% Text title            : shivasahasranAmastotram shivarahasyAntargatam navamA.nshe adhyAya 2
% File name             : shivasahasranAmastotramshivarahasya9p2.itx
% Category              : sahasranAma, shiva, shivarahasya
% Location              : doc\_shiva
% Transliterated by     : Sivakumar Thyagarajan shivakumar24 at gmail.com
% Proofread by          : Sivakumar Thyagarajan shivakumar24 at gmail.com
% Description-comments  : shrIshivarahasyam | navamAMshaH | adhyAyaH 2| 1-142 ||
% Source                : Shivarahasya Navamanshe Chapter 2
% Latest update         : May 19, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Shiva Sahasranama Stotra from Shivarahasya 9.2 ..}##
\itxtitle{.. shrIshivasahasranAmastotraM shivarahasye navamAMshe adhyAya 2 ..}##\endtitles ##
shrIgaNeshAya namaH ||
|| atha navamA.nshe dvitIyo.adhyAyaH ||
skanda uvAcha \-
sheShAsheShamukhodgItAM nAmasArAvalImimAm |
hATakeshorukaTakabhUtenakahIna(ndra)keNa tu || 1||
sahasranAma yatproktaM tatte vakShyAmyahaM shR^iNu |
dhanyaM mAnyaM mahAmanyuprItidAyakamuttamam || 2||
nAnyeShu dApanIyaM te na deyaM vedamIdR^isham |
pa~nchAsya hR^idayAshAsyamanushAsyAmi te hR^idi || 3||
R^iShirasyAdisheSho vai devo devomaheshvaraH |
sarvatra viniyogo.asya karmasvapi sadA dvija |
dhyAnaM tasyAnuvakShyAmi tvamekAgramanAH shR^iNu || 4||
skandaH uvAcha \-
dhyAyedindukalAdharaM giridhanu somAgniphAlojjvalaM
vaikuNThoruvipAThabANasukaraM devaM rathe.adhiShThitam |
vedAshvaM vidhisArathiM girijayA chitte.anusandadhmahe
nAnAkArakalAvilAsajagadAndadisampUrtaye ||
evaM dhyAtvA mahAdevaM nAmnA sAhasramuttamam |
prajapenniyato mantrI bhasmarudrAkShabhUShaNaH || 1||
li~NgamabhyarchayanvApi bilvakomalapallavaiH |
pa~NkajairutpalairvApi prasAdAya maheshituH || 2||
aShTamyAM vA chaturdashyAM parvasvapi visheShataH |
yaM yaM kAmaM sadAchitte bhAvayettaM tamApnuyAt || 3||
atha sahasranAma stotram |
OM ga~NgAdharo.andhakaripuH pinAkI pramathAdhipan |
bhava IshAna AtAryo.anekadhanyo maheshvaraH || 1||
mahAdevaH pashupatiH sthANuH sarvaj~na IshvaraH |
vishvAdhikaH shivaH shAnto vishvAtmA gaganAntaraH || 2||
parAvaro.ambikAnAthaH sharadindukalAdharaH |
gaNeshatAto devesho bhavavaidyaH pitAmahaH || 3||
taraNastArakastAmro prapa~ncharahito haraH |
vinAyakastutapadaH kShmAratho nandivAhanaH || 4||
gajAntako dhanurdhArI vIraghoShaH stutipriyaH |
prajAsaho raNochchaNDatANDavo manmathAntakaH || 5||
shipiviShTaH shAshvatAtmA meghavAho durAsadaH |
AnandapUrNA varShAtmA rudraH saMhArakArakaH || 6||
bhaganetrapramathano nityajetA.aparAjitaH |
mahAkAruNikaH shvabhruH prasannAsyo makhAntakaH || 7||
ghanAbhakaNTho garabhuk bablusho vIryavardhanaH |
prakaTastavano mAnI manasvI j~nAnadAyakaH || 8||
kandarpasarpadarpaghno viShAdI nIlalohitaH |
kAlAntako yugAvartaH sa~NkrandanasunandanaH || 9||
