% Text title            : Shivaproktam Kashivasayogyatopadesham
% File name             : shivaproktaMkAshIvAsayogyatopadesham.itx
% Category              : shiva, upadesha, advice, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 4 | 77-121||
% Latest update         : March 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shivaproktam Kashivasayogyatopadesham ..}##
\itxtitle{.. shivaproktaM kAshIvAsayogyatopadesham ..}##\endtitles ##
\- shivapArvatIsaMvAde \-
shrIpArvatyuvAcha \-
mahAdevaivamanishaM vighnopadrutamAdarAt |
kathaM kAshInivAsArthamudyoga~NkartumichChati || 77||
evamuktaprakAreNa bhuvi kasyApi sarvathA |
na bhaviShyati vishvesha kAshIvAso.atidurlabhaH || 78||
kIdR^ishaH puruSho yogyaH kAshyAM sthAtuM purAntaka |
kathaM sthAtavyamanishaM vada sarvaM visheShataH (asheShataH) || 79||
shrIshiva uvAcha \-
shR^iNu gauri varArohe yathAshAstraM vadAmyaham |
kAshIvAsAya yogyo hi puruSho vijitendriyaH || 80||
niShkalmaSho nItiyukto nirIho nirgataspR^ihaH |
jIrNavalkalavItA~NgaH pANDuparNAshanapriyaH || 81||
dayAyuktaH shAntiyukto nirIho nirgataspR^ihaH |
aShTA~Ngayoganirato maunavrataparAyaNaH || 82||
vibhUtibhUShaNo nityaM tripuNDrA~NkitamastakaH |
rudrAkShamAlAvItA~Ngo li~NgapUjAparAyaNaH || 83||
tulyanindAstutirdhIrastulyo mAnApamAnayoH |
rAgadveShAdirahito virakto vigataspR^ihaH || 84||
pa~nchAgnisevAnirato nityaM yAtrArato.anisham |
nityAntargR^ihayAtrAyAM niyato dR^iDhavigrahaH || 85||
pa~nchAkSharajapAsaktaH pakShe pakShe yathAvidhi |
pa~nchakroshasya yAtrAyAM niyataH satyamAnasaH || 86||
satyavrataH satyaparo nityaM matpUjane rataH |
madbhaktajanasaMsevI malli~NgaikArchanapriyaH || 87||
shaivashAstrarato nityaM shaivavratarataH sadA |
kAshIvAsAma mukhyo.ayaM madhyamo.apyuchyate janaH || 88||
asa~nchitAkR^iShTapachyanIvArakaNabhojanaH |
yathoktayAtrAnirataH sarvasa~NgavivarjitaH || 89||
nirmamo niraha~NkArastyaktabandhunirAkulaH |
sarvadA dhUpadIpAdyairmalli~NgArchanatatparaH || 90||
vItarAgo gatasnehaH putrasnehAdivarjitaH |
vedAntashravaNAsakto vedAdhyayanatatparaH || 91||
kAlabhairavapUjAyAM niyataH prativAsaram |
ito.anye manujAH kAshyAM tiShThanto.api narAdhamAH || 92||
kAshIvAsasamutpannadharmabhAgena sarvathA |
pratyutAsyAM sthitAH kAshyAM pApamevArjayanti te || 93||
tadanyairmanujaiH kAshyAM na sthAtavyaM kadAchana |
tadanyairAtmahatyaiva kriyate sthIyate yadi || 94||
maduktakarmahInaistu kAshyAM na stheyameva hi |
kAshyAM pratigraho naiva kartavyaH sarvathA janaiH || 95||
yadi mohAtpramAdAdvA karoti sa patatyadhaH |
nIraM vA pANDupatrANi bhakShayitvA yathAchitam || 96||
sthAtavyamanishaM kAshyAM muktikAmena shailaje |
tattaddinArjitaiH dhAnyaiH nIvArairvA svakaM vapuH || 97||
poShaNIyaM nityayAtrAshivadhyAnaparAyaNaiH |
dinAntarAshanArthAya sa~NgrahaH sarvathA janaiH || 98||
na kartavyo na kartavyaH kAshyAM prayatamAnasaiH |
kAshyAM pratigrahAsaktairdhanasa~NgrahatatparaiH || 99||
sthitvAnte yAtanA ghorA bhoktavyA nAtra saMshayaH || 100||
duShpratigrahasaMsaktairdurannAshanalolupaiH |
