% Text title            : Gayatrikrita Shivamantrapraptyagrahah
% File name             : shivamantraprAptyAgrahaHgAyatrIkRRita.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 2| 33-56 ||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Gayatrikrita Shivamantrapraptyagrahah ..}##
\itxtitle{.. gAyatrIkR^itashivamantraprAptyAgrahaH ..}##\endtitles ##
bhagavan devadevesha bharga saMsArabharjaka |
prasIda karuNA sindho varaM dehi mamepsitam || 1||
mantraH shivapadAbhAve japAyogya iti shrutiH |
prasiddhA sA shrutistAvat mAnyA dhanyasya kevalam || 2||
mantre shivapadaM yatra tena siddhiH prajAyate |
ato munIshvarAH sarve shivamantrajapotsukAH || 3||
shivamantre vidyamAne sarvavidyAprakAshake |
avidyAnAshake tasmin anyo mantro na vidyate || 4|| (japyate, jAyate)

vyarthAyAsapradA mantrAH shivashabdavivarjitAH |
atastairbahudhA japtaiH alpaM vA na phalaM dhruvam || 5||
nIrasaistarubhiH puShpaM na phalaM vA yathA tathA |
shivamantrAnyamantreNa prajaptenApi kiM phalam || 6||
kiM vandhyA jaraThA putraM sUte vidyAvishAradam |
tathA mantrAstu te vandhyAH shivanAmavivarjitAH || 7||
shivanAmasvarUpeNa dohadena maheshvara |
phalaM bhaktitaruH sUte bhaktisiktaH punaH punaH || 8||
shivanAmapraveshena mantro bhAti yathA raviH |
udayAchalamAsAdya sahasrakiraNo.api san || 9||
shivamantrAbhAvabaddho na phalAyopayujyate |
mantrAkAraM dinaM bhAnumapekShyAsAdya bhAsate || 10||
mantrarUpadinasyAyaM bhargashabdastu bhAskaraH |
dinaM na bhAskarAbhAve dinatvamapi yAsyati || 11||
yathA tathA mantratA.api mantre tena vinA tu na |
sR^iShTaM shivapadaM pUrvaM tvayA tAvanmahAtmanA || 12||
tadyatra mantre na bhavet sa mantro japya eva na |
kaNThe ma~NgalasUtraM chenna nArI ma~NgalAvahA || 13||
tathaiva mantravidyA.api ma~NgalAya na taM vinA |
shivamantrastu mantrANAM tAvanma~NgalasUtravat || 14||
jAto ma~NgaladAnAya kimanyaiH sAdhanairapi |
ratnabhUShaNayuktApi na raNDA bhAti sarvathA || 15||
vinA ma~NgalasUtreNa tathA mantro na taM vinA |
kiM tayA kriyate dhenvA na dogdhrI na cha garbhiNI || 16||
shivamantravihInena japtena manunA.api kim |
yA gauH sagarbhA sA poShyA sAdhanairvividhaistathA || 17||
shivamantreNa saMyukto manurjapyo manIShibhiH |
shivamantrAtmakaM ratnaM mantraH prApya virAjate || 18||
yathA dharA ratnagarbhA phalaM sUte manoharam |
pativratA.api yA nArI putrahInA na rAjate || 19||
tathA shivapadAbhAve mantravidyA na rAjate |
mantro mantratvamApnoti shivamantrapraveshanAt || 20||
tadabhAve sa mantraH syAdamantraH kevalaH shivaH |
mahimA shivashabdAnAM na j~nAtuM shakyate mayA || 21||
vedairapi na vij~nAto munibhishcha surairapi |
manmantre japayogyatvaM nAstIti munibhiH prabho || 22||
na japAya prayukto.ayaM mano duHkhamidaM mama |
etadduHkhavinAshastu tvatprasAdaM vinA katham || 23||
tvayi prasanne bhagavan aprApyamapi kiM prabho |
yanna vedairapi j~nAtaM tava rUpaM maheshvara || 24||

|| iti shivarahasyAntargate gAyatrIkR^itashivamantraprAptyAgrahaH sampUrNaH ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 2| 33\-56 ||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 2. 33-56 ..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}