dInapoShaH pAshahantA shAntAtmA krodhavardhanaH |
kandarpo visalajjandro li~NgAdhyakSho gajAntakaH || 10||
vaikuNDapUjyo vishvAtmA triNetro vR^iShabhadhvajaH |
jahnujApatirIshAnaH smashAnanilayo yuvA || 11||
pArvatIjAniruhyADhyo nAdyavidyAparAyaNaH |
sAmavedapriyo vaidyo vidyAdhipatirIshvaraH || 12||
kumArajanako mAramArako vIrasattamaH |
lambalAshvatarodgArisuphaNotkR^iShTakuNDalaH || 13||
AnandavanavAso.atha avimuktamaheshvaraH |
A~NkAranilayo dhanvI kadAresho.amitaprabhaH || 14||
narmadAli~Nganilayo niShpApajanavatsalaH |
mahAkailAsali~NgAtmA vIrabhadraprasAdakR^it || 15||
kAlAgnirudro.anantAtmA bhasmA~Ngo gopatipriyaH |
vedAshvaH ka~njajAjAninetrapUjitapAdukaH || 16||
jalanadharavadhodyuktadivyachakrapradAyakaH |
vAmano vikaTo muNDastuhuNDakR^itasaMstutiH || 17||
phaNIshvaramahAhAro rudrAkShakR^itaka~NkaNaH |
vINApANirgAnarato DhakkAvAdyapriyo vashI || 18||
vishAlavakShAH shailendrajAmAtA.amarasattamaH |
hR^ittamonAshako buddho jagatkandArdano balI || 19||
palAshapuShpapUjyA~NghriH palAshanavarapradaH |
sAgarAntargato ghoraH sadyojAto.ambikAsakhaH || 20||
vAmadevaH sAmagItaH somaH somakalAdharaH |
niHsIma mahimodAro dU(dA)ritAkhilapAtakaH || 21||
tapanAntargato dhAtA dhenuputravarapradaH |
bANahastaprado netA namuchervIryavardhanaH || 22||
nAgAjinA~Ngo nAgesho nAgeshavarabhuShaNaH |
ageshashAyI bhUtesho gaNakolAhalapriyaH || 23||
prasannAsyo.anekabAhuH shUladhR^ik kAlatApanaH
kolapramathanaH kUrmamahAkharpaTadhArakaH || 24||
mArasihmAjinadharo mahAlA~NgaladhR^igbalI |
kakudunmathano heturahetuH sarvakAraNaH || 25||
kR^ishAnuretAH sotphullabhAlanetro.amarArihA |
mR^igabAladharo dhanvI shakrabAhuvibha~njakaH || 26||
dakShayaj~napramathanaH pramathAdhipatiH shivaH |
shatAvarto yugAvarto meghAvarto durAsadaH || 27||
manojavo jAtajano vedAdhAraH sanAtanaH |
pANDarAgoH(~Ngo)go.ajinA~NgaH karmandijanavatsalaH || 28||
chAturhotro vIrahotA shatarudrIyamadhyagaH |
bhImo rudra udAvarto viShamAkSho.aruNeshvaraH || 29||
yakSharAjanuto nAtho nItishAstrapravartakaH |
kapAlapANirbhagavAnvaiyAghratvagala~NkR^itaH || 30||
mokShasAro.adhvarAdhyakSha dhvajajIvo marutsakhaH |
AruNoyastvagadhyakSho kAmanArahitastaruH || 31||
bilvapUjyo bilvanIsho haridashvo.aparAjitaH |
bR^ihadrathantarastutyo vAmadevyastavapriyaH || 32||
aghoratara rochiShNurgambhIro manyurIshvaraH |
kalipravartako yogI sA~NkhyamAyAvishAradaH || 33||
vidhArako dhairyadhuryaH somadhAmAntarasthitaH |
shipiviShTo gahvareShTo jyeShTho devaH kaniShThakaH || 34||
pinAkahasto.avarajo varShaharIshvaraH |
kavachI cha niSha~NgI cha rathaghoSho.amitaprabhaH || 35||
kAla~njaro dandashUko vidarbhesho gaNAtigaH |
gabhastIsho munishreShTho maharShiH saMshitavrataH || 36||
karNikAravanAvAsI karavIrasumapriyaH |
nIlotpalamahAsragvI karahATapureshvaraH || 37||
