% Text title : Shivasahasranamastotram from Shivarahasya 5.40 % File name : shivasahasranAmastotramshivarahasya.itx % Category : sahasranAma, shiva, stotra, shivarahasya % Location : doc\_shiva % Author : Traditional % Transliterated by : DPD % Proofread by : DPD, Ruma Dewan % Description-comments : || shrIshivarahasyam | bhargAkhye panchamAMshaH | adhyAyaH 40| 1-152 || % Latest update : July 1, 2023 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shiva Sahasranama Stotram from Shivarahasya ..}## \itxtitle{.. shrIshivarahasyAntargataM shivasahasranAmastotram ..}##\endtitles ## (shivarahasyAntargate bhargAkhye pa~nchamAMshe shivagaurIsaMvAde chatvAriMsho.adhyAyaH ||) devI \- shrutaM sudarshanAkhyAnaM tvatto vismApanaM mama | pradoShe pApinA tena dR^iShTashchAnyArchitaH shivaH || 1|| sheSheNa nAmasAhasraistvaM stutaH kathamIshvara | tvannAmnAM shravaNechChA me bhUyasI bhavati prabho || 2|| \- \- sUtaH \- tasminkailAsashikhare sukhAsInaM maheshvaram | praNamya prArthayAmAsa sA devI jagadambikA || 3|| tadA devyA mahAdevaH prArthitaH sarvakAmadaH | bhavo bhavAnImAhetthaM sarvapApapraNAshakam || 4|| phaNIsho mukhasAhasrairyAni nAmAni choktavAn | tAni vaH sampravakShyAmi yathA mama guroH shrutam || 5|| \- \- IshvaraH \- R^iShiH Chando daivataM cha tAnyahaM kramasho.ambike | sahasranAmnAM puNyaM me phaNIndraH kR^itavAnume || 6|| R^iShistasya hi sheSho.ayaM Chando.a{}nuShTup prakIrtitam | devatAsyAhamIshAni sarvatra viniyojanam || 7|| dhyAnaM te kathayAmyadya shrR^iNu tvamagakanyake | \- \- kailAse suhiraNyaviShTaravare devyA samAli~NgitaM nandyAdyairgaNaiH sadA parivR^itaM vande shivaM sundaram | bhaktAghaughanikR^intanaikaparashuM bibhrANaminduprabhaM skandAdyairgajavaktra(?) sevitapadaM dhyAyAmi sAmbaM sadA || 8|| \- \- evaM mAmambike dhyAtvA nAmAni prajapettataH | hR^itpadmasadmasaMsthaM mAM sarvAbhIShTArthasiddhaye || 9|| puNyakAleShu sarveShu somavAre visheShataH | bilvapatraiH pa~Nkajaishcha puNyanAmAni sha~Nkari || 10|| pUjayennAmasAhasraiH sarvArthaprAptaye shive | yo yaM kAmayate kAmaM taM tamApnoti sha~Nkari || 11|| dhanArthI labhate vittaM kanyArthI kanyakAM tathA | rAjyArthI rAjyamApnoti mokShArthI mokShamApnuyAt || 12|| shR^iNu devi paraM puNyaM mAtR^ikAnAmanuttamam | sahasraM prajapennityaM dharmakAmArthamokShabhAk || 13|| \- \- IshvaraH \- (atha sahasranAmastotram |) OM OMkAranilayAtmasthaH OMkArArthaikavAchakaH | OMkAreshAkR^itiromitishabdakR^itastutiH || 14|| OMkArakuNDanilayali~NgapUjanapApahR^it | namitAsheShadevAdirnadIpulitasaMsthitaH || 15|| nandivAdyapriyo nityo nAmapArAyaNapriyaH | mahendranilayo mAnI mAnasAntarapApabhit || 16|| mayaskaro mahAyogI mAyAchakrapravartakaH | shivaH shivataraH shItaH shItAMshukR^itabhUShaNaH || 17|| dhanuHsharakaro dhyAtA dharmAdharmaparAyaNaH | AtmA AtArya AlAdya ana~NgasharakhaNDanaH || 18|| IshAna IDya Idhrayashcha ibhamastakasaMstutaH | umAsaMshliShTavAmA~Nga ushInaranR^ipArchitaH || 19|| udumbaraphalaprIta umAdisurapUjitaH | R^ijIShIkR^itabhUchakro ripupramathanorjitaH || 20|| li~NgArchakajanaprIto li~NgI li~NgasamapriyaH | lipipriyo binduhIno lIlAkR^itajagattrayaH || 21|| aindrIdikpatisaMyukta aishvaryAdiphalapradaH | auttAnapAdapUjyA~NghriraumAdisurapUjitaH || 22|| kalyANAchalakodaNDaH kAmitArthaphalapradaH | kastUrItilakaprItaH karpUrAbhakalevaraH || 23|| karandhamasutaprItaH kalpAdiparivarjitaH | kalpitAnekabhUtAdiH kalikalmaShanAshanaH || 24|| kamalAbhalasannetraH kamalApatipUjitaH | khagolkAdityavaradaH kha~njarITavarapradaH || 25|| kharjUravanamadhyasthaH khaNDitAkhaNDalIkaraH | khagaH kha~NgaharaH khaNDaH khagagaH khAkR^itiH khasaH || 26|| khaNDaparshuH khaNDaghanaH khaNDitArAtimaNDalaH | gandharvagaNasuprIto gandhadhR^iggarvanAshakaH || 27|| ga~NgAdharo gogaNesho gaNeshavaraputrakaH | gatido gadahA gandhI gandhamAlyavarArchitaH || 28|| gaganastho gaNapatirgaganAbhogabhUShaNaH | ghaNTAkarNapriyo ghaNTI ghaTajastutisupriyaH || 29|| ghoTakapriyaputrashcha gharmakAlo ghanAkR^itiH | ghanavAho ghR^itAdhyakSho ghanaghoSho ghaTeshvaraH || 30|| ghaTAnAdakaraprIto ghaTIbhUtamahAgiriH | chandrachUDashchandrakarashchandanArdrashchatuShpathaH || 31|| chamasodbhedamadhyasthashchaNDakopashchaturmukhaH | chakShuHshrotamahAhArashchaNDikeshavarapradaH || 32|| chetojanmaharashchaNDashchAturhotrapriyashcharaH | chaturmukhamukhastutyashchaturvedashcharAcharaH || 33|| chaNDabhAnukarAntaHsthashchaturmUrtivapuHsthitaH | ChAditAnekalokAdiH ChandasAM gaNamadhyagaH || 34|| ChatrachAmarashobhADhyaH ChandogagatidAyakaH | ja~NgamAja~NgamAkAro jagannAtho jagadgataH || 35|| jahnukanyAjaTo japyo jetA jatrurjanArtihA | jambhArAtirjanaprIto janako janikovidaH || 36|| janArdanArdano jAmijAtyAdiparivarjitaH | jhaNajjhaNA~NghrijArAvo jha~NkArojjhitaduShkriyaH || 37|| Ta~NkapriyaShTa~NkR^itikaShTa~NkabhedI TakArakaH | TAdivarNapriyaShThAnto DhakkAnAdapriyorasaH || 38|| DAmarItantramadhyastho DamarudhvanishobhitaH | DhakkAdhvanikR^itAnalpabadhirIkR^itadi~Nmukha || 39|| NakAro NaNukotthAdirNAntakR^iNNatimochakaH | taskarastAmrakastArkShyastAmasAdiguNojjhitaH || 40|| tarumUlapriyastAtastamasAnnAshakastaTaH | thAnAsuraharaH sthAtA sthANuH sthAnapriyaH sthiraH || 41|| dAtA dAnapatirdAnto dandashUkavibhUShitaH | darshanIyo dInadayo daNDitArAtimaNDalaH || 42|| dakShayaj~naharo devo dAnavArirdamodayaH | dattAtreyapriyo daNDI dADimIkusumapriyaH || 43|| dhAtA dhanAdhipasakho dhanadhAnyaprado dhanam | dhAmapriyo.a{}ndhasAM nAtho dharmavAho dhanurdharaH || 44|| namaskArapriyo nAtho namitAsheShaduHkhahR^it | nandipriyo narmasakho narmadAtIrasaMsthitaH || 45|| nandano namasAmIsho nAnArUpo nadIgataH | nAmaprIto nAmarUpaguNakarmavivarjitaH || 46|| pattInAM cha patiH pAryaH paramAtmA parAtparaH | pa~NkajAsanapUjyA~NghriH padmanAbhavarapradaH || 47|| pannagAdhipasaddhAraH pashUnAmpatirpAvakaH | pApahA paNDitaH pAntho pAdaponmathanaH paraH || 