% Text title            : Chitraguptaproktamam Shivabhaktyutkarshavarnanam
% File name             : shivabhaktyutkarShavarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 8 | 61-89 ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Chitraguptaproktamam Shivabhaktyutkarshavarnanam ..}##
\itxtitle{.. chitraguptaproktamaM shivabhaktyutkarShavarNanam ..}##\endtitles ##
chitraguptaH \-
shR^iNu shAmbhavasa~NghAnAM vArtAM shrotramanoharAm |
yadvArtAshravaNenApi shivabhaktirdR^iDhA bhavet || 61||
shAmbhavAnAmayaM sa~NghaH sudhArAshirivAdhunA |
dR^iShTo.adhyAnandapIyUShamayUkhAn janayatyaho || 62||
kShaNamapyAyuSho nAsya vaiyarthyaM shivapUjayA |
AyuH kShINamabhUdasya pratikShaNashivArchanAt || 63||
sudhAdhArAbhiShekeNa shivapUjA pratikShaNam |
tayA kShaNasahastrAMsho.apyasya nAbhUt vR^ithA yama || 64||
tena puNyena mahatA nR^ityanti prahasanti cha |
li~NgapUjAM cha kurvanti punaH punarihAntaka || 65||
etatsa~NgAshrayANAM tu dhanAni vividhAni cha |
jAnAti shivapUjArthaM tena gAyanti koTishaH || 66||
etatsa~NgasamAshrayAmitadhanairabhyarchitaH sha~Nkaro
nityaM chandanabilvapallavalasanmandArakundAdibhiH |
naivedyairamitairmanohara mahAkarpUradIpAvalI\-
sa~Nghairapyamite ranukShaNamato nR^ityanti gAyanti cha || 67|| 
(sa~Nghairapyamite anukShaNamityArabhya dhanairityantaM)|| 67||
teShAmeva dhanaiH shivArchanamabhUt pa~nchAmR^itaiH shodhitaiH
shudvaistaiH kapilAghR^itairapi sadA dhArApi li~Nge mudA |
vichChinnA na bhavatyanantavibhavA sA muktidhArA parA
gokShIrAdikadhArayApi girishaH santuShTa evAnvaham || 68||
ratnAgAravisheShanirmitamahAli~NgaprabhApUrakaiH
taddravyairamitaH shivArchanaphalaiH sA~Ngairamoghairapi |
tenaite shivapUjanotsavarasAH svAnandadhArAvR^itAH
kalyANAshrayapUjanAya satataM nR^ityanti gAyanti cha || 69||
tatsa~NghAshritavittapUjanaphalaiH tAvatpranR^ityantyaho
gAyantyeva vahanti santatamamI shrIrudravINAdarAH |
shambho sha~Nkara chandrashekhara mahAdeveti saptasvara\-
vyApAraprakaraprachAranakhavyApArasArAdaraiH || 70||
svapne.apyambujabilvapallavarasairabhyarchayantIshvaraM
nidrAyAmapi chitrametadaparaM nidrA.api teShAM kShaNam |
AyurvR^iddhimupaiti sha~NkarapadAmbhojArchanAdanvahaM
tasya kShINadashA kadApi na bhavatyardhendumaulismR^iteH || 71||
teShAM tAvadapArasha~NkarakathApIyUShapAnAt tanuH
pInA pInatarA.api te muhurumAkAntAmbikAnAyakam |
smR^itvA chetasi santataM kathamapi tvAmeva devottamaM
matvA sha~NkaranAmadheyasusudhApAnairnayAmo dinam || 72||
teShAmAyuranukShaNaM paNagaNairveshyAmukhAlokanaiH
madyastrIparisevanena charitaM paNyA~NgaNAlApanaiH |
tenAshrAvyatayA nayanti divasAMste mechakAkAratAM
samprApyApi muhurmuhuH shivakathAlApo.api tairna shrutaH || 73||
hA hantAmitavittanAshanakaravyApArabhArAdaraiH
nItaM taddinamandhakArivimukhaiH duHkhopakArAdaraiH |
ArAdhyaH shiva ityapAravibhavo naivAnubhUto bhavo
bhAvaiH sAkamabhAShaNaM cha kR^itamityaj~naH paraM klishyati || 74||
aj~nAnAdgirishArchanaM na cha kR^itaM li~NgaM cha nAlokitaM
li~NgAgAramahotsavo.api na kR^ito dR^iShTA na dIpAvalI |
li~NgAgAravinirmitA vidhivashAd dhUpapradhUpAvalI
dR^iShTA nR^ityati chintayA paramayaM sa~NghaH paraM (sadyaH svayaM)klishyati || 75||
