% Text title : Shiva Puja with 32 parts % File name : shivadvAtriMshopachArapUjana.itx % Category : shiva, pUjA % Location : doc\_shiva % Proofread by : Sunder Hattangadi % Latest update : August 4, 2019 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shiva Puja with 32 parts Dvastrimshopachara pUjana ..}## \itxtitle{.. shivadvAstriMshopachArapUjana ..}##\endtitles ## 1 dhyAnam \-\- dhyAyennityaM maheshaM rajatagirinibhaM chAruchandrAvataMsaM ratnAkalpojjvalA~NgaM parashumR^igavarAbhItihastaM prasannam | padmAsInaM samantAt stutamamaragaNairvyAghrakR^itiM vasAnaM vishvAdyaM vishvavandyaM nikhilabhayaharaM pa~nchavaktraM trinetram || vande deva umApatiM suraguruM vande jagatkAraNaM vande pannagabhUShaNaM mR^igadharaM,vande pashUnAM patim | vande sUryashashA~NkavahninayanaM,vande mukundapriyaM vande bhaktajanAshrayaM cha varadaM,vande shivaM sha~Nkaram || siMhAsanaM kanakaratnamaNi prabhAsvat ChatradhvajA lasita chAmara toraNADhyam | bAlArka koTi sadR^ishaM kanakAmbarADhyaM shrI vishvanAtha tava dhyAnaparaM kariShye || 2 AvAhanam \-\- gandharva kinnara maharShi surendravR^indaiH saMsevyamAna manishaM vR^iShabhAvarUDham | AvAhayAmi girijAsahitaM prasannaM bhaktyA sukhAgatamahaM shirasA namAmi || 3 Asanam \-\- siMhAsanaM kanakaratna maNi\- prabhAsvat ChatradhvajA lasita chAmara toraNADhyam | bAlArka koTi sadR^ishaM kanakAmbarADhyaM shrI vishvanAtha ! manasaiva mayA.arpitaM te || 4 pAdyam \-\- dUrvA~NkurAmbuja\-manohara\-puShpayuktaM shuddhaM jalaM surabhi chUrNa\-samanvitaM cha | sauvarNa\-pAtra\-vilasat padayorvishuddhaM pAdyaM gR^ihANa jagadIsha mayA.arpitaM te || 5 arghyam \-\- durvAyavAkShata sugandhi hiraNya ratnaM darbhAmbujaM tripathagA jala puShpa yuktam | sauvarNa pAtra rachitaM phala yuktamarghyaM tvaM svIkuruShva manasArpitamindumaulai || 6\-AchamanIyam \-\- ga~NgAjalairamR^ita mAdhuratAmupannai\- relAlavi~Nga shubhagandha manobhirAmam | gaurIpate kanakapAtra ghR^itaM mayA te bhaktyArpitaM suchiramAchamanaM gR^ihANa || 7 snAnam \-\- divyadR^imendhana\- samidhdha \- hutAshanAptaiH shuddhodakaiH savimalaishcha samudrajaishcha | gaurIpate parigR^ihANa yathA sukhena snAnammayaiva vidhinA vidhivat pradiShTam || 8 payaH snAnam\-\- divyoShadhi dravabhavaM navanItapUrNaM kShIrAbdhisambhR^ita sudhAdhikadhAmadhAram | svardhenu sambhavamapUrva\- sumiShThametaM snAnAya shuddha murarIkuru devadugdham || 9 dadhi snAnam \-\- karpUra\-kunda\-kumudendu\-karAvadantaM malli praphulla\- kusumAkara\- kAnti kAntam | snAnAya shuddha rasarAja sukomalArchiH snigdhaM shubhaM dadhi dayAnidhaye.arpayAmi || 10 ghR^ita snAnam \-\- tejomayena tapana dyutipAvitena gavyena bhavya vividhinA paramantritena | vahnau sR^itena rachayAmi rasAvR^itena