% Text title : shivakarNAmRRitam % File name : shivakarNAmRRitam.itx % Category : shiva, trishatI, appayya-dIkShita % Location : doc\_shiva % Author : Appayya Dixit % Transliterated by : Usha Rani Sanka usharani.sanka at gmail.com % Proofread by : Usha Rani Sanka usharani.sanka at gmail.com % Description/comments : Text in AsvAdini authored by Dornal Vishwanath Sharma with Telugu Commentary on total 368 verses. % Latest update : April 28, 2018 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri ShivakarnAmritam ..}## \itxtitle{.. shrIshivakarNAmR^itam ..}##\endtitles ## shrIshivakarNAmRRitaM ## is a beautiful treatise, in praise of Bhagavan Shiva on reading which devotion on Shiva is easy to sprout. The author of this work is ##shrImadappayya dIkShita yatIndra ## who writes on the name of his gotra, bhAradvAja. He is a renowned ## Ala~NkArika\, vaiyAkaraNa\, vedAntI\, shivabhakta\,## and much more. This powerful work, from 17th century, resembles ##shrIkRRiShNakarNAmRRitaM## in many ways. It has 3 chapters named adhyAyas, and the total number of verses is 102+102+164 i.e. 368. More than 60 kinds of ##ala~NkAra## are employed in this work along with ## bandha\, garbha\,## and ##chitra kavitva##. So it is a perfect combination of ## kAvyasaundarya## and ##bhakti\. OM shrIgaNeshAya namaH | shrIsarasvatyai namaH | OM shrIgurubhyo namaH | \section{1. prathamo.adhyAyaH |} shrIpArvatIsukuchaku~NkumarAjamAnavakShaHsthalA~nchitamameyaguNaprapa~ncham | vandArubhaktajanama~NgaladAyakaM taM vande sadAshivamahaM varadaM mahesham || 1\.1|| nandannandanamindirApatimanovandyaM sumandAkinI\- syandatsundarashekharaM prabhunutammandArapuShpArchitam | bhAsvantaM surayAminIcharanutaM bhavyammaho bhAvaye herambaM himavatsutAmatimahAnandAvahaM shrIvaham || 1\.2|| Alokya bAlakamacha~nchalamuchchalatsukarNAvibodhitanijAnanalokanaM saH | sAmbaH svamaulisubhagAnanapUtkR^itaistamAli~Ngayannavatu mAmalamAdareNa || 1\.3|| kaNThotpalaM vimalakAyaruchipravAhaM ardhendukairavamahaM praNamAmi nityam | hastAmbujaM vimalabhUtiparAgarItiM IshahradaM chaTulalochanamInajAlam || 1\.4|| ra~Ngattu~Ngatara~Ngasa~Ngatalasadga~NgAjharaprasphurad\- bhasmoddhUlitasarvakAyamamalaM mattebhakR^ittyAvR^itam | ArUDhaM vR^iShamadbhutAkR^itimahaM vIkShe nitambasphuran\- nIlAbhrachchuritorushR^i~NgamahitaM taM santatammAnase || 1\.5|| sitamahojjvalamekamupAsmahe vimalapANDuruchiM dadhadAnane | ubhayayogamatIva sarasvatItripathagAjharayoH shivayoriva || 1\.6|| lAlATalochanapuraHsphuraNAtiraktaM yAmye dishi pradhavalAvR^itabhUnabhontam | chitraM dhaneshakakubantavijR^imbhipANDu pashchAt smarAmi ghanaveNivinIlamojaH || 1\.7|| bhavyachandrakR^ishAnubhAskaralochanaM bhavamochanaM vArijodbhavavAsavAdikarakShaNaM gajashikShaNam | mandirAyitarAjatAchalakandaraM ghanasundaraM bhAvayAmi dayAbhinanditaki~NkaraM hR^idi sha~Nkaram || 1\.8|| anekarUpAbhiracha~nchalAbhiH samAdhiniShThA sarasAntarAbhiH | pratikShaNaM satpramadAvalIbhiH prapUjyamAnaM prabhumAshraye.aham || 1\.9|| lalitaM sharadabhrashubhradehaM karuNApA~Ngatara~Ngara~NgadIkSham | parishIlitavedasaudhamodaM kalaye.aki~nchidavAryadhairyamojaH || 1\.10|| sarasijabhavamukhyaiH sAdaraM pUjitAbhyAM maNiyutaphaNirUpairnUpurai rAjitAbhyAm | satatanatajanAlIsarvasampatpradAbhyAM bahumatihR^idayamme bhAvukaM shrIpadAbhyAm || 1\.11|| vipulataravibhAbhyAM vishrutaprAbhavAbhyAM pramathagaNanutAbhyAM prasphuradyAvakAbhyAm | tribhuvanaviditAbhyAM divyapuShpArchitAbhyAM shivavaracharaNAbhyAM siddhidAbhyAM namo.astu || 1\.12|| tu~NgAntara~NgaghanagA~Ngatara~NgasA~NgashR^i~NgArasa~NgatamahollasaduttamA~Ngam | a~NgIkR^itA~Ngabhavabha~Ngamasa~Ngali~Ngasa~NgItamIshamanishaM kalayAmi chitte || 1\.13|| nityaM prabha~njanasujIvanapu~njama~njuma~njIrara~njitataraM purabha~njanasya | ka~njAtasa~njayadhurandharama~njasA naH sa~njIvanaM bhavatu santatama~Nghriyugmam || 1\.14|| manmahe manmanodeshe tatpadaM parameshituH | yat sadA vedavedAntapratipAditavaibhavam || 1\.15|| sharaNammamAstu taruNIyutA sphuracharaNadvayI phaNiphaNAmaNiprabhA | sakalaM prakAshayatu sarvadevarANmakuTastharatnamahanIyadIpikA || 1\.16|| sharaNAgatabharaNAtatakaruNAkarahR^idayaM suramAnitaparamAdbhutasharamAritavimatam | shamalAlitakamalAsanavimalAsanavinutaM bhaja mAnasa nijamAshrayamajamAhatamadanam || 1\.17|| gaurIvilAsarasalAlasasatkaTAkShavIkShAdR^itAbdavimalAmR^itarukprasAram | kandarpadarpamathanaM ghananIlakaNThaM vandAmahe vayamanAdimanantamIsham || 1\.18|| padaprachuraki~NkiNIkiNikiNidhvanibhrAjitaM haripramukhadevatAdhR^italasanmR^ida~NgAdikam | dhimindhimitadiddhitoddhuraravAnusArikramaM sadA svamati ma~NgalaM dishatu shAmbhavaM tANDavam || 1\.19|| svAntaM bhrAntisamR^iddhabAhyaviShayavyAvR^ittapa~nchendriyaM sadyojAtamukhAdyamantrasahitaM padmAsanAtyadbhutam | dhyAyan manmanasi smarAmi mahitaM satyasvarUpAnubhU\- tyAnandaikarasollasatpashupateshchittaM yamatvAnvitam || 1\.20|| anantaniShThAtigariShThayogaM sadAshayairvApi virAjamAnam | pinAkapANistu vinAdhunApi shivaM na pashyAmi dayAsamudram || 1\.21|| apUrvatAbhAsipunarbhavAptaM vibhUtivinyAsavisheShakAntim | sarojabhUviShNusureshakAmyaM drakShye kadA shaivapadammudAham || 1\.22|| sumukhammukhamasya darshayadvidhuchUDAmaNishobhitadaivataM sadayaM hR^idayaM sadA kadA kalitAnandakaraM karoti naH || 1\.23|| akSharakShaNanirIkShaNarakShaM dakShayAgavarashikShaNadakSham | shikShito.agraviShabhakShaNapakShaM lakShayAmi shamalakShaNadIkSham || 1\.24|| ga~NgAtara~NgapatadambukaNAvR^itena mastendukhaNDamR^iduchandrikayAvR^itena | pratyakShatAmupagatena tvadAnanena shrIkaNTha me.akShiyugalaM kuru shItalaM tvam || 1\.25|| kadA vA shrUyante pramathajayashabdadviguNitAH shivodvAhaprA~nchadvR^iShabhagalasatki~NkiNiravAH | kadA vA kailAsAchalanilayadivyA guruchayAH kathaM vA dR^ishyante kalitabhasitA~NgAbhiruchirAH || 1\.26|| anindyamAnandamayaM nirAmayaM nira~njanaM niShkalamadvayaM vibhum | anAdimadhyAntamaho paraM shivaM hR^idantare sAdhu vidanti yoginaH || 1\.27|| ardhA~NgoparigirikanyakAlalAma\- prodbhAsitrinayanamindukhaNDabhUSham | bhaktAnAmabhayadamIshvararasvarUpaM pratyakShammama bhavatAt parAtparaM tat || 1\.28|| anugrahAnme sumukho bhavAshu kR^itArthatAmasmi gatastato.aham | kimAtmabhaktyA sumukhe tvayIsha kimAtmabhaktyA vimukhe tvayIsha || 1\.29|| nipatya pAdAbjayuge tvadIye vibho vidhAyA~njalimIsha yAche | mamogratApaM tava darshanaika\- kathAmR^itAsArabharAnnirasya || 1\.30|| nityaM surAsuragajAvanakIrtanIye siMhAsanasya girijApatidarshanIye | gandharvagAnarachanAnugatAnukU(kA)le lolaM vilochanayugammama tANDave.astu || 1\.31|| tvattANDavaM sakalalokasukhai(shubhai)kamUlaM gaurImanoharamanekavidhikramADhyam | draShTummahesha mama charmavilochanAbhyAM bhogyaM bhavAntarasahasrakR^itaM kadA nu || 1\.32|| shrImanti pAvanatarANi sudhAntarANi sarvottarANi hR^idayAdvayajIvanAni | anyonyamIsha tava chAdritanUbhavAyAH sallAparUpavachanAni kadA shR^iNomi || 1\.33|| anekalIlAgatichAturIyutaM tavesha voDhurvR^iShabhasya nartitam | sabhUShaNadhvAnakhurArAravaM kadA kariShyati shrotrayugotsavammama || 