% Text title            : Devanprati Deviproktam Shivajnanopadesham 1
% File name             : shivajnAnopadesham1devAnpratideviproktaM.itx
% Category              : shiva, shivarahasya, upadesha, advice
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 53 - devakRitadevIstutiH | 24-48||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Devanprati Deviproktam Shivajnanopadesham 1 ..}##
\itxtitle{.. devAnprati deviproktaM shivaj~nAnopadesham 1 ..}##\endtitles ##
devAH \-
tvayA sammohitAssarve na jAnImo maheshvaram |
sarvadevasamaM j~nAtvA kAraNAnAM cha kAraNam || 24||
patInAM patimIshAnaM chetanAnAM cha chetanam |
tasyaiva virahAtsarve tR^iNametatpurogatam || 25||
jagatsR^iShTyantakAryeShu sphItAvapi maheshvari |
ki~nchitkartumanIshAhi tvAM prapannAssadAmbike || 26||
namaste.astu jaganmAtaH prasannA bhava nassadA |
tvayAvR^itamidaM sarvaM tvayA sampAlyate jagat || 27||
tvayyevAnte layaM yAti sadevAsuramAnuSham |
tvaM shaktiH paramA devI maheshArdhA~NgabhAginI || 28||
tvatprasAdena sarveShAM mohanAsho bhavechChive |
sarvatra rUDhA shaktistvaM mAyA mAyI maheshvaraH || 29||
tvAM prapannA vayaMsarve mohitAstavamAyayA |
ityuktvA brahmaviShNvAdyAH praNamya bhuvi daNDavat || 30||
athotthAya nabhomadhyaM dadR^ishussarva eva te |
nIlatoyadamadhyasthavidyullekhevabhAsurAm || 31||
niShTaptakanakAbhAsAM sarvAbharaNabhUShitAm |
bAlendubaddhamukuTAM somadhAmasamAnanAm || 32||
nIlendIvaranetrAntAM pavitrAkR^itisundarAm |
dR^iShTvA punaH praNamyeshIM rakSha rakSheti chAbruvan || 33||
\- \-
devAnAM vachanaM shrutvA hyumovAcha surAMstadA |
pragalbhadhIramadhuraM devAj~nAnavinAshanam || 34||
\- \-
devyuvAcha \-
eSha brahmaiSha AtmA praNavapadagato mAtR^imAtrAdihIno
mAyI mAyAtvahaM vai shaktirasmIha devAH |
sarveshashshaktimAMshcha prakR^itiparavasho vishvametadvichitraM
vishvodbhUtAbhavantassakalabhavaharaM tambhajadhvaM mahesham || 35||
yato vai haribrahmarudrendrapUrvaM prajAtAstha yasmiMsthitA eva nUnam |
bhavadbhistataM lokajAlaM kiledaM prapadyadhvamIshaM bhajadhvaM mahesham || 36||
shaktistvahaM yasya jagatsamagraM karomi lIlAmiShatAM bhavadbhiH |
bhavaprasAdena bhavaikamochanaM mamaiva shaktiM sharaNaM prayAta || 37||
na tasya kAryaM karaNaM shivasya sanAtano nityashuddhaH purANaH |
yanmAyayA mohitAstha prajeshAstasyaivetadvirahAtsarvamevam || 38||
vyarthaM bhUyAttArNakasyopamAnAtsarve devA rudramIshAnamArAt |
drutaM tamiShTaM gaganAntarasthaM sarvendriyeNoparataM bhajadhvam || 39||
skandaH \-
ityuktvA sA jaganmAtA tirodhatta surAnprati |
devA devyuditaM shrutvA sarve prA~njalayastadA || 40||
vibhUtibhUShitairgAtraistripuNDraparishobhitAH |
kR^itvA vrataM pAshupataM kR^itali~NgArchanAssurAH || 41||
rudrAdhyAyajapenaiva pa~nchAkSharaparAssadA |
pa~nchAsyadhyAnasaMsaktAssaMvatsaramatandritAH || 42||
adR^iShTvaiva mahAdevaM jagatAM jananImapi |
UrdhvabAhava IshAnaM tuShTuvuH parameshvaram || 43||
bhaktyA tvananyayA devAH prabaddhakarasampuTAH |
raudrairR^iksAmasambhUtaistathAdharvashirogataiH || 44||
devyuvAcha \-
praNavapravaNeShu te kR^ipANA bhItivinAsya sukR^itaikaramArNaveShu |
nirvANakAraNabhavArNavakarNadhAratvadvAchyashabdamabhidhAtR^igaNAshshrayAmaH || 45||
tvAmagnimILa iti mauliR^ichAbhidhatte vedoditastaditarastviShamUrjamAha |
tvAmandhasAmpatimanuttamamIshitAraM sAmnAdime.apyavanahetumathAgnimAha || 46||
tvAM shambhuva~njalamayaM tanuvaM tavesha sAkShAdadharvaNagirA prakaTAShTamUrte |
nIrUpavarNakathane tava te nivR^ittA vedAshchatastrakamahAshikhashAkhabhedAH || 47||
vAchA manastvatigataM bhagavantameva bhaktyA tavAShTagaNitaistanubhisstuvanti || 48||

|| iti shivarahasyAntargate mAheshvarAkhye devAnprati deviproktaM shivaj~nAnopadesham 1||

\- || shrIshivarahasyam | mAheshvarAkhyaH prathamAMshaH | adhyAyaH 53 \- devakR^itadevIstutiH | 24\-48||
##
- .. shrIshivarahasyam . mAheshvarAkhyaH prathamAMshaH . adhyAyaH 53 - devakRRitadevIstutiH . 24-48..

Notes:
Deva-s ##devAH## eulogize Devī ##devI##; and upon being beseeched by them, She obliges them with Śivajñānam ##shivaj~nAnam ## that they sought.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}