bhaumAmR^ite na cha ghR^itena tavAbhiShekam || 11 madhu snAnam \-\- nAnAvidhauShadhi latA\-rasa\-sambhR^itAntaM mAdhuryamiShTamamR^itaM pratimaM guNena | mANikya pAtra sama pUrita bhakti pUrNa \- ma~NgI kuruShva madhu deva mahesha shambho || 12 sharkarA snAnam \-\- pUraNekShusAgara samudra bhava yA.ati nimnA muktAphaladruma\- sudhAdhikayA mahimnA | sarvA~Nga shodhanavidhau varayA trinetra susnAhi siddha vara sharkarayA mahesha || 13 gandhodaka snAnam \-\- ka~Nkola kuNDmala dalaila\- lava~Nga mishraM jAtiphalA madha \-sugandhi samanvitaM cha | karpUra kesara sugandhibhirindumaulai snAnAya shuddhataragandhamidaM gR^ihANa || 14 udvartana snAnam \-\- jAtijapA kanaka pa~Nkaja mogarAdyai\- ranyaishcha kAla bhava puShpa samanvite cha | bhaktyA mayA sumanasaiva suvAsitaM cha gaurIpate surabhi tailamidaM gR^ihANa || 15 shuddhodaka snAnam \-\- shrI jAhnavI jalamayaM sarasaM sudhAva\- chchailA lavi~Nga shubhagandha manobhirAmam || gaurIpate kanakapAtradhR^itaM mayA te snAnaM gR^ihANa jagadIsha mayA.arpitaM te || 16 vastram \-\- kausheya\-vastra yugalaM kanakairvichitraM bAlArka koTi sadR^ishaM cha manobhirAmam | bhaktyA mayArpitamidaM paridhAya shambho siMhAsane tvamupavishya gR^ihANa pUjAm || 17 yaj~nopavItam \-\- dattammayA sumanasA vachasA kareNa yad brahmacharyasamayaM paramaM pavitram | yad dharmakarma nilayaM paramAyuShaM cha yaj~nopavIta murarIkuru vishvanAtha || 18 gandham\- chandanam \-\- yad shreShThamasti malayAchala chandanAnAM karpUra kesara\- sugandhi\-rasena ghR^iShTam | Amoda \-mAna manishaM manasA dhR^itaM cha shrI chandanaM tva murarI kuru dInabandho || 19 akShatAn \-\- shveterakhaNDita\-manohara shAlIbIjaiH sa.nkShAlitaiH shuchijalaishcha sugandhimishraiH | tvAmarchayAmi bhagavan manasA maheshaM gaurIpate mayi nidhehi kR^ipAkaTAkSha || \-20 puShpam \-\- punnAga jAti bakulAbja rasAla puShpai\- rbilva pravAlaistulasI samanvitaiH | shrI pArijAtAdi\- samud bhavaishcha karomi pUjAM bhagavan gR^ihANa || 21 puShpamAlA\-\- sevantikA\- bakula champaka pATalAbjaiH punnAga jAti\-karavIra\- rasAla puShpaiH | bilva pravAla\-tulasIdala\-mAlatIbhi stvAM pUjayAmi jagadIshvara me prasIda || 22 parimala saubhAgya dravya \-\- shvetAbireNa sahitaM shubha rakta chUrNaM sindUrachUrNa vipulAnvita pItachUrNam | karpUra kesara sugandhi suvAsitaM cha saubhAgyachUrNa murarIkuru dInabandho || 23 dhUpam \-\- kAlAgaroshcha ghR^itamishrita guggulasya dhUpo mayA virachito bhavataH purastAt | AghrAyatAM shuchi manohara gandha pUrNaM tUrNaM vinAshaya maheshvara mohajAlam || 24 dIpam \-\- pUrNe ghR^itena girijesha suvarNapAtre kausumbha sUtra\- draDha varti virAjamAnaH || dIpaH purastava mayA rachito ya eSha shIghraM vinAshayatu me