shatarchanaH parAnando brAhmaNArchyopavItavAn |
balI bAlapriyA dharmo hiraNyapatirappatiH || 38||
yamapramathanoShNIShI chakrahastaH purAntakaH |
vasuSheNo.a~NganAdehaH kaulAchArapravartakaH || 39||
tantrAdhyakSho mantramayo gAyatrImadhyakaH shuchiH |
vedAtmA yaj~nasamprIto gariShThaH pAradaH kalI || 40||
R^igyajuHsAmarUpAtmA sarvAtmA kraturIshvaraH |
hiraNyagarbhajanako hiraNyAkShavarapradaH || 41||
damitAsheShapAShaNDo daNDahasto durAsadaH |
dUrvArchanapriyakaro rantidevo.amareshvaraH || 42||
amR^itAtmA mahAdevo haraH saMhArakArakaH |
triguNo vikhanA vAgmI tva~NmAMsarudhirAMshakaH || 43||
vatsapriyo.atha sAnustho viShNU raktapriyo guruH |
kirAtaveShaH shoNAtmA ratnagarbho.aruNekShaNaH || 44||
surAsavabaliprItastatpUrSho.agandhadehavAn |
vyomakeshaH koshahInaH kalpanArahito.akShamI || 45||
sahamAnashcha vivyAdhI sphaTikopalanirmalaH |
mR^ityu~njayo durAdhyakSho bhaktiprIto bhayApahaH || 46||
gandharvagAnasuprIto viShNugarbho.amitadyutiH |
brahmastutaH sUryanetro vItihotro.arjunAntakaH || 47||
garvApahArako vAgmI kumbhasambhavapUjitaH |
malayo vindhyanilayA mahendro merunAyakaH || 48||
pArvatInAyako.ajayyo ja~NgamAja~NgamAshrayaH |
kuruvindo.aruNo dhanvI asthibhUSho nishAkaraH || 49||
samudramathanodbhUtakAlakUTaviShAdanaH |
surAsurendravarado dayAmUrtiH sahasrapAt || 50||
kAraNo vIraNaH putrI jantugarbho garAdanaH |
shrIshailamUlanilayaH shrImadabhrasabhApatiH || 51||
dakShiNamUrtiranagho jalandharanipAtanaH |
dakShiNo yajamAnAtmA dIkShito daityanAshanaH || 52||
kalmAShapAdapUjyA~Nghriratido turagapriyaH |
umAdhavo dInadayo dAtA dAnto dayAparaH || 53||
shrImaddakShiNakailAsanivAso janavatsalaH |
darbharomA balonnetA tAmaso.annavivardhanaH || 54||
namaskArapriyo nAtha AnandAtmA sanAtanaH |
tamAlanIlasugalaH kutarkavinivArakaH || 55||
kAmarUpaH prashAntAtmA kAraNAnAM cha kAraNaH |
tR^iNapANiH kAntiparo maNipANiH kulAchalaH || 56||
kastUrItilakAkrAntaphAlo bhasmatripuNDravAn |
vAraNA~NgAla~NkR^itA~Ngo mahApApanivAraNaH || 57||
prakAsharUpo guhyAtmA bAlarUpo bileshayaH |
bhikShupriyo bhakShyabhoktA bharadvAjapriyo vashI || 58||
karmaNyastArakobhUta kAraNo yAnaharShadaH |
vR^iShagAmI dharmagoptA kAmI kAmA~Nga nAshanaH || 59||
kAruNyo vAjarUpAtmA nirdharmo grAmaNIH prabhuH
araNyaH pashuharShashcha sauniko meghavAhanaH || 60||
kumAragururAnando vAmano vAgbhavo yuvA |
svardhunIdhanyamaulishcha tarurAjo mahAmanAH || 61||
kaNAshanastAmraghano mayaprIto.ajarAmaraH |
kauNapAriH bhAlanetro varNashramaparAyaNaH || 62||
purANavR^indasamprIta itihAsavishAradaH |
samartho namitAsheShadevo dyotakaraH phaNI || 63||
karShako lA~Ngaleshashcha merudhanvA prajApatiH |
ugraH pashupatirgoptA pavamAno vibhAvasuH || 64||
udAvasurvItarAga urvIsho vIravardhanaH |
jvAlamAlo.ajitA~Ngashcha vaidyudagnipravartakaH || 65||
