% Text title            : shivasahasranAmastotra vAyupurANe adhyAya 30
% File name             : shivasahasranAmastotravAyupurANa.itx
% Category              : sahasranAma, shiva, stotra
% Location              : doc\_shiva
% Transliterated by     : Independently by Sivakumar Thyagarajan shivakumar24 at gmail.com
% Proofread by          : NA
% Description-comments  : Available at http://sa.wikisource.org Vayupurana
% Latest update         : March 3, 2014
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Shivasahasranamastotra from Vayupurana Adhyaya 30 ..}##
\itxtitle{.. shrIshivasahasranAmastotraM vAyupurANe adhyAya 30 ..}##\endtitles ##
|| dakSha uvAcha ||
OM namaste devadevesha devAribalasUdana |
devendra hyamarashreShTha devadAnavapUjita || 30\.180||
sahasrAkSha virUpAkSha tryakSha yakShAdhipapriya |
sarvataH pANipAdastvaM sarvato.akShishiromukhaH |
sarvataH shrutimAn loke sarvAnAvR^itya tiShThasi || 30\.181||
sha~NkukarNa mahAkarNa kumbhakarNArNavAlaya |
gajendrakarNa gokarNa pANikarNa namo.astu te || 30\.182||
shatodara shatAvartta shatajihva shatAnana |
gAyanti tvAM gAyatriNo hyarchchayanti tathArchchinaH || 30\.183||
devadAnavagoptA cha brahmA cha tvaM shatakratuH |
mUrttIshastvaM mahAmUrte samudrAmbu dharAya cha || 30\.184||
sarvA hyasmin devatAste gAvo goShTha ivAsate |
sharIrante prapashyAmi somamagniM jaleshvaram || 30\.185||
Adityamatha viShNu~ncha brahmANaM sabR^ihaspatim |
kriyA kAryyaM kAraNa~ncha karttA karaNameva cha || 30\.186||
asachcha sadasachchaiva tathaiva prabhavAvyayam |
namo bhavAya sharvAya rudrAya varadAya cha || 30\.187||
pashUnAM pataye chaiva namastvandhakaghAtine |
trijaTAya trishIrShAya trishUlavaradhAriNe || 30\.188||
tryambakAya trinetrAya tripuraghnAya vai namaH |
namashchaNDAya muNDAya prachaNDAya dharAya cha || 30\.189||
daNDi mAsaktakarNAya daNDimuNDAya vai namaH |
namo.arddhadaNDakeshAya niShkAya vikR^itAya cha || 30\.190||
vilohitAya dhUmrAya nIlagrIvAya te namaH |
namastvapratirUpAya shivAya cha namo.astu te || 30\.191||
sUryyAya sUryyapataye sUryyadhvajapatAkine |
namaH pramathanAthAya vR^iShaskandhAya dhanvine || 30\.192||
namo hiraNyagarbhAya hiraNyakavachAya cha |
hiraNyakR^itachUDAya hiraNyapataye namaH || 30\.193||
satraghAtAya daNDAya varNapAnapuTAya cha |
namaH stutAya stutyAya stUyamAnAya vai namaH || 30\.194||
sarvAyAbhakShyabhakShyAya sarvabhUtAnttarAtmane |
namo hotrAya mantrAya shukladhvajapatAkine || 30\.195||
namo namAya namyAya namaH kilikilAya cha |
namaste shayamAnAya shayitAyotthitAya cha || 30\.196||
sthitAya chalamAnAya mudrAya kuTilAya cha |
namo narttanashIlAya mukhavAditrakAriNe || 30\.197||
nATyopahAralubdhAya gItavAdyaratAya cha |
namo jyeShThAya shreShThAya balapramathanAya cha || 30\.198||
kalanAya cha kalpAya kShayAyopakShayAya cha |
bhImadundubhihAsAya bhImasenapriyAya cha || 30\.199||
ugrAya cha namo nityaM namaste dashabAhave |
