% Text title            : Vyasakritam Shivasantatapujanavarnanam
% File name             : shivasantatapUjanavarNanaMvyAsakRRitam.itx
% Category              : shiva, pUjA, shivarahasya
% Location              : doc\_shiva
% Proofread by          : Ruma Dewan
% Description/comments  : shrIshivarahasyam | harAkhyaH tRitIyAMshaH | pUrvArdham | adhyAyaH 49| 101-115||
% Latest update         : May 6, 2023
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Vyasakritam Shivasantatapujanavarnanam ..}##
\itxtitle{.. vyAsakR^itaM shivasantatapUjanavarNanam ..}##\endtitles ##
avichChinnA nIradhArA shivali~Nge manoharA |
kalpanIyA saiva dhArA shivasantatapUjanam || 1||
shivasantatapUjAyAH phalamapyuchyate shR^iNu |
yasya shravaNamAtreNa tasya bhaktiH prajAyate || 2||
jaladhArA muktidhArA pApadhArApahAriNI |
dhArArUpANi pApAni nashyanti jaladhArayA || 3||
avichChinnAni pApAni jalAvichChinnadhArayA |
vinashyantIti sA li~Nge kalpanIyA sadA dvijaiH || 4||
dharmakAle visheSheNa jaladhArAprakalpanam |
shivali~NgeShu kartavyaM tena pApalayo bhavet || 5||
ataH pApalayodyogaH kartavyo nIradhArayA |
shodhitaM nIramAdAya sugandhadravyasaMyutam || 6||
patraiH phalairvA puShpairvA navadurgA~Nkurairapi |
jalairapi prakurvanti munayaH shivapUjanam || 7||
jalaM datvA maheshAya yatphalaM samavApyate |
tatphalaM kena vA samyagvarNanIyaM nR^ipottama || 8||
shivArchanena sid.hdhyanti sarve kAmAH shrutishrutAH |
anAyAsena martyAnAM shubhadaM shivapUjanam || 9||
apArakaruNAsArasAgaraH sha~NkaraH paraH |
bhaktyA dattaM phalaM patraM gR^ihNAti shubhadAyakaH || 10||
tasya sampUrNakAmasya nityAnandasya vastutaH |
toSho jalArpaNenApi jAyate tat kilAdbhutam || 11||
prachChinnAnyapi shuShkANi bilvapatrANi sha~NkaraH |
gR^ihNAti vipulaM bhAgyaM datvA bhaktAya sAdaram || 12||
shivasya karuNAsindhormahimApi mahAn khalu |
svabhaktadayayA gR^ihNAtyambu patraM cha ki~nchana || 13||
nArAdhayanti sahasA karuNAsAgaraM haram |
na taratyapi saMsArasAgaraM pAtakAkaram || 14||
bhaktyA devashiromaNiH suramaNirdvitrANi patrANi vA
      nIraM vA kusumaM phalaM maNimaye li~Nge.anyali~Nge.api vA |
dattaM bhasmavibhUShitena kR^ipayA gR^ihNAtyanugrAhako
      dAtR^itvavyasanAt prayachChati mahat bhAgyaM bhavAnIpatiH || 15||

|| iti shivarahasyAntargate vyAsakR^itaM shivasantatapUjanavarNanaM sampUrNam ||
\- || shrIshivarahasyam | harAkhyaH tR^itIyAMshaH | pUrvArdham | adhyAyaH 49| 101\-115||
##
- .. shrIshivarahasyam . harAkhyaH tRRitIyAMshaH . pUrvArdham . adhyAyaH 49. 101-115..

Proofread by Ruma Dewan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}