% Text title            : shivabhaktikalpalatikAstotram
% File name             : shivabhaktikalpalatikAstotram.itx
% Category              : shiva, shrIdhara-venkaTesha
% Location              : doc\_shiva
% Author                : abhinavanRisiMhabhAratIsvAmi
% Proofread by          : PSA Easwaran
% Description-comments  : Brihatstotraratnakara 1, Narayana Ram Acharya, Nirnayasagar, stotrasankhyA 211
% Latest update         : February 28, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivabhakti Kalpalatika Stotram ..}##
\itxtitle{.. shivabhaktikalpalatikAstotram ..}##\endtitles ##
shrIgaNeshAya namaH ||
shrIkAntapadmajamukhairhR^idi chintanIyaM
     shrImatkva sha~Nkara bhagavachcharaNAravindam |
kvAhaM tadetadupasevitumIhamAno
     hA hanta kasya na bhavAmyupahAsapAtram || 1||
adrAkShama~NghrikamalaM na taveti yanme
     duHkhaM yadapyanavamR^ishya durAtmatAM svAm |
pAdAmbujaM tava didR^ikSha itIdR^igAgaH
     pAto.anale pratikR^itirgirishaitayorme || 2||
daurAtmyato mama bhavatpadadarshanechChA
     mantustathApi tava sA bhajanAtmiketi |
syAdIshiturmayi dayaiva dayAmakArShI\-
     rashmAdibhiH prahR^itavatsu na kiM bibho tvam || 3||
duHkhAnalodaranipAtanadhUrvadeShve\-
     ShvarthA~NganAsutamukheShvanurAga AgAH |
syAtte ruShe tava dayAlutayA tvadAna\-
     tyAdyairvibho tadavadhUya bibharShi chAsmAn || 4||
IshAna rakShitumimAnyadapekShase tvaM
     natyAdikaM tadapanetumatiprasa~Ngam |
kiM hIyate tadanupAdhikR^ipAlutA te
     saMvitsukhasya na hi te priyamapriyaM vA || 5||
apyAhara prahara saMhara vAgvadasya
     trAtAsyupAttamamunA mama nAma hIti |
evaM vibho tanubhR^itAmavane.atyupAyA\-
     nveShI kathaM paramakAruNiko.asi na tvam || 6||
trAtA dayAjalanidhiH smR^itimAtralabhyaH
     kShantAgasAmiti bhavadyashasA hR^itAtmA |
svAmasmaranbata malImasatAmalajjo
      bhaktiM bhavatyabhilaShAmi dhigastu yanmAm || 7||
sharmAptirArtivihatishcha bhavatprasAdaM
     shambhorvinA na hi nR^iNAM sa cha nAntarA yAm |
yasyAM vidhiH shvabhugapi kShamate samaM tAM
     tvadbhaktimichChatu na kaH svavinAshabhIruH || 8||
bhaktirvibhAtyayi mahatyaparaM tu phalgvi\-
     tyevaM graho nanu bhavatkR^ipayaiva labhyaH |
labdhastvasau phalamamuShya labhe na kiM vA
     tAM hanta te tadayasho mama hR^idrujA cha || 9||
tvadbhaktyasambhavashuchaM pratikArashUnyA\-
     mantarvahannikhilamIsha sukhaM cha duHkham |
udbandhalagna iva duHsvatayaiva manye
     santAnyatIti mayi hanta kadA dayethAH || 10||
bhaktiM bhavatyavihitAM vahatastu tadvi\-
     sheShopalambhavirahAhitamastu duHkham |
tasyAH pratIpatatibhirhatijaM kathaM vA
     duHkhaM sahe mayi kadesha kR^ipA bhavette || 11||
lagnaH kR^itAntavadane.asmi labhe cha nAdyA\-
     pyachChAM ratiM tvayi shivetyavasIdato me |
tvadvismR^itiM  kuviShayAbhiratiprachArai\-
     stanvan hi mAM hasapadaM tanuShe bruve kim || 12||
baddhaspR^ihaM ruchirakA~nchanabhUShaNAdau
     bAlaM phalAdibhiriva tvayi bhaktiyoge |
AshAbharAkulamaho karuNAnidhe mA\-
     marthAntarairhR^itadhiyaM kuruShe kimevam || 13||
tiktagraho.adhi madhuraM madhuragraho.adhi
     tiktaM yathA bhujagadaShTatanostathAham |
tvayyastaraktiritaratra tu gADhamagnaH
     shochyo.ashmano.api hi bhavAmi kimanyadIsha || 14||
tvatsaMsmR^ititvadabhidhAnasamIraNAdi\-
     sambhAvanAspadamamI mama santu shokAH |
mA santu cha tvadanuShaktimuShaH praharShA
     mA tvatpuraHsthitipuShesha dR^ishAnupashya || 15||
sampAtanaM nanu sukheShu nipAtanaM vA
     duHkheShvathAnyadapi vA bhavadekatAnam |
yatkalpayernanu dhiyA shiva tadvidhehi
     nAvaimyahaM mama hitaM sharaNaM gatastvAm || 16||
duHkhaM praditsurayi me yadi na pradadyA
     duHkhApahaM purahara tvayi bhaktiyogam |
tvadbhaktyalAbhaparichintanasambhavaM me
     duHkhaM pradehi tava kaH punaratra bhAraH || 17||
bhaktyA tvayIsha kati nAshruparItadR^iShTyA
     sa~njAtagadgadagirotpulakA~NgayaShTyA |
dhanyAH punanti bhuvanaM mama sA na hIti
     duHkhe.api kA nu tava durlabhatA vidhitsA || 18||
tvadbhaktireva tadanavAptishugapyudArA
     shrIH sA cha tAvakajanAshrayaNe cha labhyA |
ulla~Nghya tAvakajanAn hi tadarthanAga\-
     stvayyAH sahasva tadidaM bhagavannamaste || 19||
sevA tvadAshrayavatAM praNayashcha teShu
     sidhyeddR^iDho mama yathA.a.ashu tathA dayArdrAm |
dR^iShTiM tavArpaya mayIsha dayAmburAshe
     maivaM vibho vimukhatA mayi dInabandho || 20||
gaurIsakhaM himakaraprabhamambudAbhaM
     shrIjAni vA shivavapustava tajjuSho ye |
te tvAM shritA vahasi mUrghni tada~NghrireNuM
     tatsevanaM mama kathaM nu dayAM vinA te || 21||
tvadbhaktikalpalatikAM kR^ipayArpayesha
     machchittasImni bhavadIyakathAsudhAbhiH |
tAM vardhaya tvadanurAgaphalADhyamauliM
     tanmUla eva khalu muktiphalaM chakAsti || 22||
niHsvo dhanAgama iva tvadupAshritAnAM
     sandarshane pramuditastvayi sAndrahArdaH |
Alokayan jagadasheShamidaM bhavantaM
     kAryastvayesha kR^ipayAhamapAstakhedaH || 23||
yo bhaktikalpalatikAbhidhamindumaule\-
     revaM stavaM paThati tasya tadaiva devaH |
tuShTaH svabhaktimakhileShTaduhaM dadAti
     yAM prApya nAradamukhairupayAti sAmyam || 24||

iti shrI shrIdharave~NkeTeshArya kR^itau
                shivabhaktikalpalatikAstotraM sampUrNam ||
##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}