% Text title            : Shivaparvatisamvade Shivarahasyam
% File name             : shivapArvatIsaMvAdeshivarahasyam.itx
% Category              : shiva, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | bhargAkhyaH panchamAMshaH | adhyAyaH 3| 45-69||
% Latest update         : June 18, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivaparvatisamvade Shivarahasyam ..}##
\itxtitle{.. shivapArvatIsaMvAde shivarahasyam ..}##\endtitles ##
devI \-
kiM te priyakaraM shambho rahasya tadvadasva me |
iti pR^iShTo mahAdevo jagAda jagadambikAm || 45||
IshvaraH \-
shrR^iNu tvamamareshAni rahasyaM mama sha~Nkari |
dharmapa~nchakamityAhuH pa~nchapAtakanAshanam || 46||
shrR^iNuShvAvahitA bhUtvA jagatAM pApanuttaye || 47|| (pApanuttamam)

pachelimatapaHphalairamitajanmasa~NghArjitaiH
      bhave bhasitadhAraNe matirudeti vishvAdhike |
tripuNDrarachanAkramaH karagalAdiphAle tathA
      urodarashiraHthale bhavati bhAgyapUrNe jane || 48||
rudrAkSheti vadanspR^ishannapi naro jantuH sa godAnabhAk
      dhR^itvA tachChatakaM mahendrasadanaM prApyendrasAlokyagaH |
tatsAhasradharo.api tatra dashakaM tasmAdanantAkShadhR^ik\-
      brAhmaM vaiShNavamaishvaraM padasukhaM prApyeshvare lIyate || 49||
pa~nchapAtakavinAshanaM paraM pa~nchakoshavinivAraNaM sadA |
pa~nchavaktrakR^ipayA shubhapradaM pa~nchamantraparamaM tathAkSharam || 50||
kumbhasambhavamukhairmunIshvarairjambhamArakamukhairamarendraiH |
kumbhavaktramukharairgaNeshvarairdambhanAshanakaraM paraM manum || 51||
japtamAptaphaladaM shubhAptaye saptamantrakR^itadhUlanAdaraiH |
uptamuktiphaladaM bhavabhUmyAM bIjamekamanishaM shivabhaktaiH || 52||
shrIrudraM yajuShAM gaNeShu vihitaM japtvA paraM prItimAn
      muktaH pAtakasa~Nghato girivarAjjAte sa puNyaikabhAk |
tannamnAM phalavAdasUktiparamairmantraM japanmuktibhA\-
      gbhasmAbhyaktatanustathA cha shayito yo bhasmaniShTho bhavet || 53||
yo rudrAkShavibhUtibhUShaNayuto japtvA priyo jAyate
      yaH puNDrAntaradhAriNe matirume naivApnuyAt tatphalam |
japtvApi shrutishekharottamapadAn j~nAtvApi tasyArthakaM
      li~NgeShu prathitaM sadApachitijaM puNyaM na hi prApnuyAt || 54||
punnAganAgavakulArjunachampakaishcha
      mandArapATalakadambakavarNikAraiH |
jambvAmradADimasugandhishamIshamIka\-
      lodhrodbhavaishcha bakulaiH karavIrapuShpaiH || 55||
padmArkaiH kanakaistathA damanakairbandhUkakokairvakaiH
      kundairjAtikusumbhasambhavasumaiH sanmallikAsambhavaiH |
a~NkolairgirimallikAdikusumaiH saptArijAtAdibhiH
      nandyAvartamarutvakaishcha tulasIsaddroNa dUrvA~NkuraiH || 56||
      viShNukrAnta kushApamArgajaladaiH kAshaistathaivArjunaiH |
kApitthairaghahAripatrakabarairyaH pa~nchavaktrArchanam |
      pa~nchabrahmanamAMsi yasya vadane sadyaH sa mukto bhavet || 57||
sahasranIlotpalamAlayA shivaM samullasachchArushashA~Nkamaulim |
mudA mukundAjavimR^igyamaulipAdAmbujaM pUjayitA sa dhanyaH || 58||
