% Text title            : Shiva Puja StavaH
% File name             : shivapUjAstavaH.itx
% Category              : shiva, pUjA
% Location              : doc\_shiva
% Author                : jnAnashambhushivAchArya
% Transliterated by     : Dominic Goodall
% Proofread by          : Dominic Goodall, Ruma Dewan
% Latest update         : January 18, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shiva Puja Stava ..}##
\itxtitle{.. shivapUjAstavaH ..}##\endtitles ##
prAtashsha~NkarachintanasnapanasaMsekAsusaMrodhanai\-
      ssandhyAsaMsmR^itimArjanAghashamanopasthAnasantarpaNaiH |
dvArasyArchanayAgadhAmagatavighnodvAsanAdyaiH prabho\-
      ryashshrImAnyajanaM karoti bhavatastasyaiva siddhidvayam || 1||
ekaivArthata IshashaktiramitA yA.anekarUpA shivA
      kAlopAdhivashAddvijAstvanudinaM brAhmyAdirUpeNa tAm |
dhyAyantyatra tu nirmalAtmashivayossandhishcha shaivI parA
      sandhyAtashshiva eva sAdhakavarairdhyeyaH sadA nirmalaH || 2||
prAtassmarAmi hR^idayAbjakhamadhyasaMsthaM
      chandrArkamArgavirahoditachitsvarUpam |
dhyeyaM sadA munivarairapavargasid.hdhyai
      vishvAtmakaM sadasadantamanantamIsham || 3||
madhyandine shatasahasranishAkarAbhaM
      vishveshvaraM paramakAraNamaprameyam |
shambhuM sadoditamamAyaviyatsvarUpaM
      kodaNDamadhyanilayaM niyataM smarAmi || 4||
brahmAkSharaM nishimukhe.amR^itasAgarAbhaM
      vishvAdhipaM shivamanUtthitanAdasaMstham |
bodhAmR^itaM karaNakAraNakAryahInaM
      taM brahmarandhranilayaM niyataM smarAmi || 5||
tejonidhAnamachalaM shivamardharAtre
      nityaM nirastaviShayaiH paramArthadR^igbhiH |
vij~neyamavyayamachintyamabhAvanIya\-
      munmanyatItaviShayaM satataM smarAmi || 6||
kShmAdigranthyantatattvakramanihitapadAkrAntasaMshuddhavidyA
      tattvAntavyApisAdAshivavishadapadaM bhAvayannAtmarUpam |
shaivaj~nAnaprasiddhapravaravidhigatAsheShasatkR^ityakArI
      jIvaM hR^idyeva kuryAdravishashidahanavyomashaktyantarastham || 7||
AyAmaishshvanasya bhautikamalaM dehaM kalAbhissudhIryaH
      pa~nchAdhvavisarpiNIbhiranishaM saMshod.hdhya tachChambaraiH |
mantrAla~NkR^itadehabhR^innishi divA sandhyAsu santoShaya\-
      nnarchAhomasamAdhibhishshivamasau saMyAti shaivaM padam || 8||
ya eSha devo mahato mahIyAnaNoraNIyAnbhavabhIrubhissaH |
j~neyashshivassarvagatassharIre dhyeyassa pUjyashshivali~Ngamadhye || 9||
hR^itpadmAkhyashivAlaye manasije tatkarNikAkhye kriyA\-
      pIThe j~nAnamayaM vishuddhamanasA saMsthApya nAdAtmanA |
li~NgaM tachcha sudhAmayena payasA saMsnApya samyakpunH
      vairAgyeNa cha chandanena vasubhiH puShpairahiMsAdibhiH || 10||
prANAyAmabhavena dhUpavidhinA chiddIpadAnena yaH
      pratyAhAramayena somahaviShA sauShumnajApena cha |
tachchitte bahudhAraNAbhiramaladhyAnodbhavairbhUShaNai\-
      statsAmyANunivedanena yajate dhanyassa evAmalaH || 11||
chandrasrAvisudhAmayena haviShA nAbhisthakuNDe.analaM
      santarpyeshamayaM shivAspadagatavyomni sthite sarvage |
kandodbhUtashivANunAdashikhayA vR^ittyAtmasaMvedanaM
      shaive jyotiShi yaH karoti puruSho muktassa evAkShayaH || 12||
yathAvadAtmAshrayavastumantrasvAyattali~NgAdiShu shodhiteShu |
siddhAntamArgasthitasAdhakAnAM tvatpUjanaM nAtra vilomato.astu || 13||
dhArikAbhidhashaktibIjamanantapa~NkajakuDmalaM
      puNyabodhavirAgabhUtipadaM vilomachatuShTayam |
