% Text title            : shivamahimastotram
% File name             : shivamahimastotram.itx
% Category              : shiva
% Location              : doc\_shiva
% Proofread by          : PSA Easwaran
% Description-comments  : Brihatstotraratnakara 1 newer, Narayana Ram Acharya, Nirnayasagar, stotrasankhyA 225
% Source                : Shandapurana
% Latest update         : March 25, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shivamahimastotram ..}##
\itxtitle{.. shivamahimastotram ..}##\endtitles ##

shrIgaNeshAya namaH ||
shrIviShNuruvAcha |
maheshAnantAdya triguNarahitAmeyavimala
     svarAkArApArAmitaguNagaNAkArinivR^ite |
nirAdhArAdhArAmaravara nirAkAra parama
     prabhApUrAkArAvara para namo vedya shiva te || 1||
namo vedAvedyAkhilajagadupAdAna niyataM
     svatantrAsAmAntAnavadhutinijAkAravirate |
nivartante vAchaH shivabhajanamaprApya manasA
     yato.ashaktAH stotuM sakR^idapi guNAtIta shiva te || 2||
tvadanyadvastvekaM na hi bhava samastatribhuvane
     vibhustvaM vishvAtmA na cha paramamastIsha bhavataH |
dhruvaM mAyAtItastvamasi satataM nAtra viShayo
     na te kR^ityaM satyaM kvachidapi viparyeti shiva te || 3||
tvayaivemaM lokaM nikhilamamalaM vyApya satataM
     tathaivAnyAM lokasthitimanagha devottama vibho |
tvayaivaitatsR^iShTaM jAdakhilamIshAna bhagavan\-
     vilAso.ayaM kashchittava shiva namo vedya shiva te || 4||
jagatsR^iShTeH pUrvaM yadabhavadumAkAnta satataM
     tvayA lIlAmAtraM tadapi sakalaM rakShitamabhUt |
tadevAgre bhAlaprakaTanayanAdbhutakara\-
     AjjagaddagdhvA sthAsyasyaja hara namo vedya shiva te || 5||
vibhUtInAmanto bhava na bhavato bhUtivilasan\-
     nijAkAra shrImanna guNagaNasImApyavagatA |
atadvyAvR^ityA.addhA tvayi sakalavedAshcha chakitA
     bhavantyevAsAmaprakR^itika namo dharSha shiva te || 6||
virADrUpaM yatte sakalanigamAgocharamabhUt\-
     tadevedaM rUpaM bhavati kimidaM bhinnamathavA |
na jAne devesha trinayana surArAdhyacharaNa
     tvao~NkAro vedastvamasi hi namo.aghora shiva te || 7||
yadantastattvaj~nA munivaragaNA rUpamanaghaM
     tavedaM sa~nchintya svamanasi sadA.a.asannavihatAH |
yayurdivyAnandaM tadidamathavA kiM tu na tathA
     kimetajjAne.ahaM sharaNada namaH sharva shiva te || 8||
tathA shaktyA sR^iShTvA jagadatha cha saMrakShya bahudhA
     tataH saMhR^ityaitannivasati tadAdhAramathavA |
idaM te kiM rUpaM nirupama na jAne hara vibho
     visargaH ko vA te tamapi hi namo bhavya shiva te || 9||
tavAnantAnyAhuH shuchiparamarUpANi nigamA\-
     stadantarbhUtaM satsadasadaniruktaM padamapi |
niruktaM ChandobhirnilayanamidaM vAnilayanaM
     na vij~nAtaM j~nAtaM sakR^idapi namo jyeShTha shiva te || 10||
tavAbhUtsatyaM chAnR^itamapi cha satyaM kR^itamabhU\-
     dR^itaM satyaM satyaM tadapi cha yathA rUpamakhilam |
yataH satyaM satyaM shamamapi samastaM tava vibho
     kR^itaM satyaM satyAnR^itamapi namo rudra shiva te || 11||
tavAmeyaM meyaM yadapi tadameyaM virachitaM
     na vAmeyaM meyaM rachitamapi meyaM virachitum |
na meyaM meyaM te na khalu parameyaM paramayaM
     na meyaM na nAmeyaM varamapi namo deva shiva te || 12||
tavAhAraM hAraM viditamavihAraM virahasaM
     navAhAraM hAraM hara harasi hAraM na harasi |
na vAhAraM hAraM parataravihAraM parataraM
     paraM pAraM jAne na hi khalu namo vishvashiva te || 13||