namaH kapAlahastAya chitAbhasmapriyAya cha || 30\.200||
vibhIShaNAya bhIShmAya bhIShmavratadharAya cha |
namo vikR^itavakShAya khaDgajihvAgradaMShTriNe || 30\.201||
pakvAmamAMsalubdhAya tumbavINApriyAya cha |
namo vR^iShAya vR^iShyAya vR^iShNaye vR^iShaNAya cha || 30\.202||
kaTa~NkaTAya chaNDAya namaH sAvayavAya cha |
namaste varakR^iShNAya varAya varadAya cha || 30\.203||
varagandhamAlyavastrAya varAtivaraye namaH |
namo varShAya vAtAya ChAyAyai AtapAya cha || 30\.204||
namo raktaviraktAya shobhanAyAkShamAline |
sambhinnAya vibhinnAya viviktavikaTAya cha || 30\.205||
aghorarUparUpAya ghoraghoratarAya cha |
namaH shivAya shAntAya namaH shAntatarAya cha || 30\.206||
ekapAdbahunetrAya ekashIrShannamo.astu te |
namo vR^iddhAya lubdhAya saMvibhAgapriyAya cha || 30\.207||
pa~nchamAlArchitA~NgAya namaH pAshupatAya cha |
namashchaNDAya ghaNTAya ghaNTayA jagdharandhriNe || 30\.208||
sahasrashataghaNTAya ghaNTAmAlApriyAya cha |
prANadaNDAya tyAgAya namo hilihilAya cha || 30\.209||
hUMhU~NkArAya pArAya hUMhU~NkArapriyAya cha |
namashcha shambhave nityaM giri vR^ikShakalAya cha || 30\.210||
garbhamAMsashR^igAlAya tArakAya tarAya cha |
namo yaj~nAdhipataye drutAyopadrutAya cha || 30\.211||
yaj~navAhAya dAnAya tapyAya tapanAya cha |
namastaTAya bhavyAya taDitAM pataye namaH || 30\.212||
annadAyAnnapataye namo.astvannabhavAya cha |
namaH sahasrashIrShNe cha sahasracharaNAya cha || 30\.213||
sahasrodyatashUlAya sahasranayanAya cha |
namo.astu bAlarUpAya bAlarUpadharAya cha || 30\.214||
bAlAnA~nchaiva goptre cha bAlakrIDanakAya cha |
namaH shuddhAya buddhAya kShobhaNAyAkShatAya cha || 30\.215||
tara~NgA~NkitakeshAya muktakeshAya vai namaH |
namaH ShaTkarmaniShThAya trikarmaniratAya cha || 30\.216||
varNAshramANAM vidhivat pR^ithakkarmapravartine |
namo ghoShAya ghoShyAya namaH kalakalAya cha || 30\.217||
shvetapi~NgalanetrAya kR^iShNaraktakShaNAya cha |
dharmArtha kAmamokShAya krathAya kathanAya cha || 30\.218||
sA~NkhyAya sA~NkhyamukhyAya yogAdhipataye namaH |
namo rathyavirathyAya chatuShpatharatAya cha || 30\.219||
kR^iShNA jinottarIyAya vyAlayaj~nopavItine |
IshAnavajrasaMhAya harikesha namo.astu te |
avivekaikanAthAya vyaktAvyakta namo.astu te || 30\.220||
kAma kAmada kAmadhna dhR^iShTodR^iptaniShUdana |
sarva sarvada sarvaj~na sandhyArAga namo.astu te || 30\.221||
mahAbAla mahAbAho mahAsattva mahAdyute |
mahAmeghavaraprekSha mahAkAla namo.astu te || 30\.222||
sthUlajIrNA~NgajaTine valkalAjinadhAriNe |
dIptasUryAgnijaTine valkalAjinavAsase |
sahasrasUryapratima taponitya namo.astu te || 30\.223||
unmAdanashatAvartta ga~NgAtoyArddhamUrddhaja |
chandrAvartta yugAvartta meghAvartta namo.astu te || 30\.224||
tvamannamannakarttA cha annadashcha tvameva hi |
annasraShTA cha paktA cha pakvabhuktapache namaH || 30\.225||
jarAyujo.aNDajashchaiva svedajodbhijja eva cha |
tvameva devadevasho bhUtagrAmashchaturvidhaH || 30\.226 .