kamanIyAkR^itiH pAtA AShADho(DhaH)ShaNDhavarjitaH |
pulindarUpaH puNyAtmA puNyapApaphalapradaH || 66||
gArhapatyo dakShiNAgniH sabhyo vasathabhR^itkaviH |
druma AhavanIyashcha taskaro.atha mayaskaraH || 67||
shA~Nkaro vArido.avAryo vAtachakrapravartakaH |
kulishAyudhahastashcha vikR^ito jaTilaH shikhI || 68||
saurAShTravAsI deveDyaH sahyajAtIrasaMsthitaH |
mahAkAyo vItabhayo gaNagIto vishAradaH || 69||
tapasvI tApasAchAryo drumahastojjvalatprabhuH |
kindamo ma~NkaNaH prIto jAtukarNistutipriyaH || 70||
veno vainyo vishAkhashchA.akampanaH somadhArakaH |
upAyado dAritA~Ngo nAnAgamavishAradaH || 71||
kAvyAlApaikakushalo mImAMsAvallabho dhruvaH |
tAlamUlanikentashcha bilvamUlaprapUjitaH || 72||
vedA~Ngo gamano.agamyo gavyaH prAtaH phalAdanaH |
ga~NgAtIrasthito li~NgI ali~Ngo rUpasaMshrayaH || 73||
shrAntihA puNyanilayaH palalAsho.arkapUjitaH |
mahendraviShNujanako brahmatAtastuto.avyayaH || 74||
kardamesho mata~Ngesho vishvesho gandhadhArakaH |
vishAlo vimalo jiShNurjayashIlo jayapradaH || 75||
dAridryamathano mantrI shambhuH shashikalAdharaH |
shiMshumAraH shaunakejyaH shvAnapaH shvetajIvadaH || 76||
munibAlapriyo.agotro milindo mantrasaMsthitaH |
kAshIshaH kAmitA~Ngashcha vallakIvAdanapriyaH || 77||
hallIsalAsyanipuNaH sallIlo vallarIpriyaH |
mahApAradasaMvIryo vahninetro jaTAdharaH || 78||
AlApo.anekarUpAtmA purUShaH prakR^iteH paraH |
sthANurveNuvanaprIto raNajitpAkashAsanaH || 79||
nagno nirAkR^ito dhUmro vaidyuto vishvanAyakaH |
vishvAdhikaH shAntaravaH shAshvataH sumukho mahAn || 80||
aNoraNuH shvabhragataH [tohya] avaTesho naTeshvaraH |
chitradhAmA chitramAnurvichitrAkR^itirIshvaraH || 81||
indro.ajo.amUrtirUpAtmA[hya]amUrto vahnidhArakaH |
apasmAraharo gupto yogidhyeyo.akhilAdanaH || 82||
nakShatrarUpaH kShatrAtmA kShutR^iShNAshramavarjitaH |
asa~Ngo bhUtahR^idayo vAlakhilyo marIchipaH || 83||
pa~nchapretAsanAsIno yoginIkaNasevitaH |
nAnAbhAShAnuchato [nuvachano] nAnAdeshasamAshrayaH || 84||
vR^indArakagaNastutyaH purandaranatipriyaH |
praghaso vighasAshI cha [chApya] atrAdhipatirannadaH || 85||
pannagAbharaNo yogI gururlaukikanAyakaH |
virAjo vishvatodharmI babhlusho bAhukapriyaH || 86||
pradhAnanipuNo mitro hyUrdhvaretA mahAtapAH |
kurujADAgalavAsI cha nityatR^ipto nira~njanaH || 87||
hiraNyagarbho bhUtAdisvarAT samrADvirADvaduH |
paTahadhvanisamprIto natamuktipradAyakaH || 88||
phalapradaH bhAlanetraH phaNIshvaramahA~NgadhR^ik |
vAstupo vAsavo vAtyA varmabhidvasanojjvalaH || 89||
mIDhuShTamaH shivatamo vasuH shivataro balI |
nidhanesho nidhAneshaH purAjidrAShTravardhanaH || 90||
ayutAyuH shatAyushcha pramitAyuH shatAdhvaraH |
sahasrashR^i~Ngo vR^iShabha urugAyorumIDhukaH || 91||
gantA gamayitA gAtA garutmAn gItavardhanaH |
rAgarAgiNikApratistAlapANirgadApahaH || 92||
deveshaH khaNDaparashuH prachaNDataravikramaH |