48|| phaNIphaNAlasanmauliH phaNika~NkaNasatkaraH | phaNitAnekavedoktiH phaNimANikyabhUShitaH || 49|| bandhamochanakR^idbandhurbandhurAlakashobhitaH | balI balavatAmmukhyo baliputravarapradaH || 50|| bANAsurendrapUjyA~NghrirbANali~Ngo bahupradaH | bandIkR^itAgamo bAlapAlako bahushobhitaH || 51|| bhavAdirbhavahA bhavyo bhavo bhAvaparAyaNaH | bhavahR^idbhavado bhUto bhaNDAsuravarapradaH || 52|| bhagAkShimathano bhargo bhavAnIsho bhaya~NkaraH | bha~NgakAro bhAvukado bhasmAbhyaktatanurbhaTaH || 53|| mayaskaro mahAdevo mAyAvI mAnasAntaraH | mAyAtIto manmathArirmadhupo.atha manonmanaH || 54|| madhyastho madhumAMsAtmA manovAchAmagocharaH | maNDito maNDanAkAro matido mAnapAlakaH || 55|| manasvI manurUpashcha mantramUrtirmahAhanuH | yashaskaro yantrarUpo yamimAnasapAvanaH || 56|| yamAntakaraNo yAmI yajamAno yaduryamI | ramAnAthArchitapado ramyo rativishAradaH || 57|| rambhAprIto raso rAtricharo rAvaNapUjitaH | ra~NgapAdo rantidevo ravimaNDalamadhyagaH || 58|| rathantarastuto raktapAno rathapatI rajaH | rathAtmako lambatanurlA~NgalI lolagaNDakaH || 59|| lalAmasomalUtAdirlalitApUjito lavaH | vAmano vAyurUpashcha varAhamathano vaTuH || 60|| vAkyajAto varo vAryo varuNeDyo varAshrayaH | vapurdharo varShavaro varIyAnvarado varaH || 61|| vasuprado vasupatirvandArujanapAlakaH | shAntaH shamaparaH shAstA shamanAntakaraH shaThaH || 62|| sha~NkhahastaH shatruhantA shamitAkhiladuShkR^itaH | sharahastaH shatAvartaH shatakratuvarapradaH || 63|| shambhuH shamyAkapuShpArchyaH sha~NkaraH shatarudragaH | shamyAkaraH shAntamanAH shAntaH shashikalAdharaH || 64|| ShaDAnanaguruH ShaNDaH ShaTkarmanirataH ShaguH | ShaDjAdirasikaH ShaShThaH ShaShThIprItaH ShaDa~NgavAn || 65|| ShaDUrmirahitaH shaShpyaH ShidgaH ShADguNyadAyakaH | (ShiDbhyaH) satyapriyaH satyadhAmA saMsArarahitaH samaH || 66|| sakhA sandhAnakushalaH sarvasampatpradAyakaH | sagaraH sAgarAntAsthaH satrAshaH saraNaH sahaH || 67|| sAmbaH sanAtanaH sAdhuH sArAsAravishAradaH | sAmagAnapriyaH sAraH sarasvatyA supUjitaH || 68|| hatArAtirhaMsagatirhAhAhUhUstutipriyaH | harikesho haridrA~Ngo harinmaNisarohaThaH || 69|| haripUjyo haro hAryo hariNA~NkashikhaNDakaH | hAhAkArAdirahito hanunAso hahu~NkR^itaH || 70|| lAlAnano latAsomo lakShmIkAntavarapradaH | lambodaragururlabhyo lavalIsho lulAyagaH || 71|| kShayadvIraH kShamAyuktaH kShayAdirahitaH kShamI | kShatriyAntakaraH kShAntaH kShAtradharmapravartakaH || 72|| kShayiShNuvardhanaH kShAntaH kShapAnAthakalAdharaH | kShapAdipUjanaprItaH kShapaNAntaH kSharAkSharaH || 73|| rudro manyuH sudhanvA cha bAhumAnparameshvaraH | sviShuH sviShTakR^idIshAnaH sharavyAdhArako yuvA || 74|| aghorastanumAndevo girIshaH pAkashAsanaH | giritraH puruShaH prANaH pa~nchaprANapravartakaH || 75|| adhyavocho mahAdeva adhivaktA maheshvaraH | IshAnaH prathamo devo bhiShajAmpatirIshvaraH || 76|| tAmro.aruNo vishvanAtho babhrushchaiva suma~NgalaH | nIlagrIvaH shivo hR^iShTo devadevo vilohitaH || 77|| gopavashyo vishvakartA udahAryajanekShitaH | vishvadR^iShTaH sahasrAkSho mIDhuShTho bhagavAnharaH || 78|| shateShudhiH kapardI cha somo mIDhuShTamo bhavaH | anAtatashchAtidhR^iShNuH satvAnAM rakShakaH prabhuH || 79|| vishveshvaro mahAdevastryambakastripurAntakaH | trikAgnikAlaH kAlAgnirudro nIlo.adhipo.anilaH || 80|| sarveshvaraH sadA shambhuH shrImAnmR^ityu~njayaH shivaH | svarNabAhuH sainyapAlo dishAdhIsho vanaspatiH || 81|| (svarNapAlaH) harikeshaH pashupatirugraH saspi~njaro.antakaH | tviShImAnmArgapo babhrurvivyAdhI chAnnapAlakaH || 82|| puShTo bhavAdhipo lokanAtho rudrAtatAyikaH | kShetreshaH sUtapo.ahantyo vanapo rohitaH sthapaH || 83|| vR^ikShesho mantrajo vANyo bhuvantyo vArivaskR^itaH | oShadhIsho mahAghoShaH krandanaH pattinAyakaH || 84|| kR^itsnavItI dhAvamAnaH satvanAmpatiravyayaH | sahamAno.atha nirvyAdhiravyAdhiH kakubho naTaH || 85|| niSha~NgI stenapaH kakShyo nicheruH parichArakaH | AraNyapaH sR^ikAvI cha jighAMsurmuShNapo.asimAn || 86|| nakta~ncharaH prakR^intashcha uShNIShI girisa~ncharaH | kulu~ncha iShumAndhanvI AtanvAnpratidhAnavAn || 87|| AyachCho visR^ijo.apyAtmA vedhano(?)AsanaH paraH | shayAnaH svApakR^itjAgratsthito dhAvanakArakaH || 88|| sabhApatistura~Ngesha ugaNastR^iMhatirguruH | vishvo vrAto gaNo vishvarUpo vairUpyakArakaH || 89|| mahAnaNIyAnrathapaH senAnIH kShatrasa~NgrahaH | takShA cha rathakArashcha kulAlaH karmakArakaH || 90|| pu~njiShThashcha niShAdashcha iShukR^iddhanvakArakaH | mR^igayuH shvAnapo(?)devo bhavo rudro.atha sharvakaH || 91|| pashupo nIlakaNThashcha shitikaNThaH kapardabhR^it | vyutpakeshaH sahasrAkShaH shatadhanvA girIshvaraH || 92|| shipiviShTo.atha mIDhuShTa iShumAnhrasvavAmanaH | bahuvarShavayA vR^iddhaH saMvR^iddhvA prathamo.agriyaH || 93|| AshushchaivAjiraH shIghryaH shIbhya Urmyo.atha vasvanaH | sroto dvIpyastathA jyeShThaH kaniShThaH pUrvajo.aparaH || 94|| madhyashchAthApagalbhashcha ##........## | AshuSheNashchAshurathaH shUro vai bhindivarmadhR^ik || 95|| varUthI bilmI kavachI shrutaseno.atha dundubhiH | dhR^iShNushcha prahito dUto niSha~NgI tIkShNasAyakaH || 96|| AyudhI svAyudhI deva upavItI sudhanvadhR^ik | srutyaH pathyastathA kATyo nIpyaH sUdyaH sarodbhavaH || 97|| nAdyavaishantakUpyAshchAvaTyo varShyo meghyo.atya vaidyutaH | Idhrya Atapya vAtottho rashmijo vAstavo.astupaH || 98|| somo rudrastathA tAmra aruNaH sha~Nga IshvaraH | ugro bhImastathaivAgrevadho dUrevadhastathA || 99|| hantA hanIyAnvR^ikShashcha harikeshaH pratardanaH | tAraH shambhurmayobhUshcha sha~Nkarashcha mayaskaraH || 100|| shivaH shivatarastIrthyaH kUlyaH pAryo vAryaH pratAraNaH | uttAraNastathAlAdya AtAryaH shaShpyaphenajaH || 101|| sikatyashcha pravAhyashcha iriNyaH pramathaH kiMshilaH | kShayaNaH kUlago goShThyaH pulastyo gR^ihya eva cha || 102|| talpyo gehyastathA kATyo gahvareShTho hR^idodbhavaH | niveShTyaH pAsumadhyastho rajasyo haritasthitaH || 103|| shuShkayo lopyastatholapya