शिवभजनम्
जय जय हे महेश सुर
जय जय करुणासागर
जय कपिलेश जय पार्वतीश जयजय महेश्वर ॥ ध्रुवम्॥
नित्यो निर्गुणो निरतिशयः
ब्रह्माद्वैतविशेषसहायः
कदा मायामयः कदा ज्ञानमयः
महायोगी बाबा हरः ॥ १॥
त्वं हि महिमामण्डलेश्वरः
भवबन्धन-खण्डनकरः
महामृत्युञ्जय आखण्डलमणि
अभयवरदकरः ॥ २॥
जय हे देव धवलेश्वर
बाबा मुक्तेश्वर सन्थेश्वर
ग्रामेश्वर शिव लोकनाथ प्रभो
श्रीचन्द्रशेखरहरः ॥ ३॥
जय लिङ्गराजेश्वर हर
जय नीलकण्ठ-गुप्तेश्वर
जय भूतनाथ जय महाकाल
समस्त सिद्धान्तसारः ॥ ४॥
जय अष्टशम्भुनाथ पर
जय स्वयम्भु-सुन्दरतर
शरणरक्षण पतितपावन
निःश्वास-प्रश्वासकारः ॥ ५॥
जय परमेश्वर शङ्कर
हिमकन्दरभुवनेश्वर
पुराणपुरुषोत्तम पशुपते
करुणावरुणागारः ॥ ६॥
इति नन्दप्रदीप्तकुमारविरचितं शिवभजनं सम्पूर्णम् ।
Composed, encoded, and proofread by
Dr. Pradipta Kumar Nanda, Kendrapara, Orisa pknanda65 at gmail.com