% Text title            : Skandaproktah Shivarahasyabhashah
% File name             : shivarahasyAbhAShaHskandaproktaM.itx
% Category              : shiva, shivarahasya
% Location              : doc\_shiva
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | mAheshvarAkhyaH prathamAMshaH | adhyAyaH 11 - jaigIShavyaskandasaMvAde dvAdashAMshasaNkhyAkathanam | 4-64||
% Latest update         : December 17, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Skandaproktam Shivarahasyabhashah ..}##
\itxtitle{.. skandaproktaM shivarahasyAbhAShaH ..}##\endtitles ##
\- shivarahasye jaigIShavyaskandasaMvAde \-
namaskR^itvAprameyAya mahAdevAya shambhave |
devIM gajAnanaM devaM shaivAchAryAnakalmaShAn || 4||
mAheshAMshaH prathamato nAmnAsau munisattama |
jegIpavya prasAdante maheshasya samAgamaH || 5||
gaNAnAndevasaM~NghAnA munInA~ncha samAgamaH |
mayA prasAdito devasstotravaryaNa sattama || 6||
kailAsavarNana~nchaiva vichitraM shrImaheshituH |
devyA maheshasaMvAdaH kautukena nagottame || 7||
charitraM shivayostatra vichitraM bhUdharottame |
kailAseshvarapUjA cha maheshena prakalpanam || 8||
dvAraprAkArarachanA gaNAnAM sthAnakalpanam |
mama devyAshcha viprendra gaNeshasya mahAtmanaH || 9||
sahasrali~NgAdhyAya~ncha kailAsasya tapaH kriyA |
tatprasAdanamIshena tanmaulauvasatistathA || 10||
kailAsasyAbhiShekashcha shambhunA kalpitonagaiH |
jij~nAsA chaivadevAnAndevyaHprAdurbhavAtsurAH || 11||
j~nAnArthakathana~nchaiva chAtmali~Ngasya pUjanam |
mAheshe.asminmaheshenakathAHproktAshshivena hi || 12||
diksaMkhyayA munishreShTha kathito.ayaM sahasrataH |
dvitIyAMshobhavonAsnAtasminproktaMhareNahi || 13||
devyAshchaiva tapashcharyA maNidvIpAgamastathA |
kalpavATIramyanIpavanadvIpopavaNenam || 14||
chintAmaNimahAsaudhavarNanaM shrIpurasyacha |
tasmAtkailAsagamanaM kAmeshasya vapurdharaH || 15||
kAmeshayA cha devyAcha tatra nityamavasthitiH |
himAchalAgamashchaiva devyAstatra gatirmune || 16||
dUrvAsasomahimnashcha kathanaM tattapaHkriyA |
dvitIye bhavasa~nj~ne.atra kathitaM sha~NkareNahi || 17||
sahasratritayenaiva shlokasArdhena sha~NkaraH |
(shlokasArdhena sAhasratritayenaiva sha~NkaraH) |
harastritIyo devena kathitoMsho munIshvarAH || 18||
tasminmuniprArthanayA vyAsenaparikIrtanam |
gAyatrayAshcha tapashcharyA devyAgamanamuttamam || 19||
gaNAnAmpreShaNashchaicha tIrtheshamahimA tathA |
shrIshailamahimA chApi mAnasArchanakalpanam || 20||
janakasya cha saMvAdo yAj~navalkyena sha~NkaraH |
padmAvatyA ratnanidhessaMvAdaH paramAdbhutaH || 21||
taspottarArdhechAMshasya pUjAratnanidhestathA |
shivasya devadevasya mahAdevasya shUlinaH || 22||
yamalokasya vR^ittAnto deshanaM shivayostathA |
saMvAdo bhasmarudrAkShadhAraNe mahimApi cha || 23||
ga~NgAyA narmadAyAshcha varaprAptyupavarNanam |
mAheshvaravratashchaiva varNanaM shrImaheshituH || 24||
shaivArchanAdikathanaM shivaDhuNDhicharitrakam |
trayastriMshatsahasreNa sa~NkhyayA prokta evahi || 25||
chaturthashshivasa~nj~nohi chAMshassAkShAchChivoditaH |
bR^ihajjAbAladharmAdikithanaM dashakasya hi || 26||
bhasmasdrAkShamahimA shivali~NgArchanasya cha |
mahimA shivabhaktAnAM shaivAnAM bhojane.apicha || 27||
shivakShetranivAsasya kathanaM bilvapUjanAt |
pUjAprabhAvakathanaM tasminnaMshe prakIrtitam || 28||
chatussahasratassa~NkhyA devadevoditA shubhA |
bhargonAnnA pa~nchamAMshaH kathito.atrashivenahi || 29||
jyotirli~NgadvAdashAnAM mahimA tatra kIrtitaH |
vAmadevopadeshashcha shrutisiddhAnta kItenam || 30||
ga~NgAsAgaramAhAtmyaM prabhAse puShkarasyacha |
haridvAraprabhAvashcha bilvamUlArchanasya cha || 31||
sahasranAmakathanandevadevasya shUlinaH |
mahimA devadevena kathito.asti visheShataH || 32||
shivAyaiShaTsahasro.anra kathito munisattama |
sha~NkarAMshastataShShaShTho diksa~NkhyA kramasa~NkhyayA || 33||
kathitashshrImaheshena tasminrudropavarNanam |
shivali~NgArchanasyApi bhassarudrAkShadhAriNAm || 34||
mahimA shAmbhavAnA~ncha kathito vistareNahi |
nidAghaR^ibhusaMvAdaShShaShThAMsho j~nAnavistara || 35||
ugro nAmnA saptamo.atra kathitashshaMkareNa hi |
devasya devyA saMvAdo nAmasAhasrakIrtanam || 36||
avimuktaprashaMsA cha shatarchanatapaHkriyA |
nAmnAmaShTottarAkhyAnaM mahinnamathavehareH || 37||
puShpadantamahimnAkhyakathanaM tatra sattama |
kATakoTarajAkhyAnaM kShetrANAM mahimA tathA || 38||
shrIshailasyAruNAdreshcha tathAvR^iddhAchalasyacha |
shrIbhImaddakShiNakailAsamAhAtmyapi vistarAt || 39||
puNDarIkapurasyApi kA~nchayAshshrImahimAdbhutaH |
kumbhaghoNaprashaMsAchatathAmadhyArjunasya cha || 40||
chaturdashasahasreNa kathito.atrashivenahi |
bhImo.aShTamomahAMsho.atrakathitovistareNahi || 41||
di~NnAgasa~NkhyayA chaiva sahasreNa munIshvara |
pAtAlalokali~NgAnAM mahimAkathanammune || 42||
shrIhATakeshamahimA sheShasyAtatratapaHkriyA |
prasAdashcha maheshena tasya bhUbhAradhAraNe || 43||
sadAshivoMsho navamastasmi~nChambhoHkathAnam |
shivenoktaM mahAdevyai nAmasAhasramuttamam || 44||
kalau shaivasamAchArapramANena vimuktidam |
IshvarAMsho.atra dashamo dashadharmAnukIrtanam || 45||
bilvArchanaM rudrajapaH pa~nchAkSharamahodayaH |
shivali~NgArchanasyApi bhassarudrAkShakIrtanam || 46||
shAmbhavAnAM shivakShetreshaivabhaktArchanantathA |
shivanAmnassmR^iteshchApi dashame mahimAtu yaH || 47||
tasminprakIrtitoviprasha~NkarasyAkhyasa~NkhyayA |
ekAdasho mahAdevaH proktoMshashshambhunAtadA || 48||
mannetrakramasa~NkhyayAtashshivapUjAkramAtmakaH |
abhiShechanikAnA~ncha phalaM puShpeShukIrtanam || 49||
bhaktInAndashakAnA~ncha kIrtanaM pUjane tathA |
munisa~NkhyayA granthatashcha Isho nAmnAtra dvAdashaH || 50||
shivanAmnAM sahasrasya kIrtanaM tatra kIrtitam |
prasAdarshaMkarasyApi mamaivAnugrahAtmakaH || 51||
shivaratnAkarakathAmAhAtmyaM munitoShaNam |
etadadhyAyasAhasraiH kIrtitaM shrIshivena hi || 52||
devyai devena kathitaM rahasyaM shivasammatam |
 sadAshivasamo devo nAsti lokatrayeShvapi || 53||
tathA shivarahasyena tulyamanyannavidyate |
shaivasAramahAratnarakosho.ayaM munisattama || 55||
puNyo.ayaM pAvanashchAyaM bhaktisArakathAshrayaH |
saMsArAyAsadharmANAM kathanena vivarjitam || 56||
varNAshramavichArAdikathAshramavivarjitaH |
atyAshramoktadharmANAmAkaro.ayaM mahAmune || 57||
nAnAkathAsudhAshshaivAH paramAnandanirbharAH |
devyai devena kathitAshshatasAhasrato.adhikAH || 58||
bhaktaishshrAvyo.ayamatulashchetihAsavarottamaH |
shaivasArakathAratnaM sarvasvo.ayaM munIshvarAH || 59||
skande gajAnane gauryAM yathAprItirmaheshitu |
tathA shivarahasye.api gopyaM gopyamidaM shubham || 60||
nadeyaM naiva vaktavyamAdau tebhyastvayA mune |
shapa matpadayorvipra nachenmUrdhAdya te patet || 61||
vedAntasArasarvasvaM shivabhaktiprakAshakam |
deyaM bhaktAya viprAya putrAyAtyantarAgiNe || 62||
vaktavyamanahaMkArachittAyAtmaguNAya cha |
shaivAya shambhorutkarShabhaktiyuktAya te mune || 63||
saMvatsaroShitAyatvaM bhaktAyAntenivAsine |
triNetrachintApAtrAya nAnyasmai satyamuchyate || 64||

