% Text title            : Sadashivaprokta Shivarchanavidhivyakhya
% File name             : shivArchanavidhivyAkhyAsadAshivaproktA.itx
% Category              : shiva, pUjA, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 34| 45-112 ||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sadashivaprokta Shivarchanavidhivyakhya ..}##
\itxtitle{.. sadAshivaproktA shivArchanavidhivyAkhyA ..}##\endtitles ##
mameva pUjA vihitA tairAdau tadanantaram |
li~NgapUjApi vihitA sA pUjA sulabhA yataH || 1||
matsvarUpaparij~nAnamashakyamiti nishchayAt |
talli~NgapUjanaM tAvaduktaM lokopakArakam || 2||
malli~NgapUjanaM tAvat yAvajjIvaM visheShataH |
kartavyamatiyatnena shuchibhUtena bhasmanA || 3||
yAvajjIvashrutiH seyamagnihotrAdikarmaNAm |
shivali~NgArchanasyApi samAnA na visheShataH || 4||
sAyaM prAtaH shrutistatra bhinnakAlaniyAmikA |
anupAdeyamantrA~NgaM kAlo.apItyavadhAritaH || 5||
tathA cha vidhishaktishcha kAlamAdAya kevalam |
tatra paryavasanaiva sAyamprAtariti shrutiH || 6||
prakR^ite li~NgapUjAyAM shrutiH kAlaniyAmikA |
nAstIti sarvadA kAryA sA NamulapratyayAtmikA || 7||
na NamulpratyayasyAsya sa~NkochAya shrutistathA |
asa~Nkuchita evAyaM pratyayaH svArthabAdhakaH || 8||
vihitA pratyayenaivaM shivapUjanabhAvanA |
tayA bhAvanayA tAvat karaNaM pUjanaM matam || 9||
tatrAdhikaraNaM kiM vA kA tadbodhakasaptamI |
adhikArI cha kastasmin kathamaMsho.api chintitaH || 10||
shivali~Nge bilvapatraiH pavitraiH svArjitairapi |
shrutiprApta bhAvanApi pUrNAMshA samabhUt shive || 11||
shrutiryathAsti sarvebhyaH kAmebhya iti tatra sA |
darshAdau tadvadatrApi kAmashrutiravichyutA || 12||
phalasAdhanabhUtattvAt karaNaM shivapUjanam |
shivArchanena labhyante sarve kAmA iti shruteH || 13||
iyaM shivArchaneneti tR^itIyAkaraNaM param |
shivapUjanameveti shaktyA bodhayati svayam || 14||
tasyAH shaktistu nAnyatra omityasyaiva nishchitA |
karaNe shaktireva~nchet tadeva karaNaM smR^itam || 15|| (shaktirevaM chet)

yajjuhoti tadityAdi shrutirAyatane yathA |
shaktyA tathaiva prakR^ite li~Nge kuryAditi shrutiH || 16||
tathA cha saptamI seyaM li~NgamAyatanaM param |
j~neyaM shivArchanasyApi tatra shaktA vadatyapi || 17||
phalakAmo.adhikArIti jyotiShTomavinishchayAt |
prakR^ite.apyadhikArIti phalakAma iti shrutaH || 18||
guNottarAnveShaNAya pravR^ittA sApi bhAvanA |
bilvapatrairiti shrutyA tAni jagrAha sAdaram || 19||
patnyavekShitamityatra saMskAraH patnyavekShaNam |
svAnItattvaM cha saMskAro bilvapatreShu nishchitaH || 20||
prayoge prathame tAvat saMskAro.ayamiti shrutaH |
Ajyavanna dvitIyA hi prayoge niyamastu na || 21||
(svAnItAnyeva tAnIti sandhkArApekShayA.api sA |