yo bilvottamamAlayA.anudivasaM mandAramAlAdibhi\-
      rli~NgaM ma~Ngalametadadya sumanaHsaurabhyagandhAyitam |
pashyan nashvarapAtakotthashamanAd vyAghAtabhItiM hare\-
      nnirguNDIshukapatrabilvajadalaiH sadbhAvali~NgodbhavaiH || 59||
vasantanavamallikAkusumadivyamAlAdibhiH
      dinAntasamayollasanmadhuragandhajAjIsaraiH |
maheshajanimArchanaM prakurute pradoShetu yaH (maheshakR^itamarchanaM)
      sa chAdibhiShaguttamapriya aghaughatUlAnalaH || 60||
brahmA shailabhavaM harinmaNibhavaM viShNurnishAnAyako
      muktAjAlamayaM pravAlajamumA tAmrodbhavaM bhAnumAn |
hairaNyaM dhanadastathaiva varuNaH shrIchandrakAntodbhavaM
      vahnishchAnnamayaM supittalabhavaM vAyushcha nIlaM hariH || 61||
anye sarvamarudgaNAshcha ditijA gandharvavidyAdharA
      yakShA rAkShasakinnaroragagaNA rudrA munInAM gaNAH |
chitraM chAru maheshali~NgamamalaM sampUjayantyAdarA\-
      dbilvIkomalapallavairdiviShado mandAramAlAdibhiH || 62||
utphullaraktakamalairamalaiH kadambairnIlotpalairvikasitaiH kumudaishcha nityam || 63||
mAlUraprabhavairnavAruNadalairdUrvA~NkuraiH sha~NkaraM li~Nge.abhyarchya
      bhavedanekavibhavairyuktastathA muktibhAk |
sAyaM kundamarandabandhuralasadgandhaughagandhIkR^itai\-
      rdigvAtairvipinapraphullasumanodhUliprabhAbhAsuraiH || 64||
sharvANIramaNArchanaiH kR^itamatirmandAramAlAdibhiH
bhasmAbhyaktatanurbhavet sa subhago bhAvo.api kashchit kalau || 65||
prAlyairmadhvAjyadugdhaprabhavadadhighaTairnArikelekShusAraiH
      rambhAjambIrachUtaprabhavaphalarasaiH pAnasoddhUtakoshaiH |
shrIkhaNDadravasArasAgaramahAkarpUrakhaNDadravaiH
      pATIrairmR^iganAbhijAtasurasaiH sachCharkarApUrakaiH || 66||
AsichyAlimpya gandhairmR^idutaravasanAveShTanairveShTayitvA
      nepathyairmaNikalpitaiH sumanasAM bhAraishcha bilvIdalaiH |
abhyarchyAbhUShya dhUmairagaruparimalAmoditairdIpajAlaiH
      naivedyairbahubhakShabhojyasahitaistAmbUlanIrAjanaiH || 67||
kundendupratimAnachAraNagaNaiH Chatraishcha muktAphaloddAma\-
      svarNapariShkR^itairvyajanajAmodotthavAtArpaNaiH |
AdarshairatinirmalairmR^idulakaiH sadvAdyabhedotthitadhvAnaiH
      prakramasaMstavapraNamanairnR^ityaishcha geyairapi || 68||
li~NgaM ma~Ngalama~NgalApatimahAsAnnidhyahetusthale
      vAraM vAramaghaughanAshanakaraM puNye pradoShe.api cha |
sampUjyAlokya puNyairjanishavatitataiH kiM vadAmIshatulyaH
      skando nandishcha bhR^i~NgirgirishakaruNayA dhanyadhanyaH sa eva || 69||

|| iti shivarahasyAntargate shivapArvatIsaMvAde shivarahasyam ||

\- || shrIshivarahasyam | bhargAkhyaH pa~nchamAMshaH | adhyAyaH 3| 45\-69||
##
- .. shrIshivarahasyam . bhargAkhyaH panchamAMshaH . adhyAyaH 3. 45-69..
Notes:
Shiva describes to Devi, the DharmaPanchaka (the five signifiers of ShaivaDharma).

The shloka numbers are maintained per the referenced source text.

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}