duritAndhakAram || 25 naivedyam \-\- jihvA sudhA\-kanakapAtra virAjamAnaM mantrAdikaM madhura shAka\-phalAvalIDham | pa~nchAmR^ita plutamanekavidhaM rasaughaM sa~NkalpitaM tva murarIkuru dInabandho || 26\- mukhashud.hdhyarthe phalaM kali~Nga koshAtaka saMyutAni jambIra nAri~Nga\- samanvitAni | sunArikelAni cha dADimAni phalAni te deva samarpayAmi || 27 mukhavAsArthe tAbUlam \-\- pUgaiH sa chUrNa khadIrairnavajAti patrai\- rjAtiphalAdika lavi~Nga samanvitaishcha | tAmbUla vITakamidaM manasA dhR^itaM yat tat svIkuru pramathanAtha mahesha shambho || 28 dakShiNA \-\- vibhAvasorbIjamidaM hiraNyadravyaM divyaM prakAshaM vidhigarbha saMstham | gR^ihANa bhUtAdhipate mahesha mudrArpaNaM vai manasArpitaM te || 29 pradakShiNAm \-\- pade pade yA paripUjakebhyaH sadyoshvamedhAdi phalaM dadAti | tAM sarva pApakShaya hetubhUtAM, pradakShiNAM me paritaH karomi || 30 mantra puShpA~njalim \-\- charaNakamala yugmaM pa~NkajaiH pUjayitvA kanakakamalamAlAM kaNThadeshe.arpayitvA | shirasi vinihitoyaM mantrapuShpA~njaliste hR^idayakamalamadhye deva harShaM tanotu || 31 namaskAraH \-\- shAntaM padmAsanasthaM shashidharamukuTaM pa~nchavaktraM trinetraM shUlaM vajraM cha khaDgaM parashumabhayadaM dakShiNA~Nge vahantam | nAgaM pAshaM cha ghaNTAM DamarukasahitaM chA~NkushaM vAmabhAge nAnAla~NkArayuktaM sphaTikamaNinibhaM pArvatIshaM namAmi || pIThaM yasyAH dharitrI jaladharakalashA li~NgamAkAshamUrtiH nakShatraM puShpamAlA grahagaNakusumaM netrachandrArkavahniH | kukShau saptasamudraM bhujagirishikharaM saptapAtAlapAdaM vedaM vaktraM ShaDa~NgaM dashadishivasanaM divyali~NgaM namAmi || pAtAle chAntarikShe dashadishivadane sarvashaile samudre | bhasme kAShThe cha loShThe kShiti jalapavane sthAvare ja~NgamevA || bIje sarvauShadhinAM asurasurapatau puShpapatre tR^iNAgre | eko vyApI shivo.ahamiti vadati harirnAsti devo dvitIyaH || kaNThe yasya virAjate hi garalaM shIrShai cha mandAkinI vAmA~Nke girijAnanaM kaTitaTe shArdUlacharmAmbaram | mAyA yasya ruNAddhi vishvamakhilaM tasmai namaH shambhave jambuvajjalabinduvajjalajavajjambAlavajjAlavat || shivaM shAntaM shuddhaM prakaTamakala~NkaM shrutitanuM maheshAnaM shambhuM sakalasurasaMsevyacharaNam | girIshaM gaurIshaM bhavabhayaharaM niShkalamajaM mahAdevaM vande praNata janatApopashamanam || girIshaM gaNeshaM gale nIlavarNaM gajendrAdhirUDhaM guNAtItarUpam | bhavaM bhAsvaraM bhasmanA bhUShitA~NgaM bhavAnI kalatraM bhaje pa~nchavaktram || 32 kShamApanA \-\- karacharaNakR^itaM vAkkAyajaM karmajaM vA shravaNanayanajaM vA mAnasaM vA.aparAdham | vihitamavihitaM vA sarvametat kShamasva jaya jaya karuNAbdhe shrImahAdeva shambho || ## Proofread by Sunder Hattangadi \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}