anyAyArjitavittaishcha kAshyAM na stheyamambike || 101||
asatyavAdibhirduShToviShayAsaktamAnasaiH |
shivAchAravihInaishcha kAshyAM na stheyamambike || 102||
bhasmoddhUlanarudrAkShajaTAhInairnarAdhamaiH |
li~NgapUjAvihInaishcha kAshyAM na stheyamambike || 103||
madanyapUjanAsaktairmadanyAlokanotsukaiH |
madanyAshrayachittaishcha kAshyAM na stheyamambike || 104||
putrasneharatairlubdhairdhIvaraiH pishunairjaDaiH |
svadehapoShaNAsaktaiH kAshyAM na stheyamambike || 105||
shivadveSharatarmUDhaiH kR^ipaNaiH shivanindakaiH |
pa~nchAkSharavihInaishcha kAshyAM na stheyamambike || 106||
rAgadveShAkrAntachittairmadanAkrAntavigrahaiH |
rAjasaistAmasaiH shUnyaiH kAshyAM na stheyamambike || 107||
IdR^ishaiH pApanirataiH sthitvA kAshyAM yathechChayA |
dehAnte yAtanAH krUrAH prAptavyAH satyamuchyate || 108||
parastrInirataiH naShTaiH shivashAstravinindakaiH |
shaivaduHkhakarai krUraiH kAshyAM na stheyamambike || 109||
pApabhIrubhirutkR^iShTeH shaivashAstravishAradaiH |
li~NgapUjAparaiH shevaiH kAshyAM sthAtavyamambike || 110||
bhasmatripuNDraniTilaiH bhasmoddhUlitatatparaiH |
rudrAdhyAyajapAsaktaiH shivavIkShaNatatparaiH |
niShkalmaShaparaiH shaivaiH kAshyAM sthAtavyamambike || 111||
rudrAkShamAlAbharaNaiH jaTAmaNDalamaNDitaiH |
shivadhyAnarataiH shaivaiH kAshyAM sthAtavyamambike || 112||
mahApAshupatairdhIrairyogashAstravishAradaiH |
shivAdvaitaparaiH shaivaiH kAshyAM sthAtavyamambike || 113||
jitendriyairjitAhArairjIrNaparNAmbubhakShaNaiH |
shivaikasharaNai shaivaiH kAshyAM sthAtavyamambike || 114||
rAgadveShAdirahitaishChinnasaMsArabandhanaiH |
sAtvikaranaghaiH shaivaiH kAshyAM sthAtavyamambike || 115||
kalatraputramitreShTasnehahInairanAkulaiH |
shivabhaktarataiH shaivaiH kAshyAM sthAtavyamambike || 116||
yadR^ichChAlAbhasantuShTaiH sukhaduHkhavivarjitaiH |
nityaM yAtrAparaiH shaivaiH kAshyAM sthAtavyamambike || 117||
nityaM matpUjanAsaktaiH madbhaktajanasaivakaiH |
hR^iShTAntaHkaraNaiH shaivaiH kAshyAM sthAtavyamambike || 118||
antargR^ihAdiyAtrAyAM nityamudyuktamAnasaiH |
mattattvachintakaiH shaivaiH kAshyAM sthAtavyamambike || 119||
atyutsukairanirviNNaiH pratigrahaparA~NmukhaiH |
vashIkR^itendriyaiH shaivaiH kAshyAM sthAtavyamambike || 120||
\- \-
hara hara parameshAnandakandesha shambho
shiva shiva karuNAbdhe sha~NkarAsheShaheto |
bhava bhavabhayahArin deva deveti nityaM
shivanagaranivAsAktachittA vadanti || 121||

|| iti shivarahasyAntargate shivaproktaM kAshIvAsayogyatopadeshaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 4 | 77\-121||
##
- .. shrIshivarahasyam . ugrAkhyaH saptamAMshaH . adhyAyaH 4 . 77-121..

Notes:
Śiva ##shiva## describes to Pārvatī ##pArvatI##, the regulations, including that of the Pañcakrośātmaka Yātrā ##pa~nchakroshAtmaka yAtrA##, that need to be observed by those who wish to reside in Kaśī ##kAshI##.
Kaśī ##kAshI## harbors several ŚivaTīrthaKṣetra ##shivatIrthakShetra## that are outlined in ŚivaRahasyam saptāṃśaḥ ##shivarahasyaM saptAMshaH##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}