% Text title            : Shukayamasamvade Shivalingarchana Mahimavarnanam
% File name             : shivalingArchanamahimavarNanamshukayamasaMvAde.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 17| 28-114 ||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shukayamasamvade Shivalingarchana Mahimavarnanam ..}##
\itxtitle{.. shukayamasaMvAde shivali~NgArchanamahimavarNanam ..}##\endtitles ##
apArapuNyanidhayo yena puNyaiH samArjitAH |
tasyaiva tAvadvishvAsaH shivali~NgArchane yama || 1||
kalpAvasAnaparyantaM dharmaishchet dinayApanam |
tadA kathashchidvishvAso jAyate sha~NkarArchane || 2||
sulabhaM puNyapu~njAnAM shrImR^ityu~njayapUjanam |
anyeShAM durlabhaM tAvat tadeva shivapUjanam || 3||
sumerushikharasthAnAM chandreNa saha saMsthitiH |
pAtAlavAsinAM sA tu dulebhA syAt tathA khalu || 4||
ataH shivArAdhane.api vighnAH sambhAvitAstataH |
tatkAryamapramAdena pramAde kugatirbhavet || 5||
ashA~NkarAgAranArInaranIrAvalokane |
nimIlya lochane pashchAt kuryAt sUryavilokanam || 6||
ashA~NkarasharIrANi dR^iShTvA nArakiNAmiti |
dR^iShTvA bhAnuM vishiShTashchet dUraM bhAtyapi dhAvati || 7||
shivanetratvabud.hdhyeva kartavyaM bhAnudarshanam |
anyathA dhIryadi dadA punarnarakamashnute || 8||
tataH paraM bhasmanA~Nga samyaguddhUlya sAdaram |
harali~NgArchanaM kArya kR^itvA mukto bhavedaghaiH || 9||
uddhUlitaM bhasmanA~NgaM navamevopajAyate |
bhasma pApasharIrANAM bhasmIkaraNasAdhanam || 10||
tatpuNyaparipAkena bhasmA~Nga upayAsyati |
tasmAduddhUlanenAnyat navA~NgamupajAyate || 11||
praviShTA romakUpeShu sharIrastheShu koTishaH |
li~NgAni janayatyeva tadante bhUtimuttamAm || 12||
manye li~NgamayaM kAyaM vibhUtyudadhUlanAnmama |
tada~NgaM charali~NgaM syAdutta~NgaM chetanAshrayam || 13||
achetanAni li~NgAni kAshmIrAdIni koTishaH |
santi tatpUjane tAvat na tAvat phalamashnute || 14||
pratyakSheNa virUpAkShashAmbhavAkAramAshritaH |
gR^ihNAti phalamannaM vA nIraM vA puShpameva vA || 15||
li~NgArchakasya mahimA tasya li~NgArchanasya vA |
vedaH katha~nchijjAnAti na vijAnAti vA yamaH || 16||
shA~NkarAgresarasyA~NgaM vibhUtipariveShTitam |
dR^iShTvA bhUtapatistAvat nR^ityatyambikayA saha || 17||
abhUtapUrvamevedaM charari~Ngamiti shashrutam |
shaivA~NgamuttamA~NgaM tu tasya li~Ngamanuttamam || 18||
bahudvayaprasAreNa li~NgAkAratayA param |
uttamA~NgaM dR^ishyamAnaM tasya li~Ngamiti smR^itam || 19||
arpitaM charali~NgeShu sAkShAdbhuktaM maheshvaraH |
tataH sthAvarali~NgeShu na tathA shiva sannidhiH || 20||
ratnali~NgaM shrutiproktaM ratnaM shAmbhavapu~NgavaH |
atastadAtmakaM li~Nga li~Ngottamamiti smR^itam || 21||
yasya shAmbhavali~NgeShu na bhaktirupajAyate |
tena sthAvarali~NgeShu pUjA kAryA prayatnataH || 22||
sthAvarasyApi li~Ngasya pUjAM kR^itvA tataH param |
tadarpitopahAreNa kartavya hAratoShaNam || 23||
bhu~Nkte hAramukhaM prApya sadAro hara ityapi |
shrutiH shrutA tato hAraM hArA hArodaraM viduH || 24||
hAramAhAramAsvAdya hAro.api haratAmiyAt |
tato hAro haraH sAkShAt tadA hArodaraM cha saH || 25||
yeShAM na hArarUpeNa li~NgeShu na dR^iDhA matiH |
tenArchanIyaM talli~NgaM sthAvaraM girigahvare || 26||
hArAntaHkaraNAkAraguhAmAshritya sha~NkaraH |
tiShThatItyavagantavyaM sA guhA vedabodhitA || 27||
tasyAM guhAyAM saMviShTamambikAramaNaM prabhum |
smR^itvA harShAshrudhArAbhiH dhIro hAro.amR^ito bhavet || 28||
yathAdhikAraM li~NgArchAM kR^itvA pApairvimuchyate |
yathAvibhavametasya pUjA kAryA visheShataH || 29||
shiva eva yadA iShTaH chidAnandaghanastadA |
tadarchanaparo bhUyAt na li~NgArchanatatparaH || 30||
shivasannidhirityeva li~NgapUjA vidhIyate |
sa chet sannihitaH sAkShAt kAryaM tasyaiva pUjanam || 31||
ataH prakR^itapApasya nAshAyApi prayatnataH |
shivali~NgArchanaM kAryaM tannAshastena jAyate || 32||
pApadAvAnalasyAyaM shivali~NgArchanAmbudaH |
vinAshako bhavatyeva sabhAgyAnAM bhavetkhaluH || 33||
ataH paraM kAlakAlapUjayA kAlayApanam |
kartavyaM kAlanilayaM kAlakAlaM smaran vraja || 34||
\-ityuktaM tadvachaH shR^itvA tatkR^itaM li~NgapUjanam |
tatsAdhanAni dR^iShTvApi yamaH prAha shukaM prati || 35|| \-

