% Text title            : Shivagauri Stotram
% File name             : shivagaurIstotram.itx
% Category              : shiva, stotra, pAravtI, devii, devI
% Location              : doc\_shiva
% Proofread by          : Sivakumar Thyagarajan Iyer
% Description/comments  : 40 in Stotrasamuchchaya 1, Edited by Pandit K. Parameshwara Aithal
% Latest update         : September 23, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivagauri Stotram ..}##
\itxtitle{.. shivagaurIstotram ..}##\endtitles ##
OM shrIgaNeshAya namaH |
sR^iNipAshapuShpasharapuNDrachApakaiH
      karapa~NkajaiH kalitabhaktavA~nChitAm |
taruNAruNAruNatanuM trilochanAM
      lalitAM bhaje lalitachandrachUlikAm || 1||
lalitAvibhUShitanijA~NgamUrtaye laliteShuchApasR^iNipAshapANaye |
udayAruNadyutimuShe dayAjuShe madaneshvarAya mahate namo namaH || 2||
a~nchatpa~nchashikhochchama~nchanikaTe chakrAsanAdhyAsinIM
      saundaryasya mahIM navAbdavayasaM gaurIM kulAlApinIm |
mAlApuShpasR^iNIguNA~nchitakarAM pUgapramANastanIM
      bAlAM shrIlalitAmbikAduhitaraM lIlAsamudrAM bhaje || 3||
chintAmaNigrahavarA~nchitashaktichakra
      rakShAkaraM kalitaku~NkumaraktavarNam |
saundaryarAshivapuShaM dashavarShadeshyaM
      vande kumAramadaneshvaramindumaulim || 4||
aparAjitanAmadheyamashvaM sukhamArUDhavatI suvarNavarNA |
vilasanmaNivetrapAshahastA paribhUyAt parameshvarI sapatnAn || 5||
adhiruhya japAruNaM tura~NgaM karapadmA~nchitavetrapAshashaktiH |
paribhUtavipakShapakShako.avyAdaruNAbhaH parameshvarIsahAyaH || 6||
raktAM vichitravasanAM navachandrachUDA\-
      mannapradAnaniratAM stanabhAranamrAm |
nR^ityantamindushakalAbharaNaM vilokya
      hR^iShTAM bhaje bhagavatIM bhavaduHkhahantrIm || 7||
uda~nchitAku~nchitavAmapAdaM sama~nchitAhIndukR^ishAnuhastam |
annapradAM vIkShya mudA maheshIM naTantamAdyaM naTamAshrayAmaH || 8||
aruNAruNakoTitulyakAntiM sR^iNipAshAbhayavA~nChitapradAnaiH |
anuraktakarAM navenduchUDAmakhileshIM bhuvaneshvarIM bhajAmaH || 9||
bAlendukalitottaMsaM bAlAruNasamadyutim |
pAshA~NkushavarAbhItikaraM shambhuM samAshraye || 10||
kulAchalakutUhalaM kusumachApasa~njIvanaM
      kuche kalitavalkalaM gurukR^ipArasaM lochane |
japAsahR^idayaM ruchau japavaTAbhirAmaM kare
      jaTAnibiDitaM kache jayati jIvitaM shAmbhavam || 11||
dattAtreyaM shivaM shAntamindranIlanibhaM prabhum |
AtmamAyArataM devamavadhUtaM digambaram || 12||
bhasmoddhUlitasarvA~NgaM jaTAjUTadharaM vibhum |
chaturbAhumudArA~NgaM praphullakamalekShaNam || 13||
j~nAnayoganidhiM vishvaguruM yogijanapriyam |
bhaktAnukampinaM sarvasAkShiNaM siddhasevitam || 14||
evaM yaH satataM dhyAyed devadevaM sanAtanam |
sa muktaH sarvapApebhyo niHshreyasamavApnuyAt || 15||

iti shrIshivagaurIstotraM sampUrNam |

(40)
##
Proofread by Sivakumar Thyagarajan Iyer

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}