charAcharasya brahmA tvaM pratiharttA tvameva cha |
tvameva brahmaviduShAmapi brahmavidAM varaH || 30\.227||
sattvasya paramA yonirabvAyujyotiShAM nidhiH |
R^iksAmAni tatho~NkAramAhustvAM brahmavAdinaH || 30\.228||
havirhAvI havo hAvI huvAM vAchAhutiH sadA |
gAyanti tvAM surashreShTha sAmagA brahmavAdinaH || 30\.229||
yajurmayo R^i~Nmayashcha sAmAtharvamayastathA |
paThyase brahmavidbhistvaM kalpopaniShadAM gaNaiH || 30\.230||
brAhmaNAH kShatriyA vaishyAH shUdrA varNAvarAshcha ye |
tvAmeva meghasa~NghAshcha vishvasta nitagarjjitam || 30\.231||
saMvatsarastvamR^itavo mAsA mAsArddhameva cha |
kalA kAShThA nimeShAshcha nakShatrANi yugA grahAH || 30\.232||
vR^iShANAM kakudaM tvaM hi girINAM shikharANi cha |
siMho mR^igANAM patatAM tArkShyo.anantashcha bhoginAm || 30\.233||
kShIrodo hyudadhInA~ncha yantrANAM dhanureva cha |
vajrampraharaNAnA~ncha vratAnAM satyameva cha || 30\.234||
ichChA dveShashcha rAgashcha mohaH kShAmo damaH shamaH |
vyavasAyo dhR^itirlobhaH kAmakrodhau jayAjayau || 30\.235||
tvaM gadI tvaM sharI chApi khaTvA~NgI jharjharI tathA |
ChettA bhettA praharttA cha tvaM netApyantako mataH || 30\.236||
dashalakShaNasaMyukto dharmo.arthaH kAma eva cha |
indraH samudrAH saritaH palvalAni sarAMsi cha || 30\.237||
latAvallI tR^iNauShadhyaH pashavo mR^igapakShiNaH |
dravyakarmaguNArambhaH kAlapuShpaphalapradaH || 30\.238||
AdishchAntashcha madhyashcha gAyatryo~NkAra eva cha |
harito lohitaH kR^iShNo nIlaH pItastathAruNaH || 30\.239||
kadrushcha kapilashchaiva kapoto mechakastathA |
suvarNaretA vikhyAtaH suvarNashchApyato mataH || 30\.240||
suvarNanAmA cha tathA suvarNapriya eva cha |
tvamindro.atha yamashchaiva varuNo dhanado.analaH || 30\.241||
utphullashchitrabhAnushcha svarbhAnurbhAnureva cha |
hotraM hotA cha homastvaM huta~ncha prahutaM prabhuH || 30\.242||
suparNa~ncha tathA brahma yajuShAM shatarudriyam |
pavitrANAM pavitraM cha ma~NgalAnA~ncha ma~Ngalam || 30\.243||
giriH stokastathA vR^ikSho jIvaH pudgala eva cha |
sattvaM tva~ncha rajastva~ncha tamashcha prajanaM tathA || 30\.244||
prANo.apAnaH samAnashcha udAno vyAna eva cha |
unmeShashchaiva meShashcha tathA jR^imbhitameva cha || 30\.245||
lohitA~Ngo gadI daMShTrI mahAvaktro mahodaraH |
shuchiromA harichChmashrurUrddhvakeshastrilochanaH || 30\.246||
gItavAditranR^ityA~Ngo gItavAdanakapriyaH |
matsyo jalI jalo jalyo javaH kAlaH kalI kalaH || 30\.247||
vikAlashcha sukAlashcha duShkAlaH kalanAshanaH |
mR^ityushchaiva kShayo.antashcha kShamApAyakaro haraH || 30\.248||
saMvarttako.antakashchaiva saMvarttakabalAhakau |
ghaTo ghaTIko ghaNTIko chUDAlolabalo balam || 30\.249||
brahmakAlo.agnivaktrashcha daNDI muNDI cha daNDadhR^ik |
chaturyugashchaturvedashchaturhotrashchatuShpathaH || 30\.250||
chaturA shramavettA cha chAturvarNyakarashcha ha |
kSharAkSharapriyo dhUrtto.agaNyo.agaNyagaNAdhipaH || 30\.251||
