% Text title            : Shiva Manasa Puja or Atmapuja Stotram
% File name             : shivamAnasapUjA.itx
% Category              : shiva, kRiShNAnandasarasvatI
% Location              : doc\_shiva
% Author                : Krishnanandasarasvati
% Proofread by          : PSA Easwaran
% Description-comments  : Brihatstotraratnakara 1 newer, Narayana Ram Acharya, Nirnayasagar, stotrasankhyA 225
% Latest update         : March 25, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shiva Manasa Puja or Atmapuja Stotram ..}##
\itxtitle{.. shivamAnasapUjA athavA AtmapUjAstotram ..}##\endtitles ##
shrIgaNeshAya namaH ||
OM pratyakpravaNadhIvR^ittyA hR^idgR^ihAntaHpraveshanam |
maNDapAntaHpravesho.ayaM pUjArthaM tava sha~Nkara || 1||
guruvAkyeShu vishvAsaH sthitirAsanasaMsthitiH |
sarvasa~NkalpasantyAgaH sa~Nkalpastava pUjane || 2||
sarvAdhArastvameveti nishchayaH pIThapUjanam |
dhyAnadhyAtR^idhyeyabAdho dhyAnamAnandakAraNam || 3||
dR^ishyapramArjanaM chittAnnirmAlyasya visarjanam |
ahaM brahmetyakhaNDA yA vR^ittirdhArAbhiShechanam || 4||
pR^ithivyAtmakatA dR^iShTistava gandhasamarpaNam |
bodhopashamavairAgyaM tridalaM bilvamarpaye || 5||
AkAshAtmakatAbodhaH kusumArpaNamIshvara |
jagadAkAshapuShpAbhamiti padmaM samarpaye || 6||
vAyutejomayatvaM te dhUpadIpAvanuttamau |
dR^ishyAsambhavabodhena nijAnandena tR^iptatA || 7||
sarvataH prItijanakaM naivedyaM vinivedaye |
jalAtmakatvabuddhistu pIyUShaM te.arpaye piba || 8||
kartavyeShvaprasaktistu hastaprakShAlanaM tava || 9||
durvAsanAparityAgastAmbUlasya samarpaNam |
vAchAM visarjanaM deva dakShiNA shrutisammatA || 10||
phalAbhisandhirAhityaM phalArpaNamanuttamam |
ahameva paraM brahma sachchidAnandalakShaNam || 11||
evaM nididhyAsavAkyaM stutiH priyakarI tava |	
nAmarUpANi na tvatto bhinnAnIti matistu yA || 12||
tava puShpA~njaliH shambho sarvatrotkIrNapuShpakaH |
svaprakAshAtmabuddhistu mahAnIrAjanaM tava || 13||
prAdakShiNyaM sarvataste vyAptibuddhiH smR^itaM shiva |
tvamevAhamiti sthityA lInatA praNatistava || 14||
shuddhasattvasyAbhivR^iddhishChatraM tApApanodanam |
rajastamastiraskArashchAmarAndolane tava || 15||
nijAnandaparAghUrNadolanAndolane vasa |
dhanyo.ahaM kR^itakR^ityo.ahamiti gAnaM tava priyam || 16||
nira~NkushaM mahAtR^iptyA nartanaM te mude shiva |
nAnAvidhaiH shabdajAlaijR^imbhaNaM vAdyamuttamam || 17||
shabdAtigatvabuddhistu kalyANamiti DiNDimaH |
vegavattaragantA.asau mano.ashvaste samarpitaH || 18||
ahambhAvamahAmattagajendro bhUrilakShaNaH |
tatra dehAdyanAropaniShThA dR^iDhataro.a~NkushaH || 19||
advaitabodhadurgo.ayaM yatra shatrurna kashchana |
janatArAmavistAro ramasvAtra yathAsukham || 20||
kalpanAsamparityAgo mahArAjyaM samarpaye |
bhoktR^itvAdhyAsarAhityaM varaM dehi sahasradhA || 21||
akhaNDA tava pUjeyaM sadA bhavatu sarvadA |
AtmatvAttava me sarvapUjaivAsti na chAnyathA || 22||
imAM pUjAM pratidinaM yaH paThedyatrakutrachit |
sadyaH shivamayo bhUtvA muktashcharati bhUtale || 23||

iti shrImatparamahaMsaparivrAjakAchAryashrImatkR^iShNAnanda-
sarasvatIvirachitA shivamAnasapUjA samAptA |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}