% Text title            : Shri Shankaravishnuproktam Shivanamamahimanuvarnanam
% File name             : shivanAmamahimAnuvarNanam.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 20 | vAvRittashlokAH ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Shankaravishnuproktam Shivanamamahimanuvarnanam ..}##
\itxtitle{.. shrIsha~NkaraviShNUproktaM shivanAmamahimAnuvarNanam ..}##\endtitles ##
shrIsha~NkaraH \-
shivanAmasudhApAne prItiH syAt kasyachidbhuvi |
apArapuNyapu~njasya sA nAnyasyeti nishchayaH || 70||
manuShyadehamAsAdyApyAsvAdya muhurAdarAt |
shivanAmasudhAM dhanyaH prayAti shivameva saH || 71||
svAdhInA rasanA shivAmR^itarasaM pAtuM pravR^ittA kathaM
nAsIdeva durAtmanA kathamidaM bhAgyaM mahAghAnvaye |
ko vA jIvati tatsudhAshanamahorAtraM kShaNaM vA sakR^it
yasya syAdaghakoTinAshakatayA khyAtaM sa vandyaH suraiH || 72||
aghakoTivinAshanAya dakShaM shivanAma shrutamekameva vedaiH |
anuvAramidaM janAH kathaM vA na vadanti smR^itimAtrato.api mukteH || 73||
muktAphalAmalamidaM shivanAma loke
sR^iShTaM shivena sakalArtivinAshanAya |
tatko.api puNyapuruShaH shravaNe nidhAya
nR^ityatyumApatipadAmbujadarshanAya || 74||
nAmAni santi bahudhA girishasya tAni
tulyAni naiva shivavarNayugena tatra |
prItiH shivasya shivarUpamiti prasiddhaM
nAmApi tadruchikaraM khalu sha~Nkarasya || 75||
shivA vANI loke shivapadasametA shivapadaM
dadAtyuktA tAvat smaraNapathamAptApi shivadA |
ato dhanyairnityaM shiva shiva shiveti prajanane
nayantyAyuH prAyaH shivapadasarojArchanabalAt || 76||
yo vaktuM yatate shivAkSharayugaM sAyaM prage vA mudA
madhyAhne.api samarchayanti vibudhAH sarve munIndrA api |
tasmAdabhyadhiko na ko.api bhuvaneShvAloDitaM bhUtalaM
brahmANDAnyakhilAni tAvadasakR^innAloDitAnyeva kim || 77||
jambUdvIpe janma samprApya ko vA jArAdanyo jArajAdapyapAraH |
shaivaM vaktuM nAma vai chAdya tasya pApiShThAnAM tatra tAvanna bhaktiH || 78||
AkaNThaM shivanAmadheyasusudhAM pItvAtipIno mudA
yo vA nR^ityati sha~Ngali~Nganilaye tatpAdapadmaM surAH |
dR^iShTravaiva praNatAH stuvanti bahudhA tatpAdukArAdhane
rAdhAmAdhavayorvidherapi manastAvatpravR^ittaM muhuH || 79||
ta~njanmaiva manoharaM cha sukaraM chAnandadaM sarvadA
yasya syAdrasanA shivAkSharasudhApAnapravR^ittA muhuH |
tanmAtA subhagA pitA cha subhagastasyaiva tatpAduke
lokAnAmupakArike smR^itipadaM prApte vimuktiprade || 80||
aghakoTiyuto.api daivayogAt shivanAmasmaraNena pUta eva |
sa punAti jagattrayaM sakR^idvA shruta eva smR^ita eva vA visheShAt || 81||
shivanAmasamAnamasti kiM vA bhuvaneShu prathiteShu bhUtaleShu |
girisundarakandareShu bhUyo.apyaTanenApi na labhyate samAnam || 82||
shivAbhidhAnAmR^itapAnapInAnadInamAnAnabhimAnagAnAn |
pashyatyavashyAn shamano.api natvA nArAyaNastAn kamalAsano.api || 85||
shivapadaM padamIpsitasampadAM padamidaM padamAtmasukhasya cha |
apadametadaho sakalApadAM padamanuttamamuktipadaM padam || 86||
sudhAdhArAkArA shivapadasarUpA.api bhuvane
tayA janmApAyo na bhavati janiH kiM shivapade |
shrute janmApAyo bhavati na jarA nApi maraNaM smR^ite
muktistenetyapi vadati vedo.api satatam ||
sudhArAshiH ko.ayaM vijayati(?)shivAkhyAtmakatayA
mahAnandAkArAn janayati sudhAMshUnagaNitAn |
punastairapyanthe.apyamR^itakiraNA eva janitAH
samAhArasteShAM shivacharaNapa~NkeruhagataH || 88||
na vij~nAtaM siddhaiH paramamR^itarUpaM shivapadaM
na vA devaiH kairapyaparamunisa~Nghairapi gaNaiH |
na vA vedairj~nAtaM shivapadamidaM veda sa shivo
mahAnandAkAro nirupamashivaj~nAnamahimA || 89||
idaM tAvadrUpaM shivapadamidaM tAvadamR^itaM paraM
nAtaH ki~nchit jagati sakalAghakShayakaram |
anenaivAnando bhavati shivapAdAmbujarajaH
prasAdAt keShA~nchit girishacharaNAmbhojabhajanAt || 90||
na jAnImastatvaM shivapadamahimnaH paramidaM
parAM muktiM dAsyatyanupadamavij~nAtavibhavam |
kR^itaM vA kenApi shrutamapi kimetAdR^ishamidaM
purA sR^iShTaM divyaM janimaraNanAshArthamanisham || 91||
aho kalpAnte vA na bhavati katha~nchidvivaraNaM
