM paripAkataH kathamapi prAyaH sa dhanyottamaH |
loke durlabha eva shAmbhava iti prAmANikAnAM vacho\-
      vIchI sa~ncharati prabhAkarakarAkArA tamonAshikA || 1||
ko.api prANiShu kAlakAlabhajanaM kartuM pravR^itto bhavet
      taM vande punareva tatpadarajaHpu~njairmanora~njanam |
kartuM yo yatate kR^itAtisukR^itaiH tatpAduke mastake
      kR^itvA nR^ityati ko.api puNyavibhavo bhAvaH sabhAvagriyaH || 2||
loke durlabha eva shAmbhava iti j~nAtvA.atipuNyArjitaiH
      labdhashchet bhuvi shAmbhavaH svavibhavairabhyarchanIyo muhuH |
mohAt tadbhajanaM tyajedyadi tadA syAddurbhago durbhagA
      tanmAtA janako.api durbhaga iti j~neyo.api tasya dhruvam || 3||
shambhuH shAmbhavajihvayA rasamayaM gR^ihNAti naivedyami
      tyannaM shAmbhavapu~NgavAya vividhaM deyaM tadArAdhanAt |
syAdArAdhita eva tena sa mahAdevo.atituShTaH sadA
      taM puShNAti dhanAdibhirvitanute tAM muktikAntAmiti || 4||
kiM tadvedashirovichAraniratasvAntena tIrthodaka\-
      snAnenApi tapasyayA shivapurAvAsena yAgairapi |
yogairvA niyamena shAmbhavapadAmbhojArchanaM chenna taiH
      AvR^ittairapi koTisho.api na phalaM svargApavargapradam || 5||
shambhurme prabhurityavaiti bahubhiH puNyAbdhibhirbhUtale
      kAlonmUlakakAlakAlakalanAvyAsaktashIlaH khalu |
taM kAlapralaye.api pUjaya mahAmR^ityu~njayastaM priyaM
      brahmAnandamayaM vidhAya vividhopAyairmudA vardhate || 6||
bhAgyaM tasya tadityavaimi bahudhA yenArchitaH shAmbhavaH
      santuShTo nilayaH shivasya sutarAmambAsametasya saH |
tasmAdapyadhiko na ko.api bhuvaneShvityAdarAdanvahaM
      taM dR^iShTvA praNamanti puNyanivahaiH siddhA munIndrA api || 7||
yo.ayaM shAmbhavapu~NgavaH sa manujaH siddhA muniH kinnaro
      gandharvo na suro.api kalpatarurapyADhyo na chintAmaNiH |
pIyUShaM suradhenurambunidhirapyadrIshvaro vA paraM
      tvanyaH ko.api mahAnubhAva iti me bhAvo.api bhAvo bhavaH || 8||
ki~nchAnyat yama bhAvali~NganilayaM mR^ityu~njayaM yo.archayet
      prastauti praNamatyapAravibhavaM kR^itvA pradoShe prage |
hR^iShTastannilayaM na yAhi na bhaTAH sampreShaNIyAstvayA
      tanmArge.api na yAhi tatkulagR^ihatyAgaM kuruShvAdarAt || 9||
mohAdvA bhavabhAvali~NgabhajanAsaktAlayAdhvanyapi
      vyAsa~NgAdapi vA gatiryadi tadA shrIkAlakAlaH svayam |
saMhAraM tava kartumichChati tataH tanmandirAdhvAdhvanAM
      sa~Ngo mAstu yamAyamastu niyamaste jIvanechChA yadi || 10||
shrIshailAt samupetya shAmbhavavaraH tadbhAvali~NgArchanaM
      kR^itvA tasya nutiM kariShyati nutiH sA tAvadabhyasyatAm |
taM tAvanmuhurAdareNa vinayAt natvA kR^itArtho bhava
      tvAmApanna sameti tena na bhayaM te kAlakAlAdapi || 11||
kAlAdyAvadhi kAlakAlakalanAsaktAn vibhUtiprabhA\-
      rudrAkShAbharaNAn shivArchanaratAn shaivottamAnAdarAt |
dR^iShTvA hR^iShTamanAH praNamya bahudhA dUrAdarAdAdarA\-
      ttattatsundaramandirANyapi muhurnatvA yatheShTaM vasa || 12||

|| iti shivarahasyAntargate nandikeshaproktaM shivArchanamahimakathanaM sampUrNam ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 42| 56\-67||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 42. 56-67..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}