% Text title            : Shivapujanamahima
% File name             : shivapUjanamahimA.itx
% Category              : shiva, shivarahasya, pUjA
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 1 | 17-51 ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivapujanamahima ..}##
\itxtitle{.. shivapUjanamahimA ..}##\endtitles ##
shivapUjanamutkR^iShTaM sarvasiddhipradAyakam |
tadeva na kR^itaM tasya janma tAvannirarthakam || 17||
shivaprasAdalabdhAni dhanadhAnyAdikAnyataH |
tairarchanaM maheshasya kR^itvA muktimavApnuyAt || 18||
tadIyameva datvApi tasmai bhAgyamanuttamam |
prAdhyamityeva yatnena kartavyaM shivapUjanam || 19||
vinA na puNyapu~njena bhaktirmR^ityu~njayArchane |
ataH puNyAtmanA nityaM kartavyaM shivapUjanam || 20||
shivArchanena vij~neyaH puNyavAniti mAnavaH |
tadabhAvena vij~neyo mahApAtakavAniti || 21||
ataH sa dUratastyAjyo yo nArchayati sha~Nkaram |
tatsaMyogAbhilApAdyairmAnavaH pApavAn bhavet || 22||
yena kenApi rUpeNa sharIraM prApya mAnavaH |
shivArchanaparo bhUyAt sa bhUyaH puNyavAn bhavet || 23||
shivArchanaparo martyaH praNataH saMstutaH smR^itaH |
haratyaghAnyanantAni ghorANi vividhAnyapi || 24||
ghorapApavanasyAyaM kuThAraH sha~NkarArchakaH |
ataH sarvaprayatnaishcha kartavyaM shivapUjanam || 25||
ataH paraM tvayonmAdaH parityAjyaH prayatnataH |
shivapUjAM kuru prItyA tava muktirbhaviShyati || 26||
sharIraM shivapUjAyai yauvane dakShamityataH |
prayatnena mahAdevaM pUjayasva yathochitam || 27||
snAnaM kuru prayatnena shivakuNDe shivodake |
uddhUlya bhasmanA~NgAni tripuNDra cha prayatnataH || 28||
shirolalATavakShaHsu skandhe cha maNibandhane |
kUrpare nAbhideshecha pArshvayorgaNDamaNDale || 29||
Urupradeshe gulphecha tripuNDraM dhArayenmuhuH |
rudrAkShadhAraNaM kAryaM dvAtriMshat kaNThamAlayA || 30||
shikhAyAmekameva syAt dvichatvAriMshaduttamAH |
rudrAkShAH shirasA dhAryAH karNayordvAdasha dvayoH || 31||
shatatrayaM tUpavIte bAhvoH ShoDasha ShoDasha |
chaturviMshati rudrAkShAH dvayostu maNibandhayoH || 32||
aShTottarashataireva rudrAkShairjapamAlikA |
tayA pa~nchAkSharaM japtvA shaivaH shivamavApnuyAt || 33||
tribhirAchamanaM strINAM puMsAmiva yathAvidhi |
bhavAdyairnAmabhiryadvA shivapa~nchAkShareNa vA || 34||
pashchAt kushAsane sthitvA yadvA vyAghrAjinAdiShu |
uda~NmukhaH prA~Nmukho vA pUjayedgirijApatim || 35||
pa~nchAmR^itAbhiShekAdyaiH karpUrAdisamanvitaiH |
jalaiH phalodakairIshaM AmrAdikarasairapi || 36||
shuddhodakaiH kavoShNairvA shItalairvA manoharaiH |
pashchAt dukUlavasanaiH pUjayitvA sadAshivam || 37||
sugandhachandanenApi pUjayedgirijApatim |
bilvapatrairakShataishcha praphullakusumairapi || 38||
mandArAdiprasUnAnAM mAlikAbhiH samarchayet |
pashchAddhUpaya dhUpaishcha dIpaiH karpUrasambhavaiH || 39||
odanairAjyasaMyuktaiH shAkasUpasamanvitaiH |
paramAnnairghR^itayutaiH sharkarArAshisaMyutaiH || 40||
laDDukairvaTukairAjyaiH apUpairmaNDakAdibhiH |
bhakShyairlehyeshcha choShyaishcha peyaishcha vividhairapi || 41||
kadalInArikelAdyaiH apAraiH phalamaNDalaiH |
ikShudaNDaishcha maNDaishcha dadhikShIrarasodbhavaiH || 42||
dadhyodanaishcha kShIraishcha dadhirpUrairmanoramaiH |
sugandhajalapUraishcha navekShurasapUrakaiH || 43||
drAkShArAshirasairetA lava~NgapariveShTitaiH |
anyairapi rasadravyaiH pUjayitvA maheshvaram || 44||
pashchAdAbharaNaM dadyAt ratnarAshivirAjitam |
punarvastrANi ramyANi ratnaChatrAdikaM tathA || 45||
darpaNaM chAru vyajanaM chAmIkaravirAjitam |
chAmaraM puShpamAlAshcha patAkAshcha manoharAH || 46||
deyaM karpUradIpAnAM nIrAjanamanuttamam |
pashchAdAsvedamIshAya praNato nartanotsavaiH || 47||
rudrAdhyAyAdimantrANAM stotraiH shAmbhavashobhanaiH |
puNyaiH shivakathAlApaiH kAlo neyaH prayatnataH || 48||
evamAsAyamIshArchA kartavyA muktikA~NkShibhiH |
sAya~NkAle visheSheNa punaH pUjAM samArabhet || 49||
uktainaiva prakAreNa mokShadaM shivapUjanam |
li~NgarUpiNamIshAnaM pradoShe yastu pashyati || 50||
sa vaMshakoTisaMyuktaH shivalokaM prayachChati |
brahmahatyAdipApAnAM pralayAya prajAyate || 51||

|| iti shivarahasyAntargate shivapUjanamahimA sampUrNA ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 1 \-
yAj~navalkyajanakasaMvAde rAjaputreNa rAjapatnyupadeshavarNanam | 17\-51||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 1 -
yAjnavalkyajanakasaMvAde rAjaputreNa rAjapatnyupadeshavarNanam . 17-51..

Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}