rudrAkShamAlyAmbaradharo giriko girikapriyaH |
shilpIshaH shilpinAM shreShThaH sarvashilpapravarttakaH || 30\.252||
bhaganetrAntakashchandraH pUShNo dantavinAshanaH |
gUDhAvarttashcha gUDhashcha gUDhapratiniShevitA || 30\.253||
taraNastArakashchaiva sarvabhUtasutAraNaH |
dhAtA vidhAtA satvAnAM nidhAtA dhAraNo dharaH || 30\.254||
tapo brahma cha satya~ncha brahmacharyamathArjavam |
bhUtAtmA bhUtakR^idbhUto bhUtabhavyabhavodbhavaH || 30\.255||
bhUrbhuvaHsvaritashchaiva tathotpattirmaheshvaraH |
IshAno vIkShaNaH shAnto durdAnto dantanAshanaH || 30\.256||
brahmAvartta surAvartta kAmAvartta namo.astu te |
kAmabimbaniharttA cha karNikArarajaHpriyaH || 30\.257||
mukhachandro bhImamukhaH sumukho durmukho mukhaH |
chaturmukho bahumukho raNe hyabhimukhaH sadA || 30\.258||
hiraNyagarbhaH shakunirmahodadhiH paro virAT |
adharmahA mahAdaNDo daNDadhArI raNapriyaH || 30\.259||
gotamo gopratArashcha govR^iSheshvaravAhanaH |
dharmakR^iddharmasraShTA cha dharmo dharmaviduttamaH || 30\.260||
trailokyagoptA govindo mAnado mAna eva cha |
tiShThan sthirashcha sthANushcha niShkampaH kampa eva cha || 30\.261||
durvAraNo durviShado duHsaho duratikramaH |
durddharo duShprakampashcha durvido durjjayo jayaH || 30\.262||
shashaH shashA~NkaH shamanaH shItoShNaM durjarA.atha tR^iT |
Adhayo vyAdhayashchaiva vyAdhihA vyAdhigashcha ha || 30\.263||
sahyo yaj~no mR^igA vyAdhA vyAdhInAmAkaro.akaraH |
shikhaNDI puNDarIkAkShaH puNDarIkAvalokanaH || 30\.264||
daNDadharaH sadaNDashcha daNDamuNDavibhUShitaH |
viShapo.amR^itapashchaiva surApaH kShIrasomapaH || 30\.265||
madhupashchAjyapashchaiva sarvapashcha mahAbalaH |
vR^iShAshvavAhyo vR^iShabhastathA vR^iShabhalochanaH || 30\.266||
vR^iShabhashchaiva vikhyAto lokAnAM lokasatkR^itaH |
chandrAdityau chakShuShI te hR^idaya~ncha pitAmahaH |
agnirApastathA devo dharmakarmaprasAdhitaH || 30\.267||
na brahmA na cha govindaH purANaR^iShayo na cha |
mAhAtmyaM vedituM shaktA yAthAtathyena te shiva || 30\.268||
yA mUrttayaH susUkShmAste na mahyaM yAnti darshanam |
tAbhirmAM satataM rakSha pitA putramivaurasam || 30\.269||
rakSha mAM rakShaNIyo.ahaM tavAnagha namo.astu te ||
bhaktAnukampI bhagavAn bhaktashchAhaM sadA tvayi || 30\.270||
yaH sahasrANyanekAni puMsAmAhR^itya durddashaH |
tiShThatyekaH samudrAnte sa me goptAstu nityashaH || 30\.271||
yaM vinidrA jitashvAsAH sattvasthAH samadarshinaH |
jyotiH pashyanti yu~njAnAstasmai yogAtmane namaH || 30\.272||
sambhakShya sarva bhUtAni yugAnte samupasthite |
yaH shete jalamadhyasthastaM prapadye.apsushAyinam || 30\.273||
pravishya vadane rAhoryaH somaM grasate nishi |
grasatyarka~ncha svarbhAnurbhUtvA somAgnireva cha || 30\.274||
ye.a~NguShThamAtrAH puruShA dehasthAH sarvadehinAm |
rakShantu te hi mAM nityaM nityamApyAyayantu mAm || 30\.275||