|| iti shivarahasyAntargate mAheshvarAkhye skandaproktaM shivarahasyAbhAShaH ||

\- || shrIshivarahasyam | mAheshvarAkhyaH prathamAMshaH | adhyAyaH 11 \- jaigIShavyaskandasaMvAde dvAdashAMshasa~NkhyAkathanam | 4\-64||
##
- .. shrIshivarahasyam . mAheshvarAkhyaH prathamAMshaH . adhyAyaH 11 - jaigIShavyaskandasaMvAde dvAdashAMshasankhyAkathanam . 4-64..

Notes:
Skanda ##skanda ## details to Jaigīṣavya ##jaigIShavya ## about the contents of the Text of the Śiva-Rahasyam ##shivarahasyam ## that comprises of Twelve Sections - Dvādaśāṁśa ##dvAdashAMsha ## that are named sequentially as Māheśaḥ ##mAheshaH##, Bhavaḥ ##bhavaH##, Haraḥ ##haraH##, Śivaḥ ##shivaH##, Bhargaḥ ##bhargaH##, Śaṅkaraḥ ##sha~NkaraH##, Ugraḥ ##ugraH##, Bhīmaḥ ##bhImaH##, Sadāśivaḥ ##sadAshivaH##, Īśvara ##Ishvara##, Mahādevaḥ ##mahAdevaH ## and Īśaḥ ##IshaH##.##
##
Encoded and proofread by Ruma Dewan

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}