gAtrakaM ChadanadvayaM kamalaM sakesarakarNikaM
      shaktimaNDalasa~NghayuktamahaM namAmi shivAsanam || 14||
pR^ithvIkandaM kAlatattvAntanAlaM lokaughaM tatkaNTakaM bhAvasUtram | (lokauTTaM)
granthigranthiM shuddhavidyAsarojaM vidyeshAnArUDhapatrAShTakaM cha || 15||
vAmAdishaktigatakesarakarNikADhya\-
      markAdibimbasahitaM varayogapITham |
tatra sthitaM hR^idayamantragatAtmamantra
      mUrtiM cha bindugatamIshamahaM namAmi || 16||
tatkandaM shatakoTiyojanamitaM nAlaM parArdhAntakaM
      granthiH koTiparArdhapashchimasahasro.abjaM cha tallakShakam |
mUrtistasya cha koTirIshvaramayI tasyArbudasyArbudA\-
      mbhojaM mantramayaM sadAshivavapustadvAnameyasshivaH || 17||
yasyAmauShadhabhUShaNadhvanimayI mUrtiH parA baindavI
      dhyeyA sha~Nkaramantratantraniratairj~nAnakriyA~NgI shivA |
sarvaishvaryasukhapradA nirupamA sAdAshivI nirmalA
      nAdAkhyAya sadAshivAya mahate shAntAya tasmai namaH || 18||
dhyeyassadA gaganamaNDalamadhyavartI
      nirvighnashuddhashivayogihR^idambujasthaH |
IshordhvaniShkalashivAntavapussadesho
      bindussvarodbhavakalAbhuvaneshagarbhaH || 19||
yo.asAvIshAnamUrdhA naramukhakamalo.aghorahR^idvAmaguhya\-
      ssadyomUrtiH pureshAnanahR^idayapadaShShaDvidhAdhvasvarUpaH |
bhUtAmbhorAshisiddhismarabhujagakalAklliptadehaH kriyechChA
      dR^i~NmAsArdhAmbakaM taM kabilagatamahaM naumi vidyAsharIram || 20||
shvetAsR^ikkR^iShNapItasphaTikashashisuvarNAruNAlayagnivarNai\-
      rbrahmA~NgairvyaktamUrtirbhavaharashivasaMyogatassphATikAbhaH |
aikyAnmantrArthayorityakhilashivamateShvAha sarvArthahetu\-
      rvaktrANAM varNabhedashchidachidadhipateshchitrametatsvarUpam || 21||
IshAnena viyanmayena dhavalaprakhyena sarvaprabho\-
      rvyAptaM vaktrachatuShTayaM puruShahR^idguhyAjamantrAtmakam |
tenedaM dhavalaprabhaM shivavidaH pUrvAdikAShThAbhR^itAM
      varNAnugrahahetutaH pratimukhaM pItAdivarNaM viduH || 22||
IshatatpuruShAghoravAmAjavadanaM shivam |
bAlayauvanavR^iddhastrInarAkAraM namAmyaham || 23||
trishUlakhaTvA~NgadharassashaktirvarAbjahasto.abhayapANirIshaH |
sendIvarAhirDamaruprasaktassabIjapUrassubhago.akShasUtrI || 24||
bodhAnandamayI vibhorbhavabhayapradhvaMsakR^ichChaktaya\-
      stisrastAH pariNAmatashcha vivR^itirnishsheShabIjasya hi |
tatpUrNaM prakR^itiH kalAdyabhimukhI dIrghAkShasUtraM mana\-
      shshambhorastranikAya Agamaparairj~neyaH paro nAparaH || 25||
IshAnaM sarvAsAM vidyAnAmIshvaraM cha bhUtAnAm |
brahmAdhipatiM brahmatvAnniShkalarUpaM sadAshivaM naumi || 26||
tatpuruShaM bhaktAnAM shaivaj~nAnapradaM mahAdevam |
rudraM shivatvasid.hdhyai tattvaprerakamahaM vande || 27||
athaghoramaghoraM pashupAshanirAkaraNaM ghoraghorataram |
sarvasmAchCharaNamahaM sharvaM bahurUpiNaM vande || 28||
vAmaM jyeShThaM raudraM kalavikaraNaM balavikaraNaM kAntam |
balapramathanaM sarvabhUtadamanaM manonmanamahaM vande || 29||
sadyojAtaM sarvaj~naM praNatAnAM bhavabhayApaharam |
atibhavayojakamamalaM bhavodbhavaM naumi jagadadhipam || 30||
shrImanmUlamanUtthanAdashikhayA brahmAdisAdAshiva\-
      sthAnatyAgagatikramordhvavilasadvyomAntasaMsthAya te |
bodhAnandamayAya sarvavibhave nityAya vishvAtmane
      shuddhAyAmalatejase cha mahate tasmai parasmai namaH || 31||
chandrayugmaguNArdhamAtratadardhataddalaShoDasha