urukramo mahAbAhurhetidhR^ikpAvakAdanaH || 93||
gaNikAnATyanirato vimarsho vAvadUkakaH |
kalipramathano dhIro dhIrodAtto mahAhanuH || 94||
kShayadvIromu~nchi(ma~nju)kesha kalmalIkaH (kI) surottamaH |
vajrA~Ngo vAyujanako hyaShTamUrtiH kR^ipAkaraH || 95||
prahUtaH paramodAraH pa~nchAkSharaparAyaNaH |
karkandhuH kAmadahano malinAkSho jaDAjaDaH || 96||
kuberapUjitapado mahAtakShakaka~NkaNaH |
sha~NkhaNo madhurArAvo mR^iDaH saspi~njaro.ajaraH || 97||
mArgo mArgaprado mukto vijitAriH paro.avaraH |
praNavArtho vedamayo vedAntAmbuja bhAskaraH || 98||
sarvavidyAdhipaH saumyo yaj~neshaH kShetranAyakaH |
pApanAshakaro divyo gobhilo goparo gaNaH || 99||
gaNeshapUjitapado lalitAmbAmanoharaH |
kakShavAso mahokShA~Nko nistamastomavarjiH || 100||
niHsImamahimodAraH prabhAmUrtiH prasanna(dR^i)k |
stobha prIto bhArabhUto bhUbhAraharaNaH sthiraH || 101||
kSharAkSharodharo dhartA sAgarAntargato vashI |
ramyo rasyo rajasyo.atha pravAhyo vaidyuto.analaH || 102||
sikatyo vAdya urvaryo medhya Idhriya vAkpaTuH |
prapa~nchamAyArahitaH kIrtido vIryavardhanaH || 103||
kAlachakrAntarahito nityAnityo.atha chetanaH |
garvonnato bhaTAkAro mR^igayurbhavahA bhavaH || 104||
sha~NgaH shatA~NgaH shItA~Ngo nAgA~Ngo bhasmabhUShaNaH |
triyambako.ambikAbhartA nandikeshaH prasAdakR^it || 105||
chaNDIshavarado divyo mAyAvidyAvishAradaH |
mR^igA~Nkashekharo bhavyo gaurIpUjyo dayAmayaH || 106||
pramAthano.avikathano gargo vINApriyaH paTuH |
varNI vanastho yatirAT gUDhagarbho virochanaH || 107||
shabaro barbaro dhaumyo virADrUpaH sthitipradaH |
mahAkAruNiko bhrAntinAshakaH shokahA prabhuH || 108||
ashokapuShpapUjyA~NghrirmaNibhadro dhaneshvaraH |
amR^iteshodrutagati stagaro.arjunamadhyagaH || 109||
damo virodhahR^itkAnto nItij~no viShNupUjitaH |
sumapriyo vAtamayo varIyAnkarmaTho yamaH || 110||
digambaro(raH) shamamayo dhUmapaH shukragarbhakaH |
aTTahAso.atalpashaya AsIno dhAvamAnakaH || 111||
turAShANmeghamadhyastho vipAshAtIrasaMsthitaH |
kulonnataH kulInashcha vyavahArapravartakaH || 112||
ketumAlo haridrA~Ngo drAvi(vI) puShpamayo bhR^iguH |
vishoShakorvIniratastvagjAto rudhika(ra)priyaH || 113||
akaitaka(va)hR^idAvAsaH kShapAnAthakalAdharaH |
nakta~ncharodivAchArI divyadeho vinAshakaH || 114||
kadambavanamadhyastho haridrA~NgormimadhyagaH |
yamunAjalamadhyastho jAlako.ajamakho vasuH || 115||
vasuprada vIravaryaH shUlahastaH pratApavAn |
khaDgahasto maNDalAtmA mR^ityurmR^ityujidIshvaraH || 116||
la~NkAvAso meghamAlI gandhamAdanasaMsthitaH |
bhairavo bharaNo bhartA bhrAtR^ivyo nAmarUpagaH || 117||
avyAkR^itAtmA bhUtAtmA pa~nchabhUtAntaro.asmayaH |
ahananyaH shabdamaya kAlAdharaH kalAdharaH || 118||
bhR^igutu~NgashchIravAsI(sAH) kaivarto.anAyako.ardhakaH |
kareNupo gandhamadashchAmpeyakusumapriyaH || 119||