svAnItattvAkhyasaMskAraM sA gR^ihNAtyeva sAdaram ||) (atirikta shlokaH)
AdhAnabhAvanAnA~ncha kartR^irUpAvagAhinI |
anandhakartR^isApekShA prayoge prathamA matA || 22||
dvitIyAdiprayogeShu daivAdandhatvasambhave |
AjyAvekShaNasaMskAralopaM gR^ihNAti bhAvanA || 23||
evaM shivArchane.apyAdye svAtitattvAvagAhinI |
prayoge bhAvanA tattvaM dvitIyA nAvagAhate || 24||
yadi kartA svayaM dakShaH tatpatrAnayane sadA |
tadgR^ihNAtIti niyamo na dvitIyAdiShu dhruvam || 25||
na pa~NgurapyadhikR^itaH prayoge prathame yataH |
pradakShiNakramaNavat gR^ihNAtyatrApi bhAvanA || 26||
evaM chAdyaprayoge.api visheShavachanaiH param |
pa~NgvAdInapi gR^ihNAti shivapUjanabhAvanA || 27||
somAbhAve tu pUtIkAn visheShavachanena sA |
gR^ihNAti bhAvanA tadvat anyadgR^ihNAti bhAvanA || 28||
Adyaprayoge gR^ihNAti bilvapatrANi bhAvanA |
tadabhAve tu tattulyaM patraM gR^ihNAti bhAvanA || 29||
atrA~NgAni bahUnyeva shrutAni vividhAnyapi |
nityaM chamasavat ki~nchit a~Ngamasti shivArchane || 30||
godohanAditulyAni kAmyA~NgAnyapi kAnichit |
tAni nityA~NgalopAya pravR^ittAni katha~nchana || 31||
godohanaprayoge kiM chamasasyA~NgatA matA |
evaM nityA~Ngalope.api prayogasyAvisheShataH || 32||
bhasmatripuNDrakaraNaM sannipatye pakArakam |
shivali~NgaM cha rudrAkShadhAraNaM cha shrutishrutam || 33||
navanItAbhya~njanAditulyaM bhasmAdidhAraNam |
tasya pratinidhirneti tatprayoge.apyapekShate || 34||
karmA~Ngatvena vij~nAtaM bhasmadhAraNamityataH |
tattyAge nAdhikArI syAt smArte vA vaidike.api vA || 35||
shivamantrajape yogyo bhasmadhArI bhavennaraH |
dhR^ite bhasmani gAyatrI guruNApyupadishyate || 36||
agnikAryeNa sampanne pUrvaM bhasmanyataH param |
dhR^ite bhasmani gAyatrI japayogyopajAyate || 37||
gAyatrI shivamantratvAt bhasmadhAraNabhAvanA |
sA gR^ihNAtviti pashyanti tadgR^ihItA.api tiShThati || 38|| (sA gR^ihNAti vipashyanti, mAM gR^ihNAtviti)

rudrAkShadhAraNaM tadvat tAM shivArchanabhAvanAm |
svAnugrahArthaM pashyantI bhAvanAM prachaliShyati || 39||
pUrvA~NgAnyuttarA~NgAni tAni tAvatparasparam |
mahApUrvopayuktAni svApUrvadvArasambhavAt || 40||
tadapUrvaphalaM yAvat tAvadevopatiShThati |
phale jAte na tasyApi kR^ityamityavadhAritam || 41||
sarvebhya eva kAmebhyaH shivapUjanamityapi |
prayogabhedamAshritya tadabhAvena tanmatam || 42||
na hyekena prayogena phalAni vividhAnyapi |
ato.arthavAda evAyaM nAnAvidhaphalashrutiH || 43||
AvR^ittishcha prayogAnAM bahUni vividhAnyapi |
phalAni vividhAnyeva bhaviShyantIti nishchayaH || 44||
jAghinIvad bilvapatramanyachchArchanasAdhanam |
bhavatyato laukikaM cha tada~Ngamiti nishchitam || 45||
tatsarvA~NgopasaMhAraM sarvathA phalabhAvanA |
svApekShitaM gR^ihItvaiva sampUrNA phalamichChati || 46||
