% Text title            : Naradaproktam Shivarchanamahimavarnanam
% File name             : shivArchanamahimavarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 5 | 10-99 ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Naradaproktam Shivarchanamahimavarnanam ..}##
\itxtitle{.. nAradaproktaM shivArchanamahimavarNanam ..}##\endtitles ##
sAdhu sAdhu mahAprAj~na chira~njIva shivaM vraja |
bhaja mR^ityu~njayaM bhaktyA jaya mR^ityuM shivArchanaiH || 10||
dhanyo.asi kR^itakR^ityo.asi kR^itakR^ityatamaH shriyA |
AdR^ito.asi mahAshaiva bhUtirudrAkShavattayA || 11||
jAtamAtrasya yA buddhiH mahAdevArchane tava |
sA tAvannAdbhutA sAyaM dR^iShTaM li~NgaM tvayA yataH || 12||
talli~NgadarshanotpannapuNyenaiva shivArchanam |
adhunA bhaktirutpannA sadyaH svargApavargadA || 13||
adyaprabhR^iti na tyAjyaM shivali~NgArchanaM tvayA |
na tyAjyaM sahasA bAla bhasmarudrAkShabhUShaNam || 14||
shivArchanena kAlo.ayaM neyaH kalyANado yataH |
vyarthakAlApanayanaM na kAryaM j~nAninA tvayA || 15||
AyuH shivArchanenaiva yadi kShINaM bhaviShyati |
tadA j~nAnaM cha saphalaM tadA.a.ayurapi sArthakam || 16||
j~nAnenAj~nAnamAtrasya vinAshe sati sarvathA |
shivArchanArthaM yatnastu kartavyastena muchyate || 17||
yAvadbhUmau bhavejjIvaH tAvadbhramati sarvathA |
saMsAraghoranarake pApanakragrahAkule || 18||
j~nAnamAtraM cha yattulyaM tuchChajantusamAshritam |
tAdR^ishaM j~nAnamanyeShAM na muktyarthaM prajAyate || 19||
pata~NgAnAM na kiM j~nAnaM tat kiM mokShasya sAdhanam |
mokShasAdhanabhUtaM tu j~nAnamanyadvilakShaNam || 20||
yena j~nAnena muktiH syAt tajj~nAnAbhyasanAt param |
mukto bhavati tajj~nAnaM kevalaM shivapUjayA || 21||
devottamottamatvena j~nAte sati maheshvare |
tajj~nAnAdeva muktiH syAt tajj~nAnaM cha shivArchanam || 22||
dharmAdharmatayA j~nAnaM shrImahAdevapUjanam |
tena muktirbhavatyeva svargabhogAshcha sarvathA || 23||
bhaktyA sha~Nkaramabhyarchya yaH svarga nAbhivA~nChati |
tasyApi bhavati svargo.apyapavargo na saMshayaH || 24||
svargArthamapi chedbhaktyA sha~NkarArAdhakastadA |
apavargo bhavatyeva svargo.apyatra na saMshayaH || 25||
svargApavargadaM yasmAt li~Nge sha~NkarapUjanam |
tat tat phalamadatvA tu na tiShThatyeva sarvathA || 26||
shivali~NgArchanAkAro yaH kalpataruruttamaH |
sa sarvakalado nityaM bhavatyeva na saMshayaH || 27||
rUpalAvaNyasampannAH taruNIgaNakoTayaH |
AsannA eva tasya syuH yaH shivArAdhanapriyaH || 28||
divyatu~Ngatura~NgANAM koTayaH samupasthitAH |
bhavantyeva na sandehaH shivali~NgArchakA~NgaNe || 29||
upasthitAH sarvadApi mattamAta~NgakoTayaH |
yaH shivArAdhanodyuktaH tadgR^ihadvAramaNTape || 30||
surAstadvashamAyAnti yaH shivArAdhanotsukaH |
tiShThanti devAH satataM shivArAdhakamandire || 31||
shivaj~nAnaM samAsAdya yaH shivArchanatatparaH |
