% Text title            : Naradaproktam Shivaprasangashrutimahima
% File name             : shivaprasangashrutimahimA.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shivarahasyam | harAkhyaH tRitIyAMshaH | uttarArdham | adhyAyaH 10 | 10-30 ||
% Latest update         : January 30, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Naradaproktam Shivaprasangashrutimahimavarnanam ..}##
\itxtitle{.. nAradaproktaM shivaprasa~NgashrutimahimAvarNanam ..}##\endtitles ##
shivaprasa~NgaH shivadAyako me yataH shivAvallabhasannidhAnam |
tasmin prasa~Nge sati sarvathApi nAnyatra tiShThatyagajApatistu || 10||
shivaprasa~NgaH kva bhaviShyatIti vichArya tiShThatyapi chandramauliH |
ataH paraM ma~NgalaheturIsho maheshvaraH sannihitaH svabhAvAt || 11||
maheshvarAbhyAgamane bhavAnI kumAramAdAya gaNeshamAdau |
AyAsyatIti drutameva nandI bhR^i~NgI cha sarvaiH svagaNaiH sametaH || 12||
ayaM prasa~NgaH shruta eva nUnaM kailAsasiMhAsanasaMsthitena |
shivena gauryA.api gaNeshvareNa skandena nandIshamukhaiH suraishcha || 13||
tIrthAni sarvANyapi mUrtimanti shivena sAkaM girishaprasa~Nge |
Agatya dhanyatvamupetya tAvat yAsyanti nUnaM nR^ipasattamAdyAH || 14||
shivaprasa~NgaH svayameva pUjA maheshvarasyeti matirmamA.api |
shivaprasa~Ngena samAnapUjA yataH shivotkarShaka eva so.ayam || 15||
yataH shivotkarShavisheShavArtA shivasya pUjA paramuktihetuH |
tadvArtayA sA na sudhA samAnA sA muktidA neti vinishchayena || 16||
shivaprasa~NgaH svayameva muktiM karoti sadyaH shruta eva sAkShAt |
yato virUpAkShahitaprasa~NgaH saMsArasa~NgA~NkurapAvako.ayam || 17||
shivaprasa~NgAya mano.asmadIyaM na chorahAryaM na tadanyahAryam |
shruto.api bhUyo bhavati pravR^iddhaH hR^ito.api saMsAraharaH svabhAvAt || 18||
shivaprasa~Nge cha vimuktilAbhaH kathAsudhArAshikR^itopakAraH |
na ko.api tAvat sa paraM maheshaH gaurIsamAkarShaNahetubhUtaH || 19||
shivaprasa~NgayuktAnAmasmAkaM girijApatiH |
prasanno.api visheSheNa kimasmabhyaM pradAsyati || 20||
mahAmuktirmahAmbhojacharaNAmbujareNubhiH |
sahavAsaH sa tAvat syAt tatkathAshravaNAnnR^ipa || 21||
maheshvarakathAsudhAM pivati sha~NkaraH sha~NkarI\-
kumAragaNanAyakapramathadevavR^indaiH saha |
iyaM khalu sudhA.aparA paramamuktidAnotsavA
tayApi na samAnamityapi matiH pravR^iddhA bhuvi || 22||
Anandena nidhIyate niyamataH sA durlabhA durlabhaM
tadbhinnaM nanu sarvathA.api na kR^itistasyAM sudhAyAM nR^ipa |
sA tAvatsvayameva sha~NkarakR^ipArUpApi nityApi sA
tadbhAnena samA samAnamitarat janyaM na tenAstyapi || 23||
sA tAvadgirishaprasAdajanitA janmAdiduHkhATavI\-
kalpAntAnala eva sA na sulabhA vishveshvarAnugrahe |
sA tAvat sulabhA bhavatyapi sudhA tadgopanaM sarvathA
kartavyaM shivayogine paramidaM deyaM sudhAmuktaye || 24||
shivakathAmR^itapAnapAnarataH sadA dhanapaterdhanamichChati kaH pumAn |
tadidamasya dhanaM na dharApate dhanadakoshagR^ihe.api na taddhanam || 25||
dhanAni tAvadvividhAni loke vyathAkarANyeva tadArjane.api |
vyaye.api vishveshakathAnidhAnaM na durlabhaM shAmbhavapu~NgavAnAm || 26||
apArapuNyayogena shrutA shivakathAsudhA |
pApAgnitaptajihvAgratR^iShAmapahariShyati || 27||
saMsArAnalasAgarAnalamahAjvAlAkulavyAkulo
nirdagdhastR^iShitaH kShudhAnalakulavyAptodaraH sAdaram |
yo bhaktayA sakR^ideva vA shivakathApIyUSharAshiM mudA
shrutvA tR^iptimupaiti tasya na tR^iShA kShudvA na tadvedanA || 28||
AnandAmR^itasindhureva girijAkAntaprabhAvaprathA
pIyUShArNavavarNanaM shivakathAsAraH sa sAraH param |
saMsArArNavamochakottama iti j~nAtastatastatparaM
kiM vA syAditi chintane.api na samastenAsti lokatraye || 29||
ataH shivakathAlApairapalApo.api saMsR^iteH |
ataH satsa~Ngatereva tatkathAsvardhunI hR^idi || 30||

|| iti shivarahasyAntargate nAradaproktaM shivaprasa~NgashrutimahimAnuvarNanaM sampUrNam ||
\- || shrIshivarahasyam | harAkhyaH tR^itIyAMshaH | uttarArdham | adhyAyaH 10| 10\-30 ||
##
- .. shrIshivarahasyam . harAkhyaH tRRitIyAMshaH . uttarArdham . adhyAyaH 10. 10-30 ..

Notes:
Nārada ##nArada## narrates to Magadharāja ##magadharAja##, the merits of listening to discourses about Śiva ##shiva##.##
##
Proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}