shuchitatkAlajIvitvanidrAlasyAdivarjanam |
gR^ihNAti bhAvanA tAvat tada~Ngamiti nishchayAt || 47||
vishvAso.apya~NgamevAtra shivapUjanabodhake |
vAkye tadarthavAdo.api prarochaka iti smR^iteH || 48||
shivArchane.api vedasyAvedasya niyamAt tayoH | (vedaH syAdvedashcha)
tada~Ngatvamiti j~nAtaM bhAvanAnugR^ihItayoH || 49||
shivapUjopakaraNaM bhasmasaMskR^itameva tat |
gR^ihItaH so.api saMskAraH tayA bhAvanayA hi tat || 50||
akhaNDabhAvanA seyaM prayogasya visheShataH |
bhAvanAntarasampannA tattada~NgAvagAhanAt || 51||
tatprayogabahirbhUtAnya~NgAni vividhAnyapi |
gR^ihNAti bhAvanA saiva bR^ihaspatisavaM yathA || 52||
tathA cha shivapUjAyAM li~NgamAhavanIyavat |
jalAdivat shAmbhavo.api pUjAdhikaraNaM kvachit || 53||
li~NgAnyapi vichitrANi nArmadAdIni kAnichit |
teShu pUjA visheSheNa tatphalAyopakalpate || 54||
revAjalena revAyAM revAtIrasamudbhavaiH |
dUrvA~NkurairvA sampUjya mukto bhavati mAnavaH || 55||
revAtIrasamutpannAH taravo.api mahAvane |
li~NgarUpAH tatasteShu pUjanaM bhuktimuktidam || 56||
li~NgAni santi yAvanti trailokye varavarNini |
tAni sarvANi li~NgAni mama priyakarANi hi || 57||
madbhakto yatra sadbhattyA mama dhyAnaM kariShyati |
tadeva li~NgaM madrUpamanyarUpaM na sarvathA || 58||
mantrairadhiShThite dravyaiH pUjA tAvadvidhIyate |
adhiShThAnaM devatAyAH pavitraM mantrasAdhite || 59||
tathA cha siddhali~NgAni nArmadAdIni kevalam |
tatra pratiShThAvidhayaH prasaranti na sarvathA || 60||
siddhakShetrANi yAvanti tatra li~NgAni yAni cha |
teShu pratiShThAvidhayaH prasaranti na sarvathA || 61||
siddhakShetrottamA kAshI tatra li~NgAni yAni tu |
tAni li~NgAni sarvANi siddhAnItyavagamyate || 62||
revAyAM yAni li~NgAni tAni li~NgAni \-shailaje\- |
siddhali~NgAni sarvANi tAni pUjyAni sarvathA || 63||
triyambakAkhyaM yalli~NgaM godAmUle manoharam |
tat siddhali~NgaM tatpUjA bhuktimuktipradAyinI || 64||
mahAbalAbhidhaM li~NgaM siddhali~Ngamiti shrutam | (ahobalAbhidhaM)
koTisha~Nkarali~NgaM cha siddhali~Ngamiti shrutam || 65|| (sa.nj~naM siddhali~Ngamiti)

tIrtheshali~NgamapyevaM siddhali~Ngamiti shrutam |
sa~Ngameshvarali~NgaM cha siddhali~Ngamiti smR^itam || 66||
shrIshaile yAni li~NgAni tAni li~NgAni \-shailaje\- |
siddhali~NgAni sarvANi tatpUjA sarvasiddhidA || 67||
ashItiyojanAyAmaH shrIshailaH \-kamalAnane\- |
sa tu li~NgamayaH sarvaH sarvatIrthamayo.api saH || 68||

|| iti shivarahasyAntargate sadAshivaproktA shivArchanavidhivyAkhyA sampUrNA ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 34| 45\-112 ||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 34. 45-112 ..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}