yadetattattvaM te sakalamapi tattvena viditaM
     na te tattvaM tattvaM viditamapi tattvena viditam |
na chaitattattvaM chenniyatamapi tattvaM kimu bhave
     na te tattvaM tattvaM tadapi cha namo vedya shiva te || 14||
idaM rUpaM rUpaM sadasadamalaM rUpamapi chen\-
     na jAne rUpaM te taratamavibhinnaM parataram |
yato nAnyadrUpaM niyatamapi vedairnigaditaM
     na jAne sarvAtman kvachidapi namo.ananta shiva te || 15||
mahadbhUtaM bhUtaM yadapi na cha bhUtaM tava vibho
     sadA bhUtaM bhUtaM kimu na bhakto bhUtaviShaye |
yadAbhUtaM bhUtaM bhavati hi na bhavyaM bhagavato
     bhavAbhUtaM bhAvyaM bhavati na namo jyeShTha shiva te || 16||
vashIbhUtA bhUtA satatamapi bhUtAtmakatayA
     na te bhUtA bhUtAstava yadapi bhUtA vibhutayA |
yato bhUtA bhUtAstava tu na hi bhUtAtmakatayA
     na vA bhUtA bhUtAH kvachidapi namo bhUta shiva te || 17||
na te mAyAmAyA satatamapi mAyAmayatayA
     dhruvaM mAyAmAyA tvayi vara na mAyAmayamapi |
yadA mAyAmAyA tvayi na khalu mAyAmayatayA
     na mAyAmAyA vA paramaya namaste shiva namaH || 18||
yatantaH saMvedyaM viditamapi vedairna viditaM
     na vedyaM vedyaM chenniyatamapi vedyaM na viditam |
tadevedaM vedyaM viditamapi vedAntanikaraiH
     karAvedyaM vedyaM jitamiti namo.atarkya shiva te || 19||
shivaM sevyaM bhAvaM shivamatishivAkAramashivaM
     na satyaM shaivaM tachChivamiti shivaM sevyamanisham |
shivaM shAntaM matvA shivaparamatattvaM shivamayaM
     na jAne rUpatvaM shivamiti namo vedya shiva te || 20||
yadaj~nAtvA tattvaM sakalamapi saMsArapatitaM
     jagajjanmAvR^ittiM dahati satataM duHkhanilayam |
yadetajj~nAtvaivAvahati cha nivR^ittiM paratarAM
     na jAne tattattvaM paramiti namo vedya shiva te || 21||
na vedaM yadrUpaM nigamaviShayaM ma~NgalakaraM
     na dR^iShTaM kenApi dhruvamiti vijAne shiva vibho |
tatashchitte shambho na hi mama viShAdo.aghavikR^itiH
     prayatnAllabdhe.asminna kimapi namaH pUrNaM shiva te || 22||
tavAkarNyAgUDhaM yadapi paratattvaM shrutiparaM
     tadevAtItaM sannayanapadavIM nAtra tanute |
kadAchitki~nchidvA sphurati katidhA chetasi tava
     sphuradrUpaM bhavyaM bhavahara parAvedya shiva te || 23||
tvamindurbhAnustvaM hutabhugasi vAyushcha salilaM
     tvamevAkAsho.asi kShitirasi tathA.a.atmA.asi bhagavan |
tataH sarvAkArastvamasi bhavato bhinnamanaghAn\-
     na tatsatyaM satyaM trinayana namo.ananta shiva te || 24||
vidhuM dhatse nityaM shirasi mR^idukaNTho.api garalaM
     navaM nAgAhAraM bhasitamamalaM bhAsuratanum |
kare shUlaM bhAle jvalanamanishaM tatkimiti te
     na tattvaM jAne.ahaM bhavahara namaH kUrpa shiva te || 25||
tavApA\~NgaH shuddho yadi bhavati bhavye shubhakaraH
     kadAchitkasmiMshchillaghutaranare viprabhavati |
sa evaitA.NllokAn rachayitumalaM sApi cha mahAn
     kR^ipAdhAro.ayaM sukhayati namo.ananta shiva te || 26||
bhavantaM deveshaM shivamitaragIrvANasadR^ishaM
     pramAdAdyaH kashchidyadi yadapi chitte.api manute |
sa duHkhaM labdhvA.ante narakamapi yAti dhruvamidaM
     dhruvaM devArAdhyAmitaguNa namo.ananta shiva te || 27||
pradoShe ratnADhye mR^idulatarasiMhAsanavare
     bhavAnImArUDhAmasakR^idapi saMvIkShya bhavatA |
kR^itaM samyannATyaM prathitamiti vedo.api bhavati
     prabhAvaH ko vA.ayaM tava hara namo dIpa shiva te || 28||
smashAne sa~nchAraH kimu shiva na te kvApi gamanaM