1\.34|| shArdUlacharmaparivItapavitramUrtiM chandrAvataMsakasama~nchitachArumastam | nandIshavAhanamanAthamanAthanAthaM tvAM pAtumutsukataro.asmi vilochanAbhyAm || 1\.35|| kura~Ngara~NgattaramadhyabhAgaM bhuja~NgamashrIkaraka~NkaNADhyam | hastaM prashastaM tava mastake me nidhAya nityAbhayamIsha dehi || 1\.36|| yAvanna mAM bhavadadarshanarandravedi tApatrayaM paridR^iDhaM nitarAndhunoti | tAvanmahesha kuru chandravilochanena dR^iShTvA sushItalamatIva sudhAmayena || 1\.37|| yAvanna me manasi duShTatamo.abhivR^iddhiH sarvArthadarshanavighAtakarI durantA | tAvatkShaNaM tava vilochanarUpasUryatejaH prasAraya mayIshvara dInabandho || 1\.38|| he rudra he mahita he paramesha shambho he sharva he girisha he shiva he svayambho | he deva he pashupate karuNArdrachitta gantummamAkShipathameSha kathaM vilambaH || 1\.39|| kimidamuditaM vAraM vAraM trilokadhurandharaM madanamathanammAyAtItammadantaravartinam | yamaniyamanaM kAruNyAmbhonidhiM parameshvaraM bahu rasanayA stutvA kartuM prasannataraM yate || 1\.40|| he shambho shiva he maheshvara vibho vArANasIsha prabho he mR^ityu~njaya he himAdritanayAprANesha he sha~Nkara | he kailAsagirIsha he pashupate he sheShabhUShAdR^ite he nandIshvaravAhanA~nchitagate he devadeveshvara || 1\.41|| he gaurIkuchakumbhamardanapaTo he sarvalokaprabho he herambakumAranandanaguro he chandrachUDAmaNe | he ga~NgAdhara he gajAsuraripo he vIrabhadrAkR^ite he vishveshvara he mahAgaNapate he pa~nchabANApriya || 1\.42|| he shrIkaNTha janArdanapriya guro he bhaktachintAmaNe he sarvA~nchita sarvama~Ngalatano he satkR^ipAvAridhe | he rudrAmitabhUtanAyakapate he viShTapAla~NkR^ite he sarvesha samastasadguNanidhe he rAjarAjapriya || 1\.43|| he viShNvameyacharaNarajara~NgavibhIkara | karavAlahatAmitra mitrakoTisamaprabha || 1\.44|| vanditAmandakundAravindendusatsundarAnandasandohakandAkR^ite mandamandArthasaMsAranindAmate pAhi mAM he vibho pArvatIsha prabho || 1\.45|| atrigotraprabhUmitrachitrAMshusadgotranetratrayIpAtrachitrAnana | shatruvitrAsakR^ijjaitrAyAtrAsthite pAhi mAM he vibho pArvatIsha prabho || 1\.46|| chaNDadordaNDapiNDIkR^itoddaNDasattuNDashauryaprachaNDebhagaNDasthala | kuNDalashrIbhajatkuNDalIsha prabho pAhi mAM he vibho pArvatIsha prabho || 1\.47|| bhadraraudrAbhakadrUtanUjAdhirANmudritAkShudrarudrAkShamAlAdhara | rudra chidrUpadR^igvIrabhadrAkR^ite pAhi mAM he vibho pArvatIsha prabho || 1\.48|| durgamasvargamArgatrimArgApavargapradAnargalA~nchannisargAkara | bhargagargAdimaunIDya durgApate pAhi mAM he vibho pArvatIsha prabho || 1\.49|| taruNAruNatulyaphaNasthamaNIghR^iNimaNDitasheShakirITadhara | sharaNAgatarakShaNadakSha vibho karuNAkara sha~Nkara pAlaya mAm || 1\.50|| trayInirmANachaturachaturAnanavandita | vanditAlambivibudha vibudhapratha rakSha mAm || 1\.51|| shashimakuTataDidaruNajaTamukhakR^ipITa\- sphuTaniTalataTaghaTitavikaTakaTuvahne | vaTaviTapinikaTapaTuchaTulanaTanAti prakaTabhaTakuTilapaTavighaTana shambho || 1\.52|| ruchiravaranichayamR^igamadarachanagaurI\- kuchalikucharuchinichayakhachitashuchimUrte | prachuratarachaturanigamavachanapAlI nichayasuvachanavikachavimalaguNa shambho || 1\.53|| adaradarakaravisarapuraharaNakelI sthiramurahR^idamaradharasharavarasharAsa | sarasasuranikarakarasarasiruhapUjA\- bharabharaNagurusharaNacharaNayuga shambho || 1\.54|| shoNaprabhaM charaNamekamahaM namAmi shubhraM vilochanayugekShaNanIlamanyam | anyonyayogashivayoH shashipadmayoshcha yugmaM kala~NkamadhupasphuTayostayoshcha || 1\.55|| shrImadanantabhavyaguNasImasamAdR^itadevatAnate somakalAvataMsa ghanasundara kandhara bandhurAkR^ite | kAminikAmabhIma nijakAmitadAnalasanmahAmate sAmajacharmachela shiva sha~Nkara mAmava pArvatIpate || 1\.56|| sarvasharIragastvamasi sarvaniyAmaka eka eva san sarvavidAdideva hara sarvadR^igIshvara sarvarakShitA | sarvasamashcha mAmavatu sannatamevamupekShase kathaM sharva bhavogra bhIma shiva sha~Nkara mAmava pArvatIpate || 1\.57|| karma tatheti chedvadasi kAdhikatA tava sarvataH prabho dharmaratasya sarvamapi dharmata eva bhavAn kimantaram | nirmalapuNyakarma mahanIya kathaM tvadanugrahaM vinA sharma dadAshu dehi shiva sha~Nkara mAmava pArvatIpate || 1\.58|| anyamanAthanAtha phaNihaMsakamAna gR^ihANa mAnase dhanya tathA na bodhayati tattvamasIti vachastripa~nchatam | shUnyamidaM tvayi sphurati shuktidale rajataM yathArjunaM sanyasanAdi tasya shiva sha~Nkara mAmava pArvatIpate || 1\.59|| sanmahanIyamIsha tava sAvayavaM vapurIsha sAgamaM chinmayavigrahasya parishIlanamIshvara me bhavetkatham | tvanmayabhAvanA tu hR^idi nAsti hi nAsti hi nAsti nAsti me janma nirarthakaM hi shiva sha~Nkara mAmava pArvatIpate || 1\.60|| rUpamavekShitaM na tava rudra mayeha kathApi na shrutA dhUpasuvAsanApi gaNatoShaNa no mama nAsikAM gatA | nApi supItamIShadapi nAmakathAmR^itama~NghrivAri na sthApitamAtmamUrdhni shiva sha~Nkara mAmava pArvatIpate || 1\.61|| pAdayugaM kadAchidapi bAlatayA tava nArchitaM mayA vedamahaM na shAstramapi vedmi taveshvara na stutiH kR^itA | vAdaratohamalpagR^ihavAsanayA nitarAmaharnishaM sAdaramAshu vIkShya shiva sha~Nkara mAmava pArvatIpate || 1\.62|| svarganadIshasAyaka na janma bhavashcha mR^itishcha santi te durgamameShu tadbahu na duHkhamidaM bhavatAnubhUyate | bharga tadevamebhiratibAdhakabhAvamupaiShi no dhruvaM sargalayastitIsha shiva sha~Nkara mAmava pArvatIpate || 1\.63|| AkR^itireva nAsti tava hA kathamIshvara bhAvayAmyahaM svIkR^itahetibhUtiviShasheShajaTAvikapAlamAlike | dhIkR^itavigrahe viShamadR^iShTidigambarapa~nchavaktratA sAkR^iti bhItidA hi shiva sha~Nkara mAmava pArvatIpate || 1\.64|| pAtratayAhamadya paribhAvya cha dInadayAlutAM tava stotramahaM karomi mama doShagaNaM parihR^itya shAshvatam | gotrabhidAdikAmyavara gopativAha vitIrya te padaM shAtravatoShashoSha shiva sha~Nkara mAmava pArvatIpate || 1\.65|| tvaM jananI pitA cha mama daivatamIsha gurussakheshitA tvaM jagadIsha bandhurapi vastu cha mUladhanaM cha jIvitam | tvaM jaya dhAma bhUma paratattvamavaimi na ki~nchinAparaM tvaM janamaishamAshu shiva sha~Nkara mAmava pArvatIpate || 1\.66|| jaya jaya hArahArishashichArusharIra vikAsahAsabhR^it jaya jaya shAnta dAnta vasuchandraravIkShaNa nityanR^ityakR^it | jaya jaya chaNDadaNDadharashAsana santatabhaktasaktahR^it jaya jaya sheShabhUSha shiva sha~Nkara mAmava pArvatIpate || 1\.67|| sthUlAt sthUlatamamuruj~nAnihitaM sUkShmatamamaho sUkShmAt | rUpaM tAvakamatulaM j~nAtuM me bhavati nesha sAmarthyam || 1\.68|| gaurImanoharaM divyasundaraM tava vigraham | bhaktAnugrAhakaM shambho dR^iShTvAhaM stotumutsahe || 1\.69|| tvatsaubhAgyaM tvaddayAM tvadvilAsAn tvatsAmarthyaM tvadvibhUtiM tvadIkShAm | tvadvidyAshcha tvatpadaM tvachCharIraM tattvaM shambho varNituM kassamarthaH || 1\.70|| a~NgammauktikarAshima~njimamahodAraM shirashchandramaH koTIraM niTalammanobhavadavajvAlAkarAlAgniyuk | vaktraM te shiva mandahAsakalitaM grIvaM vinIlaprabhaM cheto dInadayAparaM paramidaM rUpaM hR^idi stAnnu me || 1\.71|| vyomakeshAH sudhAsUtiH kirITaM sraksurApagA | tArA puShpANi bhoH shambho tava shlAghyataraM shiraH || 1\.72|| hastau