      vdyuttaratridashAbdhiShaShTibhuja~NgamashravaNakShamA |
darshaneShukarAMshabhAvamitonmanI paramAsanaM
      yasya taM praNato.asmi niShkalamavyayaM paramaM shivam || 32||
Adipa~nchamamR^ityubhUShaNachandrakhaNDaguNAshradR^i\-
      gbhAnugadhvanisIrabhAskarasenduvR^ittahalAkR^itiH |
sAMshumatrishikhadvibimbagatadvikubjaga unmanA
(sAMshumattrishikhadvibimbagatadvikubjaga)
      pAtu vassakalAparassakalAkalassakalasshivaH || 33||
niShkalaM shivarudrapudgalabhUShaNArdhahimAMshuma\-
      drodhidaNDatadantashaktichatuShTayeshvarayoginam |
sha~NkaraM vasusAgarA~NgulachAriNaM rasashUnyagaM
      sarvamantrapatiM prAsAdamahaM nato.asmi ShaDadhvagam || 34||
chidvyaktisaMsthityavalokarodhairmudrottaraira~NgashivaikabhAvaiH |
pAdyAchamArghyaprasavapradAnaistvadarchanaM janmaphalaM mahesha || 35||
AvAhanaM svAtmani chitprakAshastatra sthitissthApanamIshvarasya |
sAnnidhyamAtmeshvarasannidhAnaM saMrodhanaM svasya shive nirodhaH || 36||
namo.astu sa.nj~nAnahR^ide bhavAya namo guNaishvaryavishiShTamUrtaye |
namo.aparAdhInavashitvarUpashikhAya tejaH kavachAtmane namaH || 37||
namaH pashUnAM malakR^itanakShamAsahapratApAstradharAya shUline |
namo.avikArAya ShaDa~NgamUrtaye sadAshivAyAmR^itarUpiNe namaH || 38||
svabhAvashuddhasya shivasya pAdyamAchAmamAtmIyavishuddhihetoH |
arghyapradAnaM kusumArpaNaM cha sadeshadhAmAptinimittametat || 39||
snAnaM svAtmamalApahaM shubhamayairgandhaissamAlepanaM
      sadvastrAbharaNaM sugandhikusumairmAlAbhirabhyarchanam |
sAla~NkArasadAshivasya vidhivaddhUpapradAnaM tvaNo\-
      rbhogArthaM hi sadeshadhAmni vimalaM dIpaM shivaj~nAnadam || 40||
shuchIsharaktapAnilendramR^ityukendusaMsthitAn
      payodharArkavAtavahnisannibhAninekShaNAn |
yugAnanAnvarAbhayatrishUlashaktiyukkarAn
      namashshivA~NgasambhavAnhR^idAdimantravigrahAn || 41||
bhogA~NgArchanamAtmanashshivaguNaprAptyarthamaikyaM prabho\-
      ra~NgAnAM punararchakasya shivasaMyogAya shuddhAtmanaH |
tR^iptasyAnnanivedanAmbumukhavAsAdipradAnaM mana\-
      stR^iptyarthaM shivabhAvama~NgalakaraM chitraM tavArchAphalam || 42|| (tatrArchAphalam)

pavitrabhUtasya pavitradAnaM tApatrayaghnaM sakalArthasid.hdhyai |
japashcha bhaktyA praNatishshivasya brahmendraviShNvAdipadatvahetuH || 43||
archane sakalaM jape sakalAkalaM satatoditaM
      niShkalaM sakalAdhvagaM paripUrNamAtmasamarpaNe |
vyomni susphaTikaprabhaM bhavane kalAsahitaM haraM
      yo hi vetti paraM shivaM shiva eva so.astra na saMshayaH || 44||
bhUyaHpUjanamIshasannidhikaraM samprArthanaM sveshayo\-
      ranyonyaM tvavalokanAya bhuvane bhogAya sAdAshive |
IshAgnyarchanamarpaNaM kShapayituM bandhatrayaM karmaNo\-
      j~neyaM svAtmanivedanaM parashive sthityarthamevAtmanaH || 45||
ashuddhatattvaughabahiShkriyArthe (ArthaM)
      parA~NmukhArghye parameshvarasya | (parA~NmukhArghyaM)
yasminnavasthAnakaraM visarge (visargaM)
      kurvansa shaivaM padamabhyupeti || 46||
viprottu~NgashcholadeshI cha sUri\-
      shshambhoH pUjAstotrametatpavitram |
siddhAntaj~no j~nAnashambhushshivoktyA
      chakre bhaktyA bhuktaye muktaye cha || 47||

iti j~nAnashambhushivAchAryapraNItaH shivapUjAmUlashlokassamAptAH |

##

Encoded by Dominic Goodall
Proofread by Dominic Goodall, Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}