% Text title            : Shivadhundhiproktam Shivalingarchanamahimakathanam
% File name             : shivaDhuNDhiproktaMshivalingArchanamahimakathanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 46 | 35-45 ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivadhundhiproktam Shivalingarchanamahimakathanam ..}##
\itxtitle{.. shivaDhuNDhiproktaM shivali~NgArchanamahimakathanam ..}##\endtitles ##
shivaduNDhiH \-
shivasvarUpANi kilAmalAni li~NgAni sarvANi shivArchanaM cha |
li~Nge kR^itaM sarvadamityavaimi li~NgArchanenApi samo na dharmaH || 35||
apArapuNyaiH shivapUjaneShu bhaktirbhavAmbhodhivinAshanAya |
bhaviShyatIti sphuTameva manye na tena dharmeNa samo.asti dharmaH || 36||
saMsArAghakulAmburAshirasakR^it kampaM vidhatte
muhuH kAlo.api tripurAripUjanarato bilvIdalaiH komalaiH |
li~Nge tu~Ngasarittara~NganikaravyApte sakR^idvA surAH
sarve tatpadapUjanAya satataM kurvanti yatnaM mudA || 37||
li~NgArAdhanameva kevalamumAkAntapriyaM muktidaM
manye pApaharaM cha santatamidaM bilvIdalaiH komalaiH |
kartavyaM sakR^ideva vA sabhasitarjetuM yamaM shAmbhavaM
samprAptuM padamapyapAravibhavaM satyaM trisatyaM param || 38||
bhasmAla~NkR^itadehamarchakamumAkAntasya bilvIdalaiH
dR^iShTvA pApamahAmburAshikulamapyAmUlalUnaM bhavet |
duHkhAbdhiH pralayaM prayAtyapi bhaTAH kAlasya dUraM paraM
yAntyevAshu shivArchanodyatamatistasmAt suraiH pUjyate || 39||
li~NgArAdhanapuNyarAshijaphalaM vaktuM na shaktAH surAH
sendropendrapurogamA api tathA siddhAH prasiddhA api |
gandharvA api kinnarA api gaNairj~neyo.athavA na tvayA
vedairvA girishaH paraM sukharo jAnAti tattvaM param || 40||
abhyarchitAni li~NgAni dR^iShTvA vA parayA mudA |
dehAnte shA~NkaraM sthAnaM prApnuvanti na saMshayaH || 41||
prAtaH pUjitamAlokya shivali~NgaM shivAtmakam |
bhavedrAtrikR^itaiH pApairvimukto vividhairapi || 42||
li~NgaM madhyAhnakAle.api pUjitaM yastu pashyati |
sa pUrvAhNakR^itaiH pApaiH sarvairapi vimuchyate || 43||
pradoShakAle yaH pashyet shivali~NgaM samarchitam |
sa saptakalpaparyantakR^itaiH pApairvimuchyate || 44||
yat puNyaM jAyate bhaktyA shivali~NgAvalokane |
tatpuNyamantarahitaM bhuktimuktiphalapradam || 45||

|| iti shivarahasyAntargate shivaDhuNDhiproktaM shivali~NgArchanamahimakathanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 46| 35\-45 ||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 46. 35-45 ..

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}