% Text title            : shivabhuja.ngam
% File name             : shivabhujangam.itx
% Category              : shiva, bhujanga, shankarAchArya, vedanta
% Location              : doc\_shiva
% Author                : Shankaracharya
% Transliterated by     : Kamakshi kAmAkShi7 at gmail.com
% Proofread by          : Kamakshi kAmAkShi7 at gmail.com
% Latest update         : July 12, 2015
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivabhujangam ..}##
\itxtitle{.. shrIshivabhuja~Ngam athavA shivastutiH ..}##\endtitles ##
galaddAnagaNDaM miladbhR^i~NgaShaNDaM
     chalachchArushuNDaM jagattrANashauNDam |
kanaddantakANDaM vipadbha~NgachaNDaM
     shivapremapiNDaM bhaje vakratuNDam || 1||
anAdyantamAdyaM paraM tattvamarthaM
     chidAkAramekaM turIyaM tvameyam |
haribrahmamR^igyaM parabrahmarUpaM
     manovAgatItaM mahaHshaivamIDe || 2||
svashaktyAdishaktyantasiMhAsanasthaM
     manohArisarvA~NgaratnorubhUSham |
jaTAhInduga~NgAsthishamyAkamauliM
     parAshaktimitraM numaH pa~nchavaktram || 3||
shiveshAnatatpUruShAghoravAmA\-
     dibhiH pa~nchabhirhR^inmukhaiH ShaDbhira~NgaiH |
anaupamya ShaTtriMshataM tattvavidyA\-
     matItaM paraM tvAM kathaM vetti ko vA || 4||
pravAlapravAhaprabhAshoNamardhaM
     marutvanmaNishrImahaHshyAmamardham |
guNasyUtametadvapuH shaivamantaH
     smarAmi smarApattisampattihetoH || 5||
svasevAsamAyAtadevAsurendrA\-
     namanmaulimandAramAlAbhiShiktam |
namasyAmi shambho padAmbhoruhaM te
     bhavAmbhodhipotaM bhavAnIvibhAvyam || 6||
jagannAtha mannAtha gaurIsanAtha
     prapannAnukampinvipannArtihArin |
mahaHstomamUrte samastaikabandho
     namaste namaste punaste namo.astu || 7||
virUpAkSha vishvesha vishvAdideva
     trayImUla shambho shiva tryambaka tvam |
prasIda smara trAhi pashyAvamuktyai
     kShamAM prApnuhi tryakSha mAM rakSha modAt|| 8||
mahAdeva devesha devAdideva
     smarAre purAre yamAre hareti |
bruvANaH smariShyAmi bhaktyA bhavantaM
     tato me dayAshIla deva prasIda || 9||
tvadanyaH sharaNyaH prapannasya neti
     prasIda smaranneva hanyAstu dainyam |
na chette bhavedbhaktavAtsalyahAni\-
     stato me dayAlo sadA sa.nnidhehi || 10||
ayaM dAnakAlastvahaM dAnapAtraM
     bhavAneva dAtA tvadanyaM na yAche |
bhavadbhaktimeva sthirAM dehi mahyaM
     kR^ipAshIla shambho kR^itArtho.asmi tasmAt|| 11||
pashuM vetsi chenmAM tamevAdhirUDhaH
     kala~NkIti vA mUrdhni dhatse tameva |
dvijihvaH punaH so.api te kaNThabhUShA
     tvada~NgIkR^itAH sharva sarve.api dhanyAH || 12||
na shaknomi kartuM paradrohaleshaM
     kathaM prIyase tvaM na jAne girIsha |
tathAhi prasanno.asi kasyApi kAntA\-
     sutadrohiNo vA pitR^idrohiNo vA || 13||
stutiM dhyAnamarchAM yathAvadvidhAtuM
     bhajannapyajAnanmaheshAvalambe |
trasantaM sutaM trAtumagre mR^ikaNDo\-
     ryamaprANanirvApaNaM tvatpadAbjam || 14||
shiroddR^iShTihR^idrogashUlaprameha\-
     jvarArshojarAyakShmahikkAviShArtAn |
tvamAdyo bhiShagbheShajaM bhasma shambho
     tvamullAghayAsmAnvapurlAghavAya || 15||
daridro.asmyabhadro.asmi bhagno.asmi dUye
     viShNNo.asmi sanno.asmi khinno.asmi chAham |
bhavAnprANinAmantarAtmAsi shambho
     mamAdhiM na vetsi prabho rakSha mAM tvam || 16||
tvadakShNoH kaTAkShaH patettryakSha yatra
     kShaNaM kShmA cha lakShmIH svayaM taM vR^iNAte |
kirITasphurachchAmarachChatramAlA\-
     kalAchIgajakShaumabhUShAvisheShaiH || 17||
bhavAnyai bhavAyApi mAtre cha pitre
     mR^iDAnyai mR^iDAyApyaghaghnyai makhaghne |
shivA~Ngyai shivA~NgAya kurmaH shivAyai
     shivAyAmbikAyai namastryambakAya || 18||
bhavadgauravaM mallaghutvaM viditvA
     prabho rakSha kAruNyadR^iShTyAnugaM mAm |
shivAtmAnubhAvastutAvakShamo.ahaM
     svashaktyA kR^itaM me.aparAdhaM kShamasva || 19||
