नन्दिकेश्वरप्रोक्तं शिवभक्तलक्षणवर्णनम्
हे विश्वनाथ मदनान्तक कालकाल गौरीपते गिरिश चन्द्रकलावतंस ।
शैलेन्द्रजाहृदयपङ्कजराजहंस पाहीति यो वदति ते शिवभक्तमाहुः ॥ १॥
काशीपते भयहरामरसार्वभौम भीम स्मरान्धकरिपो गिरिश त्रिनेत्र ।
भो भूतिगात्र वृषभाधिप गोत्रपात्र पाहीति यो वदति ते शिवभक्तमाहुः ॥ २॥
वीरेश्वर त्रिदशनायक चन्द्रमौले लीलातिलोल विकटाघटितार्धदेह ।
सिद्वेश्वरीरमण चन्द्रपते मुहुर्मां पाहीति यो वदति ते शिवभक्तमाहुः ॥ ३॥
भो सङ्कटारमण शूलधर स्मरारे श्रीशीतलारमण भो कलशेश शम्भो ।
ज्योतिःस्वरूप भगवन् मणिकर्णिकेश पाहीति यो वदति ते शिवभक्तमाहुः ॥ ४॥
पुण्याविश्रुक्तपरमेश्वरनन्दिकेश श्रीमन्महेश्वर सुवर्णपिनाकपाणे ।
श्रीकालकूटविषनीलतराधकण्ठ पाहीति यो वदति ते शिवभक्तमाहुः ॥ ५॥
उद्धूलनादिरुचिराङ्गलसत्त्रिपुण्ड्ररेखाललाट फलकान्धकमर्दकेश ।
आमर्दकेश्वर महाघविनाशकेश पाहीति यो वदति ते शिवभक्तमाहुः ॥ ६॥
श्रीवृद्धकाल वृषभध्वज कृत्तिवासः श्रीलिङ्गलिङ्गनिलयाव्यय मृत्युमृत्यो ।
श्रीवक्रतुण्ड गणनायक ढुण्ढिराज पाहीति यो वदति ते शिवभक्तमाहुः ॥ ७॥
केदरनायक सदाशिव सोमनाथ ज्ञानेश दक्षहरनायक दक्षनाथ ।
सिद्वेशधर्मगणनायक चण्डिकेश पाहीति यो वदति ते शिवभक्तमाहुः ॥ ८॥
॥ इति शिवरहस्यान्तर्गते नन्दिकेश्वरप्रोक्तं शिवभक्तलक्षणवर्णनं सम्पूर्णम् ॥
- ॥ श्रीशिवरहस्यम् । हराख्यः तृतीयांशः । पूर्वार्धम् । अध्यायः ३०। १९-२६ ॥
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 30. 19-26 ..
Proofread by Ruma Dewan