vinirmitashivAghanakeshahastau pAdau pavitratamahArajatAdripAdau | vAchaH sphuTaM rachitabandhurapUrvavAcho\- vR^ittirmahesha tava sambhR^italokavR^ittiH || 1\.73|| dehe.arjunaM kaNThatale cha kR^iShNaM lalATamadhye jvalanaM dR^igantaH | bhAsvajjaTAlyAmaruNammahesha rUpaM tvadIyaM bahudevachitram || 1\.74|| charaNaM sharaNaM bharaNaM karaNaM hR^idayaM sadayaM vadanaM madanam | alikaM phalikaM vimalaM kamalaM tava bhUtapate bhava bhAsvarate || 1\.75|| idamadbhutamIshAkhyamavij~neyaM surAsuraiH | vairAgye bahubhoge cha samaM samarasaM mahaH || 1\.76|| kailAse pramathaiH surAsurayutaiH svasvastikaM sA~njali\- prasthaM sthApitaratnakA~nchanamahAsiMhAsane saMsthitam | ardhA~Nge nihitAdrirAjatanayAM sAnandaminduprabhaM tvAM bhaktyA hi bhajanti sha~Nkara tathA taddraShTumatyutsukaH || 1\.77|| kAruNyasIma kapaTAcharaNaikasIma vairAgyasIma vanitAdaraNaikasIma | AnandasIma jagadAharaNaikasIma kaivalyasIma kalaye gaNabhAgyasIma || 1\.78|| shvetochChaladgA~Ngatara~NgabindumuktAsragAnaddhajaTAkalApam | nirantaraM chandrakirITashobhi namAmi mAheshvamuttamA~Ngam || 1\.79|| bhUtitripuNDrAshritaphAlabhAgaM netratrayIra~njitama~njushobham | bhaktAvalIlAlanalolahAsaM mAheshvaraM pa~nchamukhaM namAmi || 1\.80|| trishUlapAshA~NkushapaTTipAsigadAdhanurbANadharaM natAnAm | abhItidaM kuNDalika~NkaNADhyAM mAheshvaraM hastachayaM bhaje.aham || 1\.81|| samastasurapUjite svarabalAbhinIrAjite vibhUtibharabhAsite vimalapuShpasaMvAsite | bhuja~NgapatinUpure budhajanAvanashrIpare mahAmahimanI bhaje manasi shaivapAdAmbuje || 1\.82|| jaTAvalIchandrakalAbhraga~NgAM kapAlamAlAkalilottamA~NgAm | digambarAM pa~nchamukhIM trinetrAM shivAshritAM shaivatanuM bhaje.aham || 1\.83|| bherImR^ida~NgapaNavAnakatUryasha~NkhavINAravaiH saha jayadhvaniveNunAdaH | saptasvarAnuguNagAnamanoharo.ayaM karNadvayaM mama kadA samupaiti shambho || 1\.84|| shivamastendurekhayAshchandrikeyaM samAgatA | satyaM yato nirastamme bAhyamAbhyantaraM tamaH || 1\.85|| sandR^ishyate.asau vR^iShabho dhvajAgre vasanmayA shR^i~Ngayugena kopAt | vakrasvabhAvaM sadR^ishaM dvikoTimardhendumAhantumivotpatan kham || 1\.86|| muktidvArastambhashumbhadviShANo lIlAchArashrIchaturvartitA~NghriH | prApto.ayamme dR^ikpathammandagAmI bubhrachChambhuM shubhradeho mahokShaH || 1\.87|| mayi sthitaM shambhumavekShya tUrNamAgatya dhanyA bhavateti sa.nj~nAm | kurvannivAyAti puro vR^iSho.ayaM muhurmuhuH kampanato mukhasya || 1\.88|| bhAtyayaM vR^iShabhaH shubhrAM mahatIM kakudaM dadhat | prItaye purataH shambhoH kailAsAdriM vahanniva || 1\.89|| kimidaM yugapachchitraM puShpavantAvihoditA | pratyakShIbhavataH shambhorime netre bhaviShyataH || 1\.90|| sahasrAMshusahasrANAM prakAshakamidammahaH | prArthitaH samprati shivaH pratyakShatvaM gato mama || 1\.91|| romA~nchitaM sarvamidaM sharIraM sAnandabAShpe nayane mano.anu | vikAsi kAyammahadAshu jAtaM shivasya sandarshanato mamAho || 1\.92|| anekajanmArjitapAtakAni dagdhAni me darshanataH shivasya | nedaM vichitraM shivadarshanena kAmo hi dagdho.akhiladuShpradharShaH || 1\.93|| aho bhAgyamaho bhAgyammahadIshvaradarshanAt | kR^itArtho.ahaM kR^itArtho.ahaM trailokye.api na saMshyaH || 1\.94|| namaskaromyahamidaM kAyena manasA girA | AnandaikarasaM devaM bhaktAnugrahaNaM shivam || 1\.95|| namaH paramakalyANadAyine hatamAyine | himAlachalatanUjAtA rAgiNe.ativirAgiNe || 1\.96|| namaH kundendudhavalamUrtaye bhavyakIrtaye | nirastabhaktasaMsAranItaye.anekabhUtaye || 1\.97|| bhAratIshrIshachImukhyasaurakAntArchitA~Nghraye | vArANasIpurAdhIsha sArAchArAya te namaH || 1\.98|| namo vedasvarUpAya guNatrayavibhAgine | lokakartre lokabhartre lokahartre cha te namaH || 1\.99|| namaste pArvatInAtha namaste vR^iShabhadhvaja | namaste parameshAna namaste nandivAhana || 1\.100|| namaste namaste mahAdevashambho namaste namaste paresha svayambho | namaste namasteshirassaurasindho namaste namaste trilokaikabandho || 1\.101|| shrIkarI paThatAmeShA shivakarNAmR^itastutiH | shivAnandakarI nityaM bhUyAdAchandratArakam || 1\.102|| \section{2. dvitIyo.adhyAyaH |} ghanamadhumadhuroktisyandamAnandakandaM varaguNamaNivR^indaM vandyamojaH purAreH | bhajatu nijajanArtrerbheShakR^idroShadoSha\- dviShadatimatiyoShAbhUShitaM bhAShitamme || 2\.1|| yadvIkShyAmR^itamityamartyavanitAH pAtuM yatante mudA yajjyotsneti chakorikAtatiratipremNAbhidhAvatyalam | yatkShIrAmbudhirityana~NgajananI santoShataH prekShate tattejaH puramardanasya dhavalaM pAyAt sadA sAdhu mAm || 2\.2|| svodvAhArthaM dR^iDhamatijale shItale kaNThadaghne kurvantyAH svamprati bahu tapaH shailajAyAstadA nu | pratyakShaH san paridhR^ikaraHsasmitaH kAntayAlaM prItasphItaM chakitachakitaM prekShito naH shivo.avyAt || 2\.3|| yada~NgamachchaM girijotpalavichChavirvilochanAlokanasamprakIrNam | sphuTotpalaM gA~Ngamiva sma bhAti srotassa pAyAt satataM shivo naH || 2\.4|| buddhe shuddhe janani bhavatIM duShTabhogAnuShaktAM kurve sarveShvahamanitaraM vakrakarmA durAtmA | tattvaM kShemaM kalaya kushale na dhruvaM nAnyasaktA nityaM sthitvA charaNayugale yogarUpasya shambhoH || 2\.5|| tattanmantrairnigamaviditairvAyunApUrya nAsAn saMrundantaM savidhacharamArechanAda~NgulIbhiH | yoge mArgAnnibhR^itanayanaM baddhapadmAsanA~NghriM seve bhAve himagiritaTe taM tapasyantamIsham || 2\.6|| nityaM nityaM nigamavachanairdharmanarmANi sA~NgaM kailAsAdrau ghanamunivarairvAdayantaM vasantam | tattvArthaM prAgvachanashirasAM taM trayANAM purANAM hartArammAnasa bhaja sadA shailajAprANanAtham || 2\.7|| mastanyastAtulitavilasachchandrarekhAvataMso hemAbhAbhirvihitamahitashrIjaTAbhistaTidbhiH | kurvan sarvAnagaNitaphalAn haMsasantoShakArI vAraM vAraM hR^idayamayate me sharatkAlameghaH || 2\.8|| yasmin sarvAdhikabahuguNairva~nchayitvA manassvaM hR^itvAntardhiM gatavati tapovaibhavena svadesham | pratyAkR^iShyAharadagasutA yanmanaHsArdhadehaM yAvajjIvaM sarasamavatAnno maheshaH sa nityam || 2\.9|| kailAsAdrau vanaviharaNe hAsato va~nchanArthaM vR^ikShaskandhAntaritavapuShaM dhIramArAdadR^iShTvA | yaH paurastye sitamaNitaTe vismitAM pArvatIM drAg Ali~Ngan mAM sa paramashivaH pAtu mAyAvilAsI || 2\.10|| bhavatu mama bhaviShyajjanma kailAsabhUmI\- dharataTavasudhAyAM bilvarUpeNa patram | yadi vinihitamekaM jAtu kenApi shambhoH sarasapadayuge vA sheShabhAgyaM bhajeyam || 2\.11|| kathaya kathaya jihve kAmade me trisandhyaM ravishashishikhinetraM rAjarAjasya mitram | pramathanivahapAlaM pArvatIbhAgyajAlaM gurutararuchimallIguchChasachChAyamIsham || 2\.12|| ayi bhujagapate tvaM vartase karNamUle niratamapi sahasraM santi vaktrANi santi | bhavati cha tava sadvAkchAturI teva yAche bahu vada samaye me prArthanAM sAdhu shambhoH || 2\.13|| vihitarajatashailaM vedajAlaikamUlaM madanamathanashIlaM mastakA~nchat kapAlam | analaruchiraphAlaM hastabhAsvat trishUlaM suranutaguNajAlaM staumi gaurIvilolam || 2\.14|| purajayaghanayodhaM pUritAnandabodhaM ghaTitayamanirodhaM khaNDitArAtiyUtham | madasuhR^idaparAdhaM mandabuddheragAdhaM bhaja hutavahabAdhaM pArvatIprANanAtham || 2\.15|| ruchirakaNThavikuNThitameghabhaM sphaTikakAntikR^itAgrahavigraham | praNavanAdasamodabharAdaraM kamapi