taddarshanena muktiH syAt sa yasmAchCha~NkarapriyaH || 32||
shAmbhavaiH saha saMlApo.apyaghakoTivinAshakaH |
shAmbhavAnAM darshanaM cha sha~Nkarasyaiva darshanam || 33||
shA~Nkaro durlabho loke shivapUjA.api durlabhA |
durAtmanAM tathA buddhiH kutaH syAd shivapUjane || 34||
kiM vA.anyaduchyate bAla shA~NkareNA.api bhojanam |
kR^itaM hi shivavidyAyAM tataH sA.atIva durlabhA || 35||
shivavidyA mahAvidyA vidyAnAM paramA matA |
tasyAH sa~NgopanaM tena kR^itamityatra nAdbhutam || 36||
sA tu vidyA prayatnena pArvatyA skandasannidhau |
prAptA shivaprasAdena skandenApi maheshvarAt || 37||
ArAdhitaH sha~Nkaro.api skandena shivayA.api cha |
tAbhyAmuktA mahAvidyA bhuktimuktipradAyinI || 38||
anantayatnalabdhA sA mahAvidyA mahAtmanA |
mahAdevena datteti mahAgauryA muhurmuhuH || 39||
sA yA tu mUlavidyA.asti shivavidyA shivAtmikA |
sA durlabhA na kasyApi sA sphuratyapi sarvathA || 40||
tadvidyAsAdhanIbhUtaM sha~NkarArAdhanaM param |
ashA~NkarArAdhakasya durlabhaM khalu dR^ishyate || 41||
yaddurlabhamiti j~nAnaM tadeva sulabhaM bhavet |
shivArchanena tattasmAt sarvasiddhipradAyakam || 42||
shivArchanena lokeShu ko vA mukto na jAyate |
tatra tAvanna vishvAso bhaviShyati durAtmanAm || 43||
maheshArchanamAhAtmyaM na vijAnanti mAnavAH |
ata eva patantyete narakeShu na saMshayaH || 44||
shivArchanaparityAgaH sarvathA pApasAdhanam |
tena pApena yAtyeva narakaM duShkaraM param || 45||
ayatnena prayatnena narakaM prati mAnavAH |
aho na nIramapyalpaM na cha yachChati pallavam || 46||
puShpaM vA devadevAya li~NgarUpAya sarvadA |
sulabhAnyeva patrANi jalAni vimalAnyapi || 47||
sarvabhAvena yo bhAvo bhAvapUjanatatparaH |
bhave bhave.api na bhavet sa bhUyo (bhUto)na bhaviShyati || 48||
kaH sha~Nkaraj~nAnarasaM vihAyA.api rasAntaram |
sa tAvadaj~no vij~neyaH sa.nj~nayA vidyayA.api vA || 49||
avaj~nAyAH paraM sthAnaM sha~NkarAnarchako janaH |
tuShyatyeva mahAdevaH kevalaM tadanuj~nayA || 50||
avaj~nApAtrabhUtasyApyavaj~nAM yastu mohataH |
na kariShyati taM tAvat pAtayatyeva pAtake || 51||
kR^itvA pApAnyanantAni sakR^idvA yaH shivaM smaret |
sa dhUtapApa ityeva vij~neyo munisattamaiH || 52||
munInAmapi vandyaH syAnmahAdevaparAyaNaH |
vandyo nArAyaNAdInAM surANAmapi sarvathA || 53||
shivArchanaparo loke vandyaH pUjyashcha sarvathA |
tatpUjayA paraM sarve muktA ityavadhAraNA || 54||
mahAdevo.api taM dR^iShTvA tuShTo bhavati mAnavam |
yo bhaktyA li~NgapUjAyAM nirataH sarvasAdhanaiH || 55||
sakR^idvA praNamedyastu sha~NkaraM bhaktipUrvakam |
tasya pApAni nashyanti sa eva puruSharShabhaH || 56||
dhanyaM kR^itArthaM taM manye kR^itakR^ityottamottamam |
yaH kShaNaM vA mahAdevaM li~Nge pUjayati prabhum || 57||
bhasmoddhUlitasarvA~Ngo rudrAkShAbharaNAnvitaH |