ye chApyutpatitA garbhAdadhobhAgagatAshcha ye |
teShAM svAhAH svadhAshchaiva Apnuvantu svadantu cha || 30\.276||
ye na rodanti dehasthAH prANino rodayanti cha |
harShayanti cha hR^iShyanti namastebhyo.astu nityashaH || 30\.277||
ye samudre nadIdurge parvateShu guhAsu cha |
vR^ikShamUleShu goShTheShu kAntAragahaneShu na || 30\.278||
chatuShpatheShu rathyAsu chatvareShu sabhAsu cha |
chandrArkayormadhyagatA ye cha chandrArkarashmiShu || 30\.279||
rasAtalagatA ye cha ye cha tasmAtpara~NgatAH |
namastebhyo namastebhyo namastebhyashcha nityashaH |
sUkShmAH sthUlAH kR^ishA hrasvA namastebhyastu nityashaH || 30\.280||
sarvastvaM sarvago deva sarvabhUtapatirbhavAn |
sarvabhUtAntarAtmA cha tena tvaM na nimantritaH || 30\.281||
tvameva chejyase yasmAdyaj~nairvividhadakShiNaiH |
tvameva karttA sarvasya tena tvaM na nimantritaH || 30\.282||
atha vA mAyayA deva mohitaH sUkShmayA tvayA |
etasmAt kAraNAdvApi tena tvaM na nimantritaH || 30\.283||
prasIda mama devesha tvameva sharaNaM mama |
tvaM gatistvaM pratiShThA cha na chAnyAsti na me gatiH || 30\.284||
stutvaivaM sa mahAdevaM virarAma prajApatiH |
bhagavAnapi suprItaH punardakShamabhAShata || 30\.285||
parituShTo.asmi te dakSha stavenAnena suvrata |
bahunAtra kimuktena matsamIpaM gamiShyasi || 30\.286||
athainamabravIdvAkyaM trailokyAdhipatirbhavaH |
kR^itvAshvAsakaraM vAkyaM vAkyaj~no vAkyamAhatam || 30\.287||
dakSha dakSha na karttavyo manyurvighnamimaM prati |
ahaM yaj~nahA na tvanyo dR^ishyate tatpurA tvayA || 30\.288||
bhUyashcha taM varamimaM matto gR^ihNIShva suvrata |
prasannavadano bhUtvA tvamekAgramanAH shR^iNu || 30\.289||
ashvamedhasahasrasya vAjapeyashatasya cha |
prajApate matprasAdAt phalabhAgI bhaviShyasi || 30\.290||
vedAn ShaDa~NgAnuddhR^itya sA~NkhyAnyogAMshcha kR^itsnashaH |
tapashcha vipulaM taptvA dushcharaM devadAnavaiH || 30\.291||
arthairddashArddhasaMyuktairgUDhamaprAj~nanirmmitam |
varNAshramakR^itairdharmaiMrviparItaM kvachitsamam || 30\.292||
shrutyarthairadhyavasitaM pashupAshavimokShaNam |
sarveShAmAshramANAntu mayA pAshupataM vratam |
utpAditaM shubhaM dakSha sarvapApavimokShaNam || 30\.293||
asya chIrNasya yatsamyak phalaM bhavati puShkalam |
tadastu te mahAbhAga mAnasastyajyatAM jvaraH || 30\.294||
evamuktvA mahAdevaH sapatnIkaH sahAnugaH |
adarshanamanuprApto dakShasyAmitavikramaH || 30\.295||
avApya cha tadA bhAgaM yathoktaM brahmaNA bhavaH |
jvara~ncha sarvadharmaj~no bahudhA vyabhajattadA |
shAntyarthaM sarvabhUtAnAM shR^iNudhvaM tatra vai dvijAH || 30\.296||
shIrShAbhitApo nAgAnAM parvatAnAM shilArujaH |
apAntu nAlikAM vidyAnnirmokambhujageShvapi || 30\.297||
svaurakaH saurabheyANAmUSharaH pR^ithivItale |
ibhA nAmapi dharmaj~na dR^iShTipratyavarodhanam || 30\.298||
randhrodbhUtaM tathAshvAnAM shikhodbhedashcha barhiNAm |
netrarogaH kokilAnAM jvaraH prokto mahAtmabhiH || 30\.299||