yogivareNyamupAsmahe || 2\.16|| svakare vinidhAya pustakaM svaM ghanashiShyaprakarAya sarvavidyAH | gururAdishati sphuTammahesho vaTamUle vaTuyuktabodhashAlI || 2\.17|| bhuvanAvanashAliyogiveShaM bhujagAdhIshvarabhUShaNAtatA~Ngam | bhajatAd bhajatAM shubhapradamme hR^idayaM hIrapaTIrahAritejaH || 2\.18|| ayamAttaviShastu rakShaNArthaM bhayamApannamavekShya viShTasaugham | vayamAshu bhajAma devadevaM jayamAnandabharaM cha kiM na dadyAt || 2\.19|| niTalasphuTabhAsitatripuNDraM kaTimadhye ghaTitAhiyogapaTTam | hR^idaye paribhAvitasvarUpaM hR^idaye bhAvaya bhAvabhAvadAvam || 2\.20|| ko.api prakAmagarimAshu sa dhAma bhUmA\- rAmAbhirAmavapurAdaraNIyameva | yo bhAskare shashini cha praNave cha nityaM gaurImanaHsarasije cha chakAsti bhUyaH || 2\.21|| taM mallikAsumasamAnavibhAsamAnaM sAra~NgapANimaNimAdivirAjamAnam | muktApravAlaparipUraNachArubhadra\- rudrAkShamAlikamahaM praNamAmi rudram || 2\.22|| no vaiShNavammatamavaimi na chApi shaivaM no sauramantraviditaM na tu mantrajAlam | sha~NkA tathApi na hi sha~NkarapAdapadme sa~nchArameti mama mAnasacha~ncharIkaH || 2\.23|| gaurI karotu shubhamIshaviloladR^iShTi\- madhye dadhatyatulakA~nchanakaNThamAlAm | taddR^igrasAnanubhavan praNamantamindraM kiM kShemamambujabhaveti vadan shivo.api || 2\.24|| karpUrapUradhavalAdhikachArudehaM kastUrikAbhramaravibhramakArikaNTham | kalyANabhUdharanivAsavibhAsamAnaM kandarpavairiNamahaM kalayAmi nityam || 2\.25|| yo.ante.ativR^iddhimanayajjaladhIn payodhi\- ryasyeShudhiH shirasi devanadI cha mUrtiH | Apo.abhiShi~nchati jano.adharadhIrvichitraM taM nArikelapayasA kalashIjalena || 2\.26|| shaivammatammama tu vaiShNavamapyabhIShTaM sarveShu daivatapadeShu samatvabuddheH | satyaM tathApi karuNAmR^idu sha~Nkarasya sarveshvarasya padameti sadA mano me || 2\.27|| mama vachanamidaM gR^ihANa satyaM duradhigamopaniShadvichArataH kim | kShitibhR^iti rachayannitAntamAyAM paramashivo dR^iDhajiShNubAhubandhaH || 2\.28|| mUrdharAjitataraindavakhaNDo marditAtataghanAhitaShaNDaH | daivataM hi yamashAsanachaNDaH sha~Nkaro mama kR^ite yamadaNDaH || 2\.29|| shrotrakuNDalitakuNDalITphaNA ratnanUtnaruchigaNDamaNDalam | sanmataM sakalalokanAyakaM sAmbamUrtimanishaM bhajAmahe || 2\.30|| sveShAM durantabhavabandhanaduHkhashAntyai sUkShme manasyatidR^iDhammunayo babandhuH | sarveshvaraM dR^iDhashamAdiguNairvichitraM tattulyakaShTamapi sUkShmatarasya nAsIt || 2\.31|| yogIshvaraH ko.api digambaraH san jaTAdharaH sarvavidasti shaile | taddarshane chetanashaktirasti nivR^ittimevaiShyati dehakaShTam || 2\.32|| na yAta he tIrthacharAH kadAchit tapovanaM durgamamarjunasya | mAyAkirAtaH khalu tatra kashchid dR^iShTastanuchChedamaraM karoti || 2\.33|| kailAsabhUmibhR^itimandarashailamUrdhni syAdgandhamAdanagirau himavattaTIShu | vedeShu vedashikhareShu cha daivatamme gauryardhadakShiNatanau nijabhaktachitte || 2\.34|| girIshakAlyoshcha sitAsitAbhasharIrayoH sa~Ngatirarthayorme | svAnte.astu ga~NgAyamunAtaTinyoryA sa~Ngatirveti virAjamAnA || 2\.35|| karpUrapUraprabhamindranIlavinIlakaNThaM vapurIshvarasya | suvarNasa~NkAshajaTAprayogI nadItrayIsa~NgatibhAsi no.avyAt || 2\.36|| ratnasiMhAsane svAM niveshya priyAM bhUShaNairbhUShitAM tAM bhavAnIM puraH | kAmamudyanmukhashrIH pradoShotsave sannanarta svayaM shrIbhavAnIpatiH || 2\.37|| tApasAn tApasAnnantarA devatA devatA devatAshchAntarA tApasAH | evamAdR^itya vAgIshvarAdisthitau sannanarta svayaM shrIbhavAnIpatiH || 2\.38|| kumbhikumbhAhatistambhitasambhAvitashrImada~NghridvayIvikramI vikramI | bhaktisaktAvalI bhuktimuktipradaH sannanarta svayaM shrIbhavAnIpatiH || 2\.39|| tva~Ngaduttu~Ngara~NgadvarA~NgoddhatA mandamandAkinI bindubhirvyApya kham | chAruvindatsu saMsphAratArAkR^itiH sannanarta svayaM shrIbhavAnIpatiH || 2\.40|| devamuktAgataM kalpapuShpasrajaM drAksavarNaM samAli~NgitummastakAt | utpatatyAdarAd gA~NgabindUtkare sannanarta svayaM shrIbhavAnIpatiH || 2\.41|| achCha vakShaHsthalAlambinIlotpalasrakShu dR^ikShUtpalAkShyA mahIbhR^idbhuvA | arpitAsvevamAnandya vR^ittotsave sannanarta svayaM shrIbhavAnIpatiH || 2\.42|| ekato bhAratImukhyadevIstutIranyato bhAratIH shabdabhedAkR^itIH | sarvato bhAratIH kAmamAkarNayan sannanarta svayaM shrIbhavAnIpatiH || 2\.43|| cha~nchalA bhAsitA kA~nchanA~nchadruchA cha~nchaladbhAsitA vyomayAtA jaTAH | cha~nchalAbhAsitAveva bhAsI dadhat sannanarta svayaM shrIbhavAnIpatiH || 2\.44|| takkatodhikkatotautathAtaitathai to~NgadadmA~NgadhinnartashabdAnmuhuH | uchcharan hAsavinyAsacha~nchanmukhaM sannanarta svayaM shrIbhavAnIpatiH || 2\.45|| mUrChanAbhirgirAM devatAyAM samIkR^itya tantrIrnakhairvallakIM cha shrutIH | sAdhu saptasvarAn vAdayantyAmmudA sannanarta svayaM shrIbhavAnIpatiH || 2\.46|| shumbhadArambhagambhIrasambhAvanA gumbhanojjR^imbhaNo jambhadambhApahe | lambayatyutkaTaM veNunAdAmR^itaM sannanarta svayaM shrIbhavAnIpatiH || 2\.47|| sambhR^itotkaNThitAkuNThakaNThasvarashrIramAbhAminIsphItagItAmR^itam | vishrutaprakramaM sushrutibhyAM piban sannanarta svayaM shrIbhavAnIpatiH || 2\.48|| darshayatyAdarAdvAdane naipuNIM sanmR^ida~Ngasya govindamArda~Ngike | tAlabhedaM sahodAharatyabjajeH sannanarta svayaM shrIbhavAnIpatiH || 2\.49|| samastamukhalAlanaM na hi mukhasya me ShaNmukha samastamukhalAlanaM khalu mR^igA~NkarekhAnana | iti svasukhavAdanammuditamunmukhaiH pa~nchabhiH sutasya matilAlanaM virachaya~nChivaH pAtu naH || 2\.50|| mama hastagatAstu viShTavatrayasR^iShTisthitisaMhR^itikriyAH | iti sUchayituM vahanniva trishikhaM shUlamayaM shivo.avatu || 2\.51|| bhasmavilepAshAMshukabhogI saktajaTaH saMsAravirAgI | brahmavichintAbhAganurAgI pAtu sadA mAmAdimayogI || 2\.52|| ardhA~Nge himashailajAM dadhadayaM bandhuM gR^ihaM tadguroH kailAsAchalamudvahan karatale kR^itvA sumeruM dhanuH | ga~NgAmmUrdhatale tadAbhamapi sanmaulau vidhuM tatkR^ite kAshIvAsakaraH shubhaM vitanutAM shambhurmahAkArmukaH || 2\.53|| ko vA he shailajAte vapuShi drutatarAli~Ngito vartate te mAyAmadveShadhArI vada viditamaho tAvakInaM hi shIlam | ityurvIbhR^ittanUjAM kShaNaM chakitatarAM bhIShayitvA sahAso vIkShyAtmAnaM tada~NgapratiphalitamumAprANanAtho.avatAnnaH || 2\.54|| pa~nchabANavijayasya kA~nchanastambhatAvilasitapratItikR^it | rAjatAdrinihito dhinotu mAM shvetapItamahasoH samAgamaH || 2\.55|| anyonyanairmalyasamR^iddhibhAjoranyonyadehapratibimbinena | tejo.ardhanArIshvarayordhvayoH satprakAshamAnammama mAnase.astu || 2\.56|| shmashAnabhUsa~nchAraNAdaro.api shmashAnabhasmAkalito.api nityam | kapAlamAlAbhiyuto.api chitraM svama~NgalAdAnapaTurmaheshaH || 2\.57|| vande vande vedashirovarNitakeliM vande vande pAlitapAdAnatapAlim | vande vande nirjitamartAlipurAriM vande vande.ahaM hR^idi ga~NgAdharamaulim || 2\.58|| anyonyasaMvardhitatatprashaMsAdinagambarAbhUtijaTAvataMsAH | sahasrashaH samprahAsA vadanti shambho maheshvareshvara sha~Nkareti || 2\.59|| ato mahataH sa~Ngatireva kAryA yato jaTAdhArisupa~njarasthAH | amI shukAshchAnuvadanti nityaM shambho maheshvareshvara sha~Nkareti || 2\.60|| kailAsabhUmIbhR^idilAtateShu vibhUtirudrAkShadharAkhilA~NgAH | tadekabhaktAH pramathAH paThanti shambho