mahAkumbhIpAkaprabhR^itiShu mahAkleshaviratiH |
akasmAdetasmAt jananamaraNApAyajanako
mahArogApAyo bhavati shivashabdasmaraNataH || 92||
yadgopanIyaM bahubhiH prayatnaiH tannAmaratnaM tadidaM shivasya |
kaNThe sadA tiShThati yasya tasya pAdAmbujArAdhanato.api muktiH || 93||
na j~nAyate sha~NkaranAmashaktiH kenApi tadvastunibhaM na vastu |
itaH samastAmayanAsha eva syAdityavashyaM bhajanIyamAryaiH || 94||
sa eva tAvadbhuvi pAvanashcha yaH sha~NkaraM nAma muhurmanaHstham |
kR^itvA smaratyanvahamAdareNa sa eva tAvat paramo.asti kashchit || 95||
shivashabdasamAnashabdamasmin bhuvane vedagaNe.api naiva vidmaH |
amumeva mahauShadhaM viditvA bhuvi dhanyAH pracharanti rogahInAH || 96||
manye rogavinAshanaM shivapadaM dhanyaikabhAvyaM sadA
dhanyAnAmapi dhanyatA shivapadaM dhanyeShu dhanyaM param |
manye taM shivashabda evaM satataM dhanyaM karoti smR^itaH
sadyaH pAvayatIti tatpadamaho divyauShadhaM saukhyadam || 97||
kimauShadhAbhAsavichAraNena divyauShadhe sha~NkaranAmarUpe |
tiShThatyapArAmayanAshake.asmin anyaM na vA~nChA viShayIkaroti || 98||
karotu pApAnyamitAni kiM taiH apArasaMsAramahAmaye.asmin |
kiM tadyataH sha~NkaranAmarUpaM divyauShadhaM tiShThati kaNThabhAge || 99||
saMsArarogaharaNAya shivAbhidhAnaM divyauShadhaM tanmuhurAdareNa |
saMsevanIyaM sakalAghashAntiH tenaiva saMsArabhayApahAraH || 100||
saMsArarogamapahartumashakta eva yaH ko.api sha~NkarapadasmaraNAnuraktaH |
taM tArayatyanudinaM padamekameva tannAnyadichChati tadIyabhayApanuttyai || 101||
aho ke.api saMsArarogApahAraprayAsapravR^ittAH pramattAH paraM te |
anAyAsasiddhe.api vishveshanAmni prakR^iShTAghanAshAya ke vA pravR^ittAH || 102||
saMsArarogavinivArakamekameva divyauShadhaM shivapadAbhidhamAmananti |
tenaiva tasya vilayo bhavatIti siddhaM siddhAnta eva mama tAvadasaMshayo.atra || 103||
viShNuH \-
shivAkhyA shrutA tena taspAparAshiH mahAsarparUpeNa dagdhaH prayAti |
ataH puNyavAneva so.ayaM mahAtmA mayA pUjya eva tvayA.apyatra kAla || 142||
anenAntakAle shrutaM nAma shaivaM tadevAghakoTipraNAshAya shaktam |
na tatkR^ityametAvadeveti manye shivAgre.api nR^ityaM kariShyatyayaM hi || 143||
ayaM puNyavAnasya puNyasya nAnto yato nAma divyaM shrutaM shAmbhavaM hi |
kathaM vA na dhanyo.api pUjyashcha devairmahadbhAgyametasya saubhAgyamevam || 144||
puNyAni santi vividhAni tathApi kiM tairante kR^itAnta janiduHkhakarANi tAni |
puNyapraNAshamupayAnti punashcha garbhe vAso bhavatyapi punarmaraNaM janishcha || 145||
ekaM sha~NkaranAmarUpamanaghaM divyAstramatyadbhutaM
tadyena shrutamantataH smR^itamapi dhyAtaM cha daivAt sa tu |
ternaivAshu vinAshayatyaghakulAkArAn ripUn koTishaH
saMsArArNavalakShaNaM ripumapi svachChandavR^ittiH svataH || 146||
dhyAtaM puNyamahAmbudhiM janayati j~nAtaM smR^itaM vA shrutaM
nAmedaM yama shAmbhavaM mahadidaM shastraM ripUNAM kShaye |
saMsArAmayashatrurUpavilayopAyaH paraM tatpadaM
muktiM dAtumapi pravR^ittamasakR^id yadvA sakR^idvA smR^itam || 147||
dattaM sha~NkaranAmarUpamamR^itaM sevyaM suraiH sarvadA
puNyaiH sarvasamAshrayairmunivaraiH siddhaiH phaNIndrAdibhiH |
gandharvairapi kinnarairnaravaraiH saMsArabhUrivyathAvyarthA\-
yAsakadarthanAya bahudhA tattulyamanyattu na || 148||
muktishchet samavekShitA shivapadadhyAne ratAH santataM
santaH santu sahasrasho.api nigamaproktAshcha dharmAH param |
kintairmuktiravApyate yadi bhavet svargaH paraM tairbhavet
ante janma jarA cha mR^ityurapi tairmuktiH kathaM vA bhavet || 149||
shivasmaraNalAlasaM yadi bhavet tadA mAnasaM punarna janisAdhvasaM maraNasAdhvasaM vA yama |
tatastadamR^itAmR^itaM mR^itajanasya sa~njIvanaM jarAmaraNajanmanAmapi vinAshane sAdhanam || 157||

|| iti shivarahasyAntargate shrIsha~NkaraviShNUproktaM shivanAmamahimAnuvarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 20| vAvR^ittashlokAH ||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 20. vAvRRittashlokAH ..

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}