yadA karNarandhraM vrajetkAlavAha\-
     dviShatkaNThaghaNTAghaNAtkAranAdaH |
vR^iShAdhIshamAruhya devaupavAhyaM
     tadA vatsa mA bhIriti prINaya tvam || 20||
yadA dAruNAbhAShaNA bhIShaNA me
     bhaviShyantyupAnte kR^itAntasya dUtAH |
tadA manmanastvatpadAmbhoruhasthaM
     kathaM nishchalaM syAnnamaste.astu shambho || 21||
yadA durnivAravyatho.ahaM shayAno
     luThanniHshvasanniHsR^itAvyaktavANiH |
tadA jahnukanyAjalAla~NkR^itaM te
     jaTAmaNDalaM manmanomandiraM syAt|| 22||
yadA putramitrAdayo matsakAshe
     rudantyasya hA kIdR^ishIyaM dasheti |
tadA devadevesha gaurIsha shambho
     namaste shivAyetyajasraM bravANi || 23||
yadA pashyatAM mAmasau vetti nAsmA\-
     nayaM shvAsa eveti vAcho bhaveyuH |
tadA bhUtibhUShaM bhuja~NgAvanaddhaM
     purAre bhavantaM sphuTaM bhAvayeyam || 24||
yadA yAtanAdehasandehavAhI
     bhavedAtmadehe na moho mahAnme |
tadA kAshashItAMshusa~NkAshamIsha
     smarAre vapuste namaste smarANi || 25||
yadApAramachChAyamasthAnamadbhi\-
     rjanairvA vihInaM gamiShyAmi mArgam |
tadA taM nirundhankR^itAntasya mArgaM
     mahAdeva mahyaM manoj~naM prayachCha || 26||
yadA rauravAdi smaranneva bhItyA
     vrajAmyatra mohaM mahAdeva ghoram |
tadA mAmaho nAtha kastArayiShya\-
     tyanAthaM parAdhInamardhendumaule || 27||
yadA shvetapatrAyatAla~NghyashakteH
     kR^itAntAdbhayaM bhaktavAtsalyabhAvAt |
tadA pAhi mAM pArvatIvallabhAnyaM
     na pashyAmi pAtArametAdR^ishaM me || 28||
idAnImidAnIM mR^itirme bhavitrI\-
     tyaho santataM chintayA pIDito.asmi |
kathaM nAma mA bhUnmR^itau bhItireShA
     namaste gatInAM gate nIlakaNTha || 29||
amaryAdamevAhamAbAlavR^iddhaM
     harantaM kR^itAntaM samIkShyAsmi bhItaH |
mR^itau tAvakA~NghryabjadivyaprasAdA\-
     dbhavAnIpate nirbhayo.ahaM bhavAni || 30||
jarAjanmagarbhAdhivAsAdiduHkhA\-
     nyasahyAni jahyAM jagannAtha deva |
bhavantaM vinA me gatirnaiva shambho
     dayAlo na jAgarti kiM vA dayA te || 31||
shivAyeti shabdo namaHpUrva eSha
     smaranmuktikR^inmR^ityuhA tattvavAchI |
maheshAna mA gAnmanasto vachastaH
     sadA mahyametatpradAnaM prayachCha || 32||
tvamapyamba mAM pashya shItAMshumauli\-
     priye bheShajaM tvaM bhavavyAdhishAntau |
bahukleshabhAjaM padAmbhojapote
     bhavAbdhau nimagnaM nayasvAdya pAram || 33||
anudyallalATAkShivahniprarohai\-
     ravAmasphurachchAruvAmorushobhaiH |
ana~NgabhramadbhogibhUShAvisheShai\-
     rachandrArdhachUDairalaM daivatairnaH || 34||
akaNThekala~NkAdana~Ngebhuja~NgA\-
     dapANaukapAlAdaphAlenalAkShAt |
amauLaushashA~NkAdavAmekalatrA\-
     dahaM devamanyaM na manye na manye || 35||
mahAdeva shambho girIsha trishUlim\-
     stvadIyaM samastaM vibhAtIti yasmAt |
shivAdanyathA daivataM nAbhijAne
     shivo.ahaM shivo.ahaM shivo.ahaM shivo.aham || 36||
yato.ajAyatedaM prapa~nchaM vichitraM
     sthitiM yAti yasminyadekAntamante |
sa karmAdihInaH svaya~njyotirAtmA
     shivo.ahaM shivo.ahaM shivo.ahaM shivo.aham || 37||
kirITe nishesho lalATe hutAsho
     bhuje bhogirAjo gale kAlimA cha |
tanau kAminI yasya tattulyadevaM
     na jAne na jAne na jAne na jAne || 38||
anena stavenAdarAdambikeshaM
     parAM bhaktimAsAdya yaM ye namanti |
mR^itau nirbhayAste janAstaM bhajante
     hR^idambhojamadhye sadAsInamIsham || 39||
bhuja~NgapriyAkalpa shambho mayaivaM
     bhuja~NgaprayAtena vR^ittena kLLiptam |
naraH stotrametatpaThitvorubhaktyA
     suputrAyurArogyamaishvaryameti || 40||

iti shrImatparamahaMsaparivrAjakAchAryasya
shrIgovindabhagavatpUjyapAdashiShyasya
shrImachCha~NkarabhagavatpAda kR^itau
shivabhuja~NgaM sampUrNam ||
##
Encoded and proofread by KamakShi kAmAkShi7 at gmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}