nAnApApavinAshinI shivakathA nAkarNitA na shrutaM
nAmApi smaravairiNaH sakaruNaH shrIshUlapANiH svayam |
naivAntaHkaraNAmbuje smR^ita iti vyarthaM vayo nirgataM
hA hA hanta vayo vR^ithA gatamiti vyarthaM rudantyadya te || 76||
AyurvyarthamidaM gataM shivapadaM na dhyAtamevAdarAt
li~Nge bilvadalaM prasUnamamalaM ga~NgAjalaM vA mudA |
na kShiptaM na cha vIkShitaM cha nagaraM vishveshvarasyAdarAt
itthaM te pralapanti hanta bata te te te.api te te.api te || 77||
shrIvishveshvarali~NgamuttamatamaM shrIchandanenAnarghaiH
puShpairbilvadalaishcha nArchitamaho kShINaM vayaH sarvathA |
hA hantAmitapAtakArjanarataM chittaM vayo nirgataM
kiM kartavyamiti pratikShaNamamI duHkhAturAH kAtarAH || 78||
shrIvishveshvarapUjanaM cha na kR^itaM dvitraiH pavitrairnavaiH
bilvaiH komalapallavaiH jalaruhairdUrvA~NkurairbhasmanA |
(bilvaiH komalapallavaiH abhinavairdUrvA~NkurairbhasmanA)|
no dR^iShTaM nikaTApadAmbujayugaM nArAdhitaM chandanaiH
mallImAlikayA dukUlakalikairityanvahaM duHkhitAH || 79||
na snAtaM maNikarNikAmbhasi cha vai noddhUliteyaM tanuH
bhUtyA phAlamapi tripuNDrarachanairnAla~NkR^itaM bhasmanA |
rudrAkShaishcha na bhUShitA tanuraho vyarthaM gataM jIvanaM
hA hanteti bateti daivahatamityete rudanti svataH || 80||
vIreshAya na kalpitAtiruchitA sA nIradhArA muhuH
shrIvIreshvarata~Ngali~NgamasakR^innAbhyarchitaM chandanaiH |
sAyaM na praNataM cha nekShitamaho bhUtopavAsairnishA
nItA neti rudanti hanta satataM te kAla bhItyA tava || 81||
kAshyAmeva na kAlabhairavadine kAlAShTamInAmake
kR^itvA jAgaraNaM muhurmuhurayaM dR^iShTo mayA bhairavaH |
kAlesho.api na vIkShito muhuraho hA hanta hantetyamI
duHkhenaiva nayantyanukShaNamaho te kAla bhItyA tava || 82||
\- \-
iti tadvachanaM shrutvA yamo vismayamAnasaH |
shivabhaktagaNaM dR^iShTvA pUjayAmAsa saMstuvan || 83||
dhanyaM kulamidaM dR^iShTaM shivabhaktAyuShAM mayA |
dhanyaM dhanyamidaM tAvat jIvanaM nayanAmbujam || 84||
etadAlokanenaiva vineyaH samayo mayA |
apUrvo.ayaM shivagaNaH shivanAmamahotsavaH || 85||
kathaM gAyanti divyAni shivanAmAni koTishaH |
AnandodbodhakAnyeva muhurmuhuratandritAH || 86||
ete dhanyAH paraM dhanyAH sarve tadvIkShaNAdarAH |
dhanyastada~NgavAso.api muktikAntAnukarShakaH || 87||
sa~Ngo.api tAvat kartavyaH tAvadetaiH sahAnvaham |
etatsa~NgAnuSha~Ngo.api bhuktimuktiprado bhavet || 88||
dhanyaM dhanyamidaM sharIramadhunA dhanyA~Ngasa~NgAdayaM
dhanyaH shA~Nkarasa~Nga ityanugato brahmAdidevastutaH |
asmAkaM girijAmanoharapadAmbhojArchanaM jAyate
buddhiH shA~NkaratottamottamatamA muktipradAnodyamA || 89|| 
(buddhiH siddhikarottamottamatamA muktipradAnodyatA)|| 89||

|| iti shivarahasyAntargate chitraguptaproktamaM shivabhaktyutkarShavarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 8 \-
AyumUrtishivabhaktyutkarShavarNanam | 61-89||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 8 -
AyumUrtishivabhaktyutkarShavarNanam . 61-89..
Notes:
Citragupta ##chitragupta## explains to Yama ##yama## about the merits of worshiping Śiva ##shiva##; and as a result, wonderment and devotion towards Śiva ##shiva## is aroused in Yama ##yama##.##
##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}