% Text title            : Nandikeshvaraproktam Shivadharma Shivamurti Bhedavarnanam
% File name             : shivadharmashivamUrtibhedavarNanaMnandikeshvaraproktam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 28| 62-93 ||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Nandikeshvaraproktam Shivadharma Shivamurti Bhedavarnanam ..}##
\itxtitle{.. nandikeshvaraproktaM shivadharmashivamUrtibhedavarNanam ..}##\endtitles ##
kiM vaktavyaM mayA devAH trinetrasyAdbhutaM khalu |
charitraM tatpavitraM hi pavitrANAM visheShataH || 1||
harasyAmaravIrasya ra~NkeShvapyavisha~NkayA |
anugrahastadogrANAM paramAnandasAdhanam || 2||
svatantraH sa mahAdevo yaM pashyati dayArNavaH |
tena tIrNaH sa saMsArapApanakrAkaraH khalu || 3||
prabhuchittAnusAreNa ki~NkarANAM tu vartanam |
anyathA viparIta syAt iti nishchitameva hi || 4||
taduktireva vedArtho vedavaktA sa eva hi |
prAmANyamapi vedAnAM na svataH paramArthataH || 5||
parantu shivavAkyatvasvarUpeNeti nishchitam |
vedAstu shivavAkyAni prAmANyaM teShu sarvathA || 6||
dharmatattvaM maheshena j~nAyate nAmarairapi |
kinnarairvA na gandharvaiH narANAM tatra kA kathA || 7||
nityaM sarvaj~namUrtitvAdaShTamUrtiH paraM svataH |
jAnAti tattvadharmANAM sarveShAmapi vastutaH || 8||
ayametAdR^isho dharmaH phalamasyedanityapi |
jAnAti bhagavAn shambhuH sAmbaH saMsAramochakaH || 9||
tanmAyayA paraM vishvaM mohitaM tachcharAcharam |
saMsAre pAtayatyeva punaH punaranekadhA || 10||
aho maheshvaraishvaryamapAramatulaM khalu |
tatkena j~nAyate loke vedairna j~nAyate yataH || 11||
taduktavachanairvedaiH tadrUpAvagamaH katham |
asmaduktena vAkyena nAsmadj~nAnaM yathA tathA || 12||
vedAntagocharaM rUpaM sachchidAnandalakShaNam |
tadasmAbhiH kathaM j~neyaM durj~neyatvAvadhAraNAt || 13||
ye lIlAvigrahaH shambhoH te.avanantAstathAvidhAH |
tadj~nAnamapyashakyaM hi sarvathaiva svabhAvataH || 14||
ekaiko vigrahastasya nAsmannayanagocharaH |
tejaHpu~njasamAkrAntAH tejaHpu~njAH svabhAvataH || 15||
dvibAhavo vigrahAstu koTishaH paramAtmanaH |
tasyaiva koTishastAvat te chaturbAhavaH parAH || 16||
kechidaShTabhujAstasya kechiddashabAhavaH |
sahasrabAhavaH kechit (\-) kechidarbudabAhavaH || 17||
\-(kechitte lakShabAhavaH | te koTibAhavaH kechit)
parArdhabAhavaH kechit mahAdevasya vigrahAH |
divyAbharaNasampannAH te sarve merusannibhAH || 18||
dukUlasaMvR^itAH sarve divyachandanacharchitAH |
umArdhavigrahAH sarve trishUlavarabAhavaH || 19||
te sarve chandrarekhA~NkAH nIlakaNThAH kapardinaH |
kailAsabhuvanAgAraM vyApya sarve vyavasthitAH || 20||
paramAnandasampUrNAH te sarve.api kR^ipArNavAH |
tatprabhAvArNavAntastu na vedairapi shasyate || 21||
tadj~nAnamasmadAdInAM sutarAmapi durlabham |
eteShAM vigrahANAM tu sarveShAM mUlavigrahaH || 22||
chiddhanaH shiva eveti tadj~nAnamatidurlabham |
tatra dvibAhurIshAnavigraho dR^ishyate mayA || 23||
katha~nchiddhoratapasA kR^ipayA.api shivasya me |
shivayA sa yadA yuktaH tadA taddarshanaM param || 24||
kumArasya gaNeshasya tadanyeShAM tu durlabham |
sa vihArArthamAyAti yadA bahirumAM vinA || 25||
tadA sakaruNApUro haro lochanagocharaH |
tasyaiva lIlayA sR^iShTiH sthitiH saMhAra ityapi || 26||
sa katha~nchidvedavAkyaiH virUpAkSho nirUpitaH |
tadAj~nAvashagaM sarvamidaM brahmANDamaNDalam || 27||
vAti vAtastato bhItaH sha~NkarAdugrashAsanAt |
ugrograshAsanAdeva bhItaH sUryo.apyudetyayam || 28||
bhIShAsmAdagnirindrashcha mR^ityurdhAvati pa~nchamaH |
etAdR^ishaM mahAdevaM sarvashrutyantasaMstutam || 29||
      smR^itvA.api muchyate ghoraiH apArairaghasAgaraiH |
archanaM smaraNaM dhyAnaM vandanaM kIrtana tathA || 30||
      japo.api shivali~NgAgre shivasyAnantamuchyate || 31||
shivacharaNasarojAbhyarchanadhyAnadAnasmaraNabhajanagAnArAdhanAlApanAdyaiH |
anupadamanudhAvantyAdarAdindirAdyAH kanakaruchiradaNDAkhaNDachaNDAtapatraiH || 32||

|| iti shivarahasyAntargate nandikeshvaraproktaM shivadharmashivamUrtibhedavarNanaM sampUrNam ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 28| 62\-93 ||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 28. 62-93 ..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}