ajAnAM pittabhedashcha sarveShAmiti naH shrutam |
shukAnAmapi sarveShAM himikA prochyate jvaraH |
shArdUleShvapi vai viprAH shramo jvara ihochyate || 30\.300||
mAnuSheShu tu sarvaj~na jvaro nAmaiSha kIrtitaH |
maraNe janmani tathA madhye cha vishate sadA || 30\.301||
etanmAheshvaraM tejo jvaro nAma sudAruNaH |
namasyashchaiva mAnyashcha sarvaprANibhirIshvaraH || 30\.302||
imAM jvarotpattimadInamAnasaH paThetsadA yaH susamAhito naraH |
vimuktarogaH sa naro mudA yuto labheta kAmAn sa yathAmanIShitAn || 30\.303||
dakShaproktaM stava~nchApi kIrttayedyaH shR^iNoti vA |
nAshubhaM prApnuyAt ki~nchiddIrgha~nchAyuravApnuyAt || 30\.304||
yathA sarveShu deveShu variShTho yogavAn haraH |
tathA stavo variShTho.ayaM stavAnAM brahmanirmitaH || 30\.305||
yashorAjyasukhaishvaryavittAyurdhanakA~NkShibhiH |
stotavyo bhaktimAsthAya vidyAkAmaishcha yatnataH || 30\.306||
vyAdhito duHkhito dInashchauratrasto bhayArditaH |
rAjakAryaniyukto vA muchyate mahato bhayAt || 30\.307||
anena chaiva dehena gaNAnAM sa gaNAdhipaH |
iha loke sukhaM prApya gaNa evopapadyate || 30\.308||
na cha yakShAH pishAchA vA na nAgA na vinAyakAH |
kuryurvighnaM gR^ihe tasya yatra saMstUyate bhavaH || 30\.309||
shR^iNuyAdvA idaM nArI subhaktyA brahmachAriNI |
pitR^ibhirbhartR^ipakShAbhyAM pUjyA bhavati devavat || 30\.310||
shR^iNuyAdvA idaM sarvaM kIrttayedvApyabhIkShNashaH |
tasya sarvANi kAryANi siddhiM gachChantyavighnataH || 30\.311||
manasA chintitaM yachcha yachcha vAchApyudAhR^itam |
sarvaM sampadyate tasya stavanasyAnukIrttanAt || 30\.312||
devasya saguhasyAtha devyA nandIshvarasya tu |
baliM vibhavataH kR^itvA damena niyamena cha || 30\.313||
tataH sa yukto gR^ihNIyAnnAmAnyAshu yathAkramam |
IpsitAn labhate.atyarthaM kAmAn bhogAMshcha mAnavaH |
mR^itashcha svargamApnoti strIsahasraparivR^itaH || 30\.314||
sarva karmasu yukto vA yukto vA sarvapAtakaiH |
paThan dakShakR^itaM stotraM sarvapApaiH pramuchyate |
mR^itashcha gaNasAlokyaM pUjyamAnaH surAsuraiH || 30\.315||
vR^iSheva vidhiyuktena vimAnena virAjate |
AbhUtasamplavasthAyI rudrasyAnucharo bhavet || 30\.316||
ityAha bhagavAn vyAsaH parAsharasutaH prabhuH |
naitadvedayate kashchinnedaM shrAvyantu kasyachit || 30\.317||
shrutvaitatparamaM guhyaM ye.api syuH pApakAriNaH |
vaishyAH striyashcha shUdrAshcha rudralokamavApnuyuH || 30\.318||
shrAvayedyastu viprebhyaH sadA parvasu parvasu |
rudralokamavApnoti dvijo vai nAtra saMshayaH || 30\.319||
iti shrImahApurANe vAyuprokte dakShashApavarNanaM nAma triMsho.adhyAyaH || 30||

##

Encoded by Sivakumar Thyagarajan shivakumar24 at gmail.com
Also available at http://sa.wikisource.org Vayupurana Adhyaya 30
starting at verse 180.  This shivasahasranAma stotra is referenced
in Purana Index for sahasranAmastotra.
Proofread NA.

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}