maheshvareshvara sha~Nkareti || 2\.61|| dhik tasya jihvAM vachanaM cha digdhigjIvitaM janmakulaM cha dhigdhik | nityammudA yaH puruSho na vakti shambho maheshvareshvara sha~Nkareti || 2\.62|| sa paNDitAdyaH sa hi lokapUjyaH sa divyabhAgyaH sa hi bhavyajanmA | yo vakti modAtishayena nityaM shambho maheshvareshvara sha~Nkareti || 2\.63|| jihvA madIyA vasatAdduruktirnIchasthitiH kShArajalAnvitA yA | somasya nAmAkhyasudhAsamudre shambho maheshvareshvara sha~Nkareti || 2\.64|| vihAya bherIghanatUryaveNuvINAmR^ida~NgAdiravaM cha gAnam | shR^iNoti me karNayugaM sushabdaM shambho maheshvareshvara sha~Nkareti || 2\.65|| prANaprayANe patatAdanantasaMsAratApAntamahauShadhaM tat | nAmAmR^itammadrasanAgradeshe shambho maheshvareshvara sha~Nkareti || 2\.66|| shAntaM chandrakirITamujjvalatamaM padmAsanasthaM vibhuM pa~nchAsyaM tridR^ishaM sashUlaparashuM khaDgaM savajraM shubham | nAgaM pAshasR^iNIsaghaNTamabhitaH kAlAnalaM bibhrataM bhavyAla~NkR^itimarkaratnadhavalaM shrIpArvatIshaM bhaje || 2\.67|| ameyamAnandaghanaM girIshaM bhajAmi nityaM praNavaikagamyam | umApatiM sha~NkaramujjvalA~NgaM maheshvaraM sAdhumanonivesham || 2\.68|| AdisvaraM tR^itIyena sahitaM bindusaMyutam | dhyAyAmi hR^idaye yogidhyeyaM kAmitamokShadam || 2\.69|| na jananI janagarbhanivAsajaM na cha nirantarasaMsR^itijammama | na yamadUtakR^itaM cha bhayaM yato.anavaratammama daivatamIshvaraH || 2\.70|| mahAvIrarudrammanojAtiraudraM mahIbhR^itkumArImanaHpadmamitram | makhadhvaMsinaM sammatashrIkarammanmanomandiraM shrI mahAdevamIDe || 2\.71|| shivetarApahantAraM shivasandhAyinaM param | shivAnandakaraM shAntaM shivaM seve nirantaram || 2\.72|| vAsukIshvaravibhUShitakaNThaM vAmabhAgaparipUritabAlam | vAraNAsyabhidhapaTTaNavAsaM vAmadevamadhidaivatamIDe || 2\.73|| yadunAthapadmabhavavAsavAdayo yadudArabhAvaguNanAyakAH shivam | yamashAsanogrataramAshrayantyaho yamanAthanAthamahamAshrayAmi tam || 2\.74|| namaH sR^iShTisthitilayAn kurvate jagatAM sadA | shivayaikyaM gatAyAntu paramAnandarUpiNe || 2\.75|| li~NgarUpaM jagadyoniM satrishUlAkShamAlikam | shreShThaM samR^igakhaTvA~NgakapAlaDamaruM bhaje || 2\.76|| lambodaraguruM nityaM haMsavAhanasevitam | yantratantrarataM lokara~njanaM bhAvaye shivam || 2\.77|| shambho pashya na mAM bhayaM bhavati te dagdho dR^ishA manmathaH kaNThe te bhujabandhanaM na mama bhostatrAsti hAlAhalaH | gaNDe gaNDatalArpaNaM na bhujagaH karNena chAli~NganaM dehe tatra vibhUtirityapahasAdukto.ambayAvyAchChivaH || 2\.78|| shrIgaurIM praNayena jAtu kupitAM vaimukhyasandAyinIM a~NgIkAramakurvatImanunayaiH kandarpacheShTAsvalam | sa~NkrAntaH kimurojayorhR^idi cha te pAShANabhAraH paraM tAtasyeti navadaMshchirAdabhimukhIkur~nChivaH pAtu naH || 2\.79|| dhiM dhimi dhimi dhimi shabdairbandhurapajamandaraM naTantaM tam | jhaM jhaNa jhaNa jhaNarAvAra~njitamaNimaNDanaM shivaM vande || 2\.80|| pratyak prakAshaM pratitAghanAshaM gAnapraveshaM gatamohanAsham | vastrIkR^itAshaM vanitaikadeshaM kIshApurIshaM kalaye mahesham || 2\.81|| devAya divyashashikhaNDavibhUShaNAya charmAmbarAya chaturAnanasevitAya | sAmapriyAya sadayAya sadA namaste sarveshvarAya saguNAya sadAshivAya || 2\.82|| rakShAdhikArI harirAttasattvo rarakSha lokAniti kiM vichitram | layAbhimAnI satataM jaganti rakShatyaho shIghrataraM purAriH || 2\.83|| kR^ipAnidhikhyAtiratiprasiddhA shambhostathA sha~Nkara nAmadheyam | vibhAtyasAdhAraNamAdidevaH sanAtano.ayaM nikhilaiH prasevyaH || 2\.84|| cha~nchalamatitaruNaM kimpa~nchAnanapAdapadmasa~ncharaNam | a~nchitavibhavaH ko vA va~nchitapa~nchAshugashcha seve tam || 2\.85|| kalitabhavabhItibhede karuNAsa~NghaTanapUritAmode | vilasatu sha~NkarapAde vidyA mama chAruki~NkarashrIde || 2\.86|| chAndrIrekhA shikhAyAM taTidupamajaTAsvachChaga~NgAtara~NgAH karNadvandve bhuja~NgapravaramayamahAkuNDale dAhashIle | vahnijvAlA lalATe garalamapi gale vAmabhAgena yoShA yat svAnandammahastatprabhavatu hR^idi me koTisUryaprakAsham || 2\.87|| jaTAjUTatva~NgattarasuranadItu~Ngalavilasattara~NgodbindUtkaravikachamallIsumabharaH | nijArdhA~Ngasva~NgIkR^itagirisutAma~NgalatanurmaheshaH pAyAnmAmanishanijachintAmaNinibhaH || 2\.88|| ghanAmbudanibhAkR^itiM ghaTitamindupuShpollasallatAgrathitamaulikaM lalitanetraraktotpalam | sachApasharabhIShaNaM samaNimantrasiddhikriyaM dhana~njayajayaM bhaje dhR^itakirAtaveShaM shivam || 2\.89|| dhAtrImanantAM vipulAM sthirAM vishvambharAM dharAm | gAM gotrAmavanImAdyAmmUrtiM shambhorbhajAmyaham || 2\.90|| amR^itaM jIvanaM vAri kamalaM sarvatomukham | dvitIyamasya rUpaM cha bhaje.ahaM parameshituH || 2\.91|| jvalanaM pAvakaM divyaM suvarNaM kA~nchanaM shuchim | tR^itIyamUrtiM tejo.ahaM kalaye pArvatIpateH || 2\.92|| sadAgatiM jagatprANaM marutaM mArutaM sadA | chaturthantamUrtibhedaM sha~Nkarasya bhajAmyaham || 2\.93|| AkAshaM puShkaraM nAkamanantaM shabdakAraNam | pa~nchamaM mUrtirUpaM cha shambhoH seve nirantaram || 2\.94|| prabhAkaraminaM haMsaM lokabandhuM tamopaham | trayImUrtiM mUrtibhedaM ShaShThaM shambhorbhajAmyaham || 2\.95|| shubhrAMshusomamR^itakaraM chandramasaM sadA | kalAnidhiM mUrtibhedaM saptamaM shUlino bhaje || 2\.96|| AhitAgniM yAgakAraM yajvAnaM somayAjinam | aShTamaM mUrtisambhedamaShTamUrterbhajAmyaham || 2\.97|| hastadvayenA~NghritaladvayaM svamUrudvaye sampariyojayantam | padmAsane rUDhataraM japantaM munimmaheshammuhurAshrayAmi || 2\.98|| satataM sitachandramaNDaloparisthitapadmAsanasaMsthitaM vibhum | ghanama~njulachandravarNakaM vilasachchandrakalAdharaM param || 2\.99|| yogamudrAkShamAlAdidyotitAdhaHkaradvayam | vidhR^itAmR^itasauvarNakalashordhvakaradvayam || 2\.100|| somArkAgnivilochanaM dhR^itajaTAjUTaM sadAnandadaM sannAgA~nchitayaj~nasUtramadhikaM nAgendrabhUShAdharam | shrImantaM bhasitA~NgarAgasahitaM shArdUlacharmAmbaraM bhaktAnugrahakAraNaM manasi taM shrIrudramIDe param || 2\.101|| shrIkarI paThatAmeShA shivakarNAmR^itastutiH | shivAnandakarI nityaM bhUyAdAchandratArakam || 2\.102|| \section{3. tR^itIyo.adhyAyaH |} shrImantaM svanitAntakAntapadaka~njasvAntachintAmaNiM shAntaM nAntaramantakAntakamatikrAntapriyaM santatam | santaM bhAntamanantakuntalasuvibhrAntammahAntaM shivaM dAntaM kanturipuM tamantarahitaM svardantikAntiM stumaH || 3\.1|| ekaM vandanamastu te paramito he nityakarmAdhunA he naimittikakarma te.api cha tathA tIrthAnyaye vo namaH | kShemaM vo gR^ihadevatA bhavadabhiprAyAnusAro.astu mA vAraM vAramahaM karomi cha nutiM shambhorashambhoH kutaH || 3\.2|| sArAnidrAmudashrIkaramahimayutA trAsavadrAvikAsA sAkA vidrAvasatrA rajatagiritaTasthAnasadmApabhAsA | sA bhA padmAsanasthA girishashivatanuH khyAtasuj~nAnudAsA sAdAnuj~nA sutakhyAbhiratiravatu vaH shrIdamudrA nirAsA || 3\.3|| hArahIrasamAkAra kAruNyajaladhe prabho | varavArANasIvAsa guro gaurIsha pAhi mAm || 3\.4|| bhava bhavanitaraupyashaila ga~NgAsharasharaNendukirITashastamasta | svamahitahitadAna mAnase me vasanIkR^itadikkarIndracharman || 3\.5|| mAnamAnasasandehI matkleshApahare hare | mAnamAnasadAditye satye purahare hare || 3\.6|| savAsahaMsabhaM satyAsaktasarvaM sabhaM samam | savAsavasamAsattiM sara satraM sakhe sadA || 3\.7|| yasya bhaktiH sadA shambhau nishchalA sa pumAn pumAn | sa pumAn yatra jananaM samprAptastatkulaM kulam || 3\.8|| sarveshaM chaturaM gavendriyavashaH sheShAhitAkhyaM bhavaM tatpAkakratukArakapriyamakadhvaMsisvavantaM dhruvam | karpUrAmitabhaM jaTAvayavachitraM saprathatvaM varaM ra~NgadbhAsamanantamandhakaripuM vande shivaM sha~Nkaram || 3\.9|| nijajanAvanaM nityapAvanaM bhujagaka~NkaNaM bhUtilepanam | bhaja sadAshivaM bhAvasaMstavaM tyaja bhave ratiM tyaktasadgatim || 3\.10|| taM haMsaM vishvarUpammahitasuravaraprINanaM saprameyaM namrAsaktaM sudhAtipravimalamalaghuM yuktamastaM shareNa | kAmA somena cha shrI satatanutavibhaM prItidaM rUDhiyuktA tathyaM sharvaM sakAmA sthirataramanavaM chakrisutraM bhaje.aham || 3\.11|| devatAvanitAkarArchitadivyapAdasaroruhau sevamAnasurAsuroragasiddhayakShashubhAvahau | bhAvanAmahitau jagattrayapAlanAvavinashvarau bhAvayAmi sadA hR^idA mama pArvatIparameshvarau || 3\.12|| tArahArahIrasauranIrapUrasaurabhaM bha~Ngasa~NgatAnyama~NgalapradaM hR^idambhaje | jetR^igAtR^idAtR^itAptamAptavAgadurlabhaM bha~njanaM purAM nR^ira~njanaM nira~njanaM bhaje || 3\.13|| maste chandrakalAkirITamalike bhUtitripuNDrekShaNe grIvAyAM kaTukAlakUTamurasi sphArA hi hArAvalim | vAmA~Nge himashailajAM karayuge shUlaM mR^igaM chodvahan maunIndraiH paritorchitaH pashupatiryogIshvaro rAjate || 3\.14|| sha~NkaraM paramaM kAmamakAmaM lokarakShakam | kandarpadamanaM shAntaM sadAnandaM bhaje.anisham || 3\.15|| nAradAdimunivanditapAdaM shAradApatimukhastutakelim | krUravAraNavidAraNadakShaM nIradAbhagalamIshvaramIDe || 3\.16|| hara sha~Nkara sarvesha tripurAre mahAprabho | pAhi pAhi bhavArtaM mAM harIShTa jitamanmatha || 3\.17|| vilasamAnasamAnayutAkR^itiM suravirAjivirAjitatejasam | vihitamohatamohatimIshvaraM bhaja mano mama no matiranyathA || 3\.18|| madanamadanadhInaM mAnitAmartyamevaM shamanashamanadhIraM shAshvataM devadevam | jananajananadAne jAtabhavyasvabhAvaM sadanasadanamIDe sAdhusaMsAradAvam || 3\.19|| kanajj~nAnavibho sha~NkA kA shambho vinatasya te | mama dInadayAsindho navanAgha ghanAvana || 3\.20|| dhIra mArahara shrIdaH vedasAdara bho vibho | shambho soma mama shyAmagrIva deva bhava prabho || 3\.21|| ga~NgAtu~Ngatara~Ngasa~NgatilasanmastaM samastAmarI\- hastasvastarusUnasaMstavaghanaprastAvanistAritam | bhAve bambharadambhagumbhitavibhAsambhAvitagrIvakaM seve sevakabhAvakapradakR^ipApUraM paraM daivatam || 3\.22|| nandivAhaM natAsheShaM devaM deveshvaraM param | ninditAhaM kR^itAshleShaM shivaM seve nirantaram || 3\.23|| induchandanakundasundaragAtra gotrasutArate nandanandana nanditAdhikajaitrayAtrahatakrato | kandanindakakAntikandara kAlakAla dayAnidhe chandrashekhara sha~NkarAlaghu shaM kuru shritasantate || 3\.24|| bhItakAma damasphAra parApara surAsura | rakSha mAmavavidaj~neya yaj~nedavimamAkShara || 3\.25|| bhUtesha bhUtidhavalA~Nga sabhUtisa~Ngha nAgAjinAMshuka nagAlaya nAgashAlin | pa~nchAsya pa~nchavishikhAhata pa~nchatAda bhAve bhavA bhava bhavAbhava bhAvitAshu || 3\.26|| sadA vibhAtu pratibhA madIyA te.adrijApate | guNastutyA mahitayA brahmAdisurakAmyayA || 3\.27|| divyAkAraM dInAdhAraM bhavyAmodaM bhaktashrIdam | navyAnandaM nAthaM bhAve shravyAlApaM shambhuM seve || 3\.28|| rAjahIraramaNIyavigrahaM bhUribhavyabhujageshabhUShaNam | brahmaviShNuparisevyamIshvaraM bhAvayAmi paramaM hi sha~Nkaram || 3\.29|| ramArAja jarAmAra rahitAga gatAhira | ravadhIra matAbhAsa sabhAtAmara dhIvara || 3\.30|| bhaje.ahi valayaM laya~NgatanayaM nayantamakalaM kala~Nkarahitam | hitaM suhasitaM sitaM jitapuraM purandaramatammata~Ngajaparam || 3\.31|| tatAtIti tatAtIta tAtatAta tatotatiH | tAtitAM tAntatuttAtAM tAM tAM tattA tate tatAt || 3\.32|| kShIrAmbhonidhivannitAntadhavale kailAsabhUmIdhare shambhuH sAdhu vibhAti naikavadanaH sheSho yathA shvetabhAH | tatkaNThe garalaM purandaramaNistomAbhirAmaprabhaM sheShA~Nge shayitasya gAtramiva vaikuNThasya saMshobhate || 3\.33|| goga gogA~Ngago~NgA~Nga mAmumAmImamAmama | he ha hehe hahAhAha vivovAvA vivAvavA || 3\.34|| manasi chaShakatulye sthApitaM shuddhashuddhe bahuruchimamR^itena sphArahArAmalena | sadR^ishamasamadR^iShTerdehamAttAtitR^iptirjayati samanubhUyAmartyavatsAdhumartyaH || 3\.35|| vande devaM vedavidaM devadevaM vadAvadam | divi vAdavadAviddhA vividAva vividdavam || 3\.36|| jaTAstaTitpi~Ngalatu~NgabhAso babhAsirebhAvajadehadagdhuH | lalATamadhyasthitalochanAgneH prabhA ivordhvaprasR^itAH samantAt || 3\.37|| bhAvitA divi deve shAshA vede viditA vibhA | dAsadAra pramakarI rIkama prara dAsadA | dAsadApramAkArIhA hArI kAmapradA sadA || 3\.38|| sthiraM shirodhau garalaM vinIlaM gaurImanaHpadmaraveH shivasya | srastaM shiraHsaMsthasurApagAyA vibhAti shaivAlamivAbhilagnam || 3\.39|| shashibhAskaravahnIkShaM yAjakAmitasammadam | sahelamashvasanmAraM bhAvayAmi maheshvaram || 3\.40|| lakShmIvandyA~NghriM deveshaM nityApatyaM muktau gauram | shaurIDhyaM taM nAgakrodhaM vande nityaM gaurInAtham || 3\.41|| nijAshivapadaM maunivandyaM taM devatAnidhim | dhIraM parataraM vIraM shivaM vande nirantaram || 3\.42|| surANAmasurANAM cha bhaktAnAM sarvasampadAm | vishrANane.adhike tUrNaM shivena sadR^ishaH shivaH || 3\.43|| samastajagadAdhAra dAsarakShAdhurandhara | shiraHsthachandra mAM pAhi vahnInduravilochana || 3\.44|| sR^iShTiH sthitirivAshcharyaM sthitiH sR^iShTirivAdbhutA | layastadvattaulyavat hi jagatAM parameshituH || 3\.45|| brahmAdikAmyayA nityaM dayayA paripUrNayA | kriyAnma~NgalamasmAkaM gaurInetAramavyayam || 3\.46|| yogammUrtidharaM vidanti paramaM yogIshvarAH kAmukAH shR^i~NgArAkhyarasaM sakAmahR^idayAH kalpadrumaM kevalam | vahniM shuddhatarAH samUDhamabhitaH saundaryavattAM budhAH vidyAmokShamavidbhidaH parataraM shambhuM bhavAnIpatim || 3\.47|| pa~nchavaktraH puraharaH kaM darpadamano budhaH | dadAtu me mahAdevaH pArvatIprANavallabhaH || 3\.48|| atyantadhavale dehe shivasyAmR^itavAriNi | chandramaNDalavibhrAntishchakoriNAmabhUdharam || 3\.49|| shivAvyaya mahAdeva ga~NgAdhara kR^ipAnidhe | chandrashekhara gaurIsha kailAsAchalavAsa mAm || 3\.50|| kapAlamAlo viShakaNThakAlo jaTAtaTidbhAgabhilAShasasyam | dayAbhivR^iShTyA phalitaM karotu manojajichChAradanIrado me || 3\.51|| bhava svamatipAra tvaM varadAna sthirAmala | svadAsanarabhArApA manasaH shrIkara sthitiH || 3\.52|| saMsArArNavamagnasya mamonmajjanara~njanaH | bhavanti shambhoH karuNAkaTAkShANAM pravR^ittayaH || 3\.53|| gaurInAtha dhanArIgau rIshanAsya syanAsharI | nAnAteva vatenAnA thasya vapra pravasyatha || 3\.54|| kiM shAradAmbhodharapa~NktireShA kiM chandrikA kShIrapayonidhiH kim | karpUrarAshiH kimitIshvarasya prabhAM tanoH sandihate.atishubhrAm || 3\.55|| chandraH kiM sa kramAt kShINaH sUryaH kiM sa nishApatiH | vahniH kiM sa jaTAnanda iti sandihate shivam || 3\.56|| viShNuH kiM sa na saMsArI brahmA kiM na sa rAjasaH | vairAgyasaMyamasphAraH shivoya.ayamiti nishchayaH || 3\.57|| samasta gopAlaka bAla bAla samasta gopAlakabAlabAla | samasta gopAlaka bAla bAla samasta gopAlakabAlabAla || 3\.58|| smeragaurIyutAM shubhrAM vIkShya shambhutanummuniH | taTidrekhAnvitAmmegharekhAM