\-dhanyo.asi bhAgyavAnekaH bhavAn loke shukAdhunA |
sarvalokopakArAya shivapUjA tavedR^ishI || 36|| \-

shivapUjAsAdhanAnAM sAdhanaM tapasAM phalam |
etAvataiva tapasA sarveShAM kR^itakR^ityatA || 37||
tvayA janmArjitAnantataporUpeNa kevalam |
li~NgArchanaM kR^itamidaM sarvasAdhanalidvidam || 38||
lochanAnAM phalamidaM shivali~Ngavilokanam |
architasyAsya li~Ngasya darshanaM tu visheShataH || 39||
shivArAdhanasAmagrI dR^iShTA seyaM muhurmuhuH |
tanoti paramAnandaM seyamatyadbhutA khalu || 40||
na shivArchanasAmagrIprabhAvasyApi varNanam |
apArarasanAbhirvA shakyate kartumekadA ||| 41||
kalpitA rachanA seyaM tvayA sha~Nkaramandire |
apAratapasAmeva rachanA phalamashnute || 42||
janma te saphalaM mAtA dhanyA dhanyaH pitA tava |
shAmbhavasya tvayA sa~NgAt dhanya mAmapi manmahe || 43||
bhuvaneShu na kutrApi dR^iShTaH shAmbhapu~NgavaH |
etAdR^ishaH shivarato dulabhaH khalu sarvadA || 44||
dhanyaM netrayugaM dhanyaM dhanyaM mama karadvayam |
shivapUjanamAmagrIkaraNAlokanAdarAt || 45||
etAdR^ishamahAdevapUjayA parayA.anayA |
phalaM sha~NkarapAdAbja makarandatayA matam || 46||

|| iti shivarahasyAntargate shukayamasaMvAde shivali~NgArchanavidhAnavarNanaM sampUrNam ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 17| 28\-114 ||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 17. 28-114 ..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}