UrmyaH sUrmyashcha parNajaH | parNashadyo.apagurakaH abhighnotkhidyakovidaH || 104|| avaH (?) kirika IshAno devAdihR^idayAntaraH | vikShINako vichinvatkyaH Anirha AmivatkakaH || 105|| drApirandhaspatirdAtA daridrannIlalohitaH | tavasvAMshcha kapardIshaH kShayadvIro.atha gohanaH || 106|| puruShanto gartagato yuvA mR^igavarograkaH | mR^iDashcha jaritA rudro mIDhyo devapatirhariH || 107|| mIDhuShTamaH shivatamo bhagavAnarNavAntaraH | shikhI cha kR^ittivAsAshcha pinAkI vR^iShabhasthitaH || 108|| agnIShushcha varSheShurvAteShushcha ##........## | pR^ithivIstho diviShThashcha antarikShasthito haraH || 109|| apsusthito vishvanetA pathistho vR^ikShamUlagaH | bhUtAdhipaH pramathapa ##........## || 110|| avapalaH sahasrAsyaH sahasranayanashravAH | R^IggaNAtmA yajurmadhyaH sAmamadhyo gaNAdhipaH || 111|| urmyarvashIrShaparamaH shikhAstutyo.apasUyakaH | maitrAyaNo mitragatistaNDuprIto riTipriyaH || 112|| umAdhavo vishvabhartA vishvahartA sanAtanaH | somo rudro meghapativa~Nkurvai marutAmpitA || 113|| ##........## aruSho adhvareshvaraH | jalAShabheShajo bhUridAtA sujanimA suraH || 114|| saMrATpurAmbhidduHkhasthaH satpatiH pAvanaH kratuH | hiraNyaretA durdharSho vishvAdhika urukramaH || 115|| gurugAyo.amitaguNo mahAbhUtastrivikramaH | amR^ito ajaro{}.ajayyo rudro.agniH puruSho virAT || 116|| tuShArATpUjitapado mahAharSho rasAtmakaH | maharShibuddhido goptA guptamantro gatipradaH || 117|| gandharvagAnaprItAtmA gItaprItorushAsanaH | vidveShaNaharo hAryo harShakrodhavivarjitaH || 118|| bhaktapriyo bhaktivashyo bhayahR^idbhUtasa~Nghabhit | bhuvanesho bhUdharAtmA vishvavandyo vishoShakaH || 119|| jvaranAsho roganAsho mu~njikesho varapradaH | puNDarIkamahAhAraH puNDarIkatvagambaraH || 120|| AkhaNDalamukhastutyaH kuNDalI kuNDalapriyaH | chaNDAMshumaNDalAntasthaH shashikhaNDashikhaNDakaH || 121|| chaNDatANDavasannAhashchaNDakopo.akhilANDagaH | chaNDikApUjitapado maNDanAkalpakANDajaH || 122|| raNashauNDo mahAdaNDastuhuNDavaradAyakaH | kapAlamAlAbharaNastAraNaH shokahAraNaH || 123|| vidhAraNaH shUlakaro dharShaNaH shatrumAraNaH | ga~NgAdharo garadharastripuNDrAvalibhAsuraH || 124|| shambarAriharo dakShaharo.andhakaharo haraH | vishvajidgojidIshAno ashvajiddhanajittathA || 125|| urvarAjidudvajichcha sarvajitsarvahArakaH | mandAranilayo nandaH kundamAlAdharo.ambudaH || 126|| nandiprIto mandahAsaH suravR^indaniShevitaH | muchukundArchitapado dvandvahInendirArchitaH || 127|| vishvAdhAro vishvanetA vItihotro vinItakaH | sha~NkaraH shAshvataH shAstA sahamAnaH sahasradaH || 128|| bhImo maheshvaro nitya ambarAntaranartanaH | ugro bhavaharo dhaumyo dhIrodAtto virAjitaH || 129|| va~nchako niyato viShNuH pariva~nchaka IshvaraH | umAvaraprado muNDI jaTilaH shuchilakShaNaH || 130|| charmAmbaraH kAntikaraH ka~NkAlavaraveShadhR^ik | mekhalI ajinI daNDI kapAlI mekhalAdharaH || 131|| sadyojAtaH kAlipatirvareNyo varado muniH | vasApriyo vAmadevastatpUrvo vaTamUlagaH || 132|| ulUkaromA ghorAtmA lAsyaprIto laghuH sthiraH | aNoraNIyAnIshAnaH sundarabhraH sutANDavaH || 133|| kirITamAlAbharaNo rAjarAjalasadgatiH | harikesho mu~njikesho vyomakesho yashodharaH || 134|| pAtAlavasano bhartA shipiviShTaH kR^ipAkaraH | hiraNyavarNo divyAtmA vR^iShadharmA virochanaH || 135|| daityendravarado vaidyaH suravandyo.aghanAshakaH | AnandeshaH kushAvarto nandyAvarto madhupriyaH || 136|| prasannAtmA virUpAkSho vanAnAM patiravyayaH | mastakAdo vedavedyaH sarvo brahmaudanapriyaH || 137|| pisha~NgitajaTAjUTastaDillokavilochanaH | gR^ihAdhAro grAmapAlo narasiMhavinAshakaH || 138|| matsyahA kUrmapR^iShThAsthidharo bhUdAradArakaH | vidhIndrapUjitapadaH pArado vAridhisthitaH || 139|| mahodayo mahAdevo mahAbIjo mahA~NgadhR^ik | ulUkanAgAbharaNo vidhikandharapAtanaH || 140|| AkAshakosho hArdAtmA mAyAvI prakR^iteH paraH | shuklastrishuklastrimadhustrisuparNaH ShaDa~Ngavit || 141|| lalanAjanapUjyA~Nghrirla~NkAvAso.anilAshanaH | vishvatashchakShurIshAno vishvatobAhurIshvaraH || 142|| sarvAtmA bhAvanAgamyaH svatantraH parameshvaraH | vishvabhakSho vidumAkShaH sarvadevashiromaNi || 143|| brahma satyaM tathAnando j~nAnAnandamahAphalaH | IshvaraH \- aShTottaraM mahAdevi sheShAsheShamukhodgatam | ityetannAmasAhasraM rahasyaM kathitaM mayA || 144|| pavitramidamAyuShyaM paThatAM shR^iNvatAM sadA | yastvetannAmasAhastraiH bilvaiH pa~NkajakuDmalaiH || 145|| pUjayetsarvakAleShu shivarAtrau maheshvari | tasya muktiM dadAmIshe satyaM satyaM na saMshayaH || 146|| mama priyakaraM hyetatphaNinA phaNitaM shubham | paThetsarvAl{}.Nlabhetaiva kAmAnAyu.ayameva cha || 147|| nAmasAhasrapAThI sa yamalokaM na pashyati | kalyANIM cha labhedgauri gatiM nAmnAM cha vaibhavAt || 148|| nAkhyeyaM gopyametaddhi nAbhaktAya kadAchana | na prakAshyamidaM devi mAtR^ikArudrasaMhitam || 149|| bhakteShu labhate nityaM bhaktiM matpAdayordR^iDhAm | datvA.abhakteShu pApAtmA rauravaM narakaM vrajet || 150|| \- \- sUtaH \- iti shivavachanaM nishamya gaurI praNayAchcha praNatA shivA~Nghripadme | suravaratarusundarorupuShpairabhipUjya pramathAdhipaM tutoSha || 151|| tuShTAva kaShTaharamiShTadamaShTadehaM naShTAghasa~NghaduradR^iShTaharaM prakR^iShTam | utkR^iShTavAkyasuravR^indagaNeShTadAnalolaM vinaShTatamasaM shipiviShTamIsham || 152|| \- \- || iti shivarahasyAntargate bhargAkhye pa~nchamAMshe shivagaurIsaMvAde shivasahasranAmastotraM sampUrNam || \- || shrIshivarahasyam | bhargAkhyaH pa~nchamAMshaH | adhyAyaH 40| 1\-152|| ## - .. shrIshivarahasyam . bhargAkhyaH panchamAMshaH . adhyAyaH 40. 1-152.. Notes: Shiva narrates to Devi, the 1008 names recited by Adishesha eulogizing Him (Shiva). The composition includes several names that are part of Sri Rudram. The sahasranAmastotram starts from verse 14 ending at 144.1. The source text has missing names at some places. Encoded by DPD Proofread by DPD, Ruma Dewan \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}