smarati shAradIm || 3\.59|| nAyaM shivatanUchChAyAnichayaH kShIrasAgaraH | na kandharA vinIlo.asau yoganidrAM gato hariH || 3\.60|| sampUrNachandradeho.ayaM na gaurInAthavigrahaH | madhyasthaM lA~nChanamidaM na nIlaM kandharAtalam || 3\.61|| asAre dustare.agAdhe saMsArachChadmasAgare | nimagnammAmmahAdeva kR^ipArajjvA samuddhara || 3\.62|| bhavyapAdo lasachCha~Ngo ghanAdhvagatirunnataH | adhikaM prAptasantAnaH pAtu mAmIshvarasya gauH || 3\.63|| balasantoShadaM shrIdaM gopAlaM budhanAyakam | harimmahAtmAtishete nitarAM pArvatIpatiH || 3\.64|| shrIkaNThaM sphuTanIrasambhavadR^ishaM vandArukalpadrumaM ratnodbhAsvadahInaka~NkaNadharaM brahmAdibhiH saMstutam | satyaM chittajavairisambhramaharaM taM pArvatInAyakaM nityammAnasavAsamIshvaramahaM rAmAkR^itiM bhAvaye || 3\.65|| lokeshaM bahurAjarAjavinutaM paulastyasantoShadaM sItAramyapayodharAdhikalasachChrIku~NkumAla~NkR^itam | bhavyaM sAdhvajajAtanandanaparaM kailAsanAthaM prabhuM nityammAnasavAsamIshvaramahaM rAmAkR^itiM bhAvaye || 3\.66|| kausalyAvaranandanaM guNayutaM haMsAnvayollAsakaM kalyANaM vararAjashekharamatiprAleyashailAshrayam | bANotkhAtamahAgajAsurashirobhArammunIndrastutaM nityammAnasavAsamIshvaramahaM rAmAkR^itiM bhAvaye || 3\.67|| hastasvIkR^itabANamujjvalatanuM bhAsvadvibhUterdadhaM nityaM sadvR^iShavAhamandakaripuM rudrAkShamAlAdharam | nAnAsheShasiraH kirITavilasanmANikyashobhojjvalaM nityammAnasavAsamIshvaramahaM rAmAkR^itiM bhAvaye || 3\.68|| atyantAnilasUnuvanditapadaM shrIchandanAla~NkR^itaM kAntammohanavAlinAshanakaraM saddharmamArgAkaram | vishvAmitrasuyogavardhanamatotkR^iShTaprabhAdarshakaM nityammAnasavAsamIshvaramahaM rAmAkR^itiM bhAvaye || 3\.69|| dIvyaddrashmitamonudardhavilasatsadbhAnupaTTaM vibhuM shAntaM pUrNanabhoMshukaM nijajanAdhAraM kR^ipAsAgaram | deveshaM guhamAnasAmbujadinAdhIshaM priyaM sha~NkaraM nityammAnasavAsamIshvaramahaM rAmAkR^itiM bhAvaye || 3\.70|| kAmaM lakShmaNahastapa~NkajakR^itapremAdipUjAdR^itaM sAnandaM bharatapramodanilayaM dhIraM samantrAdhipam | hartAraM kharadUShaNAhR^itipadaM sAketavAsAdaraM nityammAnasavAsamIshvaramahaM rAmAkR^itiM bhAvaye || 3\.71|| pAdAkrAntavibhIShaNaM raNamukhe sadratnasiMhAsanA\- rUDhaM bhImadhanuHprabha~njanavarashrIkIrtimAlAdharam | kundAnandanamandahAsamatulaM shrIrAmachandraM sadA nityammAnasavAsamIshvaramahaM rAmAkR^itiM bhAvaye || 3\.72|| dharAdharasutAnAthashchandramAshcha shuchiH sadA | prabhAsate.amR^itakaraH paramAnandadAyakaH || 3\.73|| parishuddhAmR^itamayI shItalA shirasi sthitA | sha~NkaraM svarNadI chandrakalA chAla~Nkarotvalam || 3\.74|| samprekShya lajjitA shambhormahimAnammahonnatam | samprAptamukhavaivarNyAbrahmaviShNupurandarAH || 3\.75|| utphullamallIkusumanikurumbhaprabhAyutA | mUrtirmama manasyaShTamUrtestiShThatu sAmpratam || 3\.76|| pravadanti vR^ithA kathAH sadA shivamAhAtmyamapAsya ye janAH | amR^itaM pravihAya jihvayA bhuvane mUtrajalaM pibanti te || 3\.77|| satyAM sadharmAdisamastakAmapradhAnashaktau parameshvarabhaktau | vR^ithaiva chintAmaNikAmadhenusuradrumANAM bhuvane pratiShThA || 3\.78|| sha~Nkarasya sharIreNa saumyaM prAptuM sudhAkaraH | asamarthaH sevate taM bhUtvA chUDAmaNiH sadA || 3\.79|| svA~NgeShu mastapramukheShu nityaM ye pUruShAH sha~NkarasammatAni | badhnanti rudrAkShavibhUShaNAni prArabdhabandhA na bhavantyamIShAm || 3\.80|| dUrataH shivabhaktasya vachanashravaNena cha | yamasya hR^idayaM bhinnaM bhavatyatyantakampitam || 3\.81|| yaH shrIkaraM bAlamamantratantraM krIDAdarAt svaM paripUrayantam | shivaH kR^itArthaM kR^itavAMstathainamayaM kimAtmIyamupekShyate mAm || 3\.82|| yo janaH shivakathAmR^itaM sadAjihvayA shrutiyugena vA muhuH | vedavedashirasAM gaNAchchyutaM svIkaroti shiva eva sa dhruvam || 3\.83|| yadopadiShTA shravaNe shivasya pa~nchAkSharI gargamunIshvareNa | niryAya bhUpasya tathaiva gAtrAt kAkAtmanA pApachayaH pradagdhaH || 3\.84|| puruShasya praNashyanti mahApAtakakoTayaH | vAkpAdapadmayugmasya smaraNAt pArvatIpateH || 3\.85|| ye pUjayanti shivapAdayugaM bhavanti teShAM gR^iheShu navaratnachayAH sadhAnyAH | raupyaM suvarNamamitaM cha gajA hayAshcha bhavyAmbarANi cha bahushrutaputrapautrAH || 3\.86|| nIcheShu deheShvagR^ihItajanmA muhuH parastrIShvavilolachittaH | adhenupAlaH pralayo.apyanAsho vibhAti viShNoradhiko maheshaH || 3\.87|| aho mahadbhirduritairanekajanmArjitaiH sAkamanekavAram | sAShTA~NgamIshaM namatAM narANAM patantyadhaH svedalavAstamabhyaH || 3\.88|| vinA snAnaM sandhyAM japamapi hutaM tarpaNavidhiM pitRRINAM svAdhyAyaM niyatamapi naimittikamapi | sthintiM kShetre dAnaM shravaNamanane kAraNamaho shritashrIkaNThAnAmbhavati phalameShAM samuditam || 3\.89|| atitare yamabhIShaNabhAShaNe.apyariShu kAmamukheShu dR^iDheShvapi | bhayamupaiti na ki~nchidapi sphuratpurajida~NghrisarojayugAshritaH || 3\.90|| patibhaktyA vinA yoShit saundaryaM na virAjate | janma puMso vinA bhaktyA pArvatIhR^idayeshituH || 3\.91|| tAmasAllokasaMhArahetorugrAtprajAyate | shAntirvichitraM mahatIjagatpAlanashAlinI || 3\.92|| nAmAmR^itarasaiH puMsaH shA~NkaraiH karNasa~NgataiH | tUlavatparidahyante pAtakAni bahUnyapi || 3\.93|| pramadena va~nchayitumetya satvaraM paramaM shivaM sasharachApabhIShaNaH | svayameva tanniTalanetravahninA bhavadAshu dagdhavapurindirAsutaH || 3\.94|| samastalokAdhipatirmAhAtmA kva tvaM kva chAhaM kumatiH kumartyaH | idaM mahadvA~nChitamIsha me yat prakAmaye tvatpadapadmasevAm || 3\.95|| paramAlpasvarUpe.api nijabhaktasya mAnase | vartate satataM devo mahIyAnambikApatiH || 3\.96|| martyaloke.ativistAre vartamAne bhayAkulam | mAmalpamekaM he shambho samuddhara kR^ipA (nidhe) rasAt || 3\.97|| deheshritAnyasheShANi nirdagdhuM pAtakAni me | dehaM si~nchAmyahaM shambhorabhiShekodabindubhiH || 3\.98|| shaivaM shiraH kAntimupaiti pUrNachandrasya nityaM kalayA sametam | chAndrIkalA shaivashiraHpratiShThAM prapadya saMyAti nitAntashobhAm || 3\.99|| prokShitaM shuchikaNairbahira~Nge bhUtabharturabhiShekajalasya | antara~NgamachirAya janAnAM nirmalaM bhavati sAdhu vichitram || 3\.100|| mUlapramANarahitonirguNo niShkalo vibhuH | anAtho bhogavidhuro nAvAchyaM daivataM shivaH || 3\.101|| taTinnibhajaTAkAntigrahaNAt svarNadIpitA | sarasvatIva saMreje sha~Nkarasya shirogatA || 3\.102|| kutrAste sha~Nkaro nityaM kailAse bhaktahR^idyapi | kutrAste pArvatI nityaM vAmA~Nge.ana~NgavairiNaH || 3\.103|| vedashAstrapurANAni setihAsasmR^itInyaham | jAnAmi sadbhyaH sarveShAM tAtparyaM sAmbasha~Nkare || 3\.104|| kaM darpadamanaM vakti purANAmamaradviShAm | kAmAshAM kR^itavAn vyarthAM kShaNAt kopena sha~NkaraH || 3\.105|| kaH sarveshaH pArvatIsho na brahmA na haristathA | bhuktimuktipradA shIghraM kA bhaktiH sAmbasha~Nkare || 3\.106|| sarvasya satsarvamanorathAnAM dAtA mahesho na suradrumaughaH | mahIdharAdhIshasutAdinAtho dIneShu sarveShu sadA dayAvAn || 3\.107|| abhaktatA mUrkhajane abhAnAM syAddivAvidhau | gadAhatiryuddhatale neShaddIne shivaM shrite || 3\.108|| mUrdanyalIke cha gale cha ga~NgAM vahniM viShaM shambhuraho dadhAti | hitAhitAnAM satataM janAnAmAnandaduHkhe vidadhAti nityam || 3\.109|| yadR^ichChayA bilvadalaM