     yato vishvaM vyApyAkhilamapi sadA tiShThati bhavAn |
vibhuM nityaM shuddhaM shivamupahataM vyApakamiti
     shrutiH sAkShAdvakti tvayamapi namaH shuddha shiva te || 29||
dhanurmeruH sheSho dhanuvaraguNo yAnamavani\-
     stavaivedaM chakraM nigamanikarA vAjinikarAH |
purolakShyaM yantA vidhiriShuharishcheti nigamaH
     kimevaM tvanveShyo nigadati namaH pUrNa shiva te || 30||
mR^iduH sattvaM tvetadbhavamanaghayuktaM cha rajasA
     tamoyuktaM shuddhaM haramapi shivaM niShkalamiti |
vadatyeko vedastvamasi tadupAsyaM dhruvamidaM
     tvamo~NkArAkAro dhruvamiti namo.ananta shiva te || 31||
jagatsuptiM bodhaM vrajati bhavato nirgatamapi
     pravR^ittiM vyApAraM punarapi suShuptiM cha sakalam |
tvadanyaM tvatprekShyaM vrajati sharaNaM neti nigamo
     vadatyaddhA sarvaH shiva iti namaH stutya shiva te || 32||
tvamevAlokAnAmadhipatirumAnAtha jagatAM
     sharaNyaH prApyastvaM jalanidhirivAnantapayasAm |
tvadanyo nirvANaM taTa iti cha nirvANayatira\-
     pyataH sarvotkR^iShTastvamasi hi namo nitya shiva te || 33||
tavaivAMsho bhAnustapati vidhurapyeti pavanaH
     pavatyeSho.agnishcha jvalati salilaM cha pravahati |
tavAj~nAkAritvaM sakalasuravargasya satataM
     tvamekaH svAtantryaM vahasi hi namo.ananta shiva te || 34||
svatantro.ayaM somaH sakalabhuvanaikaprabhurayaM
     niyantA devAnAmapi hara niyantAsi na paraH |
shivaH shuddhA mAyArahita iti vedo.api vadati
     svayaM tAmAshAsya trayahara namo.ananta shiva te || 35||
namo rudrAnantAmaravara namaH sha~Nkara vibho
     namo gaurInAtha trinayana sharaNyA~Nghrikamala |
namaH sharva shrImannanagha mahadaishvaryanilaya
     smarAre pApAre jaya jaya namaH sevya shiva te || 36||
mahAdevAmeyAnaghaguNagaNaprAmavasatan\-
     namo bhUyo bhUyaH punarapi namaste punarapi |
purArAte shambho punarapi namaste shiva vibho
     namo bhUyo bhUyaH shiva shiva namo.ananta shiva te || 37||
kadAchidgaNyante nibiDaniyatavR^iShTikaNikAH
     kadAchittatkShetrANyapi sikataleshaM kushalinA |
anantairAkalpaM shiva guNagaNashchArurasanai\-
     rna shakyaM te nUnaM gaNayitumuShitvA.api satatam || 38||
mayA vij~nAyaiShA.anishamapi kR^itA jetumanasA
     sakAmenAmeyA satatamaparAdhA bahuvidhAH |
tvayaite kShantavyAH kvachidapi sharIreNa vachasA
     kR^itairnaitairnUnaM shiva shiva kR^ipAsAgara vibho || 39||
pramAdAdye kechidvitatamaparAdhA vidhihatAH
     kR^itAH sarve te.api prashamamupayAntu sphuTataram |
shiva shrImachChambho shivashiva mahesheti cha japan
     kvachilli~NgAkAre shiva hara vasAmi sthirataram || 40||
iti stutvA shivaM viShNuH praNamya cha muhurmuhuH |
nirviNNo nyavasannUnaM kR^itA~njalipuTaH sthiram || 41||
tadA shivaH shivaM rUpamAdAyovAcha sarvagaH |
bhIShayannakhilAnbhUtAn ghanagambhIrayA girA || 42||
madIyaM rUpamamalaM kathaM j~neyaM bhavAdR^ishaiH |
yattu vedairavij~nAtamityuktvA.antardadhe shivaH || 43||
tataH punarvidhistatra tapastaptuM samArabhat |
viShNushcha shivatattvasya j~nAnArthamatiyatnataH || 44||
tAdR^ishI shiva me vAchChA pUjayitvA vadAmyaham |
nAnyo mayA.archyo deveShu vinA shambhuM sanAtanam || 45||
tvayApi shA~NkaraM li~NgaM pUjanIyaM prayatnataH |
vihAyaivAnyadevAnAM pUjanaM sheSha sarvadA || 46||

iti shrIskandapurANe viShNuvirachitaM shivamahimastotraM sampUrNam |

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}