yo nArchayati gaurIshaM sa pAtakagaNAshrayaH || 58||
shivArchanAgnisandagdhAH pApaparvatakoTayaH |
tasyAshakyaM na loke.asmin sarvathA nR^ipabAlaka || 59||
bhAgyabuddhiH pravR^iddhA syAt shrImahAdevapUjayA |
durlabhaM durlabhaM yasmAt shrImahAdevapUjanam || 60||
prAtaH kAle mahAdevaM bhasmarudrAkShabhUShaNam |
abhyarchya li~NgarUpaM tvaM muchyase nAtra saMshayaH || 61||
kAlatraye.api kartavyaM shivali~NgArchanaM budhaiH |
madhye madhye.api kartavyaM viratistasya nochitA || 62||
yasya syAdviratirdaivAt shrImahAdevapUjane |
sa na saMsArapApebhyo muchyate nAtra saMshayaH || 63||
pApArNavasamAkIrNo na li~NgArchanatatparaH |
li~NgArchanaparityAgAt punashchAghaM (punaH sApi)bhaviShyati || 64||
shivali~NgArchanaM manye mahApAtakanAshanam |
tanna jAnanti sahasA narA vAnaravR^ittayaH || 65||
yeShAM narANAM puNyAni bahUni vividhAnyapi |
teShAmeva bhaveddharmaH shivali~Ngasamarchane || 66||
shivArchane na yasyAsti vishvAso muktidAyakaH |
sa eva sAdha ityeva j~nAtavyo munibhirnR^ipa || 67||
shivArchanaM vinA bhUpa na peyaM jalamAdarAt |
na bhoktavyaM cha sahasA tAmbUlasya cha charvaNam || 68||
yadeva svopabhogArthaM pavitraM vastu tanmudA |
nivedya shambhave pashchAt svabhogAya prakalpayet || 69||
\- \-
mR^ityurbibheti bhItAste kAlasyApi bhaTAH sadA |
mR^ityu~njayArchanaM dR^iShTvA jalairapi phalairapi || 91||
kalyANAnyanudhAvanti kalyANapatipUjayA |
sarvakalyANanAtho.ayaM ma~NgalApatipUjayA || 92||
sa sarvama~NgalAkAntaH sarvama~NgalasaMshrayaH |
sarvama~NgaladAtA cha shivabhaktAya kevalam || 93||
AlasyenApi yaH kuryAnmahAdevasya pUjanam |
sa taratyeva saMsAramahApaddhorasAgarAt || 94||
sulabhaM cha maheshasya pUjanaM shAmbhavasya tu |
ashAmbhavAnAM kaThinaM tatra nAdhikR^ito.api saH || 95||
shaivatvama~NgaM shivapUjaneShu mukhyaM na tenApi vinA shivArchA |
anyachcha tatsAdhanamastu tattu mukhyaM tadevetyavadhAritaM hi || 96||
tenAdhikAre sati sarvadApi shivArchanaM tena kR^itaM prayatnAt |
sarvArthasid.hdhyai bhavatIti manye sa eva dhanyo bhuvanatraye.api || 97||
shaivena dattaM phalamambu patraM shuShkaM navaM vA truTitaM kShataM vA |
gR^ihNAti shambhuH shirasA dadAti tasmai phalAnyapyamitAni nityam || 98||
yo vishvasya maheshvaraM trinayanaM li~Nge samabhyarchayet
bhaktyA bhUtivibhUShito.atimudito rudrAkShabhUShAshrayaH |
tatpAdAmbujareNubhirjagadidaM pUtaM surAH pAvanAH
sarve viShNuchaturmukhaprabhR^itayaH tasmAt sa dhanyaH sadA || 99||

|| iti shivarahasyAntargate nAradaproktaM shivArchanamahimavarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 5 \-
rAjakumAranAradasaMvAde shivapUjAmahimavarNanam | 10\-99||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 5 -
rAjakumAranAradasaMvAde shivapUjAmahimavarNanam | 10-99||

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}