samarpya pumAn subuddhiH parameshvarAya | gR^ihNAti muktiM paramAM hiraNyagarbhAdikAmyAmachirAya tasmAt || 3\.110|| navottamA~NgAni samarpya bhaktyA purAraye svAni surAsurAdyaiH | avadhyatAM tAmavamAM yayAche taM muktidaM rAvaNanAmarakShaH || 3\.111|| lokAtItaM bhaktipUrvaM tapaH svaM gorIdevI bhUtabhartre samarpya | tadvAllabhyaM svIchakArAdvayaM shrIvANImukhyastrIkadambAbhinutyam || 3\.112|| sR^ijati rakShati nAshayati sphuTaM bhuvanajAlamabhIpsitamaihikam | dishati muktimapi smaratAmaghaM harati bhAti jayatyapi sha~NkaraH || 3\.113|| shamaM damaM cha vairAgyamaishvaryaM karuNAdhiyam | shauryaM dhairyaM cha gAmbhIryaM sadA vahati sha~NkaraH || 3\.114|| shivo.athavA shivA sarvalokAnAM parirakShaNam | vidhAtuM kalpate nityaM dayayA paripUrNayA || 3\.115|| manuShyA jantuShUtkR^iShTA brAhmaNAsteShu teShvapi | devatopAsakAsteShu shivopAstiparAyaNAH || 3\.116|| tANDavAyAsasa~njAtAH shivA~Nge svedabindavaH | shirastaH srastaga~NgAmbho bindujAlaistirohitAH || 3\.117|| parayoH sundaratarayoH surashubhakarayorumAmaheshvarayoH | anurUpatamaM yogaM manye tribhuvanatalashlAghyam || 3\.118|| snAnena dAnena japena bhaktyA vibhUtirudrAkShakR^iteshcha nityam | pradoShapUjAstutibhAvanAbhiH shivaH prasAdaH kurute jane svam || 3\.119|| janmAla~Nkurute sampat tAM pAtrapratipAdanam | tachChivArchitA buddhiH tAM bhaktirudbhuvanatraye || 3\.120|| kiM patyustava nAmeti pR^iShTA sakhyAganandanA | hastena stanakastUrIM tasyA liptavatI gale || 3\.121|| nIlakaNThasya saMliptA kaNThe gauryA rahasyalam | kastUrI saMvR^itA j~nAtA gandhataH pramathAdibhiH || 3\.122|| mahAtmA sahate kaShTaM pareShAM hitakAraNAt | pArvatIramaNaH kaNThe kAlakUTaM bibharti hi || 3\.123|| tapasA paritoShitaH shivo.avR^itatAdR^i~Nniyame.api pArvatIm | bhuvaneShu mahAjanA nR^iNAM suguNairAshu vashaMvadAH sadA || 3\.124|| avidyAM malinAM nityaM shliShyannapi paraH shivaH | agR^ihNaM stanmalinatAM bhAti shuddhataraH svayam || 3\.125|| tvaddAsadAsasya padaM kadAchit spR^iShTvA bhavatyAshu pumAn kR^itArthaH | aye purAre kimuta trisandhyaM bhavatpadAmbhoruhapAdayugmasevI || 3\.126|| apArasaMsArasamudramagnaH kaThoratApatrayapIDito.aham | chalendriyAkR^iShTamanA mahesha shambho bhavantaM hR^idi vismarAmi || 3\.127|| na bibhemi yamAdatibhIShaNavAkpaTuhu~NkR^itiki~NkarakoTiyutAn | yamashAsananAma vadAmikadApyavashAdapi bhaktabhayonmathanam || 3\.128|| shrIpArvatIramaNapUjanatatparANAM nityaM bhavanti bhavanAni mahojjvalAni | ra~Nganmata~Ngajatura~Ngamapu~NgavAlIvyAptAjirANi dhanadhAnyasamanvitAni || 3\.129|| varNayanti paraM shambhorgaNA guNakadambakam | pibanti madhuraM kShIraM payodheramR^itaM surAH || 3\.130|| samarthaM shA~NkaraM nAma pApAnAM nAshane nR^iNAm | shaktaM prAbhAkaraM bimbaM vidhvaMse tamasAM dishAm || 3\.131|| kAmaH svadehaM dahataH shivasya tiraskR^itau shaktyayuto.agnikIlaiH | vAhodbhavairmlAni balaiH svakIyaiH phaladrumaM tasya vanaM chakAra || 3\.132|| vyApR^ite puruShe puNyairbhavabandhavimochane | dInabandhormaheshasya prasasAra dayA haThAt || 3\.133|| puratraye girIshena pradagdhe tUlarAshivat | ekadaiva hR^ito.aloko vyAnashe bhuvane.abhitaH || 3\.134|| svarge bhuvi cha pAtAle ravau yogimanassu cha | ekadhAvasthitaM dhAma shaivamekaM priyaM mama || 3\.135|| prArabdhabhoganilaye dehe satyapi sevituH | pradAtuM paramAM muktiM samarthaH sAmbasha~NkaraH || 3\.136|| kailAsashikharasthasya pArvatIshasya pAdayoH | samIpe santi me prANAH manasashchAnalaM sadA || 3\.137|| ko vivAdastvayA mUrkha na paraM daivataM shivAt | tathApi brahmaviShNvAdIn sevante tAn sadA na tam || 3\.138|| kAryA tvayA shivArcheti vachanaM na vadAmi te | dAridryakaShTAnubhavAttuShTachitto bhavAn dhruvam || 3\.139|| ki~nchiddhitaM shivAbhakta kathayAmi tava (hi te) shruNu | madvisheShoktitaH kiM tvaM vetsi duHkhaM bhavodbhavam || 3\.140|| eSho.agniH sa jalAn naShTaH sUryo.asau sa tamovR^itaH | chandrosau sa kShayItyante vidanti munayaH shivam || 3\.141|| shive mAM bhaja he sthANo lakShmyA kAryaM na me priye | kiM na jAnAsi me vANIM brahmANI te kutaH shiva || 3\.142|| mayi nAsti tava prItirhara ga~NgAdhara prabho | tvayi nAsti shive prItiH kiM mR^iShA bhAShase vR^ithA || 3\.143|| sarvavidyAnidhirlakShmIpUjitaH pApasaMharaH | mR^ityu~njayaH kR^ipAshAlI pAtu (svA)mAmIshvaraH sadA || 3\.144|| mumukSho madvachaH shrutvA kailAsasthaM bhavaM bhaja | viShayAnubhavaikashrI sadAnando bhavaM bhaja || 3\.145|| kiM cha~nchalasvabhAvAle bhramasyalpasumAliShu | asti te nistulaM padmaM tvanmanobhIShTadaM sadA || 3\.146|| abhinandya tapodhiShThaM vitIryAbhIpsitaM varam | shivena dayayA bhaktyA bahavaH parirakShitAH || 3\.147|| sakR^idyo vakti nAmaishaM mahAdeveti jihvayA | puruShasya kShaNAttasya brahmahatyApi nashyati || 3\.148|| kailAsashailashikhare vidyamAne maheshvare | vaivarNyamadhikaM jAtaM brahmAdInAM mukheShvapi || 3\.149|| sadA pashyati sarvatra shive some kR^ipAnidhau | kimAshcharyaM tavAtyantaM ke dInA bhuvanAntare || 3\.150|| kathaM shlAghyaH shivaH sveShAM saMsArasukhanAshakaH | bhUtidhArIpralayakR^it sAkShAt kAmavighAtakaH || 3\.151|| mahatI bhAgyasampattirabhaktAnAmumApateH | bhajanti bahujanmAni putrAdisukhadAni ye || 3\.152|| bhaktibhAvAchchittashuddhishchittashud.h{}dhyAvabodhanam | bodhAt sAkShAtkR^itiH shambhoH sAkShAtkR^ityA bhavo bhavet || 3\.153|| shivo bhavet paraM brahma yadeSha pralayo.api san | shivo(ve).amR^itaM na chedasya paramAnandatA kutaH || 3\.154|| AshAMshukaH kushAshAlI mR^igayuktastamopahaH | parishuddhatanuH shambhurlokAnAhlAdayatyalam || 3\.155|| damena prashamo bhAti prashamena viraktatA | vairAgyeNa tapo nityaM tapasA sAmbasha~NkaraH || 3\.156|| inaH shuchiH shItaruchistApahArI laghurguruH | sadgatirvikramI shrIdaH prAksadravyaH shivo.avatu || 3\.157|| purA mAtR^ikukShau tato dArugehe tataH premabhUmau tato dharmapuryAm | mahAsa~NkaTe.anekaduHkhaprapUrNe janastiShThati shrImaheshAbhipUrNaH || 3\.158|| janasya sadane yasmin prAgalakShmIH sthitA tataH | shivapUjAvidhAnena lakShmIH tatraiva saMsthitA || 3\.159|| gachChantaM mandamandaM madhuratararaNatkandarAki~NkiNIkaM lA~NgUlaM chAlayantaM muhuravanitalaM saMlikhantaM khurAgraiH | dhunvantaM bhavyarukmAbharaNabharitayoH shR^i~NgayormaNDalaM sat\- tu~NgaM premNAdhirUDhaM vR^iShabhamadhivasatvIshvaro me hR^idabjam || 3\.160|| rajatArkamaNisphArAM mauktikIM japamAlikAm | divyAmamR^itabhANDaM cha chinmudrAM dadhataM karaiH || 3\.161|| bhuja~NgavilasatkakShaM chandramaH khaNDamaNDitam | trilochanamumAnAthaM nAgAbharaNashobhitam || 3\.162|| prasannavadanaM shAntaM sarvavidyAnidhiM suraiH | saMstutaM dakShiNAmUrtiM sadAshivamahaM bhaje || 3\.163|| shrIkarI paThatAmeShA shivakarNAmR^itastutiH | shivAnandakarI nityaM bhUyAdAchandratArakam || 3\.164|| iti shrImadappayyAdIkshitavirachitaM shrIshivakarNAmR^itaM samAptam | iti sham || ## There is another (different) shrIshivakarNAmRRitaM authored by Shri Appayya Dikshita on archive.org under Siva Karnamruta Appaya Dikshita Sri Vani Vilas Press Encoded and proofred by Usha Rani Sanka usharani.sanka at gmail.com \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}