bhadradashcharmavasano vairAjastotrakArakaH |
sumaprItaH sAmagItI urjo varchaH kuleshvaraH || 120||
kakudmAn pItavasano vadhyesho nAradaH pitA |
kravyAdano nItimayo dharmachakrapravartakaH || 121||
shaShpyaH phenyo vinIrNetA ka~NkaNo.anAsiko.achalaH |
eNA~NkaH shalabhAkAra H shAluro grAmasaMsthitaH || 122||
mahAvisheShakathano vAritIrAsthito.achalaH |
kR^ipITayoniH shAntAtmA guNavAn j~nAnavA~nChuchiH || 123||
sarvapApaharo.ali~Ngo bhagamAlo.apratAraNaH |
Anandadhana AtArya iriNyo.athaprapathyakaH || 124||
ga~NgAtIrasthito devo hyavimuktasamAshrayaH |
mahAsmashAnanilayo.avalayo vAlipUjitaH || 125||
karandhamo vrAtyavaryo mAnavo jIvako.ashaThaH |
karmadevamayo brahmA R^itaM satyaM maheshvaraH || 126||
suma~NgalaH sukhamayo j~nAnAnando.amitAshanaH |
manomayaH prANamayo vij~nAnAtmA prasAdanaH || 127||
AnandamayakoshAtmA dharmasImAtha bhUmakaH |
sadAshivo vishiShTAtmA vasiShThArchitapAdukaH || 128||
nIlagrIvaH sainyapAlo dishAnAtho natipriyaH |
keshavonmathano maunI madhusUdanasUdanaH || 129||
udumbarakaro Dimbho bambharaH pi~nChilAtalaH |
mUlastAlakaro varNyo.aparNAdaH prANamAsha(Sha)kaH || 130||
aparNApatirIshAsyo.asampUrNaH pUrNarUpavAn |
dIpamAlo jA~Ngaliko vaituNDastuNDakaH priyaH || 131||
UlukaH kalavi~Nko.atha shukanAdaprasAdakR^it |
jaigIShavyatapaHprIto rAvaNendrabalArdanaH || 132||
mArkaNDeyamahAmR^ityunAshako j~nAnadhArakaH |
ahargaNakriyAtItaH sarpaprIto.anilAshanaH || 133||
vegAdhAro dhairyadhano dhanadhAnyapradAyakaH |
nAdyo vaidyo vAdyarato gadyapadyastuto dyukaH || 134||
bherIbhA~NkAranirato mR^igacharmavidhAyakaH |
puNyakIrtiH puNyalabhyo mohanAstro(stra)vishAradaH || 135||
kailAlashikharAvAsaH pArijAtavanAshrayaH |
IlA(DA)diravasamprIto mAhendrastutiharShitaH || 136||
yUpavATo bhAra vahaH komalA~Ngo janAshrayaH |
vishvAmitrapriyo bAlaH pAkayaj~narataH sukhI || 137||
vAmAchArapriyonnetA shaktihasto durAsadaH |
sarvAkAraH shAshvatatmA vA~NmanodUrago haraH || 138||
skanda uvAcha \-
ityetannAmasAhasraM sheShAsheShamukhodgatam |
shambhordivyaM munishreShTha shravaNAtpApanAshanam || 139||
sarvAnkAmAnavApnoti shivArchanaparAyaNaH |
tvamebhirmunimukhyaishcha shR^iNvanbhaktimavApnuyAH || 140||
kumArI patimApnoti nirdhano dhanavAnbhavet |
jayArthI jayamApnoti kShayadvIraprasAdataH || 141||
skanda uvAcha \-
iti tava gaditaM me nAmasAhasrametat
haravaracharaNAbjArAdhane sAdhanaM te |
(munigaNavarabANAdyai)
munijanagaNavaryairdhAryametatsurAdyaiH
paramapadamavAptuH (ptuM) sha~NkarAj~nAvashenaH || 142||

|| iti shrIshivarahasye navamAMshe sahasranAmakathanaM nAma dvitIyo.adhyAyaH ||
shrIshivarahasyam | navamAMshaH | adhyAyaH 2| 1-142 ||
##
\- shrIshivarahasyam . navamAMshaH . adhyAyaH 2. 1-142 ..
##
Proofread by Sivakumar Thyagarajan shivakumar24 at gmail.com and DPD

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}